بكاء الأب عند زواج ابنته غيرة أم فرحة؟

[اغابي]

بكاء الأب عند زواج ابنته غيرة أم فرحة؟

دموع الرجل غالية لأنها لا تذرف بسهولة فالدموع شكل من أشكال التعبير عن المشاعر وبالتالي هي غير مقتصرة على المرأة فقط بل على الرجل أيضاً ، ولكن البكاء يختلف من شخص لآخر وحسب المواقف التي يمر بها فهناك دموع صامتة يبكيها الرجل داخل نفسه ليحاول أن يجعل من حوله أن يتماسكوا .أما النوع الثاني هي الدموع التي تظهر والتي يظل الرجل يجاهد لحبسها داخله حتى لا تظهر ويبكيها الرجل عندما يكون في قمة ضعفه وانكساره فتدمع عيناه من هذا الانكسار ويمكن أن يبكي الرجل عندما يشعر بالندم على فقدان شيء مهم في حياته كزواج ابنته مثلاً فهذه المناسبة يبكي فيها معظم الرجال وينتابهم مشاعر وأحاسيس مختلفة عندما يفارقون ابنتهم ويودعونها إلى بيت الزوجية ، فلماذا يبكي الأب عند زواج ابنته ؟ سؤال طرحه " لهــنّ " على البعض .

غيرة وقلق

أمال أن هذا الشعور يجب أن يكون طبيعي بالنسبة للآباء مضيفة أن كل أب وأم يبحثون عن أفضل الأساليب لإسعاد أبنائهم فلماذا يبكي الأب على بعدها ، من باب أولي أن تبكي الأم لأنها هي التي ربت وأرضعت فغريزة الأمومة هي التي تجعلها تبكي على فراقها وبعدها عنها .

وتضيف د. أمال أن هناك مشاعر طبيعية وسوية وأخري غير سوية وشاذة عند بعض الآباء وضربت مثل بالعلاقات المحرمة التي تتم بين الأب وابنته أي أن الأب يستخدم ابنته في علاقة جنسية محرمة ومن هنا يفضل أن تظل له هو فقط ويحارب لكي لا تفارقه أبداً وهذه الكارثة الكبرى .

دموع الفرح

أن دموع الأب هذه تكون دموع فرح وليست حزن على زواج ابنته ، وذلك لأن كل أب يتمني لابنته أن تعيش حياة سعيدة وجميلة وناجحة أفضل من الحياة التي يعيشها ، وعندما يتم المراد وتتزوج البنت يسعد بهذه المناسبة خاصة وأننا في مجتمع شرقي يفضل زواج الفتيات في سن مبكر من باب " الستر " .

لذا فالحزن والدموع في عيون الأب يوم الزفاف تكون نابعة من قلب الأب وسعادته بأنه أوصلها إلى بر الأمان وحقق لها كل ما تتمناه .

ويؤكد د. رفعت أن الأب لا يغير على ابنته من زوجها فهذه تفسيرات خاطئة وشائعة في المجتمع فالأب يتمني لابنته ارتباط جيد لذا فهو يحرص على معاملة زوج ابنته معاملة جيدة أي مثل الابن حتي تعيش ابنته حياة سعيدة ، فهو لا يغير منه خاصة إذا كان رجل يتميز بمكارم الأخلاق ويتمتع بشخصية سوية توفر لها الحماية والاهتمام والحب .

[م تيمور المراغي]

انا بنتي لما جوزتها من عشرين سنه تقريبا ,, كنت فرحان جدا انا فاكر وقتها ,,

فعلا ايام زمان دي مش حتتعوض تاني ابدا ,, :happy:

[زهرة الجبل]

لا أعرف لماذا لم أستطع ان أتخيل سبباً لهذه الدموع أوقع من ان يكون وراءها صعوبة الشعور بإنفصال الإبنه عن أبيها و بـُعدها النسبي عنه

نعم قد تكون دموع الفرحه أحياناً .. لكن هذا لا يمنع أبداً أن يتخللها شئ من عدم تحمل فكرة أن تبتعد إبنة أبيها المدلـلَـه عن ناظريه

هذا رأيي في الموضوع

لكن لي تعليق على المقال الذي إقتبستيه يا أغابي

مضيفة أن كل أب وأم يبحثون عن أفضل الأساليب لإسعاد أبنائهم فلماذا يبكي الأب على بعدها ، من باب أولي أن تبكي الأم لأنها هي التي ربت وأرضعت فغريزة الأمومة هي التي تجعلها تبكي على فراقها وبعدها عنها .

لا أعتقد أبداً أن هناك فرق بين الأم و الأب في هذه الشاعر تجاه الأبناء عموماً

فليس معنى أن الأم هي التي حملت و أرضعت و ربَّـت أنها أحق بالقرب من الأبناء عاطفياً

خاصة البنات .. و كلنا يعرف أن غالباً الآباء يـُكــَـوِنون علاقه أفضل ببناتهم من علاقاتهم بأبنائم

البنت حبيبة أبيها كما نقول

و عليه فإن الدموع ليلة زفافها هي حق مكفول لكلا الوالدين:happy:

إستوقفتني أيضاً هذه الجمله

لذا فالحزن والدموع في عيون الأب يوم الزفاف تكون نابعة من قلب الأب وسعادته بأنه أوصلها إلى بر الأمان وحقق لها كل ما تتمناه .

مبدئياً من غير المنطقي القول بأن الحزن نابع من السعاده ... و مؤكد أن صائغ هذه الجمله خانه التعبير

قد تكون حقاً دموع الفرحه ... لكن إن تعددت الأسباب فلا يمكن للحزن أن يتواجد بينها

اللهم إلا إذا تنامى الشعور بإستصعاب الإنفصال النسبي عن بيت الأب و وصوله إلى مرتبة الحزن

و عندها ستتغلب تلك المشاعر على أي شئ آخر و يصبح من الصعب التفكير في السعاده بأنه حقق لها ما تتمنى

****

ربنا يكتر أفراحك يا أغابي ... لكن بلا دموع

:roseop:

تحياتي

أم كريم

تم تعديل 13 ديسمبر 2010 بواسطة زهرة الجبل

[جويرية]

وتضيف د. أمال أن هناك مشاعر طبيعية وسوية وأخري غير سوية وشاذة عند بعض الآباء وضربت مثل بالعلاقات المحرمة التي تتم بين الأب وابنته أي أن الأب يستخدم ابنته في علاقة جنسية محرمة ومن هنا يفضل أن تظل له هو فقط ويحارب لكي لا تفارقه أبداً وهذه الكارثة الكبرى

؟؟؟؟؟؟؟؟؟؟

لا حول ولا قوة ألا بالله

مين أمال دي ؟

[se_ Elsyed]

فرحه طبعاً عشان

مشيت وفضت مكان لاخوتها

[akramgroup]

هو طبعا انا بنتى عندها لسه سنه ونص بس انا مش متخيل ان فى حد يجى ياخدها منى

وتبعد عنى

مش عارف بقى لما تكبر ان شاء الله ممكن الاحساس ده يختلف ولا هايفضل كده يارب يختلف

احسن مش هارضى اجوزها لحد من اساسه

تم تعديل 13 ديسمبر 2010 بواسطة akramgroup

[جسار]

غالبا يكون بكاء الآباء عند فراق بناتهم وزواجهم من اولاد الحلال ، بيكون علشان

التفكير فى الديون والقروض المتلتلة اللى أتدبس فيها الاب فى جواز بنته ومطلوب

منه بعد الهيصة والزمبليطة انه يقوم بتسديدها !!!

[Howayda Ismail]

اظن يا اغابى البكاء ده شئ مستحدث دلوقت

وسبب بكاءه انه بدل ماكان مستضيف واحدة بيصرف عليها ويوكلهااصبحوا اثنين

بمعنى حالات كتيرة دلوقت العروسة تقضى يوم فى بيتها وباقى الاسبوع عند ابوها ماتعرفيش دلع بنات مش عارفة تعمل

حاجة فى بيتها لاعتمادها على امها او حالتهم الاقتصادية تجبرهم يكملوا الشهر عند ابوها

الكارثة الاكبر شقة الايجار قانون جديد اللى بيعجز العريس عن التسديد بعد شهرين تلاتة او حتى سنة لاى طارئ

وهب تلاقيه مجمع العفش وملقحه عند حماه

ليه حق يصوت مش يعيط لما يتحمل نفقات جهازها وبعد كده ولادتها والسبوع وغيره وغيره

حاجات كتير غير المشاعر لان البنات حبيبة ابوها وحتى لو اتجوزوا مش بيبعدوا عن اهاليهم

[اغابي]

انا مش عارفة السبب

بس بجد مش ممكن انسي لما بابا كان ماسك ايدي وبيسلمنى لجوزى

وفعلا كان بيبكى جامد وانا مش فاهمة فى ايه

لكن ممكن اعرف دلوقتى اننا افترقنا - وبعدت عن اهلى فترة كبيرة

ولو قولتلكم انى بشوف بابا كل فترات بعيدة ممكن سنتين او اكتر

يبقى حتعرفوا هو ليه كان بيبكى

[م تيمور المراغي]

اظن يا اغابى البكاء ده شئ مستحدث دلوقت

وسبب بكاءه انه بدل ماكان مستضيف واحدة بيصرف عليها ويوكلهااصبحوا اثنين

بمعنى حالات كتيرة دلوقت العروسة تقضى يوم فى بيتها وباقى الاسبوع عند ابوها ماتعرفيش دلع بنات مش عارفة تعمل

حاجة فى بيتها لاعتمادها على امها او حالتهم الاقتصادية تجبرهم يكملوا الشهر عند ابوها

الكارثة الاكبر شقة الايجار قانون جديد اللى بيعجز العريس عن التسديد بعد شهرين تلاتة او حتى سنة لاى طارئ

وهب تلاقيه مجمع العفش وملقحه عند حماه

ليه حق يصوت مش يعيط لما يتحمل نفقات جهازها وبعد كده ولادتها والسبوع وغيره وغيره

حاجات كتير غير المشاعر لان البنات حبيبة ابوها وحتى لو اتجوزوا مش بيبعدوا عن اهاليهم

يا خبر يا مدام هند على الفيلم الرهيب ده :happy:

سيناريو محكم فيه بدايه - التمهيد - ووسط - العقده - ثم النهايه - لحظة التنوير ,,

انت اكيد كنتي بتكتبي قصه قصيره قبل كده ,,

صح ؟

[Howayda Ismail]

اظن يا اغابى البكاء ده شئ مستحدث دلوقت

وسبب بكاءه انه بدل ماكان مستضيف واحدة بيصرف عليها ويوكلهااصبحوا اثنين

بمعنى حالات كتيرة دلوقت العروسة تقضى يوم فى بيتها وباقى الاسبوع عند ابوها ماتعرفيش دلع بنات مش عارفة تعمل

حاجة فى بيتها لاعتمادها على امها او حالتهم الاقتصادية تجبرهم يكملوا الشهر عند ابوها

الكارثة الاكبر شقة الايجار قانون جديد اللى بيعجز العريس عن التسديد بعد شهرين تلاتة او حتى سنة لاى طارئ

وهب تلاقيه مجمع العفش وملقحه عند حماه

ليه حق يصوت مش يعيط لما يتحمل نفقات جهازها وبعد كده ولادتها والسبوع وغيره وغيره

حاجات كتير غير المشاعر لان البنات حبيبة ابوها وحتى لو اتجوزوا مش بيبعدوا عن اهاليهم

يا خبر يا مدام هند على الفيلم الرهيب ده :happy:

سيناريو محكم فيه بدايه - التمهيد - ووسط - العقده - ثم النهايه - لحظة التنوير ,,

انت اكيد كنتي بتكتبي قصه قصيره قبل كده ,,

صح ؟

لا دى قصص واقعية من حكاوى الاصحاب والمعارف ولاقارب

[عنبو]

دموع الاب بتكون على الزوج مش على بنته

لان الزوج بيكون لبس فى الحيط الله يعينه

_______________________

انا لحد دلوقتى وطول عمرى وانا مش صغير يعنى

مشفتش فى حياتى اب بكى وهو بيزوج بنته

ولكن شفت ام بكت شويه كده ومش علشان حاجه

علشان مش هتلاقى حد يساعدها فى شغل البيت

دى وجهة نظر

[مصطفى يونس]

اويد راى سى السيد

[Alshiekh]

الفراق ، حيث ستفارقه بنته ولن يرى وجهها كما اعتاد

الفرحة ، تماما كفرحة يوم تخرجها.

والقلق ، القلق عليها بعد أن تنتقل إلى الحياة الواقعية مع زوج لم يظهر كل ماعنده بعد.

[اغابي]

جميع الاباء يحزنون لفراق بناتهم

ولكن لكل منهم التعبير بطريقته عن هذا الحزن - فاحيانا بالدموع واحيانا بدون دموع

ولكن الكل متاكدون ان فراق الابناء ليس بالشيء الهين او البسيط ويستحق الالم

فالاب فى النهاية هو من ربى وتعب وسهر حتى يجعل ابناؤه متميزين ويكون دوما فخورا بهم

لا نختلف ابدا مهما اختلفت اراؤنا فى تحليل هذه النقطة

لان الاب يزرف الدمع حزنا لفراق ابنته حتى وان كان الامر مستتر

تم تعديل 13 ديسمبر 2010 بواسطة اغابي

[لماضة مصرية جدا]

السلام عليكم و رحمة الله و بركاته

مش هتكلم عن الدموع عشان انا بحترم جدا الانسان اللي يقدر عن مشاعره....سواء راجل او ست....و ميهموش اوي اللي قدامه يعني هيقول عليه ايه

دموع بابا......غالية عندي اوي

و شفتها مرتين في حياتي

الاولانية......يعني مش هقدر اتكلم عنها

التانية لما اول مرة اخدت قرار اني اسافر.....مع انه هو شخصيا بيسافر طول الوقت....لكن حسيت انه اتاثر اوي من فكرة انه مرة يرجع من السفر و مش هيلاقيني....و هتاخدني الدنيا لعالم تاني

يمكن مش فاكرة انا قولت ايه....بس فاكرة انه اداني حضن كبيراوي اوي....

حضن دافي اوي....

كل ما بتوجع في السفر....

كل ما بيطمني ان الحضن ده مستنيني

متهيالي برضه لما اتجوز باذن الله...

بابا مش هيبكي.....

بس هيديني نفس الحضن الدافي اوي.....

اللي بيقولي في كل ضمة فيه.....

اني مهما كبرت....

بس لسه البت الكلبوظة الصغنتتة حبيبته

و مهما اتحبيت من حد تاني....مش ممكن هتحب من حد اده

و مهما بعدت.....هفضل قريبة

و مهما مرجيحة الدنيا حدفتني لفوق...او لتحت...هيفضل الحضن ده...ملاذي الامن جدا

كفاية اني اعرف انه دايما موجود....و عشاني انا بس بلا منازع

مفتقدة بابا....

و مفتقدة حضنه.....

و عجبني التوبيك

و ميرسي يا غيبو

[لماضة مصرية جدا]

دموع الاب بتكون على الزوج مش على بنته

لان الزوج بيكون لبس فى الحيط الله يعينه

_______________________

انا لحد دلوقتى وطول عمرى وانا مش صغير يعنى

مشفتش فى حياتى اب بكى وهو بيزوج بنته

ولكن شفت ام بكت شويه كده ومش علشان حاجه

علشان مش هتلاقى حد يساعدها فى شغل البيت

دى وجهة نظر

السلام عليكم و رحمة الله و بركاته

عنبو....انا زعلانة منك....اوي كمان

انا كنت في مود حلو اوي من شوية.....و لسه هقرا المداخلات قوووووم ايه لبست في الحيط

ليه كده يا عنبوووف

انت واقعي اوي ده حقيقي

بس لبس في الحيط دي خلتني اتخرشم خالص

بهزر معاك طبعا

ع فكرة بقي

بابا...مش هيبكي...(لانه مستعد يدي لزوجي ستريو سماعات هدية)

ماما مش هتبكي.....(لاني اصلا مبساعدشي في شغل البيت...لكن باحتراف بساعد في نكش البيت)

زوجي....مش هيبكي....(لأني متأكدة انه هيحبني اوي)

بس الاكيد اني انا اللي...هتقطع......لاني هضحي بايام كنت بعيشها مع نفسي....و هضطر اشارك تفاصيلي مع كائن فضائي هلامي....غريب....(وصف شاعري اهه....اخو الحيط اللي انت حدفتنا بيها فوق)

مسا يا عنبي....فرح...يطير بيك للسما السابعة....يا رب