كيف استطاعوا .....و كيف نستطيع

[مغتربة]

بجد و الله العظيم ما قادره افهم

بصوا على الصوره دى كدا

عارفين دا مين

داالانتحارى الى فجر نفسه فى استوكهولم امبارح

تيمور عبدالوهاب

مين المسئول عن كدا

مين المسئول عن تحويل شاب مثقف متعلم زى دا يشهد له كل جيرانه بالسماحه و التفتح فى التعامل لانتحارى يفجر نفسه فى الشارع علشان يقتل الناس الابرياء

ازاى بيقدروا يعملولهم غسيل مخ بالشكل دا ازاى بيقدروا يقنعوهم بسهوله انهم يتحولوا لارهابيين

ايه الى الاسلام هيستفيده من انه يفجر نفسه فى الشارع علشان يموت ناس ابرياء مدنين حرم الاسلام المساس بيهم و الادهى من كدا انه اختار اكتر احياء استوكهولم ازدحاما ( بالمسلمين ) يعنى بيفجر نفسه وسط مسلمين

من اقنعه ان دا حلال مين اقنعه ان دا يرضى ربنا او انه بيخدم الاسلام

الادهى ان فى ناس على النت بتحتفى بيه و بالى عمله دا جهل منهم و لا تغييب و لا ايه بالضبط

الموضوع خطير جدا لانهم مش بس بيقدروا يوصلوا لصغار السن او قليلى التعليم لا دا بالشكل دا نعرف انهم بينجحوا فى الوصول حتى للناس العاديه المثقفه المتعلمه

ازاى نقدر نحمى شبابنا من الفكر دا ان يتسرب ليهم من غير ما نحس ازاى نقدر نمنع معاول الهدم دول من انهم يضحكوا على الناس و يفهموهم ان دا جهاد من اجل الاسلام

حد يفهمنى فين الجهاد فى الى عمله و الى غيره كتير عمله برضه بنفس الشكل

كل ما اشوف المواضيع دى افتكر حديث الرسول صلى الله عليه و سلم

فقد أخرج الإمامان البخارى ومسلم فى صحيحيهما من حديث حذيفة بن اليمان قال : كَانَ النَّاسُ يَسْأَلُونَ رَسُولَ اللَّهِ صَلَّى اللَّهُ عَلَيْهِ وَسَلَّمَ عَنْ الْخَيْرِ وَكُنْتُ أَسْأَلُهُ عَنْ الشَّرِّ مَخَافَةَ أَنْ يُدْرِكَنِي فَقُلْتُ : يَا رَسُولَ اللَّهِ إِنَّا كُنَّا فِي جَاهِلِيَّةٍ وَشَرٍّ فَجَاءَنَا اللَّهُ بِهَذَا الْخَيْرِ فَهَلْ بَعْدَ هَذَا الْخَيْرِ مِنْ شَرٍّ؟ قَالَ : "نَعَمْ" قُلْتُ : وَهَلْ بَعْدَ ذَلِكَ الشَّرِّ مِنْ خَيْرٍ؟ قَالَ : "نَعَمْ وَفِيهِ دَخَنٌ" قُلْتُ : وَمَا دَخَنُهُ؟ قَالَ : "قَوْمٌ يَهْدُونَ بِغَيْرِ هَدْيِي - وفى رواية ويستنون بغير سنتي - تَعْرِفُ مِنْهُمْ وَتُنْكِرُ" قُلْتُ : فَهَلْ بَعْدَ ذَلِكَ الْخَيْرِ مِنْ شَرٍّ؟ قَالَ : "نَعَمْ دُعَاةٌ عَلَى أَبْوَابِ جَهَنَّمَ مَنْ أَجَابَهُمْ إِلَيْهَا قَذَفُوهُ فِيهَا" قُلْتُ : يَا رَسُولَ اللَّهِ صِفْهُمْ لَنَا ، قَالَ : "هُمْ مِنْ جِلْدَتِنَا وَيَتَكَلَّمُونَ بِأَلْسِنَتِنَا" قُلْتُ : فَمَا تَأْمُرُنِي إِنْ أَدْرَكَنِي ذَلِكَ؟ قَالَ : "تَلْزَمُ جَمَاعَةَ الْمُسْلِمِينَ وَإِمَامَهُمْ" قُلْتُ : فَإِنْ لَمْ يَكُنْ لَهُمْ جَمَاعَةٌ وَلَا إِمَامٌ؟ قَالَ : "فَاعْتَزِلْ تِلْكَ الْفِرَقَ كُلَّهَا وَلَوْ أَنْ تَعَضَّ بِأَصْلِ شَجَرَةٍ حَتَّى يُدْرِكَكَ الْمَوْتُ وَأَنْتَ عَلَى ذَلِكَ".

صدقت يا رسول الله فوالله ما شيىء حذرتنا منه الا و رايناه يتحقق امامنا

لكن الغريب انه هناك منا من يبارك و يشجع رغم حديثك الواضح

اللهم احفظنا ممن يريدون فتنتنا فى دينك و اهدهم يا ارحم الراحمين

انا هنا علشان اسال عن الاسباب و اعرف طرق التصدى و الحمايه من الفكر دا انه يتوغل بينا اكتر من كدا

كيف استطاعوا ان يحولوا و كيف نستطيع ان نحمى الاخرين من نفس المصير

خلينى بس احط لكم صورة فى الاخر

لا تعليق

[م تيمور المراغي]

لا حول ولا قوة الا بالله ,,

عشان يستريحوا دعاة الغلظه والتشدد والتزمت ,,

ولي عوده في الموضوع ان شاء الله ,,

[Dreamwithme]

القضية خطيرة جدا وأسوء أنواع الارهاب اللي بيكون مبني علي معتقد ديني

وللأسف بيسئ للدين كثيرا ...واللي علماء الدين المعتدلين بيبنوه في سنين في اظهار صورة الاسلام الحقيقية للغرب يجي موقف زي ده يهده في ثانية

أعتقد السبب هو الجهل بحقيقة الدين يعني أينعم هو شاب متعلم ومثقف وكل حاجة لكن أكيد لم يكن لديه دراية جيدة بتعاليم الاسلام الصحيحة

فبالتالي لما حد يجي يقنعه بهذه الأفكار وللأسف بيستخدموا وقتها أحاديث وآيات قرآنية ويفسروها بالطريقة اللي تبيح هذه التصرفات

طالما الشخص مش عارف التفسير الحقيقي للنصوص سهل جدا يصدق إن ده فعلا من الدين طالما الشخص اللي بيدعوه لكده شيخ

المصيبة الأكبر هو شماتة وفرحة بعض الناس بهذه الأحداث فعلا ببقي مش قادرة أصدق

ففي رأيي الأمية الدينية هي السبب لأن لو الواحد فاهم كويس محدش يقدر يضحك عليه ويقنعه أن ده الجهاد الحق وأنه رايح الجنة.

[مغتربة]

لا حول ولا قوة الا بالله ,,

عشان يستريحوا دعاة الغلظه والتشدد والتزمت ,,

ولي عوده في الموضوع ان شاء الله ,,

الغريبه ان هذا الشخص و على حسب شهاده جيرانه لم تكن تظهر عليه مظاهر التشدد الدينى

لا اعتقد ان المدخل الذى وصلوا له به هو التدين و لكن اعتقد هو احساسه بالاحباط

هو عراقى الجنسيه و بالتاكيد غاضب مما يحدث فى بلده

على حسب وصيته التى تركها انه قام بالعمليه كنوع من رد الجميل لقاعده العراق

لكن ما لا استطيع ان افهمه حقا هو كيف استطاعوا اقناعه بمشروعيه ما عمل بالطريقه التى ظهرت بها دون ان يسبب له هذا اشكاليه فكريه او حتى محاوله للتيقن قبل الاقدام

[مغتربة]

القضية خطيرة جدا وأسوء أنواع الارهاب اللي بيكون مبني علي معتقد ديني

وللأسف بيسئ للدين كثيرا ...واللي علماء الدين المعتدلين بيبنوه في سنين في اظهار صورة الاسلام الحقيقية للغرب يجي موقف زي ده يهده في ثانية

أعتقد السبب هو الجهل بحقيقة الدين يعني أينعم هو شاب متعلم ومثقف وكل حاجة لكن أكيد لم يكن لديه دراية جيدة بتعاليم الاسلام الصحيحة

فبالتالي لما حد يجي يقنعه بهذه الأفكار وللأسف بيستخدموا وقتها أحاديث وآيات قرآنية ويفسروها بالطريقة اللي تبيح هذه التصرفات

طالما الشخص مش عارف التفسير الحقيقي للنصوص سهل جدا يصدق إن ده فعلا من الدين طالما الشخص اللي بيدعوه لكده شيخ

المصيبة الأكبر هو شماتة وفرحة بعض الناس بهذه الأحداث فعلا ببقي مش قادرة أصدق

ففي رأيي الأمية الدينية هي السبب لأن لو الواحد فاهم كويس محدش يقدر يضحك عليه ويقنعه أن ده الجهاد الحق وأنه رايح الجنة.

حطيتى ايدك يا دريم على نفس ما استوقفنى

كل الجهود التى تبذل لتعريف الناس بديننا الصحيح و تصحيح كل الافكار المغلوطه عنه و الدفاع عنه

ثم تاتى حادثه واحده كهذه لتدمر قسم كبير من هذا المجهود و تعيدنا خطوات كثيره الى الوراء

الموضوع قسم كبير منه الاميه سببه الدينيه لكنه مش كل الاسباب هناك الاحباط او الشعور بالغضب

عوامل كتير ممكن تؤدى لتحويل شخص معتدل فى ثانيه للنوذج الى احنا بنناقشه الان

لكن فعلا الغريبه الناس الى بتشجع معرفش جهلا منها و لا تشدد و لا ايه

[Alshiekh]

موضوع مشابه ويثير نفس التساؤلات،

كيف يمكن " غسل دماغ " طبيب فى نهاية العقد الرابع من عمره