اختبارهل أنت عايش سنك؟

[Dreamwithme]

السلام عليكم ورحمة الله وبركاته

أختبار نفسي آخر يكشف عن عمرك الحقيقي.....هل تعيش سنك فعلا أم إن روحك أصغر سنا أو أكبر من سنك؟

الاختبار طبعا منقووول

هناك من تنظر له وتشعر أن عمره مئات السنوات؛ إلا أنه في الحقيقة لم يُكمل عامه العشرين بعد!! وقد يقول البعض: إني لم أعش إلا بضع سنوات، وقبل ذلك كان عمري ضائعاً! وهذا قد يكون حقيقياً.

وقد تكون في ريعان الشباب ولكن يتّهمك البعض بأنك كالأطفال حتى في مظهرهم؛ لذلك إذا كنت تريد أن تكتشف عمرك الحقيقي،

أجب عن الأسئلة التالية.

لحساب نتيجتك:

- أعطِ نفسك درجة واحدة عند اختيارك للإجابة (أ)، ودرجتين عند اختيارك للإجابة (ب)، وثلاث درجات عند اختيارك للإجابة (ج).

1- هل تحلم بمنزل خاص تعيش فيه بمفردك؟

أ‌- لا

ب‌- أحياناً

ج‌- نعم

2- هل تشعر أن الحياة جميلة برغم كل ضغوطها؟

أ‌- نعم

ب‌- أحياناً

ج- لا

3- هل تُحب دائماً مرافقة أشخاص أصغر منك سناً؟

أ‌- نعم

ب‌- أحياناً

ج- لا

4- هل تسترجع الذكريات السعيدة في حياتك دائماً؟

أ‌- نعم

ب‌- أحياناً

ج‌- لا

5- هل الحياة في نظرك أيامُها معدودة؟

أ‌- لا

ب‌- أحياناً

ج‌- نعم

6- هل تحب القصص العاطفية أو الأفلام الرومانسية؟

أ‌- لا

ب‌- أحياناً

ج- نعم

7- هل تخاف التقدم بالعمر وتَبِعَاته؟

أ‌- لا

ب‌- أحياناً

ج‌- نعم

8- هل ترى إمكانية حدوث حالة حب في عمر الستين؟

أ‌- نعم

ب‌- أحياناً

ج‌- لا

9- هل تعتقد أن الاستمتاع بالحياة ممكن بكل المراحل العمرية، كل مرحلة بما يناسبها؟

أ‌- نعم

ب‌- أحياناً

ج- لا

10- هل تؤمن بأن طول العمر يزيد من معرفة الإنسان؟

أ‌- نعم

ب‌- أحياناً

ج- لا

التحليل:

إذا حصلت على مجموع درجات يتراوح ما بين 10 إلى 15:

هذا يدل على أنك تمتلك حساً طفولياً وعفوية واضحة، وتبدو من خلال ردود أفعالك البريئة، كما أنك تملك قلباً طيباً لا يعرف الضغينة والأحقاد، ويبدو أنك أقلّ من عمرك الحقيقي، هذا بالإضافة إلى كونك مرحاً وتحب الحياة، وطَموح، وتنظر للمستقبل بتفاؤل؛ لكنك قد تُسَفّهُ كثيراً من الأمور الهامة، وهذا قد يضيّع عليك فُرَصاً كثيرة.

إذا حصلت على مجموع درجات يتراوح ما بين 16 إلى 22:

أنت عقلاني، متفهّم، ورصين، تحلم بمستقبل هادئ، وتعيش عمرك تماماً، بكل ملامحه بالشكل المتوافق مع كل مرحلة عمرية تمرّ فيها.. فتعيش سنّك الحقيقي كما هو.

إذا حصلت على مجموع درجات يتراوح ما بين 23 إلى 30:

فأنت تفكّر بالشيخوخة وأعراضها، وتضيع عمرك هدراً، وتعمل على تضخيم الأمور؛ بل إنك تميل إلى مجالسة الكبار، ولا تعيش سنّك الحقيقي، وتضيع على نفسك مرح الشباب وزهرة العمر.

كما أنك متشائم وتعُدّ الثواني للرحيل إلى حيث لا رجوع، وتعيش دائماً في جوّ من الكآبة والحزن؛ ويؤدي كل هذا إلى منحك مظهراً أكبر من عمرك الحقيقي.

ياتري طلعت نتيجة الاختبار معاك إيه؟ أنا بصراحة كنت متوقعة إني أكبر من سني بس نتيجتي كانت

أنت عقلاني، متفهّم، ورصين، تحلم بمستقبل هادئ، وتعيش عمرك تماماً، بكل ملامحه بالشكل المتوافق مع كل مرحلة عمرية تمرّ فيها.. فتعيش سنّك الحقيقي كما هو.

يارب تستمتعوا بالاختبار ولوحد طلع أصغر يابخته لأنه واخد الأمور ببساطة ولو طلع أكبر يحاول يغير من طريقة تفكيره ويأخد الأمور بشكل أبسط

[اغابي]

دروووو

انا طلعت

22

سكور بالظبط

:cheer:

كدا بالنسبالى ايه الظروف

اعتقد انى كويسة رصينة وعاقلة وست الستات

ميرسي اوى

تم تعديل 13 ديسمبر 2010 بواسطة اغابي

[Dreamwithme]

برافو يا أغابي

أنت كده في السليم

[pink rose]

مجموعي طلع 19

أنت عقلاني، متفهّم، ورصين، تحلم بمستقبل هادئ، وتعيش عمرك تماماً، بكل ملامحه بالشكل المتوافق مع كل مرحلة عمرية تمرّ فيها.. فتعيش سنّك الحقيقي كما هو.

[م تيمور المراغي]

انا طلعت 13 :happy:

اختبار جميل اوي

[Dreamwithme]

ريمو أنت كده بالضبط زيي أنا برضه 19 كده حلو جدا

أركيتيكت ...13 يا راااجل ...أنا بأحسدك شئ جميل أنك تأخد الحياة ببساطة bv:-

[امير مجروح]

انا مجموعى طلع 20

[بركة]

16 بالتمام

ميرسي اختبار ظريف جدا.

[Dreamwithme]

جميل يا أمير كده أنت مضبوط

أستاذة بركة كده تمام

[رضوي]

نعم !!!!!!!!!!!!!!!!!

طيب انا 15 ؟؟؟؟؟؟؟؟

يعني ايه ؟؟؟؟

عقلانية ع الحركرك ؟؟؟

بالعافية يعني ؟؟؟

طيب ماانا عارفة اني متفائلة زيادة عن اللزوم .......... وان قلبي قلب خساية ...... اه والله قلبي نضيف اوي ........ بس احيانا بتصرف تصرفات ــــــــــــــــــــــــــــــ معرفش ازاي بقي ؟

يمكن علشان كدة لحد دلوقتي بحب المصاصة ؟؟؟

المهم انا

إذا حصلت على مجموع درجات يتراوح ما بين 10 إلى 15:

هذا يدل على أنك تمتلك حساً طفولياً وعفوية واضحة، وتبدو من خلال ردود أفعالك البريئة، كما أنك تملك قلباً طيباً لا يعرف الضغينة والأحقاد، ويبدو أنك أقلّ من عمرك الحقيقي، هذا بالإضافة إلى كونك مرحاً وتحب الحياة، وطَموح، وتنظر للمستقبل بتفاؤل؛ لكنك قد تُسَفّهُ كثيراً من الأمور الهامة، وهذا قد يضيّع عليك فُرَصاً كثيرة.

بس عقلانية علي الحرف يعني

أو

علي وشك اني اكون عقلانية

دعواتكم بقي

[Dreamwithme]

رضوي حبيبتي قلب الخساية ده أجمل قلب

وبعدين في رأيي أنت كده أحسن ....واخده الدنيا ببساطة وشايفة الحياة بمبي...

كده أحسن والله

[رضوي]

رضوي حبيبتي قلب الخساية ده أجمل قلب

وبعدين في رأيي أنت كده أحسن ....واخده الدنيا ببساطة وشايفة الحياة بمبي...

كده أحسن والله

اذا كان كدة ماااااااااااااااااااااشي

ميرسي بجد علي الاختبار ........

بس عايزة اقول حاجة ...... احيانا بنحتاج نعيش بعقلانية زيادة شوية ......... وقلب الطفل البريء اللي جوانا دة مابينفعش ساعات ..... لأننا لما بنغلط ...... بنتحاسب علي سننا الحقيقي ..... وقلب الطفل اللي ساكن جوانا وبيخلينا نتصرف بتلقائية وعفوية وحب وخير .......... لايشفع ابداً لتصرفاتنا .!!!!!

علشان كدة ......... لازم نحافظ علي القلب النضيف دة جوانا بس ....... ولما نتصرف نتصرف بعقلنا الناضج ....... مش بقلبنا العفوي البريء

شكراً علي الاختبار

وميرسي كتيييييييييير علي الوردة الجميلة دي

نفسي ف وردة ........ بس واضح ان مافيش ورد ف الشتا

[Simba]

أنا 19

ممكن ابدل النقاط بفلوس لو سمحتي

[engmido]

الحمد لله جبت 21

بس كنت متوقع انى اجيب اكتر من كده واخش فى حتة انى اكبر من سنى

تم تعديل 13 ديسمبر 2010 بواسطة engmido

[صافى]

الحمد للة انا 20

مرسى جدا على الاختبار الجميل دة

تم تعديل 13 ديسمبر 2010 بواسطة صافى

[الســـاري]

انا طلعت 14

بس الحمدلله مو اقل واحد ...

اقل واحد هو

architect

مسكين :closedeyes:

[قلب ابيض]

انا جبت خمنتاشر . ...نجحت يعنى ولا ملحق ؟؟؟

كان نفسى اخش طب بس مجموعى ماحصلش :unsure:

:blush2: انا سعيده بالخمستاشر دول جدا(15) ...هى دى انا فعلا

مرسيه يا دريم اوى على الوقفه الخفيفه دى

الحياه حلوه برده

===============================================================

اذا كان كدة ماااااااااااااااااااااشى بس عايزة اقول حاجة ...... احيانا بنحتاج نعيش بعقلانية زيادة شوية ......... وقلب الطفل البريء اللي جوانا دة مابينفعش ساعات ..... لأننا لما بنغلط ...... بنتحاسب علي سننا الحقيقي ..... وقلب الطفل اللي ساكن جوانا وبيخلينا نتصرف بتلقائية وعفوية وحب وخير .......... لايشفع ابداً لتصرفاتنا .!!!!!

علشان كدة ......... لازم نحافظ علي القلب النضيف دة جوانا بس ....... ولما نتصرف نتصرف بعقلنا الناضج ....... مش بقلبنا العفوي البريء

===============================================================

كنت هاقوووووووووولها

دودو حبيبتششششششششى

تم تعديل 14 ديسمبر 2010 بواسطة قلب ابيض

[اغابي]

نعم !!!!!!!!!!!!!!!!!

طيب انا 15 ؟؟؟؟؟؟؟؟

يعني ايه ؟؟؟؟

عقلانية ع الحركرك ؟؟؟

بالعافية يعني ؟؟؟

طيب ماانا عارفة اني متفائلة زيادة عن اللزوم .......... وان قلبي قلب خساية ...... اه والله قلبي نضيف اوي ........ بس احيانا بتصرف تصرفات ــــــــــــــــــــــــــــــ معرفش ازاي بقي ؟

يمكن علشان كدة لحد دلوقتي بحب المصاصة ؟؟؟

المهم انا

إذا حصلت على مجموع درجات يتراوح ما بين 10 إلى 15:

هذا يدل على أنك تمتلك حساً طفولياً وعفوية واضحة، وتبدو من خلال ردود أفعالك البريئة، كما أنك تملك قلباً طيباً لا يعرف الضغينة والأحقاد، ويبدو أنك أقلّ من عمرك الحقيقي، هذا بالإضافة إلى كونك مرحاً وتحب الحياة، وطَموح، وتنظر للمستقبل بتفاؤل؛ لكنك قد تُسَفّهُ كثيراً من الأمور الهامة، وهذا قد يضيّع عليك فُرَصاً كثيرة.

بس عقلانية علي الحرف يعني

أو

علي وشك اني اكون عقلانية

دعواتكم بقي

حبيبة قلبي -

قلبك من يومه قلب خساية وبطاطساية وفلفلاية كمان

يا بنتشششي يا رضوى

انا كنت متشأكدة انك التفلة الجميلة - بس ما تضايقيش اوى اسكورك مناسب قلبك - عاوزة تعرفى انك عاقلة

مرى سريعا على ابننا تيمور - ابو 13 - وانت حتعرفى ان فى اطفال كتير على المنتدى

هع هع هع هع

ضحكة ست عاقلة و ارشانة

تم تعديل 14 ديسمبر 2010 بواسطة اغابي

[م تيمور المراغي]

حتى انت يا ساريفيتش

حتى انت يا غيبو :happy:

انا بستغرب اوي اوي من اخواتي اللي جابوا سكور عالي ,,

لان الاجابات كلها بدون استثناء المنطق يقول انها

أ ,,

وانا حثبت ده نقطه نقطه

السلام عليكم ورحمة الله وبركاته

1- هل تحلم بمنزل خاص تعيش فيه بمفردك؟

أ‌- لا

يعني معقول اسيب يويو ومامته واشتري بيت تاني لوحدي ؟ هيا ناقصه غربه

2- هل تشعر أن الحياة جميلة برغم كل ضغوطها؟

أ‌- نعم

الحمد لله على كل شيئ لاني بنظر دايما للي اقل مني واحمد ربنا ,,

3- هل تُحب دائماً مرافقة أشخاص أصغر منك سناً؟

أ‌- نعم

لانهم بيكونوا دايما اكثر انطلاق وحيويه ,, شباب الاسره اجمل ايامهم قضوها معايا في المصايف والرحلات وبسوق على 240 :happy:

4- هل تسترجع الذكريات السعيدة في حياتك دائماً؟

أ‌- نعم

يعني بالله حسترجع ذكريات وحشه اعمل بيها ايه ؟

5- هل الحياة في نظرك أيامُها معدودة؟

أ‌- لا

ممكن اسبوع جميل يساوي 10 سنين فالموضوع اجمالا نسبي ,, وانا بعتقد ان الموت ده غفوه بسيطه يغمض الانسان عينيه ثم يفتحها على رحمات من الله لم يكن يتوقعها ان شاء الله

عشان كده لا احزن على موت احد لاني مؤمن انها رحله طويله نوعا لكن الملتقى اكيد في النهايه

6- هل تحب القصص العاطفية أو الأفلام الرومانسية؟

ج- نعم

هيا الرومانسيات دي حد يكرهها بالذمه

7- هل تخاف التقدم بالعمر وتَبِعَاته؟

أ‌- لا

من رأي ان الانسان عمره في عقله وقناعاته شوفوا مثلا حسين فهمي او جورج قرداحي وانتوا تعرفوا قصدي

8- هل ترى إمكانية حدوث حالة حب في عمر الستين؟

أ‌- نعم

اكيد طبعا ومتاكد انه حيكون الحب الحقيقي لانه مبني على خبره عمر بحاله

9- هل تعتقد أن الاستمتاع بالحياة ممكن بكل المراحل العمرية، كل مرحلة بما يناسبها؟

أ‌- نعم

ده سؤال مكرر على فكره بيضعه المحللين للتأكيد

10- هل تؤمن بأن طول العمر يزيد من معرفة الإنسان؟

أ‌- نعم

يعني بالذمه واحد عنده 35 سنه حيكون معرفته زي واحد عنده 55 سنه ؟

التحليل:

إذا حصلت على مجموع درجات يتراوح ما بين 10 إلى 15:

هذا يدل على أنك تمتلك حساً طفولياً وعفوية واضحة، وتبدو من خلال ردود أفعالك البريئة، كما أنك تملك قلباً طيباً لا يعرف الضغينة والأحقاد، ويبدو أنك أقلّ من عمرك الحقيقي، هذا بالإضافة إلى كونك مرحاً وتحب الحياة، وطَموح، وتنظر للمستقبل بتفاؤل؛ لكنك قد تُسَفّهُ كثيراً من الأمور الهامة، وهذا قد يضيّع عليك فُرَصاً كثيرة.

[رونا]

ميرسى على الاختبار

انا جبت 21