Howayda Ismail بتاريخ: 14 ديسمبر 2010 تقديم بلاغ مشاركة بتاريخ: 14 ديسمبر 2010 محدش بيقول انك غلطانة فى شكرك للحكومة السعودية واحنا بنشكرها معاك على الخدمات الجليلة اللى بتقدمها للحجيج لكن معلومة بسيطة احب اقول لك وليعذرنى الاخوة السعوديين الذين لو اتحيت لهم فرصة التعبير زينا حتسمعى اللى يوجع قلبك يعنى حالهم من حالنا غير ان وضعهم الاقتصادى افضل بكتير عن مصر ويمكن ده الظاهر للكثيرين ان الحياة بمبى هناك اما بخصوص الاتصال بالاسعاف بالموبايل فحجتهم ورود كثير من البلاغات الكاذبة اليهم ودى حجة واهية طبعا لان مش حيقف واحد على الصحراوى عشان يعاكس واكيد مافيش ارضى فى الصحراوى الكارثة ان الاسعاف بتتفق مع مستشفيات خاصة بعينها تنقل لها المصابين بدلا من العامة وكل واحد ونصيبه بقى بخصوص تكريم قدامى المحاربين انا حاسة ان والدك زعلان على اصابته اللى راحت على الفاضى والبلد رجعت للعدو ببلاش غاز ببلاش وشركات خصخصة بملاليم وعايشين فى سينا ميت فل وعشرة كان لزمتها ايه من الاول دماء شهدائنا اللى راحت هدر لما فى اخرتها طاطينا وبناخد على قفانا خواطر swan رابط هذا التعليق شارك المزيد من خيارات المشاركة
عنبو بتاريخ: 14 ديسمبر 2010 تقديم بلاغ مشاركة بتاريخ: 14 ديسمبر 2010 هو انا يا عنبو قولت انه بيشتم لا سمح الله هو انت لما تزعل من عشمك على اصابتك.. يبقى خلاص ناقم وبتشتم...طبعا بيقعد يحكيلنا لغايه دلوقت على الحروب بكل فخر و حب و من كتر حبه للبلد زرع الحب ده فى ولاده لغايه ما خلاهم الاتنين ضباط ولا انت شايف ايه ؟؟؟!!!لكن لما تكون ضحيت بكتير اوى و تلاقى عيال بيتكرموا سنويا على تضحياتك انت ..اكيد هتزعل من كتر الحب الجواك...لما البلد معاها فلوس تدفع علاوات للضباط الصغيرين ..طيب ما يفتكروا اصحاب الشأن نفسه على الاقل اوفر لان نصهم توفاه الله. وبعدين يا عنبو ما تقاولش الراجل كلام ما قالوش ...الراجل قاعد زى الفل فى البيت فرحان بخدمه ولاده للوطن.احسن يكون المنتدى متراقب و لا حاجه..الحمدلله الامن مستتب وزى الفل يا باشا. وبعدين على جنب يا عنبو ...من حقك اتهامى انا نفسى بأى شىء لكن تعليقك واتهامك لم يكن موجه لى وهذا لا اقبله .الله يرحم والدينا سواء توفاهم الله او لم يحن ميعادهم. انا لا استطيع ان انتقد شخص والد حضرتك ولا انتقد شخصك الكريم ولكن انا كنت بتكلم على مبدأ فقط لا غير وعندما نتحدث عن المبادىء او الفكر ننحى الشخصيه جانباً يعنى عندما اتناول فكر المهندسه لكى اناقشه لا اتعرض لا من قريب ولا من بعيد الى شخصيتها يارب تكون وجهة نظرى وصلتك واسف لو وصلك اى شىء انا لم اقصده وتقبلى تحياتى اختى الكريمه عنبو لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
المهندسه بتاريخ: 14 ديسمبر 2010 كاتب الموضوع تقديم بلاغ مشاركة بتاريخ: 14 ديسمبر 2010 اخى الكريم عنبو اصارحك بشىء انى فعلا غضبت من تعليقك السابق و الذى حاولت تداركه لاخفاء مشاعرى الغاضبه وقتها لانى لا احب الخوض فى جدال شفوى يفسد علاقتنا كأعضاء ببعض ...ولكن تداركى للموقف و اخفائى مشاعر الغضب عندى لم بنفى وجودها حقا لدرجه انى ارسلت رساله الى الاداره اطالب بأدراج موضوعى هذا الى الارشيف او حذفه لان تعليقك فعلا احزننى ولانى لم اتعود ابدا فى اى تعليق من تعليقاتك بهذا...بالعكس تماما ولكن الاختلاف فى الرأى لا يفسد للود قضيه ابدا ولا داعى للاسف ..واشكرك على سرعه احساسك بمااغضبنى وكل عام وحضرتك بألف خير ولا تنسوا صيام غدا وبعد غد . تقبل تحياتى سألني احدهم ما أكبر دولة في العالم.. قلت له وبكل فخر (مصر).. قالي انت ملكش في الجغرافيا.. قولتله انت اللي ملكش في التاريخ رابط هذا التعليق شارك المزيد من خيارات المشاركة
أسد بتاريخ: 15 ديسمبر 2010 تقديم بلاغ مشاركة بتاريخ: 15 ديسمبر 2010 اخى الكريم عنبو اصارحك بشىء انى فعلا غضبت من تعليقك السابق و الذى حاولت تداركه لاخفاء مشاعرى الغاضبه وقتها لانى لا احب الخوض فى جدال شفوى يفسد علاقتنا كأعضاء ببعض ...ولكن تداركى للموقف و اخفائى مشاعر الغضب عندى لم بنفى وجودها حقا لدرجه انى ارسلت رساله الى الاداره اطالب بأدراج موضوعى هذا الى الارشيف او حذفه لان تعليقك فعلا احزننى ولانى لم اتعود ابدا فى اى تعليق من تعليقاتك بهذا...بالعكس تماما ولكن الاختلاف فى الرأى لا يفسد للود قضيه ابدا ولا داعى للاسف ..واشكرك على سرعه احساسك بمااغضبنى وكل عام وحضرتك بألف خير ولا تنسوا صيام غدا وبعد غد . تقبل تحياتى أختي الفاضلة .. المهندسة .. الموضوع هام وجيد .. ولا أعتقد أن حذفه فكرة جيدة .. لأن مافيه من وجهات نظر تحفز لدينا طاقات جديدة للتفكير .. والتأمل .. هل يمكننا أن نكون أفضل .. هل نتطلع للأفضل دائما ً... ولكن ماهو الأفضل ؟؟؟؟ وما هي الأولويات ؟؟؟؟ أما عن المداخلة التي تسببت في رغبتك في حذف الموضوع أعتقد أنه قد تم تدارك ماضايقك عن سوء قصد على ما أظن من الفاضل عنبو .. في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..وتاني .. تاني .. تاني .. بنحبك يامصر .. ... "إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد" (من أقوال المازني في كتب حصاد الهشيم) رابط هذا التعليق شارك المزيد من خيارات المشاركة
Melhakim بتاريخ: 15 ديسمبر 2010 تقديم بلاغ مشاركة بتاريخ: 15 ديسمبر 2010 انا مش عارف الموضوع الهدف منه هو شكر الحكومة السعودية وشركات الاتصالات ولا الهدف منه إبراز عيوب مصر وضع كلمة مصر فى اى جملة مفيدة يا ريت يا جماعة الله يكرمكم نبطل نحط مصر فى مقارنة مع كل حاجه بتحصل فى الدنيا الرحمة شوية بجد مش معقولة مصر سيئة الى هذه الدرجة وبالنسبة لاسكندرية اللى غرقت احنا كلنا شفنا جدة كانت عاملة ازاى السنة اللى فاتت لا إله إلا انت سبحانك إنى كنت من الظالمين رابط هذا التعليق شارك المزيد من خيارات المشاركة
عنبو بتاريخ: 15 ديسمبر 2010 تقديم بلاغ مشاركة بتاريخ: 15 ديسمبر 2010 انا مش عارف الموضوع الهدف منه هو شكر الحكومة السعودية وشركات الاتصالات ولا الهدف منه إبراز عيوب مصر وضع كلمة مصر فى اى جملة مفيدة يا ريت يا جماعة الله يكرمكم نبطل نحط مصر فى مقارنة مع كل حاجه بتحصل فى الدنيا الرحمة شوية بجد مش معقولة مصر سيئة الى هذه الدرجة وبالنسبة لاسكندرية اللى غرقت احنا كلنا شفنا جدة كانت عاملة ازاى السنة اللى فاتت لا ياعم محمد انت بتتكلم ازاى بقى طيب السعوديه عندهم حرم وعندهم كعبه واحنا معندناش شوف بقى الدوله بتاعتنا عملت ايه هى اللى وصلتنا للمرحله دى اننا مبقاش عندنا كعبه ولا حرم لو كانت الدوله بتخاف على اولادها من البهدله كانت جاب ليهم حرم وكعبه من زمان بس نقول ايه بقى حسبى الله ونعم الوكيل _____________________________ طبعاً انا بتمنى اللى يجى اليوم اللى اشوف بلدى فى المقام الاول وجميع البلاد العربيه فى مصاف الدوله المحترمه ولكن تفتكروا ايه هو الطريق الصحيح للنهوض ببلادنا انا رأى ان كل واحد يعمل اللى عليه ويحاول على قد لما يقدر يعمل حاجه للبلد ليا واحد قريبى عينه انتقاديه من الدرجه الاولى يعنى لو شاف حاجه حلوه فى السعوديه يقول شوف اقوله مهو احنا عندنا كذا او كذا طيب لو شاف زباله فى الشارع او ناس بتلم الاكل من الزباله علشان تاكل يقول دول بيفكرونى بمصر ياااااااااااااااربى مصر هتتقدم لما كل واحد يعمل اللى عليه اتجاه بلده لما كل واحد يكون ايجابى , لما كل واحد يربى ابنه انه يقول الحق , لما الغايه لا تبرر الوسيله , لما نجب بعض , لما نحترم بعض لما نشوف واحد بيعمل حاجه غلط ننتقده ونحسسه انه بيعمل حاجه غلط مش الناس كلها تعمل احترام للموظف المرتشى وتقوله الحاج فلان مهو لو الناس قاطعته اكيد هيبطل الرشوه والفساده ده اقل حاجه مقولناش نبلغ عنه تحياتى عنبو لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان