إسرائيل فوق الجميع

[se_ Elsyed]

أكد نير جلعاد الرئيس التنفيذى لشركة "يسرائيل مسخيت" الإسرائيلية لإنتاج البوتاس والأسمدة والمنتجات الكيماوية أن الشركة اتفقت على شراء شحنة غاز طبيعى مصرى ضخمة من شركة غاز شرق المتوسط المصرية بقيمة تصل لحوالى 460 مليون دولار حتى شهر مارس عام 2030

عاش السيد الرئيس القائد حُسني مبارك ....

والدعوة موصوله للسيد الرئيس القائد أيهود باراك وأخيه نتنياهو .. نسيب وعديل عائلات جلعاد شاليط بتل أبيب ....

بصراحة ... لو كملت كلامي وأنا في الحالة دي ممكن أنطرد من المنتدى

فالطيب أحسن ..

[mfarag]

طبعا

دا وطنى مخلــــــــــــــــــــــــــــــــــــــــــص

[akramgroup]

أكد نير جلعاد الرئيس التنفيذى لشركة "يسرائيل مسخيت" الإسرائيلية لإنتاج البوتاس والأسمدة والمنتجات الكيماوية أن الشركة اتفقت على شراء شحنة غاز طبيعى مصرى ضخمة من شركة غاز شرق المتوسط المصرية بقيمة تصل لحوالى 460 مليون دولار حتى شهر مارس عام 2030

عاش السيد الرئيس القائد حُسني مبارك ....

والدعوة موصوله للسيد الرئيس القائد أيهود باراك وأخيه نتنياهو .. نسيب وعديل عائلات جلعاد شاليط بتل أبيب ....

بصراحة ... لو كملت كلامي وأنا في الحالة دي ممكن أنطرد من المنتدى

فالطيب أحسن ..

لالالالالالالالالالا اكيد فى حاجه غلط

اكيد مش هايعملوها تانى بعد ازمه انابيب الغاز

اكيد لو ده بجد وسكتنا يبقى احنا.............

واكيد لو حصل واحنا سكتنا يبقى العيب فينا

[se_ Elsyed]

لالالالالالالالالالا اكيد فى حاجه غلط

اكيد مش هايعملوها تانى بعد ازمه انابيب الغاز

اكيد لو ده بجد وسكتنا يبقى احنا.............

واكيد لو حصل واحنا سكتنا يبقى العيب فينا

أنابيب إيه وبوابير إيه ؟

المصيبة عُظمى والمُصاب جلل

يا بيه ده بيقولوا لحد 2030 ... يعني عُمر أبني هايبقى عنده 30 سنة وبرضوا شايل الطين زي أبوه ..

يعني واحد مزقوق علينا دمرنا وسكتنا وقولنا ماشي ....

لكن يدمر الأجيال الجايه كمان ؟؟؟؟؟؟؟؟؟؟؟؟؟؟؟؟؟؟؟

إنت عارف يعني إيه 450 مليون دولار

يعني لو بنتاجر في الفجل والجرجير كنا نجيبهم وزيادة

يا أخوانا إسرائيل بتعيش حلم رومانسي جميل هذه الإيام أقسم بالله ..

جميع محطات توليد الطاقة إتحولت من أستخدام الفحم إلى استخدام الغاز .. وإحنا عايشين في ظلام دامس نتيجة للأنطقاع المتكرر للكهرباء لوجود محطات حجرية عفا عليها الزمن

والأن رويداً رويداً مصانعهم إبتدت تستخدم الغاز طاقة رخيصة وصديقة للبئية للحد من التلوث وتبقى رقم إتنين على العالم في تصدير الوبتاس والمواد الكميائية

وكانت قد وقعت الحكومة المصرية عام 2005 اتفاقاً مع الحكومة الإسرائيلية لتصدير 1.7 مليار متر مكعب سنويا من الغاز إلى إسرائيل لمدة 20 عاما، بثمن يتراوح بين 70 سنتا و1.5 دولار لكل مليون وحدة حرارية، بينما يصل سعر التكلفة 2.65 دولار، حيث يمتد خط أنابيب الغاز المصرى من العريش فى سيناء إلى نقطة على ساحل مدينة "عسقلان" جنوب السواحل الإسرائيلية على البحر الأبيض المتوسط.

------------

من أمبارح وأنا بأكذب نفسي ومنتظر تكذيب للخبر

------------

[أسد]

من ساعة ماقرأت الخبر

وأنا منتظر أي توضيح .. أو تكذيب .. أو أي حد يقول لنا أي حاجة

حد يكلمنا ...

مفيش

هم ليه مابيكلموناش .. ولا بيردوا حتى علينا ...

[se_ Elsyed]

من ساعة ماقرأت الخبر

وأنا منتظر أي توضيح .. أو تكذيب .. أو أي حد يقول لنا أي حاجة

حد يكلمنا ...

مفيش

هم ليه مابيكلموناش .. ولا بيردوا حتى علينا ...

ويكلمك ليه ؟

الراجل بيقول لك إنتخابات مجلس الشعب تمت على أعلى مستوى .. وبتوع الحزب الوطني أمبارح في أول جلسة للبرلمان بيقولوا لك البرلمان هايشهد معارضة شرسة ..

يبقى مين هايكلمك ؟ ..

للأسف ... الرجالة ماتوا في 73

أما إحنا اللي موجودين دلوقت .. فأشباح أو ... حاجات كده عايشة والسلام وبنقضي اليوم بيومه ..

----------------..

مش عارف ليه تذكرت بطرس غالي الكبير اللي إتقتل عشان كان بيحاول يمدد إمتياز قناة السويس للإنجليز لحد سنة 1999

فطلع شاب مصري مش راضع لبن صناعي وقتله وريحنا منه قبل توقيع الإتفاقية ...

بصراحة الموضوع فاق الحد ..

وياريتهم كانوا خدعونا وعملوا كده في الخباثة زي ما حصل في إتفاقية كامب ديفيد

[akramgroup]

يعنى من الاخر المصيبه دى اكيد ولا فيها شك وفى انتظار تأكيدها

عشان لو اكيد يبقى لازم حاجه تتعمل واحنا اكيد لازم نشارك فيها

[Dreamwithme]

دي مصيبة .....ياريت بجد حد يعبرنا ويرد علي الخبر

بس المصيبة الأكبر إننا نسكت ....لازم نعمل حاجة

يا تري في رأيكم نقدر نعمل إيه بجد ....

عشان نبقي رجالة بجد ( أنا بنت بس الرجولة مالهاش علاقة بذكر أو أنثي) الرجولة معني معنوي

ما أحنا مينفعش يتعمل فينا كل ده ونفضل ساكتين هتبقي غلطتنا ساعتها وأولادنا هيدعوا علينا أحنا

[سكر]

دى او والله خطة ولا حتى ويكالكس نفسه يا معلم يقدر يعرفها

احنا حنخليهم يحول كل محطاتهم للغاز ويلغوا الفحم

وبعد كدة نكلم الواد بليه نقفل الحنفيه

هى مش بقت الشقيقه الصغرى

[المهندسه]

انتوا عمالين تتكلموا وتردوا على نفسكوا

الاجابه بسيطه ان:

اسرائيل فوق الجميع وطز فينا...

انت زعلان يا استاذ س س ان ولادك هيشيلوا الطين زى ابوهم و ايه يعنى ما انت زى الفل اهوه

مش من حق المصرى يعيش كويس ابدا ..هو اتجنن علشان يفكر كده

الحمدلله واكلين شاربين نايمين على الرصيف...غاز ايه ال زعلان عليه..عمرك نزلت تشترى انبوبه و مالقيتش اه بتجيبها فى الازمه ب 50 جنيه لكن بتلاقيها يا ضلالى.

اليكم المشروع القادم التى تحلم بيه اسرئيل

حفر فرع طويل من النيل الى اسرائيل علشان يشربوا سم هارى وطبعا احنا ال هنحفر الفرع ده اهو بدل بطاله الشباب يا راجل.

حسبى الله ونعم الوكيل فى كل ظالم بيظلم مصر و شعبها يارب.

[MaYousof]

مصدر الخبر: صحيفة "جلوباس" الإسرائيلية

[herohero]

ياسي السيد سيدي الحكومة هتقولك مصر مش بتبيع غاز لاسرائيل وده حقيقه

النكتة الظريفة ان الحكومة باعت كمية كبيرة من حقوق امتياز للغاز لشركة غازشرق المتوسط وكما اعلم هي بتاعت حبيب قلبي وحبيب قلب الراجل الكبير حسين سالم

وياريت تبقوا تعملوا سيرش وتعرفوا مين حسين سالم

قوم حسين سالم باع الغاز لشركات اسرائيلية قوم ايه يبقى الحكومة مالهاش دعوة مستثمر وبيبيع سلعه بس

طبعا ع اساس اننا مغفلين وان الحكومة كانت بايعه الغاز بسعر كويس

عموما انا مش شايف الخبر فيه شيئ مستفز عادي يعني

بكملة لما حاولنا نقدم مساعده لحرائق حيفا وسيبنا 1200 مصري بيتسلى فيهم اسماك القرش

واسكندرية بتغرق ف هذه الموجه البارده

عموما اه اسرائيل وعيالها فوقنا كلنا واللي مش عاجبه يشرب من النيل قبل ما يتمنع عننا

لان طبعا انفصال الجنوب هياثر جدا علينا

هنيئا لكم يا ابناء اسرائيل بجارة حنينة زي مصر

[الترجمـان]

احنا مانعرفش الكمية التي حصل عليها الجانب الإسرائيلي بالتحديد...

لكن اللي لازم نعرفه كويس إن احنا بنعاني من تخلف تقني وصناعي يحرمنا من الإستفادة الحقيقية من ثرواتنا الطبيعية ...

فطالما تعاني من التخلف يبقى لازم تدفع ثمن تخلفك ...

والغاز كسلعة لا يمكن تخزينها بسهولة مثل البترول وإن كان بيننا مختص فنرجوا منه ان يصحح لنا تلك المعلومه ...

وبالتالي فالإستفاده من الفائض الغازي بالنسبه لينا تتحقق في سرعة بيعه او التخلص منه بمعنى أدق ...

واعتقد ان المبلغ المذكور يعبر عن القيمة السنوية وليست الإجمالية..

بالنسبة للسعر فبالطبع هناك علامات إستفهام تسد عين الشمس ..

خصوصا اننا نبيع الغاز للأردن "الشقيقة " بأسعار أعلى من نظريتها إسرائيل ...!!!

تم تعديل 14 ديسمبر 2010 بواسطة الترجمـان

[Howayda Ismail]

ووصفت الصحيفة الإسرائيلية الصفقة بأنها الأضخم حتى الآن بين الجانبين المصرى والإسرائيلى لتصدير الغاز، مضيفة أنه بموجب الاتفاق الجديد، الذى وقع بين الشركة المصرية والإسرائيلية فإن الشركة الإسرائيلية ستشترى 1.8 مليار متر مكعب سنويا من الغاز الطبيعى الذى تنتجه شركة شرق المتوسط المصرية لمدة 20 عاما مقبلا بقيمة 4.3 مليار دولار، ليتم استخدامه لتشغيل محطة كهرباء كبيرة ستبنى فى مستوطنة "سدوم" بجنوب إسرائيل فى صحراء النقب.

وأوضحت جلوباس أن الشركة الإسرائيلية التى تعد من كبرى الشركات فى العالم لتصدير البوتاس والمنتجات الكيمائية، أكدت على أن لديها الخيار فى شراء 0.53 متر مكعب من الغاز سنويا، أى بزيادة كمية الغاز إلى 2.9 مليار متر مكعب حتى مارس 2011 المقبل.

وأشارت الصحيفة العبرية إلى أن الشركة تحولت للغاز الطبيعى فى العام الماضى، وأن هناك تحسنا كبيرا فى الانبعاثات الغازية من مصانعها، وأن تلك الخطوة جزء من استراتيجية الالتزام بمعايير بيئية صارمة.

وأوضح المدير التنفيذى للشركة عقب توقيع الاتفاقية بين الجانبين فى مؤتمر صحفى مع مجموعة من الصحفيين الإسرائيليين قائلا: "إن الشركة استكملت المفاوضات اليوم مع الشركة المصرية، وأدت المفاوضات فى نهاية المطاف إلى تزويد الشركة بالغاز لفترة طويلة خلال الأعوام المقبلة".

ورداً على سؤال طرحه أحد الصحفيين، لماذا قررت الشركة عدم استنفاد الغاز المتوافر لدى الآبار الإسرائيلية أولا والرجوع لخيار شراء الغاز من الخارج قال نير: "لا أستطيع أن أكشف عن الأسباب وراء ذلك، لكن علينا أن نسأل أصحاب شركات الغاز الإسرائيلية الموردة للغاز الطبيعى، لماذا يتأخرون فى توريد الغاز لنا، ونحن ملتزمون بأوامر الحكومة الإسرائيلية بأن نعمل على إنتاج تكنولوجيات صديقة للبيئة والشركات الموجودة حاليا فى إسرائيل تنتج الغاز الأزرق والأبيض الملوثين للبيئة، مما يجعلنا نستغنى عنها فى ذلك الوقت".

وأضاف نير أن الاعتبارات "الجيو سياسية" بين القاهرة وتل أبيب لعبت دوراً بارزاً وحاسماً فى تمرير الصفقة واختيار المورد المصرى الصديق، وأن توقيع معاهدة السلام مع مصر تعد مصدر قوة استراتيجية لإسرائيل، لذلك لا يوجد فرق بين الشركة المصرية المصدرة للغاز لإسرائيل والشركات الإسرائيلية الأخرى المنتجة للغاز، على حد قوله، مضيفاً أنه لكل هذه الاعتبارات فالشركة تعتبر هذا التعاون اتجاها جديدا لتوسيع أعمالها الإنتاجية بجانب خطوط إنتاجها من مصافى النفط فى خليج حيفا.

الجدير بالذكر أنه خلال الأعوام الماضية شنت المعارضة المصرية حملة ضد بيع الغاز لإسرائيل بأسعار رخيصة تقل كثيراً عن أسعار السوق، ودعت إلى إلغاء عدة اتفاقات لأسباب اقتصادية وسياسية.

الصفقة دى فى التوقيت ده بالذات عشان حرق اخر حبة دم فينا بعد اللى حصل فى الانتخابات

وعدم تعليق الحكومة على الخبر معناه بتقول للشعب بصريح العبارة اضربوا دماغكم فى الحيط

http://www.youtube.com/watch?v=WiZAo7yHSwA

تم تعديل 14 ديسمبر 2010 بواسطة Hend ali

[se_ Elsyed]

نفس سيناريو فتح حنفية الغاز للمره الأولى

وبعدها يطلع سامح فهمي يقول : وإيه يعني .. ما ده بيدخل لنا عُملة صعبه

على فكرة .. المبالغ المذكورة يتم إقتسامها 50 - 50 ما بين مصر كدولة وبين شركة عدو الشعب حسن سالم .... هل تعلمون ذلك ؟

وهل تعلمون إن حسين سالم أول ما بدأ المشروع الصهيوني راح خد قروض بالهبل من البنوك المصرية عشان يوصل المواسير لحد إسرائيل تحت البحر المتوسط ؟

اللي عرفناه بعد كده إننا بنستورد غاز البوتاجاز من الجزائر ....

ههههههههههه بنفس العملة الصعبة بل أصعب لإننا حقانين ..

بنصدر برخص التراب

ونستورد بالأسعار العالمية

شطارة تجار ...

[akramgroup]

طيب ياجماعه معلش ومن الاخر عشان الواحد دمه اتحرق وخصوصا بعد القصيده اللى جابتها مدام هند

فى حاجه نقدر نعملها ولا المفروض نعمل ايه ممكن حد يقولنا ؟؟؟؟؟؟؟؟؟؟؟؟

[مصري أصيل]

اللي عرفناه بعد كده إننا بنستورد غاز البوتاجاز من الجزائر ....

ههههههههههه بنفس العملة الصعبة بل أصعب لإننا حقانين ..

بنصدر برخص التراب

ونستورد بالأسعار العالمية

شطارة تجار ...

الغاز هو عبارة عن مادة هيدروكربونية عديمة اللون والطعم والرائحة وهي غير سامة ولكن تواجدها بنسب تركيز عالية وفي مناطق ضيقة عديمة التهوية يسبب الاختناق كما أنها قابلة للاشتعال وأحداث تدمير هائل عند تركزها في منطقة ضيفة وبوجود مصدر للاشتعال .

يوجد الغاز في الطبيعة بشكلين :

¨ الغاز المصاحب للنفط المستخرج من الحقول .

¨ الغاز الحر الذي يوجد منفرداً في المكامن ويستخرج لوحده .

ويقسم الغاز الى نوعين

النوع الأول : الغاز البترولي المسال(البوتاجاز):

وهو الغاز المكون من عنصري البروبان والبيوتان ويشكل حوالي اقل من 10% من تركيبة الغاز الهيدروكربوني ويستخدم بصورة أساسية في أعمال الطبخ المنزلي من خلال تعبئته في اسطوانات الغاز ، وكذلك في الورش والفنادق والمطاعم الكبرى وكبار المستخدمين وكوقود في وسائل النقل.

النوع الثاني : الغاز الطبيعي :

وهو الغاز المكون من عنصري الميثان والايثان ويشكل حوالي 90% من تركيبة الغاز الهيدروكربوني ويستخدم كمادة خام أولية (تغذية) للصناعات البتروكيمياوية الضخمة كصناعة الأسمدة والميثانول والاثيلين والغاز الطبيعي المسال كما يستخدم كوقود في محطات توليد الطاقة الكهربائية ومصانع الأسمنت والألمنيوم .

من الكلام المقتبس ده نعرف ان غاز البوتوجاز و المستخدم في تعبئة أنابيب الغاز غير الغاز الطبيعي الذي يتم تصديره الي اسرائيل

طبعاً الخبر مستفز جداً لأنه يمكن بدلاً من تصدير الغاز الطبيعي الي اسرائيل مد شبكات الغاز الطبيعي الي البيوت و الاستغناء تماماً عن أنابيب الغاز لما فيها من ارهاق علي ميزانية الدولة أو استخدامه في محطات توليد الكهرباء و المصانع و لكن ربطه بمسألة أنبوبة البوتجاز بالتأكيد خطألأن ده حاجه و ده حاجه تانيه

[se_ Elsyed]

مهما عملت الحكومة ... وحتى لو مبارك راح هناك ولبس الطاقية الشهيرة

سيظل هناك حاجز نفسي أبدي بين الشعب المصري الأصيل وبين هذا الكيان السرطاني

هذا شيء مفروغ منه

لكن حتى معالجات النظام الفاسد لتك المعضلة كانت معالجة فاسدة

يعني بإختصار .. تصدر ثروة طبيعية زي دي وتحرم الشعب منها .. وكمان بأقل من نصف السعر ؟يعني أنا أعرف إن اللي يبيع نفسه .. فبيختار سعر عالي .... لكن يبيع ويفرط وكمان ببلاش ؟!!!!!!!!!!

يا أخي ده لو ماسكين على مبارك ذلة ما كانش عمل كده ...

إيه الأنبطاح ده ؟

وإيه التأمر على الشعب وعلى البلد ده ؟

لأ ومش مكفيه إنه بيخربها حالياً ... فحب يترك ذكرى سوداء للاجيال الجايه عشان في كل ذكرى ... نبقى ............ نترحم عليه بقى ولا نعمل حاجه تانية .. كل واحد وراحته ... وماحدش ساعتها هايُلام أو حد يقول له اذكروا محاسن موتاكم ... لأن محاسن خلاص ماتت من زمان ..

[الغريب]

أستنوا بس يا جماعة مجلس الشعب ياخد نفسه من الانتخابات ، وهو أن شاء الله مش هيسيب صفقة زي دي تمر مرور الكرام، دي ممكن يكون فيها أستجواب رئيس وزراء

بالمناسبة، عرفت معلومة جديدة عن مجلس الشعب الجديد ، أن 40 عضو من أعضاءه ضباط سابقين في الداخلية المصدر

ليلتنا بيضة أن شاء الله ، يا فرحتك يا قصاص هتلاقي اللي يشجع دعوتك في ضرب المتظاهرين بالنار

[shawshank]

يا بيه ده بيقولوا لحد 2030 ... يعني عُمر أبني هايبقى عنده 30 سنة وبرضوا شايل الطين زي أبوه ..

عشان تطمن على مستقبل ولادك