إسرائيل فوق الجميع

[hakeem]

عمال اقرا كلام سى السيد وردود الاعضاء عليه مش عارف ليه جه فى بالى حمدى قنديل وبيقولنا..عاشت اسرائيل وطظ فيكم..

مش عارف اقول ايه تانى..انا قعدت تقريبا 3 ايام الكهربة مقطوعه عننا فى موجه المطر اللى فاتت..وتليفونات بردوا عطلت..وبمناسبه الغاز بردوا رحنا نملى انابيب الغاز سبناهم فى المستودع تقريبا 10 ايام وكانوا انبوبتين ادونا واحده وقالونا التانيه لما يجيلنا تانى..فين بئا الناس اللى هرتنا كلام عن ان اسرائيل عدوتنا ولازم اى مصرى من اللى بيشتغلوا فيها نعتبره خاين ونرفع عنه الجنسيه..طيب ده اذا كان الحكومه المحترمه بتاعتنا بتدى دعم للصناعه وللمواطن الاسرائيلى..

ولا يمكن دى سياسه ياجدعان احنا منفهمش فيها.

او ممكن خطة طويلة الاجل للقضاء على اسرائيل..تكون مثلا الحكومة بتاعتنا بتقول نديهم غاز يشتغلوا بيه يمكن يولعوا بغاز..او يجيلهم كحه من دخان مصانعه ويموتوا بالكحه الصدرية.

يارب يطلع كلام جرايد..

مش عارف

[se_ Elsyed]

عمال اقرا كلام سى السيد وردود الاعضاء عليه مش عارف ليه جه فى بالى حمدى قنديل وبيقولنا..عاشت اسرائيل وطظ فيكم..

مش عارف اقول ايه تانى..انا قعدت تقريبا 3 ايام الكهربة مقطوعه عننا فى موجه المطر اللى فاتت..وتليفونات بردوا عطلت..وبمناسبه الغاز بردوا رحنا نملى انابيب الغاز سبناهم فى المستودع تقريبا 10 ايام وكانوا انبوبتين ادونا واحده وقالونا التانيه لما يجيلنا تانى..فين بئا الناس اللى هرتنا كلام عن ان اسرائيل عدوتنا ولازم اى مصرى من اللى بيشتغلوا فيها نعتبره خاين ونرفع عنه الجنسيه..طيب ده اذا كان الحكومه المحترمه بتاعتنا بتدى دعم للصناعه وللمواطن الاسرائيلى..

ولا يمكن دى سياسه ياجدعان احنا منفهمش فيها.

او ممكن خطة طويلة الاجل للقضاء على اسرائيل..تكون مثلا الحكومة بتاعتنا بتقول نديهم غاز يشتغلوا بيه يمكن يولعوا بغاز..او يجيلهم كحه من دخان مصانعه ويموتوا بالكحه الصدرية.

يارب يطلع كلام جرايد..

مش عارف

والله أفكارك تقدمية وحدوية يا حكيم

على فكرة ... ممكن أقتبس فكرتك دي وأفتكس قصة عن الموضوع ده ومبدئياً هاسميها " فك الألغاز .. في مسألة تصدير الغاز "

أو ممكن إسم شيق وجذاب زي " بومبه "

بس عاوز انظم أفكاري الأول ومش عاوز أسمع نفث لإن الفكرة لو إتسربت من مستودع أفكاري ممكن ناس تفرقع من الغيظ وتولع من الغيرة وإنت عارفني .. لما باتعصب .. ما فيش قدامي غير الضرب بالخرطوم وأنا الحمد لله عُمري ما كنت جلده ودايماً عندي مفاتيح لكل مشكلة ...

[se_ Elsyed]

فى سياق متصل، تصاعدت أزمة نقص أنابيب البوتاجاز فى المحافظات، ووصل سعر الأسطوانة فى المنيا ٣٠ جنيهاً، وأوصى المجلس المحلى بمدينة أبوقرقاص، خلال جلسته، أمس الأول، برئاسة عماد عبد الجواد، بتطبيق نظام الحجز بالبونات قبل التوزيع بيوم منعاً للتكدس والمشاجرات. وحمّل المحافظ الدكتور أحمد ضياء الدين أصحاب محطات التعبئة جزءاً من المسؤولية، لعدم عملها بكامل طاقتها رغم توفر الغاز الصب لتعبئة الأسطوانات، مؤكداً أنه تم مؤخراً زيادة الحصة المقررة للمحافظة من ١٩ إلى ٢٣ ألف طن شهرياً.

وفى بنى سويف، تمكنت مباحث التموين، بالاشتراك مع مصلحة الموازين، من ضبط مصنعين، الأول بمنطقة بياض العرب الصناعية، والثانى فى قرية غياضة الشرقية لإنتاجهما أسطوانات ناقصة الوزن، وتحرر ضد صاحبيهما محاضر بالمخالفات، وجار التحقيق معهما.وفى دمياط، تمكنت حملات مديرية التموين من ضبط ١٤٤ أسطوانة بوتاجاز تجارية تم استخدامها فى غير الغرض المخصص لها، وتم تحرير محاضر بالوقائع وتتولى النيابة التحقيق.

هو الريس يقرب لسمير الأسكندراني ؟

أصل الراجل غناها من زممممممممممممممان وقال " إخواتي تلبس وتاكل "

يعني إسرائيل تلبس وتاكل ويدخل عندهم الغاز ... وإحنا نغور في داهيه

يمكن الريس بيعوضهم عن أفران الغاز اللي إتحرقوا فيها زمان أيام هتلر ؟

أو جمال أو علاء خدوا توكيل الغاز هناك فبيعملوا سبوبة ؟

[مصطفى يونس]

دا الوحد والله دمه اتحرق

حسبى الله نعم الوكيل

بس هنفضل كدا لامته نقول حسبى الله ونعم الوكيل

[se_ Elsyed]

أتوقع إنه هايكون موسم شتاء إسود على دماغ الحزب الحاكم

وخلي الناس تشرب وتستحمل وتروح تنتخب الحزن الوطني

أزمة أسطوانات البوتاجاز تواصل اشتعالها وسط تقاعس وزارتى البترول والتضامن.. سعر الأسطوانة يقفز إلى 35 جنيها.. ومطالب بتدخل القوات المسلحة للإشراف على التوزيع ومنع المشاجرات أمام المستودعات

[aimen]

يا جماعه ياريت ما منقعدش نقول الحكومة الحكومة فى كل حاجه

هى الحكومة دى حتقطع فى نفسها

انتم دايما كده بتشوفوا الجزء الفارغ من الكوبايه

احنا وفرنا لكم الأنابيب

انتم اتصرفوا بقى املوها غاز

املوها هوا

اتصرفوا

[se_ Elsyed]

بس يا سيدي

وما فيش بعدهابشهر إلا والمخلوع ومصايبة كلهم غاروا في ستين ألف داهية

[engmido]

يا سلام يا س س

المفروض يتخدوك بدال سامح سيف اليزل الخبير الاستراتيجى ( انظر الموضوع اللى انت كنت فاتحه عن الحكاية دى)

[متعب]

الشعب ده عشق الفزاعات واتربى على الرعب واتكيف عليه

وشويه اعلاميين شغالين على ده . سيان فى الجزيرة او الاعلام العادى . كل ده شغال لحساب اسرائيل وفزاعه العسكر

ياجماعه العسكر دول شغاليين باليوميه عندهم وبينفذوا اوامر وخلاص

بالنسبه لقضيه الغاز وتصديره ملوش اى علاقه بالاتفاقيه السلام لا من بعيد ولامن قريب

تصدير الغاز الى اسرائيل تم بدون حتى موافقه مجلس الشعب . ال هو البرلمان ال يولع على دماغ اصحابه

تصديره بالطريقه دى والصفقه ال تمت تعد جريمه مشترك فيها النظام المصرى ممثل فى وزير البترول وشلته وسليمان ومن اتخذ هذا القرار السيادى ممثل فى مبارك

ومشترك فى الجريمه دى كمان اسرائيل نفسها لانها تعد خرق واضح وسرقه اشتركت فيها كل الاطراف بما فيهم اسرائيل

ومن ثم المفترض لو الثورة هى ال حكمت تحاكم الكل على الجريمه دى وبصفه خاصه اسرائيل تحاكم فى المحاكم الدوليه لان الصفقه تمت باسعار زهيده لاتتناسب مع سعر البترول . والبترول اسعاره معروفه زى الدهب كده . يعنى سعرة اليوم بعشرة اسرائيل خدته بواحد . اذن دى مخالفه يعاقب عليها كل ال اشتركوا فيها

حد ممكن يقولى سامح فهمى فى السجن ليه اصلا الا اذا كانت صفقه مشبوهه

اذن اسرائيل مجبرة على تعديل اسعار الغاز بسعره الجديد وبصورة سريعه لانقاذها من المحاكمه لان مصر من حقها تقاضيها وتاخد فرق السعر من يوم ما تم هذا التصدير الى الان وقدر بحوالى عشرة مليار دولار سنويا . والمبلغ ده المفترض انه يتاخد باثر رجعى

ولذالك اسرائيل اعلنت على الفور انها ترحب بتعديل اسعار الغاز وبدون اى تصعيد لانها هتاخد من الحب جانب

واى اشتغالات من العسكر واسرائيل بتم بالاتفاق بينهم لشغل الفزاعات للشعب المصرى ليس الا

وتمسك اسرائيل باتفاقيه كامب ديفيد ده لمصلحتها لان الاتفاقيه كلها لصالحها هى فقط ومصر خسرانه فيها الجلد والسقط

يعنى المفترض ان مصر هى ال تهدد مش اسرائيل

ولذالك هما خايفين على استبدال النظام من اجل الحفاظ على الاتفاقيه

وطالما الشعب قال الجيش والشعب ايد واحده واصر على ده رغم كل التوعيه منه ومن جرايمه ضد نفس الشعب وهو راضى على ده ورفض تسليمه للبلاد بترحيب فئات عريضه من الشعب لده

يبقى تشربوا صح واى شىء يعمله حلال فى الشعب المصرى

كل ما تطلع اصوات تنادى بمجلس رئاسى يرفضوا تحت زريعه هيسلمها لمين وهو صمام الامان للشعب

رغم زله للنفس الشعب ومحاربته فى غازه وجازه وبنزيمه ومستلزماته اليوميه وبرده يقولوا مفيش غيره صمام امان لمصر

رغم ان تخطيط ال مشغلهم انهم يسلموا البلد بشكل يعجز اى نظام يأتى بعد مبارك لاستمرار فيه

واعتقد اسرائيل صرحت بده رسمى . وبرده صمام الامان

يبقى البسوا بقى عشان كلنا كده خارجين