تصدقو فعلا - عدم التفكير فى المال من اسرار السعادة

[اغابي]

من أسرار السعادة ألا تفكر بالمال

لا تفكر بالمال، لا تجعل مسألة التقدم بالعمر تضيق خلقك، التحلي بمظاهر السعادة يجلب السعادة عن حق.

يوجد أشخاص سعداء بحق. فقد وجد باحثون من «المعهد الوطني الأميركي للشيخوخة» أن اقتناع المرء بما هو عليه، بمعنى التصالح مع الذات وتقبل الظروف بهدف تحسينها، أمر له تأثير ايجابي كبير جدا في تحسين الحالة المعنوية والنفسية وأيضا الصحية وبالتالي تحقيق السعادة المرجوة.

ففي دراسة، أجراها هؤلاء الباحثون على عينة عشوائية من الأشخاص استمرت عشر سنوات، تبين أن الذين كانوا يتحلون بمزاج سعيد في بداية الدراسة لم تتغير حالهم بعد عشر سنوات رغم تغير الحالة الاجتماعية للفرد (أعزب أم متزوج) والعمل ومكان السكن والإقامة.

ثمة أخبار جيدة في هذه النتائج: وهو أن السلوك الايجابي، خصوصا عند مواجهة الصعاب، طريق مضمون نحو السعادة والعثور دائما على مدخل جديد لتجديد هذا الشعور.

ما الذي يحقق المزاج السعيد؟ من هم هؤلاء الأشخاص الذين يستطيعون الحفاظ على معنويات عالية ويحتقرون المحبطات؟

هناك أربع سمات أساسية تحقق السعادة وتحافظ عليها:

1- احترام الذات: السعداء دائما يحبون أنفسهم. الكثير من الدراسات في علم النفس أثبتت أن مؤشر الرضا في الحياة بشكل عام لم يكن أساسه العائلة أو الأصدقاء أو الحالة الاقتصادية (العمل والراتب) بل الشعور بالرضا عن النفس أولا وأخيرا. فالأشخاص الذين يحبون أنفسهم ويتقبلونها يشعرون بشكل أفضل بكثير تجاه الحياة عامة والقدر والظروف خاصة.

علماء النفس والاجتماع ينصحون باحترام الذات والتصالح معها حتى نكتشف نقاط القوة فينا، التي تساعدنا على أن نكون ايجابيين في الحياة. وينصحون أيضا بالابتعاد عن الشعور بالشفقة تجاه الذات، وعدم التحدث بالسلبيات. فحتى نكتشف الحب من حولنا يجب علينا أولا أن نحب أنفسنا.

2- التفاؤل: السعداء يتسلحون دائما بالأمل. إنهم أشخاص يؤمنون انه «إذا ما آمنا بشيء سيتحقق حتما». وانه «عند الاضطلاع بأي جديد عليك أن تتوقع النجاح قبل كل شيء». ربما يكون في الأمر بعض من المبالغة. ولكن أن تنظر الى كأس الحياة من منظور أن نصفه ملآن أفضل بكثير من أن تنظر اليها على أن الكأس نصفه فارغ. وهذا ما يفعله السعداء بالضبط.

المتفائلون أيضا أكثر صحة وعافية. كثير من الدراسات أثبتت أن ذوي الطباع المتشائمة دائما يلومون أنفسهم ويحملونها مسؤولية الأشياء السيئة. فالقول مثلا «انه خطأي أنا.. وضاعت حظوظي كلها...» وما شابه ذلك، تظهرنا ضعفاء الى حد المرض.

أما المتفائلون فهم أكثر قدرة على الاستمتاع بالنجاح. كما أنهم اقل عرضة لكثير من الأمراض مثل التوتر والكآبة وأمراض السرطانات والتهاب الرئة والمفاصل، لكن انتبه يجب ألا يكون الشعور بالتفاؤل مفتعلا أو مصطنعا.

3- الانبساط، أو الترفيه: كلما اهتممت بالترفيه عن نفسك أكثر أصبحت أكثر سعادة. فالأمر يتلخص بمكافأة الذات ودفع الضريبة التي تستحقها ذاتك منك. فالخروج مع الأصدقاء الى الطبيعة أو قصد دور السينما والمسرح وزيارة المعارض الفنية والحفلات الموسيقية، أو حتى قضاء بعض الوقت في الأسواق تستعرض الواجهات أو شرب فنجان من القهوة أو الشاي في مقهى، كلها نشاطات يمكن أن تضيف الكثير من الشعور بالبهجة والاستمتاع والترفيه عن النفس. وهي تصب بمجملها في تعزيز الشعور بالسعادة واغتنائه.

لا تكن منعزلا، اختلط قدر الإمكان بالمجتمع المحيط بك قدر الإمكان، تعرف على أشخاص جدد كلما سنحت الفرصة، عزز صداقاتك وعلاقاتك بأسرتك وعائلتك والآخرين باستمرار.

4- ضبط النفس: السعداء يؤمنون بإمكانية اختيار الأقدار. ففي استطلاع للرأي أجرته جامعة ميتشيغن تبين أن معرفة كيف نسير أمورنا وفق قناعاتنا الذاتية واختياراتنا الشخصية تجعلنا أكثر رضا عن الذات وبالتالي أكثر سعادة واستقرارا وايجابية في الحياة. فهناك فرق كبير بين الذين يؤمنون أن «المرء لا يستطيع السيطرة على الظروف أو التحكم بمجريات الحياة الى حد ما» وبين هؤلاء المؤمنين بأنهم هم قبل غيرهم «من يقرر نوع الحياة التي يريدون أن يحيونها» وهناك فرق كبير بين من يقول إن «العالم تديره حفنة من الرجال الأقوياء، والحياة سائرة بي وبدوني..» وبين الذين يقولون «أهم شيء في الحياة بالنسبة لي هو أنا، ولا أرضى ألا يكون لوجودي أهمية».

تغذية التحكم بمجريات الأمور تزيد من قوة التحمل وتحسن الصحة وترفع المعنويات. ففي دراسة أجرتها باحثة اجتماعية من جامعة يال، جوديث رودين، على مجموعة من المرضى يتلقون العلاج في منازلهم، وجدت أن المرضى الذين أعطوا فرصة لخدمة أنفسهم بأنفسهم وأوكلت إليهم بعض المسؤوليات البسيطة والممكنة بحسب حالتهم، وتركت لهم حرية اتخاذ القرارات اللازمة، استعادوا عافيتهم بشكل أسرع من سواهم وبدوا أكثر نشاطا وسعادة.

النصائح التي يسديها الخبراء، لكي نكون سعداء، كثيرة وبسيطة في آن. مثل أن نختار كتابا نقرأه وقت الفراغ بدل مشاهدة التلفزيون لساعات طويلة. فالكتاب يمدنا بالشعور بالطمأنينة والثقة بالنفس والغنى الروحي، على عكس التلفزيون الذي يترك في داخلنا فراغا مؤذيا وغربة من نوع لا يمكن تفسيره.

تم تعديل 14 ديسمبر 2010 بواسطة اغابي

[ozoozo]

السعاده لا يوجد لها اي عوامل خارجيه انما تنبع من داخل النفس

كما قال ايليا ابو ماضي

كن جميلا تري الوجود جميلا

[اغابي]

اقولكم خلينا نركز على نقطة التفكير فى الفلوس

اكتر شيء بيقلق الواحد هو التفكير فى الحسابات - لدرجة لو ركزت اوى ممكن تحس ان مفيش نهاية للسكة دى

ازاى

يعنى مثلا انى افكر فى المال يبقى مرتبط بطمووحات

وكل فكرة تجر للتانية والاقى نفسي فى الاخر بحمل ذهنى وافكارى حجم اكبر من طاقتى

طموحاتى مش بتخلص - والفلوس بتخلص

طب النتيجة انى حافضل مكتئب

التفكير فى المال كمان - مشكلة تانية

ان

بتحسب بطريقة وتتفاجاه ان الحسابات كلها خرمت منك وكل ترتيباتك للشهر داه اختفت

فتضايق وتفكر من جديد وتعيد تانى الحسابات

وهلما جرا

[اغابي]

السعاده لا يوجد لها اي عوامل خارجيه انما تنبع من داخل النفس

كما قال ايليا ابو ماضي

كن جميلا تري الوجود جميلا

طب الفلوس

؟

ايه اخبارها معاك

بتفكر اوى فيها

؟؟

[moory]

السلام عليكم،

مافيش حد مش بيفكر في الفلوس، كلنا بنفكر فيها، وكل واحد بيفكر فيها بطريقته الخاصة،

في الي بيفكر فيها عشان فعلا محتاجها ومش لاقيها، وعايز مجرد يكفي نفسو لحد أخر الشهر، زي اغلب المواطنيين المطحنوون في بلدنا العزيزة،،

وفي الي بيفكر فيها كراس مال عشان يعمل مشروع أو شغل خاص أو علم،

وفي الي بيفكر فيها رفاهية، يعني الحال ميسور و كويسة بس عايز فلوس زيادة عشان سفر او مجهورات أو مقتنيات خاصة (زي المكنسة الذكية الي ستات البيوت ما صدقو شافوهاا)

وفي الي بيفكر فيها عشان يتبرع بيها لوجه الله و في يعمل الطاعات،

واكييد في حاجات تانية كتيير ممكن الواحد يفكر فيها لما يفكر في الفلوس،

بس سبحان الله، لا الي معاه فلوس مبسوط، ولا الي مش معااه مبسووط،

في الغالب تلاقي ان الي حلمه الفلوس و يتهيألو ان الفلوس هيا الدنيا، اول ما يبقى معاه و ربنا يغنيه تلاقيه مش سعييد و حاسس ان في حاجات كتيير ناقصاه، وانو بيبتدي يدور بعد كده على الي مش عنده، يبتدي يدور على نفسه الي نسيها طوول الفترة الي فاتت.

وأكبر دليل على كلامك يا أغابي انو صح، تعالوا نشوف اغنى نااس في العالم، بعد ما بيحققوا خيالهم في المادة، بيبتدو ينسوها، و يعملو اعمال خير او يتفرغو لنفسهم و صحتهم و الناس من حواليهم او أي حاجة تانية مالهاش دعوة بالمادة، واكبر مثال عليهم بيل جيتس، الي ساب شركة مايكروسوفت و تفرغ تماما للأعمال الخيرية.

الأرزااق بيد الله، والله كل ما النسان بيتعب و يجتهد، كل ما ربنا هايبعتله و يديله

[se_ Elsyed]

من أسرار السعادة ألا تفكر بالمال

مالكيش دعوه أنتي .. ناوليني مليون دولار وأنا أوعدك هاتشوفني بأضحك ليل نهار ....

اوووووووووووووووف مليتو البلد

[اغابي]

السلام عليكم،

مافيش حد مش بيفكر في الفلوس، كلنا بنفكر فيها، وكل واحد بيفكر فيها بطريقته الخاصة،

في الي بيفكر فيها عشان فعلا محتاجها ومش لاقيها، وعايز مجرد يكفي نفسو لحد أخر الشهر، زي اغلب المواطنيين المطحنوون في بلدنا العزيزة،،

وفي الي بيفكر فيها كراس مال عشان يعمل مشروع أو شغل خاص أو علم،

وفي الي بيفكر فيها رفاهية، يعني الحال ميسور و كويسة بس عايز فلوس زيادة عشان سفر او مجهورات أو مقتنيات خاصة (زي المكنسة الذكية الي ستات البيوت ما صدقو شافوهاا)

وفي الي بيفكر فيها عشان يتبرع بيها لوجه الله و في يعمل الطاعات،

واكييد في حاجات تانية كتيير ممكن الواحد يفكر فيها لما يفكر في الفلوس،

بس سبحان الله، لا الي معاه فلوس مبسوط، ولا الي مش معااه مبسووط،

في الغالب تلاقي ان الي حلمه الفلوس و يتهيألو ان الفلوس هيا الدنيا، اول ما يبقى معاه و ربنا يغنيه تلاقيه مش سعييد و حاسس ان في حاجات كتيير ناقصاه، وانو بيبتدي يدور بعد كده على الي مش عنده، يبتدي يدور على نفسه الي نسيها طوول الفترة الي فاتت.

وأكبر دليل على كلامك يا أغابي انو صح، تعالوا نشوف اغنى نااس في العالم، بعد ما بيحققوا خيالهم في المادة، بيبتدو ينسوها، و يعملو اعمال خير او يتفرغو لنفسهم و صحتهم و الناس من حواليهم او أي حاجة تانية مالهاش دعوة بالمادة، واكبر مثال عليهم بيل جيتس، الي ساب شركة مايكروسوفت و تفرغ تماما للأعمال الخيرية.

الأرزااق بيد الله، والله كل ما النسان بيتعب و يجتهد، كل ما ربنا هايبعتله و يديله

يبقى ليه نظلم نفسنا ونجيب اكتئاب اكتر ما هو مموجود

خلينا نقضي ايامنا جميلة ولطيفة وبدون ما نعكن على نفسنا

ايه يعنى الفلوس والتفكير فى الفلوس

بصراحة بجد - انا كنت بحسب كويس زمان - لكن حاليا

استحالة افكر فى حاجة اسمها الفلوس بعد ما اكتشفت انها بتوتر الاعصاب

وبتضيع الوقت وبتحمل الواحد فوق طاقته

تعالو نتمتع بالحياه ونفكر فى حاجة غير الفلوس وما تحرمش نفسك من حاجة

شكرا يا مورى

ياريت تسمعيني يا مهندسة

وتنفذى نصيحتى

تم تعديل 14 ديسمبر 2010 بواسطة اغابي

[اغابي]

من أسرار السعادة ألا تفكر بالمال

مالكيش دعوه أنتي .. ناوليني مليون دولار وأنا أوعدك هاتشوفني بأضحك ليل نهار ....

اوووووووووووووووف مليتو البلد

احنا برضوة اللى ملينة البلد

;)

تراهن

حتى لو معاك التريلللللون دولار

bsh:)

برضوه مش حتبقى سعيد وحتفضل تفكر اكتر بكتير من الاول

smk:

تم تعديل 14 ديسمبر 2010 بواسطة اغابي

[ComingSoon]

عن نفسي اكثر من 50% من وقتي يستغرق في التفكير في المال

لأن الربح والعمل مثل الأدمان مش عشان الصرف والسفر والمقتنيات ووو .. اللي الناس مضيعة عمرها في التفكير فيها

والحمد لله سعيد

وشعاري (لاحيلة في الرزق ولاشفاعة في الموت)

المهم الدنيا تكون في ايدي مش في قلبي

[ابو محمد بن مصطفي]

اعرف واحد معاه فلوس بكل عملات العالم دولار يورو حتي الايوان الصيني منفدش من تحت ايديه

بس صاحي 25 ساعة في 24 ساعة

ويا سلام لو حد طلب منه فلوس سلف يبقي ياويله يا بلاك ليلوه

حكالي ان واحد صاحبه طلب منه 3 قمصان من امريكا يجبهم معاه وهو جي ...وصاحبه ضرب عوافي علي ال120 دولار تمن القمصان

تعرفوا ماشي يكلم نفسه

[Ahmed Anwer]

شخصيا ،،، مش عايز غير الصحة و الستر

بس الفلوس مش غاية هيا وسيلة قياس

يعني وسيلة قياس لمدي نجاحك في الحياة

المرسيدس عربية أحسن من أي عربية بس أي عربية برضه هتأدي نفس الغرض

بس أنتا عايز المرسيدس عشان الناس تقول ده راكب مرسيدس

مش عايزها عشان هيا فعلا عربية رفاهية و راحة و فخامة و متعة

عايز تكسب فلوس ،، مش عشان الفلوس في حد ذاتها ،، عشان الناس تقول ده ما شاء الله عليه بيعرف يكسب فلوس

الفلوس وسيلة قياس ،،، الفلوس نتيجة و برهان

اللي شايفه حواليا إن الناس ماشي لسه بتقول ده راجل محترم جدا ،، ده راجل موهوب جدا ،، ده راجل بتاع ربنا

بس الإعجاب و التقدير الحقيقي بيكون لصاحب الفلوس

طبعا ده في نطاق طبقة المستورين ،،، زي مأنا متوقع في أعضاء المنتدي

لكن مش في نطاق طبقة اللي عايزين يعيشوا و خلاص ،،، دول ربنا يكون في عونهم

[rewsha]

اعرف واحد معاه فلوس بكل عملات العالم دولار يورو حتي الايوان الصيني منفدش من تحت ايديه

بس صاحي 25 ساعة في 24 ساعة

ويا سلام لو حد طلب منه فلوس سلف يبقي ياويله يا بلاك ليلوه

حكالي ان واحد صاحبه طلب منه 3 قمصان من امريكا يجبهم معاه وهو جي ...وصاحبه ضرب عوافي علي ال120 دولار تمن القمصان

تعرفوا ماشي يكلم نفسه

لو تعبان في الفلوس دي ....يبقى من حقه يمشي يكلم نفسه

مهما كان الواحد معاه فلوس كتير

لكن لو حس انه انضحك عليه وحد مستكتر الفلوس دي عليه يبقى من حقه يتضايق

بمعنى

سواء انا معايا فلوس كتيره او قليله لكن اعطي بمزاجي

ماحدش ياخد حاجه مني بمزاجه هوه (او غصب عني)

خصوصا لو الواحد تعبان في القرش ده

لكن لو مش تعبان فيه يبقى

easy come easy go

[ابو محمد بن مصطفي]

اعرف واحد معاه فلوس بكل عملات العالم دولار يورو حتي الايوان الصيني منفدش من تحت ايديه

بس صاحي 25 ساعة في 24 ساعة

ويا سلام لو حد طلب منه فلوس سلف يبقي ياويله يا بلاك ليلوه

حكالي ان واحد صاحبه طلب منه 3 قمصان من امريكا يجبهم معاه وهو جي ...وصاحبه ضرب عوافي علي ال120 دولار تمن القمصان

تعرفوا ماشي يكلم نفسه

لو تعبان في الفلوس دي ....يبقى من حقه يمشي يكلم نفسه

مهما كان الواحد معاه فلوس كتير

لكن لو حس انه انضحك عليه وحد مستكتر الفلوس دي عليه يبقى من حقه يتضايق

بمعنى

سواء انا معايا فلوس كتيره او قليله لكن اعطي بمزاجي

ماحدش ياخد حاجه مني بمزاجه هوه (او غصب عني)

خصوصا لو الواحد تعبان في القرش ده

لكن لو مش تعبان فيه يبقى

easy come easy go

شوفي يا روشة .... طبعا هو تعبان في الفلوس

وكل واحد بيتعب في الفلوس .... بس المواقف التي تحدث للواحد تجعله يتعرف علي شخصية الانسان اللي بيعمله

يعني شخص بسيط ولكنه كريم وعايشها ببساطة... مش معقدها

وانسان معاه المال ولكن يجعله الحرص علي المال غير قادر علي الاستمتاع بحياته

مما يجعل اقرب الناس اليه ينفرون منه لبخله

فالبخيل اتعس انسان في الدنيا ممكن تقابليه

ومعلومة علي الماشي (دراسة سلوكيه علمية) .... اثبتت ان الطفل بتعلم البخل من امه