اختبار ياباني - ( 4 ) - بس مفاجأه

[م تيمور المراغي]

مش اتفقنا ان الاختبارات تبقى بالليل ؟

طيب اول حاجه الاختبار ده مش ياباني خالص ,,

بس هو جريا على الموضه اللي جرت في الايام الاخيره وتلاقي ان الموقع عربي 100 % - طيب ايه علاقت الياباني :happy:

الاختبار اجراه عالم النفس ا لياباني الشهير - كاتا ميتو ياما تاني -

وهو بعنوان

كيف تستطيع ان تعرف انك وقعت في الحب

وقد تم اجراءه على عينه كبيره مكونه من 17 فرد تقريبا لم يستطع اي منهم ان يتم الاختبار من كتر ماهو صعب

الطريقه سهله جدا ,,اذا اجبت بنعم لا تضع اي نقطه

واذا اجبت ب لا ,,

ايضا لاتضع اي نقطه لانه تحت شارح كل اختيار من اختياراتك لكل سؤال بشكل منفصل :happy:

معلش طولت عليكم ,, اسيبكم مع الاختبار

من خلال الاسئلة التالية يمكنك التمييز بين الحب الحقيقي أو الوهم بالحب

لا تجب بنعم إلا إذا كنت واثقاً من إجابتك، أما إذا ساورك الشك فأجب لا.

1 - هل حدثت هذه المشاعر فجأة؟

نعم

لا

2 - هل تشعر بالغيرة الشديدة والغيظ إذا حاول شخص آخر التقرب إليها أو (إليه)؟

نعم

لا

3 - عندما لا تكونان معاً، هل تظل تفكر فيه وتعطل كل أعمالك أو دروسك؟

نعم

لا

4 - هل تشعر بالحب عندما تكونان معاً أكثر مما تكون بمفردك؟ (فكر جيداً)

نعم

لا

5 - هل تشعر أنه أو (إنها) أكمل إنسان في الوجود؟

نعم

لا

6 - هل تشعر بالتعاسة - بصفة عامة - وأنت مع أسرتك؟

نعم

لا

7 - هل تعرف رأيه بصراحة بالنسبة لموضوعات حيوية مثل: المال، الأطفال، تحمل المسئولية، العمل؟

نعم

لا

8 - هل تجد أنك تتوق دائماً إلى الظهور في أفضل صورة أمامه؟

نعم

لا

9 - هل يشترك كل منكما في الشكوى من عدد كبير من المتاعب المشتركة في المنزل، أو من الأبوين أو من أي شئ آخر في حياتكما؟

نعم

لا

10 - هل تطلع أصدقائك على رسائلها عبر النت أو في الموبايل؟

نعم

لا

الإجابة

1. إن الحب الحقيقي لا يحدث فجأة، و لكننا عندما نقابل شخصاً يتكلم أو يتصرف بالطريقة التي نتخيلها فإننا نعجب به، أما الحب فيحتاج الى الوقت.

2. الغيرة ليست دليلاً على الحب ومن الممكن ان يكون الشخص شديد الغيرة حتى لو لم يكن يحب مطلقاً، فالغيرة هي غريزة الطمع وحب التملك، ولكن الاهتمام والحرص على مشاعر الحبيب هو الدليل على الحب.

3. الحب مشاعر إيجابية وترتبط بها باقي تصرفات المحب، لذلك السرحان والإهمال في العمل أو في استذكار الدروس لا يدل على الحب، ولكن مادمنا نحب فالدليل هو أن ننجح ونتقدم وليس العكس.

4. إن الحب لا يقل عندما تكون بعيداً عنه، ولكن إذا شعرت ببعض الشكوك وأنت بعيداً عنه ولكنها تزول عندما تقابله وتنسى كل شكوكك، فهذا دليل على أن تأثيره عليك قوي وأنه يمسك ذمام الأمور بيده هو، وهذا أكبر دليل على أن المشاعر سطحية لا ترقى أبداً إلى الحب.

5. إن الحب ليس أعمى كما يقول الناس، ولكن الشخص الذي يحب، يعرف ويفهم عيوب الآخر ومع ذلك فهو يحبه بعمق، أما الشخص المنوم مغناطيسياً فهو لا يرى أي عيب وقد يحسبها مزايا.

6. عندما تكون تعيساً في حياتك العائلية أو بصفة عامة فإن ذلك يصور لك أنك وقعت في الحب، فكل اهتمامك يكون منصباً في شخص ينقذك من معاناتك، وبأنك ستهرب من كل ذلك بالحب.

7. إن الحب لا يجب أن يظل شاعرياً دائماً بل يجب أن يكون واقعياً أيضاً، لذلك فيجب ألا يشغلك الحب عن معرفة رأي حبيبك في هذه الموضوعات الحيوية.

8. لا يضر عندما يراك في أفضل صورة، ولكن هل أنت على هذه الصورة الأفضل في كل دقيقة في حياتك؟ وهل تشعر أنه سيصدم لو رآك على حقيقتك عندما تستيقظ من نومك؟

9. المشاركة في البؤس والمتاعب لا تعني الحب، فكثيراً من الشباب عندما يجد زميلة تشاركه نفس ظروفه يظن أن هذه الظروف قد جمعتهما وأنهما خير لهما أن يرتبطا سوياً لاشتراكهما في نفس المصاعب، ولكن هذا بالطبع ليس حباً ولكنه قد يكون إحساس بالراحة لوجود شخص آخر مثلنا.

10. إن الحب رابطة خاصة بين اثنين، وهو لا يمكن أن يكون حباً إذا سمح أحد الطرفين باطلاع حتى أصدقائه على رسائله أو تفاصيل علاقته بعد أن اطمأن إلى أن الحبيب سيحترم هذه الخصوصية.

إذا وجدت أن أفكارك قد اهتزت بعض الشئ بعد أن عرفت كل هذا عن الحب الحقيقي، فالوقت مازال أمامك لكي تراجع نفسك قبل اتخاذ قرار قد تندم عليه كل العمر.

[اغابي]

والله انت بتهذر يا تيمور

يعنى اهو طلع فخ يابانى

;) ;)

انت بتوقعنا فى الفخ - الواحد يفضل فرحان يقول نعم نعم

ههههههههههه

وفى الاخر الصدمة بقى

الله يخرب عقلي - والله الموضوع دمه خفيف

مقلب مقلب

كتر خيرك يا ريس

تم تعديل 14 ديسمبر 2010 بواسطة اغابي

[Dreamwithme]

اختبار لطيف جدا

ومقلب جامد جدا

شكرا

[رضوي]

دة مش ياباني ............ دة طلع

صنع في الصين

بس موضوع لذيذ ............ وكلام ف الجون

[engmido]

ده اختبار تايوانى

[مصطفى يونس]

المفروض ان الواحد مننا يحل الاختبار ده ومراته مش جنبه

[Simba]

واحد اسمه ياما تاني :blink:

هنتستني منه ايه تاني

عندكش اختبارات تاني

[Howayda Ismail]

ده اختبار تايوانى

:yes: :yes:

تم تعديل 14 ديسمبر 2010 بواسطة Hend ali

[صافى]

ربنا يستر الواحد شكلة هيراجع نفسة تانى

شكرا جدا ليك على الاختبار

[م تيمور المراغي]

والله انت بتهذر يا تيمور

يعنى اهو طلع فخ يابانى

;) ;)

انت بتوقعنا فى الفخ - الواحد يفضل فرحان يقول نعم نعم

ههههههههههه

وفى الاخر الصدمة بقى

الله يخرب عقلي - والله الموضوع دمه خفيف

مقلب مقلب

كتر خيرك يا ريس

عصفور النيل الطاااازه ,, انا بياعه المشهووووور

هههههههه :happy:

اي خدعه يا كبير ,,

[م تيمور المراغي]

اختبار لطيف جدا

ومقلب جامد جدا

شكرا

مش حيكون الطف منك ,,

ولا اجمد من الكاب اللي مغميه بيه عينين القطه ,, :happy:

العفو يا دريم ,,

[م تيمور المراغي]

واحد اسمه ياما تاني :blink:

هنتستني منه ايه تاني

عندكش اختبارات تاني

انت الوحيد اللي كشفتها يا سمبا ههههه :happy:

ماتقلقش ده بس بالونة اختبار ,,

انما كل يوم من ده على ودنه

وياما تاني ,, مسيره حيقع من تاني :wub:

[م تيمور المراغي]

ده اختبار تايوانى

لا ده اختبار ياماتاني :happy:

لسه بدري عليك يا ميدو

[م تيمور المراغي]

ربنا يستر الواحد شكلة هيراجع نفسة تانى

شكرا جدا ليك على الاختبار

العفو يا صافي ,,

بس ماتنسيش المراجعه تبقى بشويييييش ,, :happy:

وهاتي بقى الورده بتاعتي اللي في ايديك دي ,,

وخدي دي بدالها

[م تيمور المراغي]

المفروض ان الواحد مننا يحل الاختبار ده ومراته مش جنبه

امال انا بقى اقول ايه ,,

هو انا كنت حقدر انزله من اصلوا

لو كانتش المذكوره في بلد تانيه يا راااجل هههههه :happy:

[م تيمور المراغي]

دة مش ياباني ............ دة طلع

صنع في الصين

بس موضوع لذيذ ............ وكلام ف الجون

لسه التقيل جاي ورا يا رضوى ,,

تابعينا ,,

ستجدوا ما يسركم :happy:

[م تيمور المراغي]

ده اختبار تايوانى

:yes: :yes:

non:: non::

[مغتربة]

لا مينفعش كدا يا استاذ ارتتيكت

لو سمحت

حقوق الملكيه اليابانيه فى المنتدى محفوضه ليا smk:

يا حضرتك تدفع تمنها الاول علشان اسمح لك باستغلالها

يا اما حضرتك تحول بقى على الصينى و لا التيوانى :P

لكن مقدرش اضمن لك جودتهم ;)

فى موضوع كورى شغال برضه مش بطال و استعمال طبيب ينفع

[م تيمور المراغي]

لا يا مغتربه مش حروح للكوري او الصيني ,,

انا مش بثق غير في الياباني الاصلي :happy:

والبروفيسور ياماتاني تحديدا - فقط لا غير ,, :happy:

ومستعد اني ادفع لك الثمن