عايز أعرف رأيكم

[bocaliz]

السلام عليكم ورحمه الله وبركاته ,

انا اتعلاض عليه فيزا حره محاسب بمبلغ 25000 جنيها مصرى بجده

انا والدى يعمل فى جده وهروحله وهبتدى رحله البحث عن عمل ادعولى بأه

انا خريج تجاره خارجيه 2007

ولدى هبرة سنه فى الحسابات وسنتين فى التسويق والسيلز

أرجو الافاده ب

1- كبلغ الفيزا مناسب ام لا ؟

2- الجصول على العمل سهل أم صعب ؟

3- أى مهنه مقيده لى وأى مرتب يكون مناسب لى ؟

4- هل ينفع ايعا بزوجتى فى المستقبل سهل ولا صعب ؟

5- هل يوجد اى اضافه لى او نصيحه ؟؟؟؟

وجزاكم الله كل خير ...........

[المقاتل محمد]

أخى العزيز السلام عليكم و رحمة الله و بركاته

طبعآ أنا حزين جدآ على الشباب الى بيدفع مبالغة طالة علشان يسافر؟!

لو تقبل نصيحتى لوجه الله تعالى بلاش تسافر بطريقة دى ؟!

صدقنى لو ليك نصيب يبقى السفر هيجى بس من غير متدفع فلوس

و بعدين منتا كدة كدة هتروح تدور طب مدور من هنا أحسن... أفتح جريدة الأهرام يوم الجمعة هتلاقى كتير قوى

خلينى معاك هتسافر و تدفع 25000 و طبعآ أول متروح محتاج تأمين هيخش فى 7000 ريال او اكتر و بعدين الله و أعلم هتدور قد اية لحد متلاقى شغل؟!

وطبعآ فى أخوة كتير ليهم خبرة عنى لأنى خبرتى فى السفر 15 سنة مش السعودية كلها أوربا... بس من خلال بحثى فى الموقع أقدر اجاوب أسئلتك ولو فى حاجة غلط أكيد الأخوة هيصححوها.

1- طبعآ المبلغ كبير جدآ

2- حسب المكان و أعتقد جدة هتكون سهلة ان شاء الله

3- ان حضرتك هتشتغل محاسب متقبلش أقل من 2500 او 3000 ريال

4- استقدام الزوجة لمهنة محاسب أعتقد سهلة

5- ياريت متسافرش و أنت لسة ملقتش شغل و دافع فلوس

أرجو من الله ان يوفقك الى مافية خيرآ لك

تم تعديل 15 ديسمبر 2010 بواسطة المقاتل محمد

[bocaliz]

ألف شكر استاذ المقاتل محمد على الافاده والنصيحه

بس حبيت استفسر منك على التأمين اللى بتقولى عليه يعنى ايه وتأمين ايه بالضبط اللى هو ب 7000

انا عايز اعرف تامين ايه هل تامين سكن أو طبى ولا ايه بالضبط ؟

جزاك الله خيرا

[doha]

بالنسبة لسعر التاشيرة وطالما انها بمسمى محاسب فهو سعر مناسب جدا..

بالنسبة لامكانية استقدام زوجه فده ممكن باذن الله مع هذا النوع من التاشيرات..

بالنسبة لتوافر الشغل فالمحاسبين بالذات شغلهم في السعودية اكتر من الهم على القلب يعني متقلقش ابدا ده بالعكس ممكن اول ماتوصل تلاقي شغل تاني يوم..

الحاجه الوحيده الي مش هقدرافتيلك فيها هي مسالة الراتب وللاسف هي دي مربط الفرس ..

خبرتك مش قليلة بس برضه مش كتيرة .. وشغل المحاسبين متوافر بكثرة ايوه بس في ناس كتير بتديلهم رواتب تعبانه جدا ..

ممكن الاخوه في المنتدى يفيدوك برينج الرواتب بالنسبة لخبرتك بس اخر حاجه ممكن اضيفها لك ان لو لسه مشتريتش التاشيرة فممكن تستخير وبمبلغ التاشيرة دي خذ شهاده سي ام ايه مثلا واشتغل لك سنة اضافية في مصر في اي حته هيفرق معاك الموضوع ده جامد في الراتب . طبعا لو انت اصلا بتاع مذاكرة وعندك استعداد تطور نفسك امال لو انت ماصدقت خلصت الكلية وولعت في الكتب يبقى توكل على الله وسافر .. و ان شاءالله تتوفق في حاجه كويسه في السعودية..

[المقاتل محمد]

ألف شكر استاذ المقاتل محمد على الافاده والنصيحه

بس حبيت استفسر منك على التأمين اللى بتقولى عليه يعنى ايه وتأمين ايه بالضبط اللى هو ب 7000

انا عايز اعرف تامين ايه هل تامين سكن أو طبى ولا ايه بالضبط ؟

جزاك الله خيرا

أخى العزيز موضوع ال 7000 ريال تأمين طبى و أنا عرفت الكلام ده من واحد قابلته فى المعامل المركزية كان بحلل و معه ليسانس حقوق و كان سافر السنة الى فاتت بفيزا حرة وقالى انو أول ماراح دفع 7000 ريال تأمين و هو رجع بعد مالقة شغل علشان يسافر تانى على الشركة الى تعاقد معهم.

المهم أنت فكر كويس و أستشر على قد متقدر ماخاب من أستشار

[hakeem]

ألف شكر استاذ المقاتل محمد على الافاده والنصيحه

بس حبيت استفسر منك على التأمين اللى بتقولى عليه يعنى ايه وتأمين ايه بالضبط اللى هو ب 7000

انا عايز اعرف تامين ايه هل تامين سكن أو طبى ولا ايه بالضبط ؟

جزاك الله خيرا

أخى العزيز موضوع ال 7000 ريال تأمين طبى و أنا عرفت الكلام ده من واحد قابلته فى المعامل المركزية كان بحلل و معه ليسانس حقوق و كان سافر السنة الى فاتت بفيزا حرة وقالى انو أول ماراح دفع 7000 ريال تأمين و هو رجع بعد مالقة شغل علشان يسافر تانى على الشركة الى تعاقد معهم.

المهم أنت فكر كويس و أستشر على قد متقدر ماخاب من أستشار

لا افتكر موضوع التأمين ال7000 ريال ده مش صحيح..لان ناس اعرفهم هناك مسافرين بس بمهنة تانية بيدفعوا 1700 ريال تجديد أقامة وتأمين ده بالاضافه ل 2000 ريال جدعنة للكفيل علشان يسمحلك تشتغل (شفت الحلاوة)..بس يمكن التأمين بيختلف من مهنة لمهنة بس مفتكرش يوصل ابدا 7000 ريال

وبعدين اللى راح اصلا بفيزا حرة ليه هيرجع مصر تانى وبعدين يروح على الشركة اللى اتعاقد معاها..الكلام ده ممكن لو الامارات ورايح بتأشيره سياحة او زيارة انما السعودية عادى تروح بفيزا حرة وتشتغل وانت هناك من غير ما ترجع هنا تانى..عادى خالص..

و بعدين منتا كدة كدة هتروح تدور طب مدور من هنا أحسن... أفتح جريدة الأهرام يوم الجمعة هتلاقى كتير قوى

فعلا الاهرام بينزل فيه شغل محاسبين كتير جدا للسعودية وخصوصا يوم الجمعة..بس خلى بالك

1-هتلاقى المرتبات للمحاسبين (مش مدير مالى مثلا)من 1500 الى 2000 ريال..وده عن تجربة ولف كتير على المكاتب اللى اغلبهم مش محترمة

2-هتلاقى بردوا تأشيرتك جاية بمهنة عامل او سواق..وانا كنت فى تجربة من دى قريب وسالت الناس هنا وردت عليا الناس هنا ومن ضمنهم مدام ضحى ربنا يكرمها

3-هيتعمل معاك عقد هنا ووثقه من اى مكان تحبه..هتروح هناك تلاقى عقد تانى..والله اعلم بيه..ممكن تلاقى مرتب غير المرتب ..كلام غير اللى اتكلمتوه هنا..وممكن متلاقيش الشركة اللى انت رايح عليها..وانا كان حصلى كده بس الحمد لله ربنا ستر ومخسرتش حاجة

4-رحت هناك ومعجبكش الشغل متقدرش تسيبه وتشوف غيرة..ومش عاجبك روح بلدك.ده لو كفيل محترم.وتخيل بئا لو مش محترم ممكن يعملك ايه

وبالنسبة لكلام مدام ضحى فهو سليم جدا..لو تقدر تاخد السى ام ايه..هتفرق معاك جامد

اما لو مقدرتش فسيبك من انك تاخد خبرة هنا لان المرتب اللى هتسمعه النهارده هتفضل تسمعه لسنين كتيره قدام..وهترجع فى الاخر لو حبيت تسافر هتجيب بردوا فيزا حرة..

صلى استخارة واللى ربنا كاتبهولك هيكون..وربنا يوفقك

تم تعديل 15 ديسمبر 2010 بواسطة hakeem

[Mohamedabd]

يا صديقى العزيز

أنا كنت بالرياض لمدة 6 سنين ولسة نازل نهائى

المبلغ معقول بالنسبة للمهنة

المهم انك تلاقى شغل يعوضلك المبلغ دة علما بأنة كان فى شركتى محاسبين مصريين من فئة 900 ريال لاى 1200 ريال فى الشهر وبالذات انك خريج جديد

أحسنلك اشتغل سيلز بس فى حاجة تكون فاهمها أما لو عايز تكمل محاسب ادرس CMA حتفرق معاك كتير هيا وال CBA

والتأشيرة لحد دلوقتى المهنة تقدر تستقدم بيها وياريت ماتنقلش كفالة للى حتشتغل عندة أول ماتوصل أصبر شوية شوف الوضع اية وربنا يوفقك

[bocaliz]

a;را أخوانى بجد بجد فدتونى كتير وربنا يوفقككم فى عملكم ويزيدكم بركه

ان شاء الله اكون معاكم فى رحله المغتربين وربنا يعينا جميعا بأذن الله

بس سؤال نهائى هل الافضل فى المرتب المحاسب لى او السيلز واى رواتب أفضل لى؟؟؟

وجزاكم الله كل خير

[خالد شحاته]

الاخ الفاضل

السلام عليكم ورحمة الله وبركاته

اولا السعر في تاشيرة محاسب معقول لان كماذكر احد الاخوه هنا لان متاح لك الاستقدام الاستقدام الان بي 20 الف ريال علشان تجيب زوجتك وانت مهنة حرفيه وانا اتعب نفسي ليه وانا اقدر وعندي الفرصه اني تكون تاشيرتي غاليه شويه وهرتاح بعدين المهم كمان مش في التاشيره المهم في كفيل التاشيره بعد ماجي هنا تبد طلباته الا مش هتخلص المهم ان يكون كفيل كويس ترتاح معه لو طلبت اي اوراق تكون جهازه مش يطلع روحك علشان ورقه وانت مشاء الله والدتك بتقول هنا يعني ممكن من معرفه يدور لك علي مكان مناسب

[bocaliz]

شكرا يا استاذ خالد شحاته على الافاده

[اكون او لا اكون]

اخي العزيز توكل علي الله

مهنة التاشيرة كويسة ودة سعر مناسب

الشغل بايد ربنا وهتلاقي ان شاء الله

بس فرصة الراتب في المبيعات افضل واسهل وبتتحرك مش بتقعد في مكتب طول النهار وليها نسب وعمولات والاربح منها العطور ومستحضرات التجميل والادوية واعرف ناس دبلومات وشهادات اقل منك بياخدوا 3 و 4

موضوع التامين يبدا من 800 ريال الي 1400 اقصي شئ

750 ريال اقامة سنة

200 كارت عمل

دي اول مصاريف بس

وبالتوفيق ودعواتك

[bocaliz]

شكرا أخى اكون او لا اكون على الرد والافاده

وجزاك الله خيرا وده مش ردك ليه الاول وان شاء الله مش الاخير

لآنى أكيد هستفيد منك فى حاجات كتير ومن جميع الاخوه

ربنا يباركلنا ويكرمنا بأذن الله