هل تتزوج امرأة أكبر منك سنا؟

[اغابي]

يارب يارب ما يكون الموضوع اتفتح قبل كدا اكمنى كل ما افتح موضوع الاقيه موجود فى المحاورات او الارشيفففففف

احم احم - ايه داه - احنا ابتدينا مش تقولولى اننا بنسجل على الهــوى

السيدات والسادة الافاضل

الموضوع لفت انتباهى لاسباب كتيرة جدا

اعتذر فى البداية لو كان مكانة فى باب التكافل الاجتماعى - لانى حسيت انه المكان المناسب بصراحة

ثانيا

السؤال موجه للمرأه والرجل لمعرفة الاراء

ياترى ......(هى)........ هل ........ هى توافق على الزواج بشاب اصغر منها سننا ؟؟

ياترى ......(هو)........ هل ........ هو يوافق على الزواج بامراة اكبر منه سننا ؟؟

ولمـــــــــــاذا ؟؟

اليكم هذا التحقيق ووجه النظر من قبل بعض الاراء

وايضا من وجه نظر علم النفس

انتظروا رايي الشخصي .......... لكن بعد ما اسمع اراؤكم

عندما يتزوج الرجل امرأة أصغر منه سنا، فإن هذا يعتبر أمرا عاديا وربما مدعاة لفخره وحسد الرجال الآخرين، خاصة إذا كانت الزوجة أصغر منه بكثير. لكن ماذا لو كان العكس هو الصحيح، وتزوج الرجل امرأة أكبر سنا منه؟ فهل سينظر الآخرون إلى الزيجة النظرة نفسها أم أن نظرات التعجب والاستنكار وربما التهكم ستلاحق الطرفين؟

الزواج علاقة تبنى على التقارب النفسي والعاطفي والتفاهم بين الشريكين، وشرط فرق السن لمصلحة الرجل كما هو معتاد ومقبول في المجتمعات ربما يرجع الى عدة أسباب منها الدور القيادي للرجل في الأسرة، الذي ربما يفترض أن الأكبر سنا هو من يقود الأسرة لأنه الأكثر حكمة وخبرة وتجربة بحكم عمره. إلى جانب أنه يقال ان المرأة تشيخ وتهرم قبل الرجل، لذلك من الأفضل أن تكون أصغر منه سنا.

لكن هل تقاس أمور القلب والزواج بمسطرة معايير ثابتة

أم أن الزمن يتغير وما كان الرجل يرفضه بالأمس قد يقبله اليوم؟ لأن مسألة قيادة الأسرة وسلطة الزوج أصبحتا أمرا مشكوكا فيه بعد أن ترك الكثير من الرجال زمام الأسر بيد الزوجات تهربا من المسؤولية.

أما مسألة جمال المرأة الذي يذوي مبكرا، فلم يعد أمرا مهما أيضا بعد عمليات التجميل والشد والنفخ التي ترجع بنت الخمسين لتنافس بنت العشرين في الجمال. التقيت بعدة رجال تحدثت معهم حول هذا الموضوع، لكن لدي ملاحظة قبل عرضي لآرائهم وهي أن أغلب الشباب الصغار كانوا يرفضون الفكرة، أما الأكبر سنا فأبدوا تقبلا للموضوع وتحدثوا عن أهمية النظر لصلاحية المرأة بأن تكون شريكة حياة متقاربة مع الرجل في التفكير والاهتمامات قبل النظر الى عمرها.

هناك راى يقول ان

لن يكون في صالح الزوجين معا

- المرأة أذكى من الرجل عموما، فما بالك لو كانت أكبر منه وأكثر نضوجا وخبرة؟ هي نفسها لن تكون سعيدة معه وقد تستهين به وبرأيه. القرار والهيبة في البيت سيكونان في هذه الحالة لها حتى بالنسبة للأبناء.

من يتزوج امرأة أكبر منه يصبح «سكانه مرته»، وبعد فترة من الزواج سيندم ويبحث عمن هي أصغر سنا تشعره بسلطته وهيبته، وتهتم بالأخذ برأيه ومشورته.

هناك راى اخر

التفاهم أهم

وراى اخر يقول ان البحث عن التوافق بين الشخصيتين أهم من البحث عن الفارق في العمر بينهما، وأضاف

- إذا كان الرجل أصغر من زوجته بفارق عشر سنوات مثلا، وكان هناك توافق بين الشخصيتين فلا مشكلة إذن، لكن لو كان هناك اختلاف بين الشخصيتين وعدم انسجام فأول ما سيعاير به الرجل زوجته هو عمرها، وسيقول لها انها عجوز وأنه سيبحث عمن هي أصغر منها، وهي ستغار أيضا عليه لو كان أصغر منها.

أهم شيء أن يكون هناك تفاهم بين الزوجين والعمر ليس مشكلة، فما الذي يستطيع الرجل أن يفعله أمام زوجة صغيرة إذا لم تكن عاقلة أو متفقة معه في الشخصية؟

أما مسألة الشكل وشيخوخة المرأة قبل الرجل، فلا أعتقد أن من الممكن الحديث عنها هذه الأيام في زمن عمليات التجميل التي تعيد المرأة عشرين سنة الى الوراء.

رأي علم النفس

التفاهم الأصل في الزواج

د. مروان المطوع - استشاري علم النفس - علّق على مدى إمكان نجاح الزيجات التي تكون فيها الزوجة أكبر عمرا من زوجها بقوله:

- الأصل في الزواج، وفي اعتقادي الخاص ومن خلال التجارب العيادية والسريرية، لا يعتمد على العناصر الظاهرية، لكن هناك عناصر أساسية في الاختيار الزواجي، على سبيل المثال جوهر المرأة وطريقة تفكيرها واتجاهاتها نحو الحياة والمسؤولية المشتركة، وقدرتها على التفاهم والتنازل والتضحية.

هناك شيء مهم ننساه دوما، وهو أن الزواج مصدر الراحة المتبادلة والشعور بأن المرأة مصدر الأمان والطمأنينة. هل كل ما سبق ذكره يخضع لعامل العمر؟ لا أعتقد. بدليل أن هناك رجالا يتزوجون بنساء أصغر منهم بعشر وعشرين سنة وأكثر. فلماذا لا يكون العكس صحيحا، ويتزوج الرجل امرأة أكبر منه عمرا عندما لا يجد امرأة بالمواصفات المذكورة إلا عند امرأة اكبر سنا؟

العامل الثاني في اختيار الرجل لهذه المرأة هو أنها تكون عادة أكثر نضجا من النواحي العاطفية، وأكثر خبرة في الحياة ومشاكلها، وأكثر قدرة على اتخاذ القرارات الخاصة بالحياة الزوجية وتفهما لحالة الزوج الوظيفية وضغوط الحياة.

المرأة كلما تقدم بها العمر تكون أكثر هدوءا وثباتا ومتزنة انفعاليا، ومن هنا يفضل بعض الرجال اختيار المرأة الأكبر سنا لأنه يرى فيها صورة الأم المفقودة في حياته والتي يشعر معها بالأمان حيث الحب والحنان والعاطفة التي بلا حدود.

الأصل في الزواج هو عملية القدرة على التعايش بين الطرفين، وعلى التوحد والتقمص العاطفي بين الطرفين. لهذا أجمع العلماء على أنه لا يوجد عمر مثالي للزواج، وأن الظروف السابقة عندما تتحقق يكون العمر عاملا ثانويا في الاختيار الزواجي.

عندما يختار الرجل امرأة يبحث عن امرأة هادئة متفهمة تتحمل المسؤولية، ولديها قدرة على العطاء والحب والتواصل، ولا يقول لمن يساعده في البحث عنها أريد زوجة بعمر العشرين مثلا.

هناك فئة قليلة من الرجال تختار النساء لسبب آخر هو السبب المادي، فهؤلاء شخصيات عدوانية

وعدوانيتهم تتمثل في استغلال الآخرين ماديا

بمعنى أنه يتزوج المرأة ليحصل على أموالها ومن دون أي اعتبارات عاطفية، وبعد ذلك يطلقها ويبحث عن ضحية جديدة.

[م تيمور المراغي]

موضوع مثير للفكر يا غيبو تسلم ايديكي

انا رأي ان الرجل هو مايستروا العلاقه الزوجيه بقوة شخصيته وتحكمه في الايقاع ,,

يعني اعرف واحده زوجها اصغر منها لكنه مالي عليها حياتها ومخليها تبان اصغر من سنها ,,

وواحده تانيه والله في نصف عمرها لكن تبان كبيره من قرف ونكد زوجها المتواصل ,,

لو المايسترو فنان ,, حيستمر قارب الحياه بكل هدوء وسكينه

[عنبو]

موضوع الزواج ده مالوش علاقه بالسن

ده علاقه بالكيمياء

يعنى لازم الاتنين يتحدوا علشان يكونوا مركب جديد ويصعب الفصل بينهم

انا على استعداد ان اتزوج بواحده اكبر منى سناً بس لو احنا الاتنين متوافقين

واستحاله واكرر استحاله اكمل مع واحده احنا الاتنين مختلفين تماماً

تحياتى

عنبو

[م تيمور المراغي]

مش عايز تنسى الهندسة الكيميائية يا عنبي حتى في الجواز ههههههه :happy:

[moory]

لو متريشة و راقدة على خمييرة حلوة،

هتبقى في عيني غزااال حتو لو كاانت بتلعب في الوقت الضايع art:)

:P :P :P :P :P :P

تم تعديل 15 ديسمبر 2010 بواسطة moory

[عنبو]

مش عايز تنسى الهندسة الكيميائية يا عنبي حتى في الجواز ههههههه :happy:

اصل دى اول مداخله ليا اربع ساعات فى المعمل يعنى واحد صاحبنا كان مره بيذكر ربنا وبعدين كان عندنا امتحان تانى يوم

ولاقينه بيقول CH3,CH3 بدل سبحان الله سبحان الله

تحياتى يا هندسه احتمال بكره نجمع الشله ونطلع كده بالليل بس ربنا ييسير والجو يبقى تمام

[نوارة]

موضوع......جميل ومثير جدا.....هل تتزوج مراة اكبر منك سنا؟...

الدراسة التى قدمتيها بالموضوع فعلا دراسة تمس هذا الجانب بشكل ايجابى

الكثير من الرجال يفضلون الزوجة صغيرة السن....ولكن البعض القليل الذى يجد نفسة مع اخرى ...اكبر منه سنا ولكن تقدم له مايحتاجه نفسيا ومعنويا ...ويكون هذا هو المدخل الذكى من تلك المراه التى تعتنى بهذا الجانب الهام ....فى حياته وممكن ان يفقدة مع من تصغره سنا.....بالاضافة الى مذكرته الدراسة من ان النساء اصبحن....يعتنين بمظهرهم وجمالهم بالاضافة الى الرشاقة....كل هذه العوامل تساعد على زواج ناجح

وقد تزوج السول الكريم السيدة خديجة وكانت اكبر منه بخمش عشرة عام وكان تساعده وكان هذا الزواج ناجح على الرغم من فرق السن

[م تيمور المراغي]

انا جاااي

:happy:

[الســـاري]

انا بالعكس اؤويد الزواج من الاكبر سنا

لان العقل هو المهم .. مع كيمياء عنبو .. على شوية مايسترو اركتيكت ... يبقى تمام التمام

موضوع مهم اغابو ... وتحياتي لك

[Dreamwithme]

الأصل في الزواج هو عملية القدرة على التعايش بين الطرفين، وعلى التوحد والتقمص العاطفي بين الطرفين. لهذا أجمع العلماء على أنه لا يوجد عمر مثالي للزواج، وأن الظروف السابقة عندما تتحقق يكون العمر عاملا ثانويا في الاختيار الزواجي.

موضوع جميل يا أغابي ....أنا عجبني جدا الكلام ده ....

هو الأصل التفاهم والانسجام وبالنسبة للمرأة أهم حاجة أن زوجها يكون مالي عينها

وبغض النظر عن السن هي لازم تكون حاسة أنه أكبر منها وأنضج منها

أعتقد أن ده يبقي صعب لو هو أصغر لكن مش مستحيل

لكن في عاملين تانيين.... فرق السن أد إيه؟ يعني الفرق ميكونش كبير

وشخصية المرأة لأني في ستات بيبقوا أكبرمن سنهم من حيث التفكير فبالتالي هيبقي صعب تلاقي رجل أصغر منها سنا وأكبر منها عقلا

أنا شخصيا لا أعتقد أني ممكن أرتبط برجل أصغر مني سنا لأني شخصية عقلانية ومستقلة :blush2: فصعب أقابل رجل أصغر مني وأحس أنه أكبر مني عقليا

في عامل آخر وهو تقبل الأهل والمجتمع يعني ممكن يكون شخص مقتنع وموافق بس يتراجع خوفا من موقف أهله ونظرة المجتمع.

[اغابي]

طب انا اقول رايي ازاى دلوقتى

شكلكم كدا حتروقونى

:sofa:

[م تيمور المراغي]

انت سواء كده او كده حتتروقي يا غيبو هههههه :happy:

قولي بقى وامرك لله

[اغابي]

انت سواء كده او كده حتتروقي يا غيبو هههههه :happy:

قولي بقى وامرك لله

والله خايفة اقول رايي بصراحة - يا تيموو

;)

لانهم حتى مش حيرحمونى حتى بصورتى وانا عميا كدا

cr((:

مع ان حطيت الصورة دى مخصوص - قولت يمكن اصعب عليهم وقلبهم يرق ولا حاجة

خلاص اقول رايي

وامرى لله بقى

تيمور - عنبو - نوارة - مورى - درووو - الساري -

اسعدتنى جدا مشاركتم برغم اختلاف الراى

وشكرا لمروركم العطر

لكن -

ممكن سؤال صغنن كدا

مين اتخلق الاول فى بدايه الكون

ادم ولا حواااا

انتظرونى

تم تعديل 15 ديسمبر 2010 بواسطة اغابي

[المهندسه]

عارفه يا سكيننه يا اختى ...المجتمع الجاهل بيرفض دايما الجواز مش بس من الاكبر سنا لاء ده لو مفيش فرق من 3 الى 8 سنوات يبقى كارثه

هقولكم على سر ...واحده صاحبتنا ما نعرفهاش خااالص و لا بتقروا كلامها دلوقت ولاحاجه اصحابها بيذلوها ذل ال "هاو هاو" علشان جوزها اكبر منها بسنه واحده بس ...بيقولوا هتكبرى اسرع منه وهيبقى شكلك قد امه... تفتكروا؟؟؟؟

[م تيمور المراغي]

عارفه يا سكيننه يا اختى ...المجتمع الجاهل بيرفض دايما الجواز مش بس من الاكبر سنا لاء ده لو مفيش فرق من 3 الى 8 سنوات يبقى كارثه

هقولكم على سر ...واحده صاحبتنا ما نعرفهاش خااالص و لا بتقروا كلامها دلوقت ولاحاجه اصحابها بيذلوها ذل ال "هاو هاو" علشان جوزها اكبر منها بسنه واحده بس ...بيقولوا هتكبرى اسرع منه وهيبقى شكلك قد امه... تفتكروا؟؟؟؟

لا فشر

مامته ايه

ده كلام برضوا ياباشا

قولي سته ,,

نينته

هههههههههه :happy:

اوعى تزعل يا زمل انا من عشمي بس اعمل ايه في لساني

شوفي كلامي في تاني مشاركة

[akramgroup]

رأيى الشخصى انه صعب اوى انى اقبل بزواجى من واحده اكبر منى سناً

الا فى حالتين

1- انها تكون شخصيه جذابه وجميلة الروح بدرجه تخلينى انسى فرق السن

2- انها تكون اليسا او هيفا :P :P :P :P

[رضوي]

ياجااااااااااااااااااااااااامدة ياوااااااااااااصلة ( وش حسن حسني في ياانا ياخالتي )

ايه المواضيع التوووحفة دي يااغابي

موضوع هايل بصراحة وسؤال جميل ........ اممممم

قبل مااشارك برأيي فيه كام مداخلة عايزة اعلق عليهم

توكلنا علي الله

موضوع مثير للفكر يا غيبو تسلم ايديكي

انا رأي ان الرجل هو مايستروا العلاقه الزوجيه بقوة شخصيته وتحكمه في الايقاع ,,

يعني اعرف واحده زوجها اصغر منها لكنه مالي عليها حياتها ومخليها تبان اصغر من سنها ,,

وواحده تانيه والله في نصف عمرها لكن تبان كبيره من قرف ونكد زوجها المتواصل ,,

لو المايسترو فنان ,, حيستمر قارب الحياه بكل هدوء وسكينه

كلمتين فعلاً في الجوووووووووون

مايسترو ......... يعني فن ....... يعني موهبة ......... يعني اسلوب ........ يعني استراتيجية وتكتيك ........ يعني شخصية محبوبة من كل العازفين

يعني قـــــــــــــــــــــــــــــــــائد

شخصية قيادية محبوبة .......... قيادة ديموقراطية( وماليش دعوة بديمقراطية الحكومة هنا خالص )

مشاركة

فن التعامل ........ يعني بيعرف شريكة حياته محتاجة ايه بالظبط وايه اللي ممكن يسعدها ( وبينفذ لان المعرفة بمفردها مش كفاية )

أعتقد ان لو المايسترو فنان بجد ....... يبقي هو بإذن الله يقدر ينجح علاقتة الزوجية كويس ( ودة مطلوب في كل الاحوال مالوش دعوة بسن الزوجين ....... مطلوب في كل علاقة زواجية )

موضوع الزواج ده مالوش علاقه بالسن

ده علاقه بالكيمياء

يعنى لازم الاتنين يتحدوا علشان يكونوا مركب جديد ويصعب الفصل بينهم

انا على استعداد ان اتزوج بواحده اكبر منى سناً بس لو احنا الاتنين متوافقين

واستحاله واكرر استحاله اكمل مع واحده احنا الاتنين مختلفين تماماً

تحياتى

عنبو

تمااااااام

لابد من التوافق ........... لابد من الانسجام حتى يكتمل اللحن .......... لابد من التفاهم .......... دة المطلوب ......... وبرده في اي علاقة ومالوش دعوة بالسن

التوافق والانسجام اهم عنصر من عناصر نجاح الحياه بين اي شخصين .......... وعلشان يحصل التوافق والانسجام دول ........ محتاجين مجهود من الطرفين

صعب اوي انسجم مع شخص اخر بدون بذل اي مجهود

صعب اوي اني اعتمد عليه بس في تحقيق الانسجام والتوافق دة لانه لوحده هيفشل بالتاْكيد

لازم الطرفين يساعدوا بعض علشان يقدروا يوصلوا للانسجام والتوافق دة

والاختلاف معناه قصور ....... يمكن قصور ف الاسلوب ...... او قصور ف التعامل ....... او قصور ف التواصل ....... الخ

عارفه يا سكيننه يا اختى ...المجتمع الجاهل بيرفض دايما الجواز مش بس من الاكبر سنا لاء ده لو مفيش فرق من 3 الى 8 سنوات يبقى كارثه

هقولكم على سر ...واحده صاحبتنا ما نعرفهاش خااالص و لا بتقروا كلامها دلوقت ولاحاجه اصحابها بيذلوها ذل ال "هاو هاو" علشان جوزها اكبر منها بسنه واحده بس ...بيقولوا هتكبرى اسرع منه وهيبقى شكلك قد امه... تفتكروا؟؟؟؟

لحظة معلش ......... كدة بقي هنتخانق معلش ؟؟؟؟

هو فيه حد ف المحاورات اخد لقب ريا غيري ؟؟؟؟؟؟

عييييييييييب

انا ريـــــــــــــــــــــــــــا

هنريحوكي ياشابة

بجد بقي

ليه ؟؟؟؟؟؟؟؟؟؟

فرق السن لازم يكون كبير ؟؟؟؟؟؟؟؟

قديم اوي الموضوع دة ........... الموضوع لاعلاقة له اطلاقاً بالشكل

اعتقد ان لو الزوج بيريح زوجته هتظهر اصغر من سنها بكتير

ولو منكد عليها ....... هتبان شباب تحت التسعين ولو كانت ف عمر العشرين

الموضوع له علاقة بحسن العشرة ........ بحسن التعامل ....... بالود ........بالصبر ......... بالحـــــــــــــــــــــــــــب............. بالاخلاص ..........الخ

=========================

ايوة ياأغابي سمعاكي وبلاش تزعقي كدة

خلاص هقول رأيي انا بقي

ريا تتحدث

شوفي بقي

انا اتجوز بني ادم يحترمني ........... يقدرني ........... يراعي مشاعري ......... يحسن معاملتي .......... يراعي ربنا فيا كويس .......... يسطيع امتلاك قلبي وعقلي ......... يخاف عليا .......... يوجهني للصواب ....... ياخد بيدي ف طريق الحياه

وبعد كل دة ابقي ادور علي سنه

افضل انه يكون اكبر مني او ف سني .............. لكن اصغر صعب جداً ......

انا بحب ابص علي المستقبل

لو الزوجة اكبر من زوجها ............ فالنفرض ان هو عنده 25 وهي 30

يعني الفرق 5 سنوات مثلاً

معلش يعني ......... كمان كام سنة ايه الوضع ؟؟؟؟؟؟؟

ياتري كل من الطرفين هيفهم احتياجات ورغبات التاني ؟؟؟؟؟

يعني لو وصلوا مع بعض ف العمر بعد 10 سنوات مثلاً

هي 40 دخلت سن النضج ....... ياتري احتياجاتها ايه ف المرحلة دي ؟؟؟؟؟؟؟ هو هيفهمها ؟؟؟؟؟ طيب هو فين ؟؟؟؟

هو لسة 35 يعني ف مرحلة مختلفة ........ باحتياجات مختلفة ......... بفكر مختلف ....... ومتطلبات مختلفة .......... ميول مختلفة

صح ولا انا غلطانة ؟؟؟؟

هي دي وجهه نظري

لازم يكون فيه تقارب ........... ذهني ......... ونفسي .......... وعاطفي

لازم كل من الطرفين يبذل مجهود للوصول للطرف الاخر

لو واحد لوحده هو اللي بيحاول ......... هيجي اليوم اللي هيتعب فيه .....هيجي اليوم اللي هيقول كفاية

اغابي

انتي سألتي سؤال رائع ............. فيه غرض خفي بيجاوب على نفسه

انا هجاوبك عليه

ادم اتخلق الاول .......... واتخلق من طين ......... وحوا اتخلقت بعده ....... خرجت من ضلع ادم

تحياتي للجميع

[المهندسه]

لا فشر

مامته ايه

ده كلام برضوا ياباشا

قولي سته ,,

نينته

هههههههههه :happy:

اوعى تزعل يا زمل انا من عشمي بس اعمل ايه في لساني

شوفي كلامي في تاني مشاركة

ماشى يا بشمهندس تيجى منك انت ده انت حتى زميل من ايام الجيزه ههههههههههههه

لاء بجد رأئى ...نظريا ما ينفعش يبقى هى اكبر لكن بجد انا اعرف اتنين متجوزين هى اكبر ب 3 سنين و عايشين كويس جداا ...كان فى اعتراضات فى الاول من اهله لكن لما تم الزواج الامور بقت كويسه...وعايشين سعداء جداا و عيالهم فى الكليه دلوقت .

[se_ Elsyed]

فرق كبير جداً بين الكلام النظري ... والوضع الواقعي العملي

يعني الكيميا والحب والعصافير التي تسكن أشجار الزيزفون

أنا معاكم في ده

لكن الواقع بيقول إن الموضوع ده بيبقى صعب .. خصوصاً لو الفرق كبير 5 سنين وإنت طالع ..

وما ننساش إن الست بتشقى أكتر من الراجل .. وبتكبر بسرعة أكبر منه ....

وعلمياً وطبياً إن كل مرة حمل بتكبر الست نتيجة تعب الحمل والرضاعة والتربية نفسها

وما ننساش المجتمع اللي حواليك

وإسمع الحكم والامثال يا ولدي

كل اللي يعجبك وأتجوز اللي يعجب الناس ههههههههههههه

لأ بجد ... ده لو أتعرف إن زوجتي اكبر مني مثلاً بـ 10 سنين ... ممكن العيال تحدفني بالطوب في الشارع

ولو بقى عندي 40 سنة .. الحاجه هاتبقى بلغت من العُمر أرذلة وطلعت معاش مبكر

------------

الحمد لله إحنا - المعلم عنتبلي - في الأمان والفرق بني وبين الحاجه 9 سنين لصالح المعلم طبعاص .. ومش عاوزين كلام كتير

يعني مايسترو وسيطرة وقيادة وقهر وديكتاتورية كل ده مضروب في الخلاط ومطلع لنا " سي السيد "

ههههههههههههههههع مين هناك

[الباشمهندس ياسر]

مساء الورد

وحشتوني

الانثي مهما كبرت او كانت اكبر منك الاان جواها طفلة ...حاول توصلها

شخصيا افضلها اكبر بس النصيب غلاب وعروستي تحت العشرين