أكلات سريعة التحضير (المحاوراتيات العاملات بتطبخي و الا مقضياها ديليفرى)

[دودو هانم]

السلام عليكم و رحمة الله و بركاته

بسم الله الرحمن الرحيم

الاجابة

تووووووووووووونس

(وش عيل رن الجرس و طلع يجري)

انا جاية عشان اشد علي ايديكم و اقولكم يا بنات انتوا فخر الامة

انتوا حماة الوطن

انتو نور حياتنا

انتو فلة شمعة منورة

انا ايه اللي جابني هنا

حبيت ادحرج التماسي و مش عارفة اقول لحضرتك ازاي انا جالي رعب من فكرة ...."كل ربع ساعة كوباية شاي"....و ده اختصارا لليوم الرائع.. اللي بتقضيه الام العاملة في منزل و محدش بيساعد معاها في اي حاجة... :unsure: :blink: :sad:

ربنا يقويكي بجد.....كلنا وراكي.....ما عدا انا....(وش عيل ندل)

مسااااكي مصري اوي....عشان مافيش ست جدعة شفتها كده غير المصرية...والسورية و الله اعلم

طبعا نجمتنا لماضه الست المصريه ما فيش اجدع منها ولو ان الكلمتين دوول مش ها يعجبوا اخونا سمبا اصله يا لماضه بيقول في ما معني كلامه اننا ملينا البلد انا بهدي النفوس والله :closedeyes:

[دودو هانم]

انا اصلا كنت خلاص باصوت من بابا لاني كنت الوحيدة اللي باعمل الشاي لبابا

و بابا الله يبارك في عمره بقى ممكن يكون لسا كوباية الشاي في ايده ما خلصتش و تلاقيه يقولي

روما اعمليلي كوباية شاي

يا سيدي ما انت لسا في ايدك اهي لا دي بردت

اعمل غيرها يسيبها لحد ما تبرد و يتكرر السيناريو

فا زي ما تقولي حصلتلي عقدة جامدة

و انا اصلا ما باشربش الشاي اساسا

بالنسبة بقى لجوزي الراجل حس بالعقدة اللي عندي لانه شاف بابا بيعمل ايه

فا حب يعالجني من العقدة دي و وافق على طلبي

صعبت عليه يعني

بس هاذوها لا يمنع اني حاليا و بعد 7سنين جواز ما كنتش باعمل فيهم شاي نوهائي

بقيت اعمله كوباية شاي قبل ما ينزل الشغل

بس هي كوباية واحدة اكتر من كده ما اعطلكوش

ربنا يخليكي يا ريمو ويخلي لك بننوتك بس عاوزه راءيك انتي متخيله من ساعة ما بنوصل م الشغل لحد ما بنام كام كوبايه اختك دودو مطلوب تعملها يعني مابين 10 او 15 ويقوللي يا حبيبتي هي كيميا دي ميه مغليه وبس ؟؟؟؟ ربنا بقي يقدرني علي شرا الشاي والسكر ههههههههههه

[Simba]

كفاية اكل بقي يا اخوالنا :sad:

مالها كوباية النسكافيه مع بسكويت مملح

[دودو هانم]

كفاية اكل بقي يا اخوالنا :sad:

مالها كوباية النسكافيه مع بسكويت مملح

يحيا النسكافيه ويسقط الشاي ولو ان عمايل الشاي اسهل خليها اتنين شاي وسك ع النسكافيه بس احدف البسكويت المملح

[pink rose]

الله يكون في العون دودو هانم

انا بقى ما باشتغلش بس هاقولك على حاجه باعملها

لما اكون عاملة طبيخ ما عدا البامية بعد ما يستوى الاكل اسيبه يبرد شوية

اكون مجهزة عبلة بلاستيك متوسطة الحجم املاها من الطبيخ اللي انا عاملاه دا و اغطيها و على الفريزر عدل

لان في ايام الواحد ما بيكونش له مزاج يقوم يطبخ فا اطلع من العلب اللي في الفريزر و اسخن و اعمل الرز بالشعرية و السلطة

و بيكون طعمها كأني لسا طبخاها حالا مش باحس باي تغيير نهائي

شوفي كده ممكن الطريقة دي تنفع معاكي و لا ايه هاتسهل عليكي كتير كمان

ليه؟؟؟؟

:unsure:

و ربنا يعين على كوباية الشاي اصل انا اتكويت منها من بابا

و كان من الشروط اللي قولتها لجوزي قبل الجواز انه ينسى نهائي حوار الشاي دا

و الصراحة الراجل استجاب مضطر

ليه بس

دي احلى حاجة هي اعمليلي كوباية اي حاجة يا مصرصر (دلع مصرية)

و معناها انه رايق و راضي عني

:wub:

لأنه لو مقموص بيخش يعمل حاجة يشربها لنفسه

و بعدين يا حبيباتي الحلوات

الغلاية الكهربائية موجودة

او حتى براد الشاي اللي على النار

و الكوبايات حدانا و السكر والشاي ابو فتلة و المسكوفيه

خير ربنا كتير

انا برضه كان بابا الله يرحمه فيه العادة دي

و كان دايما يبتكر في الطلب

مرة قال لي مينو صاحبتك اتصلت

فقلت له فين فين؟

قال لي بتقولك اعملي لباباكي كوباية شاي

:P

و مرة لقيت زوجي واقف ادام النتيجة و سرحان

باقوله بتعمل ايه؟

قال لي باشوف كام يوم ماعملتليش شاي

:blink:

بس الحق يقال

لما أكون مشغولة بجد

بالاقيه داخل عليا بصينية فيها كوبايتين شاي نشربهم سوا

من قدم شيء بيداه التقاه

و هنية لك يا فاعل الخير و الثواب

:closedeyes:

ما اعرفش و الله البامية دي باقلق منها

بحب انها تتاكل في يومها

و بحاول انها تكون اكلة ليوم واحد

اما بالنسبة للشاي فا ربنا يوفقك يا مصرصر

[دودو هانم]

:aslam: بالعكس بقي يا ريمو الباميه دي اجدع اكله تبات او تتفرزن بتشرب صلصتها وبتحلو اكتر جربيها وعلي ضمانتي :)

[doha]

دودو هانم ..

تسلم ايدك يارب .. بصراحه مداخله تستاهلي عليها احداشر تقييم ايجابي .. واحد لمحتواها وعشره لكي ماشاء الله عليكي .. تعجبني جدا ست البيت المنظمه الي بتوازن مابين واجباتها برا وجوا ..

ياريت لو عندك افكار تانيه لاكلات نصف تجهيز تقولي لنا عليها لاني مغرمه بتعلم الامور دي ..

==========

ريمو ومغتربه .. كده هزعل منكم .. إلا الشاي .. لو عاوزه تكسبي جوزك بجد مش بس مترفضيش تعملي له الشاي ده انتي كمان الي مفروض تعرضي عليه وتسألي .. تشرب شاي ؟

تعرفي الحكايه دي بالظبط زي ماجوزك يدخل عليكي ببوكيه ورد بدون مناسبه .. شوفي هتبقي ممتنه له ازاي .. الشاي ده عند الرجاله له مفعول السحر في استماله الدماغ .. اسئليني .. مجرباه مع بابا ومجرباه مع زوجي .. عودي نفسك انتي الي تعملي مرة شاي مرة ينسون مرة نعناع .. نوع من التعبير عن الاهتمام والحنان واكيد هيكون له مردود ..

عشان تبقى الحكايه سهله بالنسبة لك جهزي براد الشاي اغلي فيه المية بس واثناء مابتغلي حطي في الكوبايه السكر وشويه شاي او باكو شاي الموجود وصبي وقلبي وخلصنا .. مبياخذش دقيقة في العمل بس تاثيره كبير في التعبير عن مشاعرك وقد ايه انتي مهتمه .. جربي وادعي لي ..

========

نرجع لموضوعنا ..

بالنسبة لست البيت الي عاوزه توفر وقت فانصح وبشده بالميكروويف .. صديقي الصدوق .. بصراحه معرفش البشرية كانت عايشه ازاي قبل اختراعه .. وياسلام بقى لو تكملي التركيبه بديب فريزر .. الثنائي المحترف لست البيت المرتاحه ..

تطلعي الاكل من الفريزر على الميكروويف في دقيقة او اقل بيكون سخن كأنه لسه مطبوخ .. ولا ينحرق ولا ينشف ولا يتغير طعمه ..

الميكروويف في توفير الوقت بالظبط زي الغساله الفول اوتوماتيك مقارنه بالعاديه .. مفيش نسبه ..

ولي عوده باذن الله لما اروق كده بوصفه او اثنين من الاكلات السريعه الي مبتاخذش وقت ..

[دودو هانم]

دودو هانم ..

تسلم ايدك يارب .. بصراحه مداخله تستاهلي عليها احداشر تقييم ايجابي .. واحد لمحتواها وعشره لكي ماشاء الله عليكي .. تعجبني جدا ست البيت المنظمه الي بتوازن مابين واجباتها برا وجوا ..

ياريت لو عندك افكار تانيه لاكلات نصف تجهيز تقولي لنا عليها لاني مغرمه بتعلم الامور دي ..

==========

ريمو ومغتربه .. كده هزعل منكم .. إلا الشاي .. لو عاوزه تكسبي جوزك بجد مش بس مترفضيش تعملي له الشاي ده انتي كمان الي مفروض تعرضي عليه وتسألي .. تشرب شاي ؟

تعرفي الحكايه دي بالظبط زي ماجوزك يدخل عليكي ببوكيه ورد بدون مناسبه .. شوفي هتبقي ممتنه له ازاي .. الشاي ده عند الرجاله له مفعول السحر في استماله الدماغ .. اسئليني .. مجرباه مع بابا ومجرباه مع زوجي .. عودي نفسك انتي الي تعملي مرة شاي مرة ينسون مرة نعناع .. نوع من التعبير عن الاهتمام والحنان واكيد هيكون له مردود ..

عشان تبقى الحكايه سهله بالنسبة لك جهزي براد الشاي اغلي فيه المية بس واثناء مابتغلي حطي في الكوبايه السكر وشويه شاي او باكو شاي الموجود وصبي وقلبي وخلصنا .. مبياخذش دقيقة في العمل بس تاثيره كبير في التعبير عن مشاعرك وقد ايه انتي مهتمه .. جربي وادعي لي ..

========

نرجع لموضوعنا ..

بالنسبة لست البيت الي عاوزه توفر وقت فانصح وبشده بالميكروويف .. صديقي الصدوق .. بصراحه معرفش البشرية كانت عايشه ازاي قبل اختراعه .. وياسلام بقى لو تكملي التركيبه بديب فريزر .. الثنائي المحترف لست البيت المرتاحه ..

تطلعي الاكل من الفريزر على الميكروويف في دقيقة او اقل بيكون سخن كأنه لسه مطبوخ .. ولا ينحرق ولا ينشف ولا يتغير طعمه ..

الميكروويف في توفير الوقت بالظبط زي الغساله الفول اوتوماتيك مقارنه بالعاديه .. مفيش نسبه ..

ولي عوده باذن الله لما اروق كده بوصفه او اثنين من الاكلات السريعه الي مبتاخذش وقت ..

اشكرك من قلبي يا ضحي علي مداخلتك الجميله وعلي رأيك كوباية الشاي دي بمثابه لمسة حنان تنسي الراجل تعب اليوم بس انا ال مجنني ومش لاقيه له اجابه ايه المزاج من كتره ده ساعات الكوبايه تكون لسه معموله ويقولك معلش بردت وجبي بكوبايه كمان :protest: عموما كويس انها جت علي اد كوباية الشاي واهو اسهل منه مافيش

[طبيبة بالخارج]

فكرة الجدول يا دودو هانم جميلة

بالنسبة لي حاولت اعمل كده كذا مرة بس كل مرة تحصل حاجة تبوظ الجدول و خصوصا في وجود سمعة ابني الأصغر و كمان كسلي أصل فكرة اني كل نهاية اسبوع أقف اطبخ وجبات لباقي الأسبوع بتكون صعبة لأني عايزة أخذ أجازة فيها من كل شغل سواء برة البيت أو جوه البيت

لكن لو انتي فعلا ماشية عليه يبقى برافو عليكي

تم تعديل 16 يناير 2011 بواسطة طبيبة بالخارج

[دودو هانم]

فكرة الجدول يا دودو هانم جميلة

بالنسبة لي حاولت اعمل كده كذا مرة بس كل مرة تحصل حاجة تبوظ الجدول و خصوصا في وجود سمعة ابني الأصغر و كمان كسلي أصل فكرة اني كل نهاية اسبوع أقف اطبخ وجبات لباقي الأسبوع بتكون صعبة لأني عايزة أخذ أجازة فيها من كل شغل سواء برة البيت أو جوه البيت

لكن لو انتي فعلا ماشية عليه يبقى برافو عليكي

ربنا يخليلك سمعه يارب هي الفكره شغاله معايا من 5 شهور والحمد لله تمام الاول بقي كنت بسبها كده واقوم بدري الصبح اعمل الاكل كل يوم والصحيان بدري ده حاجه رخمه فأخترعت موضوع الجدول يعني هما يومين بقف فيهم وبقيت الاسبوع بمسي بس علي مطبخي المتواضع بعمل الرز ابو شعريه لان بيبو بيحبه

[زهره]

دودو هانم حلوه فكره الجدول بس انتى كده بشتغلى حتى فى الاجازه

لما كنت بشتغل و حتى دلوقتى بعمل

زى ريمو كل صنف خضار اعمل منه كميه تكفى وجبتين

موضوع دة حريحك اكتر بالنسبه للخضار كنت بشترى كميه و اشوحها فى الزيت

و لما تبرد احطها فى اكياس فى الثلاجه تبقى جاهزه على الطبخ على طول و كمان خضره القلقاس اعمل كميه

و اشيلها فى الفريزر اسهل من كل مره اجهز الخضره

الكرونه بالبشاميل اعمل صنيتين واحده للغدا و التانيه فى الفريز و الرز كنت بعمله قبل ما انزل الشغل

و ربنا يقويكى

[دودو هانم]

دودو هانم حلوه فكره الجدول بس انتى كده بشتغلى حتى فى الاجازه

لما كنت بشتغل و حتى دلوقتى بعمل

زى ريمو كل صنف خضار اعمل منه كميه تكفى وجبتين

موضوع دة حريحك اكتر بالنسبه للخضار كنت بشترى كميه و اشوحها فى الزيت

و لما تبرد احطها فى اكياس فى الثلاجه تبقى جاهزه على الطبخ على طول و كمان خضره القلقاس اعمل كميه

و اشيلها فى الفريزر اسهل من كل مره اجهز الخضره

الكرونه بالبشاميل اعمل صنيتين واحده للغدا و التانيه فى الفريز و الرز كنت بعمله قبل ما انزل الشغل

و ربنا يقويكى

مرسيي يازهره بس انا شايفه ان الاجازه مش بتضيع ولاحاجه هي كلها ساعتين ل اني اصلا بعمل اكل بيقولوا حلو فبحب دخول المطبخ يعني هو بالنسبه لي متعه مش تعب بس التعب بيحل بقي وابقي مش طايقه ادخله لو كل يوم كل يوم وانا علي فكره بعمل فكرة ريمو زائد اني بسبك مثلا 10 ك طماطم واشيل كل نص ف كيس واكون مقطعه اد 2 فاصوليا وشرحه كل نص ف كيس وملوخيه زي ما قولت ف التوبيك بخرط قيمة 3 ك واحط كل نص ف كيس عليه كوباية شربه متينه بتبقي اطعم م الملوخيه المجمده بكتير وهكذا يومين الاجازه كل اسلحتي جاهزه م الفريزر ع النار وبالهنا والشفا :closedeyes:

[طبيبة بالخارج]

سمان بالفرن:

السمان المجمد يباع بكثرة هنا في السعودية و بعتبروا ابن عم الحمام (نفسي فيه قوي و هو محشي بالرز و متحمر بالسمن البلدي) المهم نرجع لموضوعنا. طبعا احنا اتفقنا على سرعة التحضير في التوبيك ده.

بعد ما السمان يفك من التجميد بقوم بسكينة شقاه بالطول بجنب سلسلة الظهر و أنضفه من جوه بسرعة و أرصه في صينية بايركس فوق شرائح من البصل ثم أضع القليل من الماء (تقريبا ربع كوب ماء) و أغطيه بالنايلون الشفاف ثم أدخله الميكرويف على أقصى قوة لمدة 10--12 دقيقة ثم أرش فوقه خلطة محضرة من شوية زيت في صينية على النار مع ملح و فلفل أسود و كركم و شوية صلصة طماطم و شوية مية و يتقلبوا كويس على النار حتى تغلي.

أدخل الصينية الفرن على 400 فهرنهايت (تقريبا 210 درجة مئوية) حتى يتحمر السمان (مع الانتباه لان السمان ممكن ينشف بسرعة)

و بالهنا و الشفا

تم تعديل 17 يناير 2012 بواسطة طبيبة بالخارج

[طبيبة بالخارج]

الذرة الحلوة زي اللي بتتباع في الأكشاك بمولات السعودية:

كيس ذرة مجمد يوضع (و هو مجمد) في طبق بايركس و رشة معلقة كبيرة سكر و يغطى بالنايلون الشفاف ثم يوضع بالميكرويف على أقصى قوة لمدة 10 دقائق ثم يقلب و يغرف في أكواب و يفضل أكله على الساخن و بالذات في الليل مع برد اليومين دول

و بالهنا و الشفا

[متعب]

بما ان التوبك نسائى بحت وال انا شايفه كله من واحد الى اربع صفحات

اكلات عاديه مفهاش جديد

ليه بقى

لانى لااعترف مبدئيا بالاكلات النسائيه ولا ليها اى طعم

نخش على طبيخ الرجال له شمخه كده ملهاش حل

انا بصفتى طباخ درجه اولى وليا باع جامد فى الاكلات الخفيفه والتقيله

صحيح بظل اعمل فى المحشى تلت ساعات وأكله فى خمس دقائق ودى حاجه بتغظينى جدا

المهم

انا بقى كواد معلم يعنى فى عمل المحاشى وبصفه خاصه البذنجان

ده بقى انا واخد فيه جواز وشهادات عالميه

عاليه الجوده

وممكن اخليكوا تكلوا محشى اذا تابعتم الطريقه ال انا هقول عليها بالظبط وبعد كده تدعولى

واتحدى اى واحده ايا ان كانت تكون بتعمله بالطريقه ال انا هقول عليها دى

قبل ما اقول على حاجه احب اسمع اراء لعمل محشى البذنجان والطريقه ال بتعملوها بيها

واذا كانت صح هقول عليها صح بس ده فى المشمش ان واحده توصل لعمل الواد زعبله فى المحشى

السؤال الاول وده هيكشف الجماعه النسائيه ال عملين طباخين دول

معانا اربعه كيلوا بذنجان . يخدوا قد ايه رز بالظبط دون ان يتبقى رزايه واحد او يزيد

هنا بقى المعلمه الصح

ال هتجاوب على السؤال ده صح . ليها خمسه جنى

ومسموح الاستعانه بالبيت وابقوا قابلونى بقه لو جاوبتوا صح

يلا ورونا الهمه

[rewsha]

معانا اربعه كيلوا بذنجان . يخدوا قد ايه رز بالظبط دون ان يتبقى رزايه واحد او يزيد

هنا بقى المعلمه الصح

ال هتجاوب على السؤال ده صح . ليها خمسه جنى

مافيش اختيارات ؟؟ :wub: