كيف تعرف أنك تعيش في عصر مبارك ؟

[se_ Elsyed]

يعني بعد عُمر قصير إن شاء الله لو التلامذة جالهم إمتحان تاريخ وفيه جُمل تقراها وتجاوب بقى أنهي عصر بتُشير إليه الجُملة .... فدي خدمة تعليمية بنقدمها لأبناءنا طلاب المراحل المختلفة ...

- لما تسمع رئيس بيحلف بالطلاق إنه هايحكم مدتين بس ومش هاجدددددددددددددددددددددددددد ..... وفجأة تلاقيه لحس كلامه ومدد لست وسبع مدد ( يبقى أنت في عصر مبارك )

- لما تلاقي رئيس أول ما تولى الحكم يكلمك عن خطط خمسية وسبعيه وتسعيه وتحس إنك طاير أو كلها كام شهر وتبقى ولا سويسرا وهاتغرق في الشيكولاته وبعد كام سنة تلاقيك بتغرق في المجاري والمشاكل ( يبقى أنت في عصر مبارك )

- لما تلاقي ريس منبطح ومستكين وطيب والصديق الصدوق لإسرائيل ( يبقى أنت في عصر مبارك )

- لما رئيس يدخل حرب الكويت وكانت ديون مصر 35 مليار دولار ... وبعد الحرب يتم إسقاط 50 % من الديون .. وبرضوا تلاقيهم لسه ببركتهم 35 بل بيزيدوا ( يبقى أنت في عصر مبارك )

- لما تلاقي ريس في كل كلامه ينقرزنا ويبكت فينا وكإنه بيقطع من لحمه ويأكلنا ويقعد يقول " إنتوا أكتر من اللازم " " أجيب لكم منين " " أنا مستلم البلد على الصفر " ( يبقى أنت في عصر مبارك )

- لما تلاقي ريس عاملها جمعية تعاونية وهو وولاده ومراته وبيحكموا كل واحد ساعتين في اليوم ( يبقى أنت في عصر مبارك )

- لما تلاقي ريس يفعل عكس ما يتمناه شعبه ... وكل مره يهوشهم إنه هايحط الكوره يمين ويروح شايطها شمال ( يبقى أنت في عصر مبارك )

- لما تلاقي ريس يتخبط في إختياره للوزراء ودايماً ماشي على المثل افلاحي اللي بيقول " ما يفضل على المداود الا شر البقر " ( يبقى أنت في عصر مبارك )

- لما تلاقي ريس مفصول عن شعبه تماماً وعايش في برجه العاجي ( يبقى أنت في عصر مبارك )

- لما تلاقي ريس كل خطبه السياسية في جميع المناسبات من 30 سنة ليس فيها جديد وفي منتهى الملل وأتحدى حد يكون فاكر خطبة له أو كلمه مأثورة على الأقل زي عبد الناصر أو السادات .. بل كلها كلام متعاد من 30 سنة وكإنه شريط مُسجل ( يبقى أنت في عصر مبارك )

- لما تلاقي كل الدول حواليك حتى الأفريقية ... تخيلوا حتى تنزانيا اللي تعتبر من أفقر دول العالم اللي وصفوا الإنتخابات البرلمانية الأخيرة إنها مهزله لكل المقاييس ( يبقى أنت في عصر مبارك )

- لما تلاقي بعد 30 سنة حُكم الجيش بيعمل عجين الفلاحه وبيبيع عيش للناس .... والشُرطة بتنزل توزع اللحمه ... والجيش هاينزل البلد يوزع أنابيب البوتاجاز ( يبقى أنت في عصر مبارك )

يُتبع لو كنت لسه عايش

[محمد عبدالعزيز]

عجبنى جداً المثل اللى ذكرته فى اختياره للوزراء "ما يفضل على المداود الا شر البقر"

وإن كنت أنا شايف إنها استراتيجية طويلة المدى مع كل المسؤولين على جميع المستويات, وهو ده السبب الرئيس فى التدهور اللى احنا فيه ده.

[م تيمور المراغي]

وتلاقي يا س شباب زي الورد بيتخطفوا في عمر الزهور من غير سبب ,,

الا صاحبنا ده ,,

متربس على قلبنا لطاللون

مش عارف اخي عزرائيل ناسيه ليه ههههه :happy:

طبيب علامه قال لي من مارس اللي فات ان مرضه من النوع الميئوس في شفائه

وباقي له 6 شهور محدش بيطول منا لمرض ده اكثر من كده

وشكلنا احنا اللي حنودع الدنيا وهو اللي حيدفنا الاول ,,

نفسي اصحى الصبح على خبر,,

وفاة الرئيس المصري محمد حسني مبارك ,,

وتولي اللواء اركان حرب عمر سليمان مدير المخابرات العامه السلطه مؤقتا

لحين اجراء انتخابات رئاسيه ,,

[aimen]

نفسي اصحى الصبح على خبر,,

وفاة الرئيس المصري محمد حسني مبارك ,,

وتولي اللواء اركان حرب عمر سليمان مدير المخابرات العامه السلطه مؤقتا

لحين اجراء انتخابات رئاسيه ,,

والله دا انا نادرها

لأوزع عصير على الشباب

دى امنية

يجعل يومه قبل يومنا

[akramgroup]

وتلاقي يا س شباب زي الورد بيتخطفوا في عمر الزهور من غير سبب ,,

الا صاحبنا ده ,,

متربس على قلبنا لطاللون

مش عارف اخي عزرائيل ناسيه ليه ههههه :happy:

طبيب علامه قال لي من مارس اللي فات ان مرضه من النوع الميئوس في شفائه

وباقي له 6 شهور محدش بيطول منا لمرض ده اكثر من كده

وشكلنا احنا اللي حنودع الدنيا وهو اللي حيدفنا الاول ,,

نفسي اصحى الصبح على خبر,,

وفاة الرئيس المصري محمد حسني مبارك ,,

وتولي اللواء اركان حرب عمر سليمان مدير المخابرات العامه السلطه مؤقتا

لحين اجراء انتخابات رئاسيه ,,

طيب يا ارش هو لو حتى توفى رئيس الجمهورية مش عمر سليمان اللى يتولى المهام بصفة مؤقتة

اللى يتولاها المفروض حبيب قلبى من ايام وانا فى الابتدائى وكان هو وزير التعليم فتحي سرور

[se_ Elsyed]

- لما تلاقي رئيس عنده 83 سنة يتصل بامير قطر يبارك له على استضافة كأس العالم 2022 ويقول له " إن شاء الله هاجي أحضر حفل الأفتتاح ...!!!!!!!!!!!!!!!!!!!!!!!!!!!!!!!! هههههههههههههههههههه والله ما قادر أمسك نفسي من الضحك ( يبقى أنت في عصر مبارك )

- لما تلاقي بلد سنة 2010 وبتفكر في كوبونات توزيع أنابيب الغاز على الشعب في حين إنها بتتوسع كل يوم في تصدير الغاز المدعم اللي مش جايب تكلفة استخراجه لإسرائيل ( يبقى أنت في عصر مبارك )

- لما طن الأسمنت سنة 2006 كان بـ 200 ج .. والدولة تقول دي شركات خسرانه وتبيعها للاجانب فيوصلوه لـ 800 ج سنة 2010 ( يبقى أنت في عصر مبارك )

- لما تلاقي واحد كان مطبلاتي في كباريه وابوه تاجر خرده على قد حاله وفجأة قبل ما يكمل 48 سنة يبقى ملياردير ومتحكم في إنتاج 70 % من حديد التسليح ومشتقاته ( يبقى أنت في عصر مبارك )

- لما العشوائيات تبقى هي القاعدة .. والأماكن الأدمية تبقى هي الأستئناء ( يبقى أنت في عصر مبارك )

- لما التكاتك تبقى أكتر من البني ادمين ومنظر مُخزي وتعجز الدول عن توفير حد أدنى من وسائل النقل الأدمية ( يبقى أنت في عصر مبارك )

- لما نقعد 30 سنة نناقش قانون العلاقة بين المالك والمستأجر وما نوصلش لحل للشقق الفاخرة اللي لسة إيجارها 3 ج في الشهر ( يبقى أنت في عصر مبارك )

- لما تسمع وزير بيسب الدين وبيلعب جيمز على تليفونه في كل جلسة يحضرها لمجلس الشعب ( يبقى أنت في عصر مبارك )

- لما تلاقي وزيرة بتبوس إيد مرات الريس أمام الكاميرات ( يبقى أنت في عصر مبارك )

- لما البلطجة تبقى مقننه وعلنية ووضع طبيعي في أي إنتخابات وتسمع ضرب النار وتشوف ضحايا على الأرض ( يبقى أنت في عصر مبارك )

- لما مجلس الشعب يتملي نواب كانوا لواءات شرطة ( يبقى أنت في عصر مبارك )

- لما يتعرض برنامج إسمه واحده من الناس على أحدى القنوات المصرية وتعرف إن هناك ملايين يعيشون بدون مية شرب في بلد النيل .... وإن ملايين غيرهم ما عندهمش صرف صحي .. وأن 6 مليون بيعيشوا في المقابر ( يبقى أنت في عصر مبارك )

- لما الدولة تجمع مليارات بالغصب والأجبار من الناس تحت إسم " رسوم نظافة " وتجد الشوارع إختفت تحت أكوام الزبالة ( يبقى أنت في عصر مبارك )

[م تيمور المراغي]

وتلاقي يا س شباب زي الورد بيتخطفوا في عمر الزهور من غير سبب ,,

الا صاحبنا ده ,,

متربس على قلبنا لطاللون

مش عارف اخي عزرائيل ناسيه ليه ههههه :happy:

طبيب علامه قال لي من مارس اللي فات ان مرضه من النوع الميئوس في شفائه

وباقي له 6 شهور محدش بيطول منا لمرض ده اكثر من كده

وشكلنا احنا اللي حنودع الدنيا وهو اللي حيدفنا الاول ,,

نفسي اصحى الصبح على خبر,,

وفاة الرئيس المصري محمد حسني مبارك ,,

وتولي اللواء اركان حرب عمر سليمان مدير المخابرات العامه السلطه مؤقتا

لحين اجراء انتخابات رئاسيه ,,

طيب يا ارش هو لو حتى توفى رئيس الجمهورية مش عمر سليمان اللى يتولى المهام بصفة مؤقتة

اللى يتولاها المفروض حبيب قلبى من ايام وانا فى الابتدائى وكان هو وزير التعليم فتحي سرور

عارف والله العظيم يا اكرم ,,

انا بس من كتر حبي للواء عمر نفسي يكون بدل سحس ,,

شوف يا اخي قوة الشخصية

[se_ Elsyed]

لما تلاقي ناس بتحكم على واحد من شخصيته عشان عنده شنب ولابس كرافته وترشحه رئيساً للجمهورية العربية المتحده ( يبقى أنت في عصر مبارك )

يا سلام ؟

طب مانا بشنب ودقن كمان وعندي بدل الكرافته إتنين ؟

إيه على كده أنفع رئيساً للولايات المتحدة السوفيتية ؟

[م تيمور المراغي]

شنب ايه يا كبير ,,

بس لعيون الصقر :happy:

اللي اجدع شنب يتهز لو وقف ادامها ,,

[امير مجروح]

نفسى اشوف رئيس لمصر غير مبارك وغير جمال مبارك.......

[م تيمور المراغي]

نفسى اشوف رئيس لمصر غير مبارك وغير جمال مبارك.......

نفسي دكتور عمرو خالد

يكون رئيس مصر ,,

[ابو محمد بن مصطفي]

لما تلاقي الشعب كله اصحاب يبقي انت اكيد في عصر مبارك

وماحدش يفهم اصحاب دي غلط

اصحاب مرض

[abdulmuttaleb]

المكرم أ.سي السيد،

أنا أدعو حضرتك لأن تضع نفسك مكان الطرف الآخر (الرئيس) ، وبما أننا في الأصل كمان مواطنون، دعني أعترض بشكل محاوراتي على التعميم في الاوصاف أو التحليل الذي أطلقته على الرئيس مبارك الذي هو في النهاية إنسان له ما له وعليه ما عليه، بالضبط مثلي ومثل حضرتك ومثل من سبقوه ومن سيخلفوه.

سأبدأ من نقاط حضرتك بادئا من آخر السطر حتى أوله:

1-الجيش بيعمل العيش والشرطة بتوزع اللحمة والأنابيب: ليه حضرتك لا تنظر إلى هذا الأمر على أنه نوع من إدارة الموارد، بمعنى في وقت من السنة يشتد الإقبال على أنابيب البوتوجاز وإمكانيات المحليات أو المنافذ الاعتيادية تتضاءل أمام الإقبال المتزايد المتزامن مع ارتفاع أسعار سلع دفع مواطنين للبحث عن التوفير والحصول على أنبوبة الحكومة المدعمة، ببساطة الدولة قررت أن تشرك الشرطة و/أو الجيش بما لديهم من منافذ توزيع وعربات للنقل لمواجهة هذا الإقبال. ايه المشكلة يا فندم؟ مش أحسن ما تتعمل مناقصة ونشتري عربيات ونعين موظفين عشان يشغلوا كام يوم في وقت الذروة وبعد كده يقعدوا عاطلين وحمل على جهاز الدولة الإداري وميزانيتها؟

2-الدول تصف انتخاباتنا بالمهزلة: هنالك يا أ.سيد إحصاء رسمي أخير نشرته جريدة الشروق يوم الأربعاء الماضيجاء فيه بناء على استقصاء عينة من شباب مصر أن ثلثيهم يعني 66% وحضرتك محاسب تعرف ده أكثر مني النسبة دي يا ولداه [أنا هنا أخاطب نفسي متحسرا] نجحت بالغش. والقاضي وليد الشافعي ذكر أنه رأى فتاة 19سنة تسود بطاقات فلما نهرها قالت له ما معناه "أنا مزورة ملكش دعوة". وإذا أردت الصراحة فمعظم التزوير يأتي من المرشحين أنفسهم، فالمرشحون هم الذي يجيشون الدنيا والدين للترويج لنجاحهم، وأنا يا سيدي لي صوت في دائرة الشهداء بمحافظة المنوفية ولك أن تعلم أن اثنين من المرشحين اتفقا على أن يسود أحدهما للآخر البطاقات (كان واحد عمال والآخر فئات)، هل تعلم أن أحدهما التزم بالاتفاق والآخر سود بعض بطاقات فقط، وهل تعلم أن جلسة عرب عقدت بينهما لمحاسبة (الآخر) على عدم التزامه بالتسويد.

وبعدين يا أ.سيد، أرجوك اسأل نفسك: هل المواطن المصري يحضر انتخابات اتحاد الملاك؟! آخر مرة حضرتك أو حتى المقيمين بمصر حضروا انتخابات اتحاد الملاك امتى؟ ما هي آخر مرة رأيت فيها اتحاد ملاك يعرض مصروفاته وإيراداته على سكان العمارة - عدم العرض ليس معناه اشتباه بأعضاء اتحاد الملاك ولكن على مبدأ الشفافية-؟! ما هي آخر مرة رأيت فيها حضرتك اتحاد ملاك يشاور سكان العمارة في مشكلات العمارة (ترميم، تركيب موتور مياه، إلخ)؟!

دعنا نعترف لبعض الوقت أن هنالك ثقافة تكرس الاعتماد على الرئيس أو العمدة أو المدير في الإدارة مع اكتفاء المواطنين بالفرجة دون المشاركة أو التعاون أو حتى عرض الخدمة أو عرض المساعدة بالفكرة أو المعلومة.

3-الخطب السياسية: ليس ذنب الرجل أنه ليس خطيبا مفوها والكمال لله وحده، والأهم أن أحدا لم يحلل كل خطبه ليصل للاستنتاج الذي توصلت إليه حضرتك.

4-الانفصال عن الشعب والعيش في البرج العاجي: غير صحيح يا فندم، مع مراعاة وقت الرئيس. في الحقيقة أنا متعجب جدا من النقطة دي من واحد زي حضرتك، لأن حضرتك تعلم أن هنالك مهام ووظائف منوطة بموظف المحليات والباشكاتب والممرضة ورئيس الحي والمحافظ والوزير ووكيل الوزارة ورئيس الوزراء ورئيس الجمهورية، فمش معقول حضرتك تترك كل هذا التسلسل في حالة حدوث تقصير وتيجي تقول الرئيس فين. وأرجوك متقوليش الرواتب لأن رواتب الموظفين في الستينات كانت قليلة بالنسبة للوظائف الأخرى كما هو الحال الآن بالضبط.

شوف الفيديو ده الرئيس قابل سفير عرض عليه اقتراحبخصوص البرنامج النووي المصري في أوائل الثمانينيات.

5-اختيار الوزراء: ما هو الرئيس برضه هو اللي اختار كمال الجنزوري وعمرو موسى (الأخير أمضى عشر سنوات كاملة كوزير للخارجية) وعمر سليمان، فيعني مفيش داعي إذا شخص احنا شايفين أنه وزير غير كفء إن نقول الريس اختاره ونسكت.

6-لما تلاقي ريس يفعل عكس ما يتمناه شعبه: يعني أنا مختلف مع حضرتك في هذه النقطة، إلا إذا كنت تقصد أنه مثلا يضاعف الرواتب ويصدر قرار بتحديد سعر المنتجات بخمسة جنيهات طبعا الشعب ح يفرح لكن اللي دارس ألف باء اقتصاد يدرك أن هذا سيؤدي إلى سوق سوداء ومعدلات تضخم متزايدة ومشكلات في الإنتاجية ويضر بالأمن القومي.

7-ريس عامل جمعية تعاونية مع أولاده وزوجته: لا دليل على هذا يا سيدي، وأرجوك الأصل البينة، وأنا أثق في حضرتك، فهل رأيت شيئا بعينيك أو كنت في القصر الجمهوري وشاهدت تصرفا بعينه؟ ما سوى ذلك سيدي فلا أتصور أن من المفيد الحديث عنه وصلى الله على محمد (ادرءوا الحدود بالشبهات). وأرجوك انظر للجانب الإنسانيفمبارك أب ولديه زوجة وأبناء.

8-الرئيس ولومه المتكرر بسبب زيادة السكان: أرجوك يجب ربط الكلام ببعضه يا سيدي الفاضل، الرئيس أكد في أكثر من مناسبة أهمية زيادة الإنتاجية للموظف أو العامل من أجل زيادة في الناتج القومي والرفاهية المجتمعية، فكلامه مقصود به أن تكون هنالك زيادة إنتاجية.

9-حرب الكويت والديون: أتصور أنه كلام غير دقيق فلا أنا ولا حضرتك لدينا أرقام دقيقة، ولكن مصادر المعلومات المتاحة سواء الأهرام أو البنك الدولي أو الإحصاء لا أعتقد أنها توصل للنتيجة التي حضرتك ذكرتها، إلا لو فيه مصدر حضرتك تفيدنا به.

10-مبارك رئيس ليس منبطحا أو صديقا لإسرائيل، بل بالعكس هو حازم جدا، والعلاقات في السياسة هات وخد يا سيدي. لا أعتقد أنه مشهد أو كلمة في مقابلة تلفزيونية تجعل حضرتك تحكم على رجل عمره 80+سنة أكثر من ثلثها داخل الجيش يحارب ويدرب الطيارين ضد إسرائيل. لو حضرتك قرأت عن حرب أكتوبر وتحديدا عن استعدادات القوات الجوية فستشيب شعر رأسك من رجل حازم وحريص على معاينة القواعد العسكرية بنفسه والتواصل مع الفني والضابط والطيار ومتفاني في عمله، ولا أعتقد أن رجلا هذه صفاته يكون منبطحا.

11-الخطط الخمسية وكوننا غارقين في المشاكل: هنالك تقدم لا ينكر، 50% من المواطنين كانت لديهم ثلاجات في الثمانينيات الآن النسبة في التسعينات، طبعا الموضوع مش تلاجات بس ده مرتبط بطاقة كهربائية تضاعفت على الأقل مرتين، وإنتاج اقتصادي متزايد واستثمارات في الاتصالات والبنية التحتية وغيرها. يكفي النهاردة الشركات بتدفع بونس للموظفين اللي بيرشحوا حد لوظيفة خالية ويثبت نجاحه فيه ويكفي الشركات اللي بتبوس أيادي الناس عشان تشتغل وبتدفع فلوس لشركات التوظيف، ده يا راجل يا طيب من عشرين سنة الناس بتبوس الأيادي عشان تلاقي حتة وظيفة في أي حاجة، فالحمد لـله يعني (أنا مواليد 84م فيعني بأسمع ده ما حضرتوش).

12-الحلف بالطلاق على المدة الرئاسية وزيادتها: لا أتصور أننا نستطيع الحكم على شخص دون سماع وجهة نظره أخي الفاضل، ويبقى الأصل أنه يرى أنه يخدم بلده، وفي الواقع ليس فقط هو ولكن آخرين كذلك يرون من وجهة نظرهم ذلك. أنا مثلا مش متخيل إنه لو بعد دورتين يعني في 1993م كان ممكن مصر تتقبل انتخابات فيها أكثر من طرف للرئاسة. يا راجل يا طيب ده في القرى لو حد اترشح أمام العمدة بيعتبروه قليل الأدب، فيعني سلامة المجتمع وانتظام عقد أمنه مش حاجة سهلة أبدا.

أخيرا خليني أؤكد لحضرتك ومجددا: مبارك رجل له ما له وعليه وما عليه، كأي إنسان في الدنيا. نرجو له التوفيق، ولنا وله حسن الخاتمة وندعو له بالتوفيق والبطانة الصالحة بظهر الغيب.

نعم هنالك دول سبقت مصر، ولكن نحن متى ما توافر لنا الإخلاص والحب والتفاني في العمل وتقديم العام على الخاص فسنكون في المقدمة.

شكرا لغيرة حضرتك على مصر وحرصك عليها، وأرجو أن عضو نشيط فاضل زي حضرتك كلنا بنحبه ونحترمه يتقبل وجهة نظري المتواضعة والقابلة للصواب والخطأ

[se_ Elsyed]

يا عزيزي عبد المطلب أنا سعد جداً برأي حضرتك وعلى عيني وراسي والله ...

ودعني بهدوء أرد على نقطة نقطة

1-الجيش بيعمل العيش والشرطة بتوزع اللحمة والأنابيب: ليه حضرتك لا تنظر إلى هذا الأمر على أنه نوع من إدارة الموارد،

- شاور لي حضرتك على اي دولة بيحصل فيها إن الجيش والشرطة بيديروا موارد الدولة ؟

هذه ليست إدارة ... بل عك بعيد عنك

يا عزيزي الفاضل لما تعرف إن كل شتاء لازم تحصل عندك أزمة أنابيب .. طيب ما بيستعدوش ليه وأنت عارف إنها هاتحصل ؟

أما الخبز فحدث ولا حرج ... جيششششششششششش جرار من دكاترة الإقتصاد والزراعة و و و و و ومع ذلك الأزمة تزداد

يا عزيزي ما تنساش إننا في سنة 2010 وعيب قوي الكلام ده يحصل عيش ولحمه وأنابيب !!!!

بناء على استقصاء عينة من شباب مصر أن ثلثيهم يعني 66% وحضرتك محاسب تعرف ده أكثر مني النسبة دي يا ولداه [أنا هنا أخاطب نفسي متحسرا] نجحت بالغش

- الكلام ده يتقال لو ما كانتش نسبة نجاح الحزب الوطني أكثر من 95 % .. الحزب الوطني اللي مبارك رئيسة يا سيدي الفاضل . ولو الحزب نجح بالتزوير والفُجر كما حدث .. يبقى هو رئيس مُزور .. بدون مواربه ولا تزويق كلام

3-الخطب السياسية: ليس ذنب الرجل أنه ليس خطيبا مفوها والكمال لله وحده، والأهم أن أحدا لم يحلل كل خطبه ليصل للاستنتاج الذي توصلت إليه حضرتك

مش محتاجه فن خطابة ... لكن السيء لا يختار إلا السيء .. ومافيش رئيس بيكتب خطبه بنفسه ... وكمان الموضوع مش محتاج تحليل لكل الخطب ... فالوضع واضح وباين للعيان .

4-الانفصال عن الشعب والعيش في البرج العاجي: غير صحيح يا فندم، مع مراعاة وقت الرئيس

ده منفصل ومطلق كمان ... وإلا فين هو من مشاكلنا اليومية ؟

5-اختيار الوزراء: ما هو الرئيس برضه هو اللي اختار كمال الجنزوري وعمرو موسى

الله ينور عليك .. ده أنت جبت اوضح مثالين على سوء إختياره ... فبشهادة الجميع .. الجنزوري كان من افضل رؤساء الوزارة اللي تولوا المنصب .. أنا هاضرب لك مثل بسيط .. إن في عهده حوالي 80 % من المصريين اللي في شركتنا نزلوا مصر لأن الرواتب إختلفت والوضع تحسن كثيراً وأنا شخصياً كنت على وشك النزول .. لكن لما مبارك شم إن ده إنسان مُلح ولديه فكره ... شاله بطريقة في منتهى القذارة .. واظن إنت فاكر كده ..

أما عمرو موسى فطريقة إقالته هاتبقى علامة سوداء في عصر مبارك ... فالراجل أول ما بقى له شعبية زي أبو غزالة ... راح موديه التلاجة وباعته جامعة الول العربية اللي يقي فيها بقية حياته لحد ما يطلع معاش عشان ماحدش يسمع عنه حاجه ولا يفتكره

6-لما تلاقي ريس يفعل عكس ما يتمناه شعبه: يعني أنا مختلف مع حضرتك في هذه النقطة، إلا إذا كنت تقصد أنه مثلا يضاعف الرواتب ويصدر قرار بتحديد سعر المنتجات بخمسة جنيهات طبعا الشعب ح يفرح لكن اللي دارس ألف باء اقتصاد يدرك أن هذا سيؤدي إلى سوق سوداء ومعدلات تضخم متزايدة ومشكلات في الإنتاجية ويضر بالأمن القومي.

أبداً أبداً ... لكن اقصد ما نتمناه من ديمقراطية وتداول للسُلطة والكف عن حكم الحزب الواحد وبيع القطاع العام .. والاف من القضايا الأخرى اللي رجعتنا 100 سنة ورا

7-ريس عامل جمعية تعاونية مع أولاده وزوجته: لا دليل على هذا يا سيدي،

دي أتفق معاك فيها .. أنا أسف فعلاً .. لأن جمال مبارك اللي ناطط لنا كل دقيقة ما طلعش إبنه .. لكن طلع إبنه من اب وأم تانيين ... أما السيدة سوزان مبارك اللي بتسحب الوزرا معاها كل يوم في كل موقع زي القطيع فهي في الدستور مرات الرئيس ومن حقها تحكم هي كمان

8-الرئيس ولومه المتكرر بسبب زيادة السكان: أرجوك يجب ربط الكلام ببعضه يا سيدي الفاضل، الرئيس أكد في أكثر من مناسبة أهمية زيادة الإنتاجية للموظف أو العامل من أجل زيادة في الناتج القومي

سيدي الفاضل اللي بيقوله الريس ده كلام مصاطب .. يعني العُمده يقعد بالليل مع أهل الكفر وهو بيشرب الجوزه ويقول لهم : شدوا حيلكو يا رجاله .. عاوزين محصول البرسيم مزهز الموسم داهوت ..

أما الأليات ولا أزاي البرسيم هايتضاعف إنتاجه .. دي مش شغلته هو فنجري بوء وخلاص ...

أسف ... كلام مش مقبول وكلام اي واحد على قهوة بلدي يقوله .. مش رئيس

9-حرب الكويت والديون: أتصور أنه كلام غير دقيق

33 مليار دولار ديون مصر الخارجية بنهاية مارس

ده سيرش بسيط كده ورقم دقيق جداً يا فندم .. وأعمل إنت سيرش عن حجم الديون اللي أُسقطت من علينا بعد حرب الخليج .. وبالمناسبة هل عُمرك سمعت عن حاجه إسمها ( 480 مليون دولار مساعدة خاصة لمصر من أمريكا سنوياً ) ؟ عارف ظهرت إمتى ؟ لما أمريكا أختلفت مع مصر قبل 5 سنوات بسبب الإنتخابات وخلافه لدرجة إن بوش رفض يسقبل مبارك وفضحونا بالرقم ده اللي مصر بتحصل عليها من زمان في الخباثة .. لكن طبعاً كلنا عارفين بيروح لجيب مين

[se_ Elsyed]

10-مبارك رئيس ليس منبطحا أو صديقا لإسرائيل، بل بالعكس هو حازم جدا،

هو فعلاً مش إنبطاح ... لكن كلمة أخرى عيب إني أقولها ...

على فكرة ده مش كلامي .. ده كلام الصهاينة نفسهم اللي بيطلقوا عليه " الصديق الأول لإسرائيل "

11-الخطط الخمسية وكوننا غارقين في المشاكل: هنالك تقدم لا ينكر، 50% من المواطنين كانت لديهم ثلاجات في الثمانينيات الآن النسبة في التسعينات، طبعا الموضوع مش تلاجات بس ده مرتبط بطاقة كهربائية تضاعفت على الأقل مرتين،

بأمارة كوارث إنقطاع الكهربا اللي بتحصل كل صيف دلوقت وما بتحصلش لا مؤخذه في جيبوتي ولا الصومال ؟

الثلاجات والكلام ده في العالم كله ما حدش بقى يذكرها لإن عيب .. الناس يا فندم دلوقت بتتكلم عن صناعات ثقيلة وطاقة نووية

ويكفي الشركات اللي بتبوس أيادي الناس عشان تشتغل وبتدفع فلوس لشركات التوظيف،

ده في مصر ؟

اللي هي جمهورية مصر العالمية بتاعتنا يعني ؟

اللي بأرقامهم بيقولوا نسبة البطاله 9.4 % وهي بأي حال من الأحوال لا تقل عن 30 % .... ده غير بتوع المعاش المبكر والعمالة اللي إتسرحت بعد بيع الشركات والمصانع الكسبانة ... بتتابع حضرتك أزمة عُمر أفندي ؟

12-الحلف بالطلاق على المدة الرئاسية وزيادتها: لا أتصور أننا نستطيع الحكم على شخص دون سماع وجهة نظره أخي الفاضل، ويبقى الأصل أنه يرى أنه يخدم بلده،

يا فندم عيب .. والله عيب ..

لإن ابو 30 سنة حكم وبيلعب في الـ 36 دلوقت .. إذا كان بيخدم بلده ... أومال الدول اللي فيها دستور محترم بيحدد مدتين رئاسيتين فقط كحد أقصى ... دول بيخدموا في البيوت ؟

يا راجل يا طيب ده في القرى لو حد اترشح أمام العمدة بيعتبروه قليل الأدب، فيعني سلامة المجتمع وانتظام عقد أمنه مش حاجة سهلة أبدا.

بس مصر مش كفر ولا نجح ولا هو عمده ...

دي دولة المفروض إنها محترمة وفيها دستور مش متفصل على قده هو

أنتظام عقد أمنه والكلام ده مردود عليه .. قارننا سيادتك بالدول اللي الريس فيها أقصى مده بيقعدها هي 10 سنوات .. هل هي دولة منحطة وبياكلوا في بعض وبها حروب شوارع ؟

أخيرا خليني أؤكد لحضرتك ومجددا: مبارك رجل له ما له وعليه وما عليه، كأي إنسان في الدنيا. نرجو له التوفيق، ولنا وله حسن الخاتمة وندعو له بالتوفيق والبطانة الصالحة بظهر الغيب.

نعم هنالك دول سبقت مصر، ولكن نحن متى ما توافر لنا الإخلاص والحب والتفاني في العمل وتقديم العام على الخاص فسنكون في المقدمة.

نرجو له التوفيق لما يكون لسه نوغه والعُمر قدامه .. لكن بعد 30 سنة خراب .. وبعد رجوعنا لورا 100 سنة ... نتمنى له إنه يسيبنا في حالنا ويرحل هو وعصابته يا سيدي الفاضل .. وإحنا لنا ربنا ..

[aimen]

المكرم أ.سي السيد،

أنا أدعو حضرتك لأن تضع نفسك مكان الطرف الآخر (الرئيس) ، وبما أننا في الأصل كمان مواطنون، دعني أعترض بشكل محاوراتي على التعميم في الاوصاف أو التحليل الذي أطلقته على الرئيس مبارك الذي هو في النهاية إنسان له ما له وعليه ما عليه، بالضبط مثلي ومثل حضرتك ومثل من سبقوه ومن سيخلفوه.

ربنا يهدينا ويهديك

مش حقول لك غير كده

[aimen]

اعتقد ان محاكمة امثال حمدى قنديل وايمن نور وغيرهم علامة من علامات عصرنا المبارك

شهدت محاكمة الإعلامي حمدي قنديل في قضية سب وقذف أحمد أبو الغيط وزير الخارجية مفاجأة جديدة حيث طلب دفاع قنديل رد هيئة المحكمة بسبب رفضها استدعاء المدعي والشاهد الرئيسي الوزير أحمد أبو الغيط رغم مطالبة الدفاع أكثر من مرة وإصراره على مناقشة أبو الغيط نفسه في تصريحاته وليس محاميه.

واعتبر دفاع قنديل أن إصرار المحكمة على عدم إحضار الوزير أبو الغيط هو مصادرة على حق الدفاع في تنفيذ مايراه ضروريا لإثبات براءة قنديل.

بدأت الجلسة في العاشرة والنصف صباحا وسط حضور مكثف من النشطاء السياسسين والحقوقيين من أعضاء حركة كفاية و6 أبريل وبعض منظمات المجتمع المدني كما حضر من نقابة الصحفيين جمال فهمي ومحمد عبد القدوس عضوا مجلس النقابة، وترأس فريق الدفاع عن قنديل المستشار محمود الخضيري والدكتور محمود السقا ثم طلبت المحكمة من دفاع أبو الغيط المرافعة فأفاد بأنه لديه بعض الطلبات وهي استخراج خطاب رسمي من نقابة الصحفيين تفيد ما إذا كان قنديل صحفيا بها من عدمه وبرر ذلك بقوله أن حمدي قنديل قال في التحقيقات أنه يعمل كاتبا صحفيا فرد حمدي قنديل قائلا بأن هناك فارق بين الكاتب الصحفي والصحفي، ثم أكملت المحكمة بأنه لديه خطابا رسميا يفيد أن قنديل ليس صحفيا مقيدا بجداول النقابة كما طلب دفاع الوزير دحض الصور الضوئية المقدمة في حوافظ المستندات من خلال دفاع قنديل.

ثم طالب المسئول بالحقوق المدينة عن جريدة الشروق تأجيل الأطلاع على مستندات القضية والتسجيلات الخاصة بها إلا أن المحكمة اعترضت قائلة لا تأجيل سنسمع التأجيلات اليوم ونناقش الشهود فرد مسئول الحقوث المدنية للمحكمة بأنه مطلوب منه تعويض 20 مليون جنيه ولا يعلم شئا عن التسجيلات، فأصرت المحكمة على رأيها، ثم أبدى محمود السقا طلباته وسط طلبات متكررة من المحكمة بالانتهاء حتى تستمع إلى التسجيلات التي أحضرها مسئول من التليفزيون المصري وأكد للمحكمة أنها جاهزة للعرض ولكن دفاع قنديل أصر على إبداء طلباته قبل سماع التسجيلات وهي أولا انقضاء الدعوى الجنائية ضد حمدي قنديل طبقا للمادة 10 من قانون الإجراءات الجنائية لأن القضية مرت بثلاث مراحل وكانت الإحالة الأخيرة فيها خاصة بمتهم واحد هو حمدي قندل رغم أن التهمة اسقطت بحق متهم أخر كان معه في القضية وأن القانون ينص على أن التهمة إذا اسقطت عن أحد المتهمين فإنها تسقط عن الأخر.

ثانيا أصر دفاع قنديل على حضور أحمد أبو الغيط وزير الخارجية نفسه لأنه صاحب الدعوى ومحركها والشاهد الرئيسي بها وقال محمود السقا رئيس فريق الدفاع عن قنديل أن لا أحد يعلو فوق القضاء وأن حضور أبو الغيط ليس بدعا وأن محامي أبو الغيط لاينوب عنه ونحن نريد سؤال أبو الغيط نفسه لمناقشته في تصريحاته إذ كيف يكون محاميه شاهدا ومترافعا ويتم مناقشته في القضية؟

وحدثت مشادة بين السقا ودفاع الوزير انهته المحكمة قائلة أنها لاتريد على المنصة أمامها سوى محامي الوزير أبو الغيط لابداء طلباته ومرافعاته وهنا أصر دفاع قنديل على عدم سماع التسجيلات الخاصة بتصريحات أبو الغيط إلا بعد حضور الوزير شخصيا لمناقشته فيها فرفضت المحكمة بشدة وقال دفاع قنديل للمحكمة "المحكمة قالت في الجلسة اللي فاتت انتوا عاوزين تجيبوا الوزير عشان تشتموه ونحن تعترض على ذلك لأننا لسنا شتامين ونصر على إحضار الوزير" إلا أن المحكمة رفضت مجددا طلب الدفاع بحضور الوزير فطلب دفاع قنديل رد هيئة المحكمة وقال أنه سيتقدم بمذكرة تتضمن أسباب الرد لأنه يرى أن المحكمة تصادر على حقه في إبداء دفعوه وطلباته، وحاول مسئول الإذاعة والتليفزيون رفاق الاسطوانة المدمجة إلى ملف القضية بعد طلب الرد إلا أن دفاع قنديل اعترض بشدة قائلا:" لايجوز رفعت الأقلام وطويت الصحف".

وخرج حمدي قنديل من قاعة المحكمة وسط مؤيديه وأنصاره الذين رددوا هتافات معادية للنظام والوزير أبو الغيط، فيما علق المستشار محمود السقا للدستور الأصلي على ماحدث بـ:" أقول لهيئة المحكمة شيئا وحدا وهو قول الله تعالى" واقيموا الوزن بالقسط"،وردا على سؤال لماذا ترفض المحكمة إحضار الوزير، قال "تسأل في ذلك هيئة المحكمة التي صادرت على حقنا فيما نراه صوابا من أجل مصلحة المشكو في حقه".

أما حمدي قنيدل فقد أكد للدستوررالأصلي أن دفاعه طلب حضور الوزير لمناقشته في تصريحاته ولكن المحكمة رفضت وأرادت أن نناقش محامي الوزير وهو أمر غير معقول كيف نناقش شخصا في تصريحات غيره؟ وقال قنديل "المحكمة واخدة رأي غريب في رأينا وصرح رئيس المحكمة أنه يريد أن ينتهي من القضية اليوم وأنه قال في الجلسة الماضية "انتوا عاوزين تجيبوا أبو الغيط عشان تشمتوه" وهو أمر لايجوز من رئيس محكمة نستوي أمامها أنا والوزير لذلك طلبنا رد المحكمة"، وأضاف قنديل أن القضية بالأساس سياسية وليست جنائية وأنه يرى أن ما حدث اليوم هو أمر يثير الأسف قائلا:"أنا آسف أن أقول أن ماحدث اليوم يمكن أن يعبر ويفصح عن نوايا المحكمة".

اقرأ يا مؤمن وشوف واتعظ

[mfarag]

اعتقد ان اهم علامات عصر مبارك و اللى اسوا من صداقتة لاسرائيل - واسالوا صفقة الغاز م حصار غزة - و الفساد

هو

ان بعض الناس- المفروض مثقفين - للاسف الشديد

لسة بيدافعوا عنة رغم دة كلة

طيب السوال هو المفروض يكون اسوا من كدة لحد اى درجة عشان نحس او نعترف

بالوضع السى اللى احنا فية

و اننا نتجة يسرعة للاسواء

تم تعديل 18 ديسمبر 2010 بواسطة mfarag

[se_ Elsyed]

حبيب قلبي عبد المطلب باشا

صدقتني إنها جمعيه أهلية وحكم عائلي ...

بص اللي حصل النهاردة في مجلس الشيعب يا ريس

المدام

الأولاد ربنا يخلي

[aimen]

لما البيه رئيس الدولة بدل ما يهتم بالناس ومشاكلها يسخر من صفوة رجال الدولة

قلل الرئيس محمد حسني مبارك الأحد أثناء كلمته أمام مجلسي الشعب والشورى مقلل من فكرة البرلمان الموازي التي دعت إليه المعارضة المصرية لمواجهة بطلان برلمان 2010 بعدما أثبتت أحكام القضاء الإداري ببطلانه.

وقال مبارك ساخرا أثناء خطابه متحدثا عن البرلمان الموازي "خليهم يتسلوا " وهو الأمر الذي أثار حفيظة نواب البرلمان السابقين ودعاة البرلمان المواز حيث أكد علاء عبد المنعم النائب السابق والمتحدث الإعلامي للبرلمان المواز في تصريحات للدستور الأصلي -هذه رؤية الرئيس الخاصة وعليه أن يتأكد أننا نقوم بعمل جاد من أجل مصلحة الشعب والوطن فهدفنا هو هدف نبيل وسامى،

وقال عبد المنعم أبلغ رد على ذلك هو أن فكرة البرلمان البديل هى الفكرة التي وحدت صف المعارضة منذ فترات طويلة وقد أحدثت حالة من التوافق العام.

ومن جانبه علق سعد عبود البرلماني السابق قائلا :إذا كان الرئيس مبارك يتهكم من فكرة البرلمان البديل فأقول له هذه فكرة محل جد من المعارضة وسيري الجميع نتائج هذا البرلمان

وقال يبدو أن نظام مبارك فقد قدرته علي رؤية الواقع وقراءته له فأصبح نظامه لا يري إلا ما يفعله هو ويزينه لنفسه، وأضاف :مصر ليست عزبة أل مبارك وعليه أن يعلم أنه أصبح لا خيار للمعارضة سوي مواجهة هذا النظام وتحديه.

وأضاف عبود أن الرئيس عليه أن يعلم أنه وعدنا أن يحكم مصر فترتين وحنث بوعده ووعدنا بإجراء انتخابات نزيهة فلم تشهد مصر طوال عهده أي انتخابات نزيهة سواء علي مستوي المحليات أو الشعب أو الشورى.ووعدنا بحل المشاكل الديمقراطية بعد الأزمات الاقتصادية ولكنه لم يحل لا اقتصادية ولا ديمقراطية .فمبارك هو ثالث أطول رئيس فى حكم مصر بعد رمسيس الثاني ومحمد على .

في الوقت الذى قال فيه الرئيس مبارك خلال خطابه اليوم أمام مجلسي الشعب والشورى حول البرلمان الموازي "خليهم يتسلوا "عقدت اللجان المشتركة لتشكيل البرلمان الموازي من القوي السياسية المختلفة اجتماعا اليوم الأحد في حزب الجبهة الديمقراطي لمناقشة ترتيبات آليات تشكيل البرلمان الموازى وكانت اللجنة المشكلة من الجمعية الوطنية للتغيير والمتمثلة في 6 أعضاء ومنهم حمدين صباحي ومحمد البلتاجى وأسامة الغزالي حرب وأيمن نور إلى جانب اللجنة المشكلة من النواب السابقون ومنهم سعد عبود وعلاء عبد المنعم و رامى لكح وذلك لمناقشة هل سيخرج البرلمان من عباءة الجمعية الوطنية للتغيير