وثائقيات المحاورات...فيلم لماضة الساري المرتقب

[الســـاري]

السلام عليكم ورحمة الله وبركاته ،،

طبعاً كان من المقرر ان ينزل هذا الفيلم قبل اسبوع من الان

لكن لظروف اخراجية وانتاجية ونظرا للازمة المالية العالمية اضطررنا لتأخير هذا الفيلم اسبوعاً

واترككم مع مقدمة الرفيق لماضة مصرية جداً

=======================================

اعزائي المستمعين و المستمعات

اللي قاعدين قدام الللابتوبات

واللي مستنين انتاج لماضة الساري..اللي هينسيكوا اللي فات

عشان احنا...فكرنا نعمل سلسلة وثائقيات

يعني لكل شهر من شهور السنة.....هنعمل رحلة بين التوبيكات

فاكرين لما حسين الجسمي.....اتحفنا بواحدة من الابداعات

و قال.....قلبي بيتقطع لحتات

كل ما اعدي ع التوبيكات

و افضل سهران فيكي و معاكي يا محاورات

اهو......هو.....ده.....انتاجنا الجديد من الوثائقيات

طب ما تيجوا نشوف

http://www.youtube.com/watch?v=z-8CMEUfFJ4

مشاهدة ممتعة نرجوها لكم

[م تيمور المراغي]

ساري وريهام ,,

انتم وصلتم لدرجة من التمكن اسمها امتلاك ادوات الابداع ,,

فالمبدع عادة مش قاعد يبدع 24 ساعه عمال على بطال ,,

لأ ,,

احيانا يدندن ,, كحليم في احد افلامه

واحيانا يتأمل ,, كانيس منصور في خلوته ,,

واحيانا يستغرق في العمل بحراره تذيب الجبال ,,

ويتنقل بسلاسة الفنان ,, من تلك الحال الى تلك

الى تلك ,,

انتم خلاص عرفتم السر ,, وامتلكتم الادوات ,, وتمكنتم منها ,,

انا لو في ايدي اوفر لكم منحة تفرغ ,,

لانكم محوتم شهر كامل غربه ,, من داخلي

اشكرك يا ريهام ,, واشكرك يا ساريفيتش

انا لو مكان طنط ,, كنت حتشرف بيكي اوي يا ريمو

[م تيمور المراغي]

ههههههه

الجزء بتاع الشيف بندق ماشي في الحاره :happy:

يا ويلك يا ريهام من مغتربه ومن ضحى :happy:

فاكره مصير سهير رمزي " اغابي " في فيلمكم اللي فات ؟

[اغابي]

رااااااااااااااااااااااااااااااائع بجد

برغم ان مزاجى النهاردة يعنى ومش اوى ومتعكننة

من الساعة 2:20 تحديدا بتوقيت السعودية ومن بعد عودتى مباشرة من الشغل

الا انكم خلتونى ابتسم

عموما انا طبعى دايما الروقان والابتسامة ومش بحب العكننة

لكن اللى حصل معايا نهارده شيء لازم يزعل

لكن ارجع واقول البركة فيكم

روقونا روقونا يا شبااااااااااااااب

يارب يخليك يا ساري انت ولماضة ودايما كدا مبدعين

ميرسي ميرسي

:give_rose:

تم تعديل 16 ديسمبر 2010 بواسطة اغابي

[pink rose]

ما فيش كلمات تعبر عن الروعة دي بصراحة

الحتة بتاعت اشكفة مايوسف و مصرية متغربة موتتني من الضحك

جامدة جدااااااااااااااا

ربنا يحلي ايامكم يا ريهام انت و الساري

:clappingrose:

[se_ Elsyed]

ساري ... لماضه

إنتو عديتوا مرحلة الهوية وبقيتوا محترفين بجد

حاجه هايلة وأعمال فنية متتالية وبتحطوا نفسكم في مواقف بايخه لأنكم بترفعوا سقف التحدي كل مره وبالتالي لن نقبل منكم إلا كل ما هو رائع

[Dreamwithme]

السلام عليكم ورحمة الله وبركاته

لا بجد ياجماعة أنتم بقيتوا محترفين خلاص.

ابداع ابداااااع جامد جدا بجد مالكوش حل

ربنا يسعدكم زي ما بتسعدونا

[عبير يونس]

ميرسي لموضة و ساريكو

عجبتني اوي لما كان بيقول

ما انا كده ميت و كده ميت

يبقى حأخاف لييييييييييييييييه؟

و نزل ضرب فيه بالائلام على وشه

هههههههههههههه

فكرة برضه

ممكن نضيف الجملة الفلسفية دي للتوبيك

و نتناقش فيها

:closedeyes:

اما بقى أسرار الاشكفة

فمقدرش أصرح بأي حاجة

اعذروني

العمر مش بعزقة

:unsure:

[م تيمور المراغي]

قبل الاشكفة :happy:

[Howayda Ismail]

ابدااااااااااااااااااااااااااااااع

bv:- bv:- : :

[الســـاري]

اشكركم جميعا على الثناء

باشمهندس architect

يا عزيزي لو اعرف بس اننا قدرنا نمسح هم لحظة غربة واحدة يبقى دا اكبر تشريف ... اشكرك جدا على مرورك ...

على جنب كدا زي ما بتقولوا ... لو الصورة دي اللي انت حطيتها كانت قبل الاشكفة ... امال حتبقى الصورة ازاي بعد الاشكفة ؟

لازم تحط قبل وبعد ... ما يكفي تحط صورة قبل بس

اغابي

ليه العكننة بس .. ؟؟ اغابي المبتسمة تتعكنن ؟؟ ... احيلك الى موضوع كيف تتخلص من التوتر النفسي للفاضلة ماكينة المنتدى اغابي ... بيني وبينك .. احس ان للصورة دخل ... اول كنتي حاطة صورة واحد مبتسمة للحياة .. دلوقتي حاطة صورة مختلفة خالص

عموما انا مبسوط اوي انك ابتسمتي شوية سيدتي الكريمة ..

:)

ريمو

الف شكر لك على التشجيع والمديح .. والله التشجيع هو اللي يمسح التعب ويحمسنا اكثر لتقديم المزيد

حتة اشكفة ما يوسف و مصرية متغربة اتمنى ان تكون عجبت الجميع كما اعجبتك

سي السيد

يا عمي محترفين ايه ... والله اللي عايزيزن نعمله اكتر من كدا

طول عمرك الداعم الاكبر يا سين يا سين

دريم وذ مي

اشكرك الف شكر على المرور والتعليق ... ويارب نبسطكم اكتر واكتر

مصرية متغربة

طول عمرك تشجعينا يا هانم .. بس ايه رايك بدور البطولة ؟؟ ... دلوقتي مافيش نعيمة الصغير ولا غيره

احب انكم تناقشوا العمل .. وتعطوني رايكم فيه .. ..لان اي ملحوظة تفيدنا ولو كانت صغيرة

مش حتخسروا حاجة لما تنتقدوا العمل بشكل ايجابي ما انا كده ميت وكده ميت ... يبقى ح اخاف من اييييييييييه .؟؟

اختي هند علي

تحياتي لك اختي الكريمة وتحياتي لعبودي ... اتمنى يكون عجبه الفيلم

اشكركم جميعا

[عبير يونس]

قبل الاشكفة :happy:

طبعا تقصد ما يوسف

ههههههههههههههه

لا بس ذوق حضرتك حلو الحقيقة

و بتختار وشوش شرقية جدا

و مصرية صميمة

ياريت نشوف الصورة بعد الأشكفة لو سمحت

:closedeyes:

[عبير يونس]

ساريكو باشا

الفيلم بجد متقن و احترافي درجة اولى

و اكيد طبعا عجبتني مشاهد الاشكفة

و فعلا لايقة جدا على قصة سكوب

خصوصا مشهد العربية

مش عارفة ليه حسيت انه فعلا مايوسف

ههههههههههههههه

بس انا متكلمتش نص كلمة

:blink:

صوتت بس

ههههههههههههه

التقل صنعة برضه

:P

اللي موتني من الضوحك بجد

ادوارد لما كان بيغني على الجيتار و بيقول

يوووووووه

ربنا يخليكو لينا انت و لموضتي

bsh:)

يوووووووووووه

قصدي

[م تيمور المراغي]

مابلاش يا ساريفيتش

يا فخري يا حبيبي :happy:

ههههه

حاضر حخلص مشوار رفيع كده ,, :happy:

وارجع واضرب صورة بعد الاشكفه ,,

[capitshino]

الف مبروك يا استاذ رمضان .......... قصدى يا استاذ السارى " انا ماردتش انزل بالخبر العاجل زى ما كلمتك وانتظرت الفيلم اهو

وجهود ممتاز من الفاضلة لماضة مصرية جدا

[لماضة مصرية جدا]

السلام عليكم و رحمة الله و بركاته

حبايبي الكتاكيت

لا كتاكيت ايه

حبايبي العفاريت......يووووووووه مش ديت

حبايبي و قرايبي و جيراني....انا عايز اخدكوا في احضاني....(وش عبد الحليم وهو بيناهد ع العجلة)

يووووووووووه برضه مش دي

ايها الشعب المحاوراتي الرائع....(ابص يا خويا علي عدد الردود الاقيها يعني حوالي 10...ابص ع المشاهدة الاقيها عدت المية....طب ايه بقي.....بقي ايه طيب؟؟؟؟)

ميرسي كتير علي كلمة حلوة اتقالت.....وكل بوينت خضرا رااااااااحت للساري....(وش حد هيمووت ن الضحك)

و الاهم احنا اللي بنشكركم علي صبركم معانا و بجد متابعتكم بقت ترفع معنوياتنا كتير

فيه حاجة بس عايزة انوه عنها

طبعا منتدي المحاورات....ثري جدا....بوضوعاته الفكرية الجادة اللي بتسلط الضوء علي كتير من متغيرات الوطن كمصر....او اوطاننا كمغتربين

لو تلاحظوا الفيلم ما اتعرضشي لاي من الموضوعات الجادة....لان الساري و انا رأينا انها اكبر من ان احنا نطرحها في فيلم....و كمان احنا بنحاول نحافظ علي الطابع الكوميدي لانتاجنا

فيه مناطق ثرية جدا جدا في المحاورات......و جاتلنا الفكرة ان احنا نعمل توثيق سريع كده لكل الافكار اللي انطرحت في فترة زمنية عمرها شهر

الفيلم ليس سوي اجتهاد...في التوثيق....قد نخطيء فيه و قد نصيب....فقط اردنا ادخال البسمة بشكل مختلف

ع جنب بقي

انا بريئة توماما من مشهد الشيف بندق.....مغتربة....و ضحي.....ساري كالمعتاد لبسني في الحيط....و هيخش يموت هو...(وش حد جبان بيتلفت وراه حاسس انه هينضرب)

مساااكم لقطات كتيرة حلوة فوق بعضها....و احلي ما فيها انتم

[doha]

بتتبري من اللقطه ليييه يالماضه .. طب ده المودام الي عملت دوري ـ وتستاهل عليه الاوسكار في التقمص وعيش الشخصية ـ تعتبر هي صاروخ الفيلم .. تتبري من الصاروخ لييييييييييييه ( وش توهامي مذهول من عمايل وديع )..

بس ان جيتم للحق ولوعاوزين يبقى المشهد مظبوط .. وطالما يعني هنفتي في الطبيخ وكده .. فانا دوري قام بيه وباقتدار .. طلعت زكريا :closedeyes:..

بجد ابدااااع .. اكتر مشهد عجبني لما خطفوا مايوسف والي موتني ضحك ان الادفايزور بيقوله يايوسف .. لاه والسميط .. بجد بجد ملوش حل ..

[MaYousof]

واو ..

جميل جدا ..

بجد فيلم معمول بدماااغ عالية خالص ..

بجد واو ..

كانت نفسي أديكوا نقطة خضرا بس الرصيد نفذ .. لكن هاشحن وارجع تاني .. عشان الفيلم بجد فظيع جدا clp::

شكرا شكرا شكرا على إمتعنا :give_rose:

[م تيمور المراغي]

بعد الاشكفة :happy:

[أبوعمار]

تحفة فنية جديدة تضاف إلى رصيدكم الفني

إن شاء الله نحتفل باليوبيل الفضي والذهبي والماسي

أنا بقى أحلى لقطة عجبتني "ماليش دعوة انت اللي حاطيتها يا ساري"

لما بوشكاش قال:

"ده أنا لو بأرضع مش هآكل الأكل ده كله" :P