اهمية الدخول من الاخوة المصريين المقيمين بكندا

[علاء الدولى]

بسم الله الرحمن الرحيم

اولا احب ارحب بكل الاخوة اعضاء المنتدى الجميل

دلوقتى يا اخوانى انا جانى قبول دراسة لغة لمدة 6 شهور فى فانكوفر

وبما انى طالع على حسابى الشخصى عايز اعرف ينفع اشتغل وانا بدرس ولا صعب

ولو ينفع :( هشتغل ازاى - ولا هيكون نوع الشغل اية - وعدد ساعات العمل - والاجر ) ودة طبعاعلشان تكاليف الدراسة + الاكل + السكن + المصروف الشخصى

ولو صعب : يا ترى ممكن يكون فى اى حل انى اشتغل

ونظام المعيشة عامل ازاى فى فانكوفر من ناحية كل حاجة ( سكن - اكل - اسعار - موصلات ....

وفى انتظار ردود حضرتكم

دمتم بــود.

[عبير يونس]

دراسة اللغة غالبا بتبقى Full time

يعني غير مسموح لحضرتك بالعمل بالمرة

الدرجات العلمية كالبكالوريوس و الماجستير و الدكتوراة بيبقى حسب لوائح الجامعة و التخصص

في منها بتبقى برضه full time

و برضه ما ينفعش تشتغل

و في بتبقى part time

و دي بيبقى لحضرتك سماح بالعمل دوام جزئي لا يزيد عن 20 ساعة اسبوعيا

معرفش ايه نظام العمل التطوعي الغير مدفوع الأجر

هل مسموح لحضرتك و الا لآ

بس اعرف ان العمل التطوعي ده بتحصل بيه حضرتك على الخبرة الكندية

و اللي بتكون شرط أساسي للحصول على عرض عمل job offer

الرابط ده ممكن ينفع حضرتك

http://www.cic.gc.ca/english/study/work.asp

و ده كمان عن العمل في كندا

http://www.workingincanada.gc.ca/content_pieces-eng.do?cid=1〈=eng

بالتوفيق