إزاي تخلي خطيبك يمووووت فيكي؟؟

[لماضة مصرية جدا]

السلام عليكم و رحمة الله و بركاته

اعزائي المخطوبين.....و المخطوبات

سااااكم.....احلي القعدات

و دي نصايح لكل شاب و فتات

عشان في الهنا....دايما تبات

إزاي تخلي خطيبك......يمووووووت فيكي

1-الولد بيحب البنت الرقيقة

رفعوا صوتكم يا بنات .

عارفة يا شابة عادل اماما في السرحية و هي بيقول....الناحي ناحي نات....اهو كل كلاك بقي يبقي نهنهات

و أول ما تشوفى حاجه وحشة .. سورقى (يغمن عليكى) من كتر الرقة

عيطى كتير . العياط دليل على الاحساس المرهف .

أوائى له ..(اوائي ن الفعل قوق....فهي ام قوقة...و دي سلالة تطورة ن البومة الليلية)

نكدى عليه الليلة .

2- الولد بيحب البنت الرومانسية

سبلى له .

اسرحى كتير كلميه عن القمر و حاجات من دى .

قوليله شايف القمر يا عتريس

لازم تكونى هيمانه و انتى بتتكلمى .

و يكون صوتك واطى .. وشوشة .

هو بقي يسمع يسمعشي.....ان شاله عنه ما سمع

3- الولد بيحب البنت الاستايل style

كل ما تشوفى حاجه جديدة قلديها .

يقولوا الموضه الشعر الاصفر .. اضربيه اصفر .. ا

لموضه القصير .. قصريه ..

مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..

دى بتغير منك و مش عايزاكى تبقى على الموضه .

ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها....يا سلام بقي لو تبقي شبه الرائعة فاطمة الكسباني اللي كانت بتطلع قبل مسلسل نوتس لاندنج....حد فاكره دوت....اييييييييه دونيا .

4-الولد بيحب البنت الدلوعة

و ليكن شعار المرحلة....."ادلع يا رشيدي علي وش المية"

5- الولد بيحب البنت الجذابه اللى بتكون محور اهتمام الآخرين

فهميه ان في آخرين كتير معجبين بيكى

و قولى له : ارجوك اوعى تغير انا حواليا كتير .

ولا بيهمنى أبدا منهم ايه يعنى اكون حلوة فى عينهم .

و طبعا متنسيش عم عبده البواب....و هو بيقولك ربنا يكرمك يا بنتي....مش دي برضه تبقي اعجااااااااب

6- الولد بيحب البنت اللى بتحسسه برجولته و تحسسه بنفسه

ايه ده ! .. ايه العضلات دى كلها .. دى احلى عضلات شفتها فى حياتى ....(و هو اكيد احمد الضيف بس بيقاوح)

. يا سلام !! ايه الشياكة دى كلها . انت أشيك ولد شفته فى حياتى ....(منظر سمير غانم لما لم البنطلون الزوكتة ضربت)

.(مش مهم هو لابس ايه . انبهرى و خلاص ) .

يا سلام !! انت تقاطيع وشك حلوه بشكل (مع انه واخد بشلة فوق حاجب عينه اليمين....بس هنتعمي عنها...كله عشانك يا مصر)

و طول مانتى قاعده اشكرى فيه خليه كده قاعد نافش ريشه . و فرحان بنفسه ....(وش واحدة بتمصمص شفايفها و بتقول في سرها بلا خيبة......بلا وكسة)

7- اتمحكى فيه ( الزقي له )خليكى دايما معاه

كل شويه كلميه فى التليفون بأى حجة .

قابليه فى كل حته يروحها . إ

عملى عليه كماشة . بحيث مايعرفش يفلفص منك و لا يشوفش غيرك ادامه .

روحى له الشغل

اكبسى عليه مع السكرتيره ......عايزاكي تبقي عاملة زي الاتب في ضهره....سمعتيني

8- عددى مواهبك...يعني كل شوية تفكريه انه يحمد ربنا انك رضيتي تتخطبي ليه

اكلك لازم مظبوط

قوليله انا ملحى فى الاكل لا كتير ولا قليل

وبعمل شاى سكر زياده .

وبلون البيض المسلوق .

و بسلي و لا احسن قرطاس لب سوبر

9- رغم حبك الشديد للحريه والانطلاق

قوليله انت مالك وقتى وتفكيرى مش عارفه اعمل حاجه الا انى افكر فيك

مليت على ايامى شغلت لى الزمن

حتي الهوا اللي بتنفسه....بكل التلوث اللي فيه....شايفاك فيه يا نسمة قلبي المنعشة

اعزائي المخطوبين و المخطوبات

دي كانت شوية نصايح كده علي ما قوسم

و اتمني اسمع خبر قريب.....ما هو يا هيرمي الدبلة في وشك....يا هيعند و يتمسك بيكي اكتر....و بكده تعرفي انك خلاااااص لبستي في الحيط

ع جنب بقي

الفكرة منقولة من ع الفيس بوك.....التعليق....و التعقيب....و التحليل...و التطفيش من عندي

لو عندكم اي افكار يا جماعة نساعد بيها شوباب و شبابات المنتدي المخطوبين و كده يعني

متبخلوش عليهم بيها

كان معكم

لماضة......خاطبة....و موفقاتية راسين في الحلال....و بعد الضهر....راس حربة في نادي اسمنت اسيوط

فوتكم بعافية

[م تيمور المراغي]

ولنبرات الصوت سحر

ايما سحر ,,

[Dreamwithme]

إيه النصائح الجبارة دي يا لماضة؟ نصائح في الجون

فطستيني علي روحي من الضحك بالذات مع النصيحة دي

6- الولد بيحب البنت اللى بتحسسه برجولته و تحسسه بنفسه

ايه ده ! .. ايه العضلات دى كلها .. دى احلى عضلات شفتها فى حياتى ....(و هو اكيد احمد الضيف بس بيقاوح)

. يا سلام !! ايه الشياكة دى كلها . انت أشيك ولد شفته فى حياتى ....(منظر سمير غانم لما لم البنطلون الزوكتة ضربت)

.(مش مهم هو لابس ايه . انبهرى و خلاص ) .

يا سلام !! انت تقاطيع وشك حلوه بشكل (مع انه واخد بشلة فوق حاجب عينه اليمين....بس هنتعمي عنها...كله عشانك يا مصر)

و طول مانتى قاعده اشكرى فيه خليه كده قاعد نافش ريشه . و فرحان بنفسه ....(وش واحدة بتمصمص شفايفها و بتقول في سرها بلا خيبة......بلا وكسة)

دي نصيحة حقيقية فعلا ....يا سلام لو كل بنت تحسس خطيبها أنه أحمد عز بالرغم من أن العالم كله بيقول له أنه الضيف أحمد

لكن هو في ذات قرارة نفسه شايف نفسه أحمد عز أو أحلي كمان.

لكن النصيحة الجاية دي يا لماضة تطفيش رسمي.....

- اتمحكى فيه ( الزقي له )خليكى دايما معاه

كل شويه كلميه فى التليفون بأى حجة .

قابليه فى كل حته يروحها . إ

عملى عليه كماشة . بحيث مايعرفش يفلفص منك و لا يشوفش غيرك ادامه .

روحى له الشغل

اكبسى عليه مع السكرتيره ......عايزاكي تبقي عاملة زي الاتب في ضهره....سمعتيني

[م تيمور المراغي]

7- اتمحكى فيه ( الزقي له )خليكى دايما معاه

كل شويه كلميه فى التليفون بأى حجة .

قابليه فى كل حته يروحها . إ

عملى عليه كماشة . بحيث مايعرفش يفلفص منك و لا يشوفش غيرك ادامه .

روحى له الشغل

اكبسى عليه مع السكرتيره ......عايزاكي تبقي عاملة زي الاتب في ضهره....سمعتيني

يا نهار خنقه ههههه :happy:

اوعوا يا بنات ,,

الرجل بطبعه صياد ,,

وبيطفش فورا ,, لو شعر انه الفريسة !!

[أبوعمار]

النصائح دي مفيدة فعلا

لأن العرسان شاحّين اليومين دول

يعني اللي تلاقي لهاخطيب لازم تمسك فيه بايديها واسنانها

أحسن توصلوا لمرحلة هند صبري في "عايزة أتجوز"

ربنا معاكم

[الباشمهندس ياسر]

خطوبة خطوبة

الواحد نفسه يتخطي المرحلة دي بقي

[MrASaif]

انا بشوف انى البنت لازم تكون على طبيعتها جدا فى مرحلة الخطوبة ........البنت او الشاب مش هتفرق

المهم انى الاتنين لازم يكون على طبيعتهم لانى مهم اوي فى الفترة دي كل واحد يعرف الاخر دووووون تصنع او تمثيل او تجميل من الطرفين

بس الكلمة الحلوة مطلوبة وقت الخطوبة وبعد الخطوبة

يعني النصائح تنفع في رآي لما تتطبق وقت الخطوبة وبعدها

مش وقت الخطوبة وبعد كده خلاص بخ

[لماضة مصرية جدا]

السلام عليكم و رحمة الله و بركاته

ايه التجلي دوت....طبعا اقصدني....يا حلاوة يا ولاد....شفتوا بقي لما بركز....بودي في ابو نكلة حدف.... ;)

بالنوسبة لاستاذنا ياسر...يا فندم....ربنا يتمم لحضرتك علي خير و ان شاء الله تخش القفص و تقفل عليك الباب بالترباس يا عباس....(وش عاطف السكري و هو لابس الجلابية و القفطان البيض)

بالنوسبة لاستاذنااحمد او ابراهيم او ايمن او اي اسم بيبتدي بحرف MrAsaif(مع اني بنباهتي المعتادة قريتها مستر...آسيف :blink: )

شفت فيلم الرائع احمد ذكي بتاع اني لا اكذب و لكني اتجمل

اهو الوائع بقي.....ان الناس لا تكذب و لكنها تتحول

و كل اللي بيشيل قربة بتنقط عليه

و ما يصيبك الا اللي من نصيبك

ايه ده

انا مالي حدفت علي اي واحدة بتقرا ودع كده ليه :blink:

ع العموم لو حابين ترفعوا التوبيك.....بالشفا ان شاء الله

بس اللي هيخش كل واحد يقولنا نصيحة متجربة...حاجة كده....تكون نهايتها انه يديها بالبونية مثلا....انها ترميله الدباديب في وشها....(ايون و عدوها في وشها....ما هي أكيداجبن من انها ترميها في وش اي حد تاني :closedeyes: )

و العاقبة عندكم في المسرات

و الف الف مبروك و ربنا يتمم بخير....(وش انعام سالوسة و هي قاعدة ع الكنبة مش فاهمة حاجة)

فوتكم بعافية

[عنبو]

الموضوع ده محتاج قااااااااااعده كبيره

بكره بقى ان شاء الله علشان عاوز اروح اضرب سيجاره وانام

تصبحوا على خير

[enjisultan]

حلو اوي وفى حاجات كتير بجد بتنفع

عارفة يا شابة عادل اماما في السرحية و هي بيقول....الناحي ناحي نات....اهو كل كلاك بقي يبقي نهنهات

و أول ما تشوفى حاجه وحشة .. سورقى (يغمن عليكى) من كتر الرقة

عيطى كتير . العياط دليل على الاحساس المرهف

الحتة دى فكرتني بأول اسبوع فى الكلية واحدة امورة كدة وبنت حلال كانت في امتياز قلت لي يا بنتي تعالى لما اقولك على كلمتين اما تدخلي المشرحة ابقى انقرفي وبينى انتى هترجعي اقولك رجعى على الواد اللى جمبك......الولاد بيحبوا البنات اللى بتنقرف (او بيحب البنات اللى بتقرف) وبعدين لما تبقى تشوفى حالات ابقي عيطي الولاد بتحب البنات اللى بتعيط ولما تسألي على سؤال فى الدرس رقرقي صوتك ويا دكتشور واللكنة البرجوازية بقى الولاد بتحب البنات الركيكة ..وفى الشفوي اوعى تضايقى نفسك وتزاكرى تانى كفاية الشكل الخارجي لبس وشعر وهتجيبي الفول مارك

الغريب بقى ان البنت دى بقت على وش استاذ مساعد وما اتجوزتش لحد دلوقتي

يعني اعزائي المخاطيب اوعوا تسمعوا كلام لماظة

طبعا الموضوع ظريف وانا عارفة انة تهزير على رأى بنتي

[enjisultan]

خطوبة خطوبة

الواحد نفسه يتخطي المرحلة دي بقي

مش قادرة اصدق انك لسة بتدور على عروسة

[الباشمهندس ياسر]

مش قادرة اصدق انك لسة بتدور على عروسة

مين قال اني بدور...؟

انا بطلت ادور خلااااااااااص