تسافر وانت صغير ولا وانت كبير أحسن

[full moon]

السلام عليكم ورحمة الله وبركاته

في الواقع دي أول مشاركة ليا بالمنتدى بس انا ليا فترة متابع موضوعات المنتدى ويمكن دا المنتدى الوحيد اللى اقتنعت اني أسجل فيه لاني حسيت انى عايش حاجات كتير من االى بيحكيها الاعضاء

نيجي للمهم فكرة المشاركة دى جات لى لما بفكر في الفترة اللى قضيتها في السعودية (انا ليا هنا حوالي خمس سنين) الفكرة ببساطة هي هل من الاحسن انك تسافر تشتغل وانت صغير ولا وانت كبير وممكن اشرح وجهة نظري من شرح تجربتي في السفر.

أولا انا مهندس خريج 2004 وسافرت في أواخر 2005 على عرض ممتاز وقتها بالنسبة لواحد عنده سنة واحدة خبرة وكانت المزايا:

1- انك تاخد خبرة السفر في سن صغير ودى خبرة مش هينة يعرفها كويس كل اللي سافر يشتغل هي بصراحة مش خبرة عملية قد ما هي خبرة في انك تصرف امورك وتعتمد على نفسك تماما في كل شئ وفي التعامل مع البشر بشكل عام لان الناس في الغربة غير الناس اللى انت متعود عليهم في مصر.

2- طبعا الناحية المادية مقدرش انكرها لما تلاقي نفسك بتكسب فلوس كويسة بالنسبة لزملائك اللى تعبانين من الشغل وضعف الناحية المادية.

3- الحج والعمرة في سن صغيرة لاني الحمد لله كنت شغال في مكة وبعدين نقلت جدة.

نيجي بقى للعيوب:

1- يمكن الخبرة العملية في مجال زي الهندسة هي اكبر عيب لما تسافر وانت صغير لانك طبعا في السعودية معندكش حرية التنقل بين اكتر من مكان بسهولة فبالتالي هي نوعية واحدة من الشغل هي اللى ممكن تاخد فيها خبرة في حين ان باقي مجالات العمل بتبعد عنها. طبعا اللى في مصر بيشتغلوا في كل مجالات العمل لان الحياة هناك بتطلب دا فبالتالي بتكون خبرتهم العملية أقوي بكتير.

2- طبعالما تسافر وانت صغير بتسافر على مستوى راتب الناس الصغيرين وطبعا انت لما بتكبر راتبك مش بيتطور بالسرعة دي!! يعني انت ممكن بعد خمس سنين شغل تلاقي واحد أصغر منك بتلات سنين وبياخد زيك!! او تلاقي ان اللى من سنك ولسه طالع من مصر جاى على وضع احسن منك بكتييير رغم انك بقالك سنين شغال ومش عارف توصل للوضع اللى هو جه عليه لانه لما اتفق اتفق على راتب واحد عنده كام سنة خبرة وانت لما اتفقت اتفقت على راتب واحد حديث التخرج رغم الزيادات اللي ممكن تحصل مع تجديد العقد بس مش بتكون زي واحد طالع من مصر ومتفق على مبلغ كبير لان الزيادات اللى انت بتاخدها بتكون صغيرة زي الراتب اللى انت طالع عليه ويقولك دا انا مزودك 10% بحالهم عاوز ايه بقى؟؟؟

3- كمان علاقاتك بسوق العمل في مصر بتكون انقطعت ولا حد فاكرك من الناس اللى كنت شغال معاهم يعني يوم ما تحب ترجع مصر بتبدي من اول وجديد على عكس واحد اشتغل كام سنة في مصر عنده علاقات كويسة والناس عارفينه.

4- القدرة على الادخار اكيد وانت صغير مصاريفك اقل ولكن لما تيجي آخر السنة وتلاقي نفسك محوش 25-30 الف ريال يعني حوالي 45 الف جنية هاتعمل بيهم ايه وانت يعني محتاج تشتغل حوالي 3 سنين علشان توفر مقدم شقة وحوالي سنتين اقساط لكن اللي بيطلع وهو كبير بيحوش احسن ويقدر يوصل لنفس الهدف بتاعك اسرع.

خلاصة القول ان انا شايف ان لو مبدأ السفر موجود يبقى أحسن وانت كبير شوية وعندك خبرات أفضل وبالتالي راتب كويس طبعا مننساش ان في الحالة دى انت بتأجل الفوائد اللى ممكن تيجي من السفر هاتتاجل شوية بس هاتيجي وانت مستريح اكتر

لكن لو مضطر تسافر وانت صغير زى ان ظروفك تكون مش مساعداك على الحياة في مصر او مش لاقي شغل غير دا يبقى تتوكل على الله وتسافر بس لازم يكون عرض محترم وكويس واعتقد ان مواصفات العرض الكويس مذكورة اكتر من مرة في المنتدى ولوظائف متعددة

ايه رأيكم انتم؟؟؟

[mohamed abd el hamid]

السلام عليكم ورحمة الله وبركاته

في الواقع دي أول مشاركة ليا بالمنتدى بس انا ليا فترة متابع موضوعات المنتدى ويمكن دا المنتدى الوحيد اللى اقتنعت اني أسجل فيه لاني حسيت انى عايش حاجات كتير من االى بيحكيها الاعضاء

نيجي للمهم فكرة المشاركة دى جات لى لما بفكر في الفترة اللى قضيتها في السعودية (انا ليا هنا حوالي خمس سنين) الفكرة ببساطة هي هل من الاحسن انك تسافر تشتغل وانت صغير ولا وانت كبير وممكن اشرح وجهة نظري من شرح تجربتي في السفر.

أولا انا مهندس خريج 2004 وسافرت في أواخر 2005 على عرض ممتاز وقتها بالنسبة لواحد عنده سنة واحدة خبرة وكانت المزايا:

1- انك تاخد خبرة السفر في سن صغير ودى خبرة مش هينة يعرفها كويس كل اللي سافر يشتغل هي بصراحة مش خبرة عملية قد ما هي خبرة في انك تصرف امورك وتعتمد على نفسك تماما في كل شئ وفي التعامل مع البشر بشكل عام لان الناس في الغربة غير الناس اللى انت متعود عليهم في مصر.

2- طبعا الناحية المادية مقدرش انكرها لما تلاقي نفسك بتكسب فلوس كويسة بالنسبة لزملائك اللى تعبانين من الشغل وضعف الناحية المادية.

3- الحج والعمرة في سن صغيرة لاني الحمد لله كنت شغال في مكة وبعدين نقلت جدة.

نيجي بقى للعيوب:

1- يمكن الخبرة العملية في مجال زي الهندسة هي اكبر عيب لما تسافر وانت صغير لانك طبعا في السعودية معندكش حرية التنقل بين اكتر من مكان بسهولة فبالتالي هي نوعية واحدة من الشغل هي اللى ممكن تاخد فيها خبرة في حين ان باقي مجالات العمل بتبعد عنها. طبعا اللى في مصر بيشتغلوا في كل مجالات العمل لان الحياة هناك بتطلب دا فبالتالي بتكون خبرتهم العملية أقوي بكتير.

2- طبعالما تسافر وانت صغير بتسافر على مستوى راتب الناس الصغيرين وطبعا انت لما بتكبر راتبك مش بيتطور بالسرعة دي!! يعني انت ممكن بعد خمس سنين شغل تلاقي واحد أصغر منك بتلات سنين وبياخد زيك!! او تلاقي ان اللى من سنك ولسه طالع من مصر جاى على وضع احسن منك بكتييير رغم انك بقالك سنين شغال ومش عارف توصل للوضع اللى هو جه عليه لانه لما اتفق اتفق على راتب واحد عنده كام سنة خبرة وانت لما اتفقت اتفقت على راتب واحد حديث التخرج رغم الزيادات اللي ممكن تحصل مع تجديد العقد بس مش بتكون زي واحد طالع من مصر ومتفق على مبلغ كبير لان الزيادات اللى انت بتاخدها بتكون صغيرة زي الراتب اللى انت طالع عليه ويقولك دا انا مزودك 10% بحالهم عاوز ايه بقى؟؟؟

3- كمان علاقاتك بسوق العمل في مصر بتكون انقطعت ولا حد فاكرك من الناس اللى كنت شغال معاهم يعني يوم ما تحب ترجع مصر بتبدي من اول وجديد على عكس واحد اشتغل كام سنة في مصر عنده علاقات كويسة والناس عارفينه.

4- القدرة على الادخار اكيد وانت صغير مصاريفك اقل ولكن لما تيجي آخر السنة وتلاقي نفسك محوش 25-30 الف ريال يعني حوالي 45 الف جنية هاتعمل بيهم ايه وانت يعني محتاج تشتغل حوالي 3 سنين علشان توفر مقدم شقة وحوالي سنتين اقساط لكن اللي بيطلع وهو كبير بيحوش احسن ويقدر يوصل لنفس الهدف بتاعك اسرع.

خلاصة القول ان انا شايف ان لو مبدأ السفر موجود يبقى أحسن وانت كبير شوية وعندك خبرات أفضل وبالتالي راتب كويس طبعا مننساش ان في الحالة دى انت بتأجل الفوائد اللى ممكن تيجي من السفر هاتتاجل شوية بس هاتيجي وانت مستريح اكتر

لكن لو مضطر تسافر وانت صغير زى ان ظروفك تكون مش مساعداك على الحياة في مصر او مش لاقي شغل غير دا يبقى تتوكل على الله وتسافر بس لازم يكون عرض محترم وكويس واعتقد ان مواصفات العرض الكويس مذكورة اكتر من مرة في المنتدى ولوظائف متعددة

ايه رأيكم انتم؟؟؟

اولا ............ :WelEgTks:

ثانيا بخصوص بقى الموضوع ده ...... انا بصراحة ليا وجهه نظرى الشخصة .... وكمان الموضوع نسبى ... يعنى اعتقد ان مافيش حاجه ثابته تقدر تعممها على الكل ...... لاسباب عديدة ... بتختلف حسب الظروف الاجتماعية والتعليمية والعلمية للشخص

[full moon]

فعلا الموضوع نسبي وبيختلف من واحد للتاني على حسب ظروفه علشان كدا كان نفسي يكون معانا اكتر من مشاركة للاستفادة من خبرات بعضنا وتجاربنا فياريت اللى ممكن يفيدنا في الموضوع دا يحكيلنا تجربته مش علشاني لاني سافرت وخلاص علشان واحد بيفكر ياخد قرار السفر

وشكرا

[moory]

السلام عليكم،

اهلا بييك يا full moon معانا في محاوارات المصريين..يا هلا يا هلا bnd5::

بالنسبة للموضوع ده، هوا فعلا موضوع مهم، لان في ناس كتيير بتفكر تسافر على طوول بعد ما تتخرج حتى لو العرض مش كبير،

وزي ما قال محمد الموضوع فعلا نسبي من واحد للتاني، ومن بلد للتانية ومن مجال للتاني كماان،

بس لو اتكلمنا في المجمل، من وجهة نظر السفر عشان تحوش و تكون نفسك، الأفضل انك تستنى شوية في موضوع السفر، لأن ممكن خبرة 3 أو 4 سنين يفرقو معااك جدا في الشركة و العرض الي ممكن تقدمهولك، لان زي ما قولت انت الخبرة العملية وسهولة التنقل مش سهلة في السعودية..هوا انت طبعا هتكون طلع عينك في مصر..بس المقابل الوحيد بالنسبة لك هو الخبرة...

وفي حاجة مهمة جدا لازم تكون واخد بالك منها، انك تبص لنفسك على المدى البعيد، كمان 3 او 5 سنين، هل دخلى و مستوايا هيبقى مناسب ليا وهبقى مقتنع بيه ولا لأ...وهل الشركة دي بتعمل raise مناسب في المرتب.

وربنا يوفقك ان شاء الله،

[full moon]

بصراحة حضرتك لخصت اللى انا نفسى اقوله bv:-

وهو ان الواحد لازم يكون تقيل في موضوع السفر وميسافرش بمجرد وجود فرصة والسلام لازم تكون فرصة كويسة وتستاهل من كل النواحي المادية والعملية يعني لازم قبل السفر تشوف انت فين وعاوز تكون ايه وهل السفر دا هايساعدك ولا هو بس مجرد مسكن علشان تستريح شوية وتعمل قرشين ينفعوك وانت بتبني الكاريير بتاعك

يعني الموضوع محتاج تفكير من كل النواحي مش بس الناحية المادية ومحتاج كمان رؤية مستقبلية ان العرض دا هايمشي مع الخطط المستقبلية ولا لأ؟؟

[mohamed abd el hamid]

بس لو اتكلمنا في المجمل، من وجهة نظر السفر عشان تحوش و تكون نفسك، الأفضل انك تستنى شوية في موضوع السفر، لأن ممكن خبرة 3 أو 4 سنين يفرقو معااك جدا في الشركة و العرض الي ممكن تقدمهولك، لان زي ما قولت انت الخبرة العملية وسهولة التنقل مش سهلة في السعودية..هوا انت طبعا هتكون طلع عينك في مصر..بس المقابل الوحيد بالنسبة لك هو الخبرة...

طيب ليه احنا حاطين فى دماغنا ان الخبره عمرك ما هاتخدها الا لو اشتغلت فى بلدك - مصر يعنى - طيب هو مش مجرد الشغل حتى لو فى اى مكان بيضيف ليك خبرة فى المجال الى انته بتشتغل فيه ........... ولا ايه!!!!؟؟؟

وفي حاجة مهمة جدا لازم تكون واخد بالك منها، انك تبص لنفسك على المدى البعيد، كمان 3 او 5 سنين، هل دخلى و مستوايا هيبقى مناسب ليا وهبقى مقتنع بيه ولا لأ...وهل الشركة دي بتعمل raise مناسب في المرتب.

طبعا النظرة المستقبليه لازم تكون فى الحسبان ........ بس برضوا احنا ليه دايما بنتكلم على ان السفر هو نهايه الرحله ... يعنى الى قرر يسافر .. خلاص هايفضل مسافر ... طيب ماينفعش يسافر ياخد خبرة ويرجع يشتغل فى بلده بظروف افضل .. هايكون استريح ماديا ونفسيا .. وكمان معاه خبره تفتح قدامه مجالات اكبر .......... !!!!!؟؟

اما بخصوص موضوع الزياده فى الراتب ....... طبعا مهمة ..... بس دى فى حاله واحده ... لو انت ناوى تطلع معاش من الشركه دى ...!!