الموافقة على إغلاق المحلات 10 مساءً بالشتاء ... و 11 م صيفاً

[se_ Elsyed]

الموافقة على إغلاق المحلات الساعة 10 شتاءا و11 صيفا

أضف تعليق ارسل

12/18/2010 12:17:00 PM

القاهرة - أكد الباشا ادريس، رئيس شعبة الحاصلات الزراعية بالغرفة التجارية، أن وزارة التجارة والصناعة وافقت على إغلاق المحلات التجارية من الساعة 10 مساءاً بالشتاء و11 صيفاً.

وأضاف ادريس، في لقاء مع برنامج صباح الخير يا مصر بالتليفزيون المصرى السبت، أن موافقة الوزارة جاءت بعد استطلاع رأي المواطنين وأصحاب المحلات التجارية مشيراً الى ان الدول الاوروبية تغلق محلاتها بدءاً من الساعة 8 مساءاً.

وأوضح رئيس شعبة الحاصلات الزراعية بالغرفة التجارية أن أصحاب المحلات كانت لديهم مخاوف بشأن أن يتسبب قرار الغلق فى حالة من الكساد التجارى وتوحيد موعد الغلق بين المحلات الصغيرة والمولات الكبيرة سيحقق منافسة عادلة بينهما، مشيراً الى القرار لن يطبق على الصيدليات والمخابز وغيرها من المحلات الخدمية.

أهعم من القرار هو آلية تطبيقة .. وما يبقاش سبوبة عشان الشرطة أو موظفي الحي أو ما اعرفش مين اللي هايطبقه يتغمز بقرشين ويسيب الحبل على الغارب

بجد بجد ... في ناس شغالين في محلات في مصر بأحس إنهم مش بني أدمين من لحم ودم ... وإلا يعني إيه واحد يفضل شغال في المحل ييجي 20 ساعة يومياً وممكن يكون متزوج وعنده أولاد ... إيه هو ما فيش دم ؟

وإيه علاقة الرزق بإن محل مالوش لازمه يفضل فاتح طول الوقت ولا يراعي بيته ولا عياله ويتقطع في المحل بالمنظر ده

؟

[se_ Elsyed]

لما بنكون سهرانين هنا في كوفي شوب .. تعدي عربية الشرطة .... يطلق سارينة بسيطة .. خلاص .. إنتهت الكل يقفل الساعة 11 تقريباً ..

[اغابي]

لما بنكون سهرانين هنا في كوفي شوب .. تعدي عربية الشرطة .... يطلق سارينة بسيطة .. خلاص .. إنتهت الكل يقفل الساعة 11 تقريباً ..

فى السعودية الكلام داه

طب ايه اللى مسموح لهم بخدمة 24 ساعة - اكيد ماكدنالدز

صح

؟؟

تم تعديل 18 ديسمبر 2010 بواسطة اغابي

[se_ Elsyed]

لما بنكون سهرانين هنا في كوفي شوب .. تعدي عربية الشرطة .... يطلق سارينة بسيطة .. خلاص .. إنتهت الكل يقفل الساعة 11 تقريباً ..

فى السعودية الكلام داه

طب ايه اللى مسموح لهم بخدمة 24 ساعة - اكيد ماكدنالدز

صح

؟؟

أيوه يا فندم .. بعض محلات الطعام والصيدليات مسموح لها تفتح 24 ساعة

لكن كوفي شوب ( بالمناسبة في الرياض ممنوع منعاً باتاً الشيشة في وسط البلد ... اللي عايز يشرب زي زهيري كده .. بيترمي على بُعد 40 كم ... عشان دخانه ما يعميش الاناس ) ...

محلات ملابس

محلات أخرى غير الاطعمة

الخ الخ الخ

كله 11 او 12 بالكتير

[pink rose]

ياااااه يعني ممكن الواحد في الصيف يروح يتمشى في محطة الرمل الساعه 11 بالليل و تكون رايقة

يااااااااااااااااااااا ريت

[Howayda Ismail]

ياااااه يعني ممكن الواحد في الصيف يروح يتمشى في محطة الرمل الساعه 11 بالليل و تكون رايقة

يااااااااااااااااااااا ريت

ماهو طبيعى ياريمو المحلات فى محطة الرمل بتقفل بدرى ماعدا بعض المحلات وده فى المواسم

والاعياد فقط وبعدين لزمتها ايه تتمشى من غير فرجة المحلات وانت بتاكلى الجيلاتى والمطرة نازلة

فوق راسك ييييييييياه فينك يالماضة

انا اسفة ياسى السيد خرجت عن موضوعك بس معظم المحلات بتعمل بنظام ورديتين الصبح وبعد الظهر

ده فى اسكندرية مااعرفش النظام عندكم فى القاهرة ايه

لكن فى مناطق المحلات شغالة 24 ساعة ومنها صيدليات معينة و بعض محلات السوبر ماركت

[pink rose]

ياااااه يعني ممكن الواحد في الصيف يروح يتمشى في محطة الرمل الساعه 11 بالليل و تكون رايقة

يااااااااااااااااااااا ريت

ماهو طبيعى ياريمو المحلات فى محطة الرمل بتقفل بدرى ماعدا بعض المحلات وده فى المواسم

والاعياد فقط وبعدين لزمتها ايه تتمشى من غير فرجة المحلات وانت بتاكلى الجيلاتى والمطرة نازلة

فوق راسك ييييييييياه فينك يالماضة

انا اسفة ياسى السيد خرجت عن موضوعك بس معظم المحلات بتعمل بنظام ورديتين الصبح وبعد الظهر

ده فى اسكندرية مااعرفش النظام عندكم فى القاهرة ايه

لكن فى مناطق المحلات شغالة 24 ساعة ومنها صيدليات معينة و بعض محلات السوبر ماركت

لا يا مدام هند في الصيف محطة الرمل بتكون مكان لا يطاق من الزحمة و دا كله عشان المحلات فاتحة

لكن تخيلي كده محطة الرمل مكان هادي التمشية فية تجنن دا بالنسبة للصيف

انما الشتا الدنيا بتقفل بدري بدري

تصدقي بالله كنت في رمضان الي فات دا في اسكندرية

و كنت باشتري حاجات من لاجيتيه و الله البنت البياعة كانت هاتقع من طولها شغالة من بدري و صيام و المحلات بتقفل الساعه 5 و نص تقريبا

يعني ما فيش وقت كتير على المدفع البنات بيشتروا اكل يا يفطروا في المحل يا في الطريق لبيتهم

يعني حاجه بجد تقطع القلب

يا ريت كمان في القرار الجديد يراعوا مواعيد رمضان

[se_ Elsyed]

انا اسفة ياسى السيد خرجت عن موضوعك بس معظم المحلات بتعمل بنظام ورديتين الصبح وبعد الظهر

ده فى اسكندرية مااعرفش النظام عندكم فى القاهرة ايه

يا فندم ورديات إيه بس ؟؟؟

أغلب المحلات ببقى صاحب المحل هو المدير والعامل والمناول والبنا .. وبالتالي بيقعد في المحل إلى ما شاء الله

أنا نفسي في قرارات حضارية بدل العشوائيات اللي إحنا غارقانين فيها دي

[أسد]

هذا القرار .. مفرح بالنسبة لي

سأكون في منتهى السعادة لو تم تطبيقه بصرامة شديدة

أتمنى عودة الهدوء لحياتنا ..

والسكينة

[Howayda Ismail]

لا يا مدام هند في الصيف محطة الرمل بتكون مكان لا يطاق من الزحمة و دا كله عشان المحلات فاتحة

لكن تخيلي كده محطة الرمل مكان هادي التمشية فية تجنن دا بالنسبة للصيف

انما الشتا الدنيا بتقفل بدري بدري

تصدقي بالله كنت في رمضان الي فات دا في اسكندرية

و كنت باشتري حاجات من لاجيتيه و الله البنت البياعة كانت هاتقع من طولها شغالة من بدري و صيام و المحلات بتقفل الساعه 5 و نص تقريبا

يعني ما فيش وقت كتير على المدفع البنات بيشتروا اكل يا يفطروا في المحل يا في الطريق لبيتهم

يعني حاجه بجد تقطع القلب

يا ريت كمان في القرار الجديد يراعوا مواعيد رمضان

ما انا باقولك الصيف حاجة تانية خالص لانه اجازة ومصيف وعدد الزائرين بيتجاوز الملايين

غير موسم عودة المغتربين المصريين وبتزيد سفن الترانزيت فى محطة الركاب البحرية تلاقى

اسكندرية خليط من جميع الجنسيات الاجنبية والعربية وزحمة حتى والمحلات مقفولة

بخصوص البيع فى رمضان فعلا اصحاب المحلات مفتريين بحق ربنا

البنات مش بتروح تفطر فى بيوتها لان المواصلات بتقف نصف ساعة بس من ساعة الافطار وبعد كده

تلاقيها شغالة وزحمة ملاكى على عام وعشان حد يروح منهم لبيته يلزمه 3 ساعات مواصلات رايح جاى

وقعادهم يفطروا فى المحل بيصب فى صالح صاحب المحل على حساب عماله وبعدين بيروحوا قبل

السحور بشوية صغيرة وترجع الكرة تانى يوم مافيش رحمة

لكن بعد رمضان يبقى موسم البيع واقف خالص تقريبا مافيش شغل عشان كده الشهر ده فرصة

لاصحاب المحلات

لكن لو القرار ده اتنفذ حيكون فى راحة كتير للعمال وللكهرباء وللشوارع وللمواصلات

لكن عيبنا قوانينا على الورق يا اما خيار وفقوس لان فى محلات كبيرة ملك مسئولين

وابنائهم او مشاهير ودول طبعا اللى القانون بيقف لحد عندهم ومايطبقش زى قوانين المرور كده