السفــر الى امريـــــــكــــــــــــــــــــا

[wolfire]

تحياتي لكم كثيرا اخوكم اخد فيزا لامريكا لمدة خمس سنوات وفيها حاجه مش فاهمها

الفيزا فيها R B1 B2

يعني ايه الله اعلم وانا اخواني اقبلت على الفيزا كدة بدون تفكير ولا كانت في دماغي

ومكنتش متوقع انهم يدوهالي ولما اخدتها مش عارف اروح فين ولا اجي منين ولا اعرف حد هناك

بس اسمع ان فيها الدكتور احمد زويل ربنا يعينه اتمنى لو حد يعرف حد او اخوة لينا او رابطة

للمصريين هناك يبقى ربنا يكرمك والاجر والصواب عند الله

[ريمون]

متهيألى هيا واحده من التلاته مش التلاته سوى

لأن B1 دى سياحه

B2 مرافق للسياحه

و R دى لأغراض دينيه

غالبا حضرتك اخدت B1

بص كويس و شوف فيه اى علامه مميزه على الفيزا كده

و مبروك و ربنا يوفقك للصالح

[wolfire]

شكرا على ردك ومرورك الكريم يا ريمون .. ولكن هي مكتوبة كدة

R B1 B2

حرف الار بعيد وبي 1 وبي 2 جنب بعض ومفهاش اي حاجة تانية غير اسمي وتاريخ الاصدار والانتهاء

اللي هي خمس سنوات يا مسيو ريمون

[ريمون]

شكرا على ردك ومرورك الكريم يا ريمون .. ولكن هي مكتوبة كدة

R B1 B2

حرف الار بعيد وبي 1 وبي 2 جنب بعض ومفهاش اي حاجة تانية غير اسمي وتاريخ الاصدار والانتهاء

اللي هي خمس سنوات يا مسيو ريمون

خلاص يا سيدى جبتلك قرارها :)

معناها

Regular B1/B2

يعنى فيزا سياحه عاديه مش ديبلوماسيه :)

دى فيزا سياحه مش اقامه

يعنى لما تدخل المطار هيسألوك قاعد فين و قد ايه

و هيدوك تصريح بالإقامه يا شهر يا تلاته يا سته

الفيزا دى مبتسمحلكش بالشغل

لكن بالفسحه بس

بس الناس بتلاقى شغل غير قانونى

امريكا فيها 11 مليون مهاجر غير شرعى و اغلبهم بيشتغلوا

بس ملكش حقوق فى البلد طبعا

يعنى متعرفش تطلع رخصه سواقه او تشترى بيت

و اللى بيشغلك لو اتقفش بيتظبط

فعادتا بيدفعلك فلوس قليله (استغلال يعنى)

نصيحتى ليك انك تدور على حد معرفه فى امريكا

و روح زياره كام شهر كده

شوف الجو ايه و اتعلم على ارض الواقع و ارجع

و الفيزا معاك يقدر تدخل امريكا فى اى وقت يعنى

بس اهم حاجه انك تلاقى حد جدع هناك يظبتك شهرين و الا حاجه

[wolfire]

متشكر اوي ريمون بارك الله فيك

تعبتك معايا اشكرك كتير

من ناحية ليا حد طبعا مليش

انا زي ما قولتلك هي جت كدة صدفة

ولاكن ان شاء الله هدور واشوف يمكن الاقي

ولاخر مرة اشكرك يا جميل