..:: رســالــه الــى الــشــعــب ::..

[Shar El Baliea]

السلام عليكم ورحمة الله وبركاته

مش عارف ابدا ازاى ,, ومش عارف افرح بيكوا ولا احاول افرحكم بيا ,,

بس هسيب دا للزمن والوقت الى جاى يحدد الموضوع دا .. ان شاء الله لو عيشنا وكان لينا عْمر واكل عيش .. وملح مع بعضينا

واخدت وقت كبير افكر ازاى ابدا معاكم هنا وتقريبا دخلت كل الاقسام الموجوده وبدات افكر اكتب موضوع يكون له تاثيره ,,

واشد مجموعه من الناس اللى احاول بيها ادخل وسطيكم ف وقت قليل

المهم مطولش عليكم

حاجه كتبتها من فتره .. وكان ليها تاثير كبير عليا .. واخدت وقت كبير على ما عرفت اكتبها ( مع انى كونت متردد اوى )

ويا رب تعجبكم

________________________

آهين وآه يا شعب رافض ينتصر

يا شعب ميت ع الجنيه وع الرغيف

شايل حمول فوق الكتاف لما خلاص هتِنكِسر

والحمل زاد ومعدتش ذاد وبقيت ضعيف

ورابعها آه وخيرها رايح للغريب

فيها بينهش وحنا ليه ديما نسيب

وجوا بردو بيهبشوا ويحملوا ويودوا برا

ومفيش فــ ايدنا غير سكوتنا ونقول نصيب

يعنى نصيبا نعيش فـ ذل على ارضها ؟؟!!

وتهون علينا وبايدينا نمحى هيبتها ومجدها ؟؟!!

ماهو منها زويل ومنها بردو كماان نجيب

ولا خلاص راحت عليهم ؟؟!!

وكل عام وانتم بخير وعيد مبارك وعيد سعيد

وسعيد دا واحد مش من البلدٌى

يا شعب ناسى عزنا يا شعب رافض ينتِصب

مِسلمين رافعين شعار طاطى تعدى

ومصدقين بإننا تحت إحتلال المْغتصب

طب هو بس المغتصب ازاى واخدها مننا

وماسكها راجل دبلوماسى وقال سياسى بس خاب

والرزتين حزب وحكومه كاتمين نفسنا كلنا

يبقى اغتصابها بالمزاج ودا عمره مايكون اغتصاب

كوبليه تانى للنهايه

طب رد قولى ازاى مْغتصِب وبدلنا قلعه

وحاكمها راجل دبولوماسى عاقل رزين

وحكومه دايره ف البلد رافعاها سبعه

للامريكان ولليهود .. والشعب كله مع الرزين