أرجوكم مساعدتي

[mahmoudelshair]

انا اريد ان أذهب زيارة الي دولة الأمارات ايه تفاصيل الزياره من حيث الفلوس والمده

عل العلم اني مليش حد قريبي هناك ليا واحد صاحبي بس

وكمان معلشي هاتقل عليكم

كنت عاوز اعرف ظروف البلد ايه في الوقت الحالي من حيث المهن الأتيه

انا شغال في الدعاية والأعلان منذ فتره كويسه الحمد لله

وطبعا الفوتو شوب والفلاش واليستريتور بشتغل عليهم كويس الحمد لله

وفاينل كت وأدوبي بريمير خاص بالمونتاج معقول

وأفتر أفكت بس مش قوي

وكمان شغل ثري دي ماكس تصميم شخصيات وأماكن كويس بأذن الله

بس اللغه معايه مش كويسه قوي يعني علي قدي كده

فأرجوا من لديه الخبره يقولي اسافر زياره الأمارات بحثا عن عمل ام لا ووضع البلد ايه بالنسبه

للمجالات اللي قلت لحضراتكم عليها دي انا معايه بكلريوس تجاره أداره أعمال ونظم معلومات إداريه

ولكم جزيل الشكر

أسف لو طولت في طلباتي

بس والله محتاج أعرف التفاصيل دي

[mahmoudelshair]

انا مستنيكم تفيدوني

ومتشكر مقدما

في انتظاركم بالرد

[hakeem]

هو بما انك ملكش حد قريبك فى الامارات .فكدة مينفعش ليك زيارة لان دى خاصه بالاقارب انما ينفع ليك سياحة

ودى مدتها شهر او شهرين..وكل المطلوب من حضرتك جواز سفر صالح لمده 6 شهور ومثبت فية مهنتك..حتى لو حاصل على كذا..وبتروح اى مكتب من بتوع السياحة او السفريات يعملهالك وتدفع المعلوم وخلاص..

الاوفر بئا لو ليك حد فى الامارات يعملك القصه دى كلها من هناك

السياحة شهر تقريبا بتتكلف 1200 درهم..وممكن تجددها كمان شهر بمصاريف من (800 ل 1000)درهم انت وكلامك واتفاقك مع المكتب اللى هيعملهالك..ضيف كمان 2000 درهم تأمين مسترد يعنى هتدفعهم ولما تغادر البلد او تدفع وتعمل تعديل وضع وتطلع الاقامة تاخد ال 2000 درهم دول تانى..تمام كده

الشغل دى ارزاق..بس بالمناسبة انا كان قدامى عرض خاص بمجال الدعاية والاعلان هتشتغل يعنى مندوب دعاية واعلان فى جريدة..تجيب اعلانات للجريدة من الاخر..وسالت الاستاذ الفاضل ابو العز عليها بما مرحتش لانى مش خبرة فى المجال ده ولا اعرف حاجة عنه..بس اللى اتوصلتله يعنى ان المجال بتاع الدعاية والاعلان ماشى فى الخليج كلة..والشغل فى الاول والاخر ارزاق...وربنا يوفقك

تم تعديل 20 ديسمبر 2010 بواسطة hakeem

[mahmoudelshair]

أولا انا متشكر جدا جدا علي ردك

وانا طبعا عارف ان الشغل دا أرزاق قبل اي حاجه بس انا سامع ان البلد دي من ايام أزمه دبي ظروفها وحشه وبتمشي في ناس وكده يعني

هل دا صحيح ولا خطا

وانا ليا واحد صاحبي هناك وقالي ان الزياره هو هايعملهالي وتقريبا هاتكلفني 4 ألاف جنيه مصري وشويه تقريبا و 70 يوم مدتها هل

الكلام ده صح ولا ايه

ويارب اللي يعرف حاجه تاني ممكن تفيدني يرد عليا

وشكرا ليك تاني وشكرا مقدما

[hakeem]

والله موضوع الشغل وقانون العمل الجديد دة خلى حد تانى يفيدك فية..

السياحة (مش الزيارة)الشهرين تقريبا بتتكلف 2000 درهم ممكن تزيد 200 كمان ولا حاجة...بس بتدفع تأمين 2000 درهم بتستردة تانى

أنما يمكن اللى هتجيبها ب 4000 جنيه دى مش هتدفعلها تأمين وعلشان كدة غالية

واللى سمعتة عن المدة والكلام من واحد شغال فى مكتب سياحة فى ابو ظبى ان المدة شهرين وفى 10 ايام سماح يعنى 70 يوم بعد المدة دى اى يوم زيادة بغرامة عليك

ويستحسن طالما ليك صاحب هناك تسألة عن ظروف الشغل وهل ممكن يرتبلك شغل او على الاقل مقابلات شغل وانت تنزل تعملها ..

وربنا يوفقك