طلب مساعدة من شاب مصرى

[aloneeg]

اخوتى المصرين انا عضو جديد فى المنتدى وانا عندى مشكله

انا خاطب واحده حاليا عايشة فى ولاية ناشفل تنسي بالولايات المتحدة الامريكية بس هى لسه ماخدتش الجنسية يعنى هى معاها جرين كارد وهى قدامها 3 سنسن على امتحان الجنسية فهل انا لو تزوجتها اقدر اطلع معاها ونعيش فى امريكا بعد قد ايه ؟؟

ها انا مضطر استناها لغاية متاخذ الجنسية ولا فى اى قرارات غير كده

هى قالتلى ان اوبابما طلع قرار بلم شمل الاسرة خلال سنة

ارجوكم افيدونى

[wolfire]

شوف يا ابن عمي على حسب معلوماتي المتواضعة لو اتجوزتها حاليا ده مش هيأثر معاها في شي

هي معاها جرين كارد من حقها الجنسية بعد خمس سنوات وده لا يشرط تكون متزوجه ام لا ..

حتى لو كان جوزها معهوش جرين كارد وفي بلد تانية ..... ومتخدش على كلامي يا ريس اللي يسأل

ميتهش ....... ملحوظة انا بقى عكسك لسه واخد فيزا خمس سنين ومش عارف اخدتها ليه

لا اعرف حد هناك ولو اتكلمت كلمتين انجليزي ابقى انجاز ومش عارف هعمل ايه بلفيزا دي

محدش يا جماعة ياخدها ويديني عقد في السعودية

عادي تعاونو على البر والتقوى

[اكون او لا اكون]

الله يكرمك شوف لي واحدة معاها جرين او حتي بلو كارت

[ريمون]

عزيزى aloneeg

انا مش محامى و متعرضتش لموقفك

بس اللى اعرفه ان اللى معاه جرينكارد صعب يجيب زوجنه او زوجه

و حد موجود فى امريكا على فيزا لغرض غير الهجره (زى دراسه او عمل)

non-immigrant visa

الموضوع بيبقى اسهل كتير

اللى الناس بتعمله انها تحاول تاخد فيزه زياره او تعليم

و تدخل بيها امريكا

و هناك يرفعوا قضيه للم الشمل او كده

لكن هيا لسه مش مواطنه امريكيه

فمتقدرش تديك مواطنه

فهتدخل البلد بانهى فيزا؟

انا اسف اننى بقولك الخبر اللى مش ظريف ده بس انك تعرف احسن من انك متعرفش

و بالنسبه لموضوع اوباما

فانا معنديش فكره بصراحه

هو فيه كلام على تصليح نظام الهجره فى امريكا بس لسه مفيش حاجه اتنفذت

بالتوفيق فى الخطوبه و السفر