طريقة حسابية ظريفة

[Dreamwithme]

السلام عليكم ورحمة الله وبركاته

طريقه حسابيه ظريفة

إذا ما سألتك الآن : ما حاصل ضرب 2×3 ؟

ستجيب بكل سلاسة : 6 !

وإذا ما سألتك في كم ثانية حللت هذه المسألة ؟؟ .. ستجيب في أقل من ثانية !!

حسنا .. هل تستطيع ( بنفس السرعة ) أن تحسب حاصل ضرب 12×13 ؟

ستتردد وربما استخدمت الآلة !!.. لا لا بدون آلة..!

هناك طريقة رياضية صاروخية تضمن لك دقة النتيجة المتناهية مع سرعة رهيبة الآداء , مختصرا بذلك الكثير من الوقت الهدف منها هو الحصول على نواتج ضرب الأعداد من 11 إلى 19 بنفس السرعة والكفائة التي نضرب بها الأعداد من 1 إلى 9

إليك الحل :

12 ×13

خذ الرقم(2) واضربه في(3) وضع أول ناتج : 6

نفس الرقم(2) اجمعه مع (3) وضع ثاني ناتح :5

ضع الواحد الأخير : 1

فتصبح النتيجة : 156

فلنجرب مثال آخر :

14 × 12 = ؟

4 × 2 = 8 وأيضا 4 + 2 = 6 . مع الواحد الأخير إذا ً الناتج هو : 168

كما ترى , نحن نأخذ الرقمين من خانة المئات , ونضربهم في بعضهم.. ونأخذ نفس الرقمين من خانة المئات.. ونقوم بجمعهم.. بعد ذلك نضع الواحد لأن مضروب أي رقمين في بعضهم يكون الناتج ثلاثة أرقام ورقمنا الثالث طبعا هو الواحد .

مثال للتثبيت :

11 × 13 = ؟

1 × 3 = 3 وأيضا 1 + 3 = 4 . مع الواحد الأخير فالناتج : 143

مثال أخير :

17× 12 = ؟

7×2= 4 وأيضا 7+ 2(+1)= 0 , الواحد الأخير(+1) يكون الناتج : 204

كما رأيت , في حالة كان هناك ناتج ضرب أو جمع فوق العشرة فنتعامل معها كما نتعامل مع مسائل الجمع ..

مع الوقت والتعود .. ستصبح مسألة بديهية جدا وستضرب جميع الأرقام من 11 إلى 19 في أقل من ثلاث ثواني !!

هل رأيت سرعتها ؟؟

منقول

[م تيمور المراغي]

دي وصفه سهله

دي وصفه هايله :happy:

يسلمووو دريم

http://www.youtube.com/watch?v=yHZzObQUgE8

[doha]

اكثر من راائعه ..

[زهرة الجبل]

جميله جداً الطريقه دي

رائعه فعلاً

هاين عليا أقوم أصحي بنتي ( في رابعه إبتدائي أصلها ) و أقول لها قومي إصحي جالك الفرج

و إنسي مشاكل الضرب

بس ملاحظه صغيره لو سمحتي يعني :

هو صح كده و لا إيه ؟

كما ترى , نحن نأخذ الرقمين من خانة المئات , ونضربهم في بعضهم.. ونأخذ نفس الرقمين من خانة المئات.. ونقوم بجمعهم.. بعد ذلك نضع الواحد لأن مضروب أي رقمين في بعضهم يكون الناتج ثلاثة أرقام ورقمنا الثالث طبعا هو الواحد .

يعني أعتقد المقصود هنا هي خانة الآحاد

أنا شايفه إنها خانة الآحاد بس محدش من الأفاضل إللي سبقوني بالتعليق إتكلم

صح و لا أنا ده تأثير السهر معايا ؟

[لونا]

طريقة جميلة جدًا يا DREAM WITH ME

للأسف خلصت مرات التقييم لليوم

جميله جداً الطريقه دي

رائعه فعلاً

هاين عليا أقوم أصحي بنتي ( في رابعه إبتدائي أصلها ) و أقول لها قومي إصحي جالك الفرج

و إنسي مشاكل الضرب

بس ملاحظه صغيره لو سمحتي يعني :

هو صح كده و لا إيه ؟

كما ترى , نحن نأخذ الرقمين من خانة المئات , ونضربهم في بعضهم.. ونأخذ نفس الرقمين من خانة المئات.. ونقوم بجمعهم.. بعد ذلك نضع الواحد لأن مضروب أي رقمين في بعضهم يكون الناتج ثلاثة أرقام ورقمنا الثالث طبعا هو الواحد .

يعني أعتقد المقصود هنا هي خانة الآحاد

أنا شايفه إنها خانة الآحاد بس محدش من الأفاضل إللي سبقوني بالتعليق إتكلم

صح و لا أنا ده تأثير السهر معايا ؟

لا يا أفندم بالتأكيد هي خانة الآحاد و دي غلطة مطبعية :closedeyes:

[امير مجروح]

طريقة سهلة فعلا

[hOuSsAm]

طريقة جميلة جدا

وياريت لو المدرسين يتبعوا ثل الطرق دى فى التعليم لتفادى مشاكل الحفظ

[مغتربة]

طريقه جميله و سهله

بفتكر دايما كلمه لمدرس الرياضه و احنا فى المدرسه قلهلنا علشان يحببنا فى الرياضه (رغم انه فشل الحقيقه ما علينا ما علينا )

قلنا ان الرياضيات هى الخيط الى اتنظم عليه حبات كل العلوم الاخرى علشان يشكل لنا فى الاخر عقد الحياه الجميل

فعلا كل حاجه فى الدنيا كل علم حتى العلوم الانسانيه حتى الفنون اى حاجه هتلاقيها مرتبطه بالاعداد بشكل او باخر

الجمله دى انا مقتنعه بيها قوى بس للاسف لسه مبيحبش الرياضه :sad: bsh:) bsh:) bsh:)

[engmido]

طريقة ممتازة

ولكن الضرب ليه طريقة واحدة لا تتغير

وهى اسس الرياضة

ولكن هل تنفع فى ضرب باقى الارقام 25 * 30 مثلا

وهل تنفع لتضرب 3 ارقام * رقمين

[محمد عبدالعزيز]

طريقة جميلة جداً وسهلة وسريعة.

لما قرأت الموضوع فكرت هل ممكن تتعمم ولا لأ, وحاولت شوية كده بالمعادلات على قد ما أسعفتنى الذاكرة.

واللى يحب يعرف النظرية ورا طريقة الضرب دى يطول باله شوية معايا ويركز.

دلوقتى نفترض إن عندنا عددين, كل عدد مكون من خانتين: آحاد وعشرات.

نفترض العدد الأول هو ba يعنى b فى خانة العشرات و a فى خانة الآحاد, يبقى العدد ده قيمته = a + 10 x b , وطبعاً x هى علامة الضرب.

وبنفس الطريقة نفترض إن العدد التانى هو dc وقيمته = c + 10 x d

عاوزين بقى نشوف حاصل ضرب العددين فى بعض بيساوى كام:

( c + 10 x d ) ( a + 10 x b ) =

يكون الناتج كالتالى, افتكروا معايا بقى الشغل بتاع ثانوية عامة:

a x c + 10 (a x d + c x b ) + 100 x b x d

لو ركزنا شوية فى الصورة النهائية لحاصل الضرب, حنلاقيها على صورة عدد مكون من 3 خانات, آحاد وعشرات ومئات

وبالمقارنة حنلاقى قيمة خانة الآحاد = a x c

وخانة العشرات = a x d + c x b

وخانة المئات = b x d

مع الأخذ فى الاعتبار إن قيمة أى خانة منهم لو زادت عن 9, يعنى 10 أو 11 أو 12 أو حتى 55 مثلاً, بنرحل الرقم بتاع العشرات إلى الخانة اللى بعدها.

ناخد مثال عشان الصورة توضح أكتر؟!!!

نفرض مثلاً عاوزين نضرب 67 فى 53 ونشوف النتيجة كام, فى الحالة دى a = 7 و b = 6 و c = 3 و d = 5

خانة الآحاد = 3 فى 7 = 21 , ويبقى 1 ومعانا ال 2

خانة العشرات = مجموع الطرفين فى الوسطين = 35 + 18 = 53 + ال 2 اللى كانت معانا يبقى 55, يبقى خانة العشرات 5 ومعانا ال 5

خانة المئات = 30 + ال 5 اللى كانت معانا يبقى 35

يبقى الناتج 1 فى خانة الآحاد, و 5 فى خانة العشرات, و5 فى خانة المئات و 3 فى خانة الآلاف = 3551

طبعا دى الصورة العامة لأى عددين مكونين من خانتين, ويمكن تكون أصعب شوية من الحالة الخاصة اللى ذكرتها Dreamwithme, واللى فيها ال b و ال d بـ 1

دى بس عشان اللى يحب يعرف النظرية ورا الطريقة السهلة دى والرائعة دى.

تم تعديل 22 ديسمبر 2010 بواسطة محمد عبدالعزيز

[Alshiekh]

طريقة ممتازة

ولكن الضرب ليه طريقة واحدة لا تتغير

وهى اسس الرياضة

ولكن هل تنفع فى ضرب باقى الارقام 25 * 30 مثلا

وهل تنفع لتضرب 3 ارقام * رقمين

أؤيدك تماما

حتى الآن الطريقة التقليدية فى إجراء عمليات الضرب هى الأدق والأضمن ، بدلا من الجمع والطرح داخل الدماغ.

[Dreamwithme]

شكرا جدا علي جميع التعليقات والتقييم الأيجابي

طبعا هو غلطة مطبعية هي فعلا خانة الآحاد زي ما الفاضلة زهرة الجبل أوضحت

بالنسبة لسؤال engmido هي الطريقة تصلح للأعداد من 11 إلي 19

أستاذ محمد عبد العزيز شكر خاص جدا للشرح المتميز للموضوع.

[MaYousof]

طريقة ممتازة

ولكن الضرب ليه طريقة واحدة لا تتغير

وهى اسس الرياضة

ولكن هل تنفع فى ضرب باقى الارقام 25 * 30 مثلا

وهل تنفع لتضرب 3 ارقام * رقمين

أؤيدك تماما

حتى الآن الطريقة التقليدية فى إجراء عمليات الضرب هى الأدق والأضمن ، بدلا من الجمع والطرح داخل الدماغ.

أنا أيضا مع رأي الأستاذ Mohammad .. الطريقة التقليدية أضن وأدق واتعودنا عليها طول عمرنا :)