وسام محاورات المصريين للتألق من الطبقة الأولى - الأزرق

[ozoozo]

نايت

ارش

الغريب

عنبو

عمرو رضوان

الساري

مكاوي

[أسد]

أختار التالي أسماؤهم

أبو محمد

Mohammad

سي السيد

سكوربيون

التونسي

الساري

MaYousof

زهيري

مصري أصيل

[عطر الجنة]

السلام عليكم،

انا عندي اقترااح بالنسبة للوسام، سواء الأزرق أو الأحمر،

منعا للاحراج و كمان لاضافة جو الحماس و المنافسة على التصويت،

وأيضا لضمان النزاهة و التصوييت الحر،

ايه رأيكو نخلي التصويت الكتروني،

بمعنى اننا نعمل تصوييت عاام على أحد المواقع المحايدة، ونحط فيها كل الأسماء المرشحة، ويقوم كل عضو باختيار العضو الي يرشحه،

وهاتظهر قداتمنا النتائج أول بأول,,,

وطبعا كل الضمانات هتكون موجوده، من تكرار التصويت و الصناديق هتكون على العياان :)

الفكرة صعبه شويه

لان من هم الاعضاء اللي هايترشحوا طالما ان كل الاعضاء مرشحين وكل الاعضاء هايدلو بصوتهم يبقي مافيش اعضاء معينه نصوت عليهم

فعلا لازم كل واحد يختار من نفسه ما يريد الا لو كانت الادارة او واضع الموضوع يريد الاختيار من ناس معينة زى الدولة كده و ميبقاش فى ديمقراطية

كل واحد هنا حر فى اختياره و حسب عدد الاصوات يتم اختيار العضو

تحياتى

[لماضة مصرية جدا]

السلام عليكم و رحمة الله و بركاته

انا عايزة افهم بقي....مين هيدفع حق المواصلات....انتو عاملينها توبيكين ليه....ليه....ليه...(وش واحدة لسه نازلة من الميكروباص و بتعدل الباروكة....هههههههه)

و ع العموم....انا قولت رايي...هناك....

طب تحبوا اقوله هنا تاني

ثانية واحدة....

ايه ده

ايه ده

كان معايا

كان معايا...في الشنطة....(وش سنية و هي بتدور ع العدسة في مسرحية وجهة نظر)

طب حد يسلفني جنيه اروح اخطف توك توك و اجيبه من هونيك

مسااااكم لمة حلوة....احلي ما فيها انتم

كان معكم لماضة

كمسري سابق....و مراسل قطاع الاخبار....

من أمام...عنبر الاسود الزرقاء

فوتكم بعافية

[عنبو]

السلام عليكم ورحمة الله وبركاته

كل يوم وانتوا طيببون جميعاً

احب اقول بهذه المناسبه السعيده انا بشكر كل الناس اللى رشحونى لاننى استحق هذا الوسام عن جداره واستحقاق فانا ياما خدمت المحاورات ولولا الكام مشروع اللى بيلف فيهم كان زمانى دلوقتى مشرف قد الدنيا وراسى براس سى السيد "" بلدياتى "" ومصريه متغربه بلدياتى ومحمد يوسف صاحبى وحبيبى ورجوله

ومكنش حد يبقى احسن من حد وكنت ممكن كمان احذف مداخلات لسى السيد يعنى "" امنية حياتى "" مشرف بقى بيرخم على مشرف زميله يعنى

وطبعاً احضر الاجتماعات السريه واشوف سكوب اللى طلع على التى فى اشوفه يعنى فيس تو فيس واتصور معاه واعلق صورته فى محل الكبده "" مشروع المستقبل "" بس تأتى الرياح لما لا تشتهى السفن

دى كانت شوية خواطر كده الواحد بيحب يخطر بنفسه كل شويه يعنى

نيجى بقى للكلام الجد

ارشح

سى السيد "" هو يعنى ناقص جوايز مكفايه عليه قوى اللى بيهبشه من المحاورات كل شهر وشغال كمان فى السعوديه "" بينى وبين نفسى يعنى ""

ابو محمد "" مهندس من ايام لما كانت كلية الهندسه اسمها مدرسة الهندسه وسافر الكويت ايام لما كان المرتبات بالشوال مش بالدينار يعنى برده مش لازم له

اركيتكت مهندس فى بن لادن الام وتاجر فى البورصه وعنده عربيه بتمشى فى الصحرا يعنى مش لازم له برده

محمد يوسف "" ده بقى كانوا فى السعوديه ايام لما كانوا بيرحوا على الناقه ومش عاوز اتكلم على الباقى انتوا عارفينه

ozoozo متزوج وعنده عيل مطلع عينه وشغال مدير وكل شويه فى المانيا " كنت فاكرها محافظه زى جده كده فى السعوديه يعنى بس هو قالى لا ده ابعد من السعوديه شويه برده مش لازم له

السارى ده بقى سعودى ومخرج كمان يعنى انا الدمعه هتفر من عينى خلاص بس

عنبو "" شاب اعزب شغال فى السعوديه يعنى ناوى يتزوج ومحتاج كل قرش اه والله كل قرش واذا مكنش فيه قرش يبقى محتاج دعم معنوى حتى وده طبعاً هو اللى يستحقها عن جداره واستحقاق اه والله دى كلمة حق هتدخل معايا قبرى

اللى مش هيصوت ليا هروح الحرم اقعد اشرب زمزم وادعى عليه وانا عارفكم بالاسم يعنى انتوا احرار

صباحكم ضحكه من القلب

على جنب محدش يقول لابو عمر انى هنا اصل مواعده انى ارد عليه فى توبيك كده بس والله مشغول بس ان شاء الله هجهز برد وارد عليه

تحياتى

عنبو رايح يشتغل

[MZohairy]

انا عن نفسي ارشح abaomar

[akramgroup]

انا ارشح

نايت ماير

عادل ابو عمر (اكيد جدا)

سى السيد

الارش

الغريب

اوزو

سارى

مايوسف

وطاقم الاشراف كلهم بجد يستحقوا

وفى ناس فى ابواب تانيه يستحقوا بجدارة زى

بندق افندى

خالد شحاته

مهندس اشرف

[masraweya]

لا ااااااااااااااااااااااااا

عنبو .. انا مش قد انك تشرب من زمزم و تدعي عليا

عنبو عنبو عنبو

بس احب الفت انتباه الادارة .. ان ده استغلال للشعارات الدينية ..واخدين بالكم .. ..مما يخل بالعملية الانتخابية النزيييييييييييييييييييهة

عقلي الباطن

مش احنا برده في موضوعات خفيفة

امال الناس عمالة تتكلم جد ليه

شكلي عكيت

عادتي و لا هشتريها

:closedeyes:

نايت

أرش

الغريب

عزيز بك الاليت

س س

ابو محمد

عادل ابو عمر

عنبو

مهندس أشرف

ناس كثير بحب اقرالها و ممكن اكون مش فاكرة الاسامي

بس كل واحد هنا فعلا فادني كثير

جزاكم الله خيرا

[Alshiekh]

عزيز بك الاليت

مين ده؟

[MaYousof]

عزيز بك الاليت

مين ده؟

والله ماعرف :blink:

يمكن الحاج أززوزه؟

[masraweya]

يوميات عزيز بك الاليط

بجد ما كنتوش عارفينه

:closedeyes:

[أبوعمار]

عايز أعرف امتى هايخلص الاقتراع وتقفلوا صناديق الانتخاب

وتبدؤا فرز الأصوات؟

[MaYousof]

الأعضاء الكرام,

شكرا لتفاعلكم وترشيحاتكم التي تنم دون أدنى شك عن مدى تميز الكثير من أعضاء المحاورات واستحقاق العديد منهم لوسام التألق.

باب الترشيحات مفتوح حتى يوم السبت 25 ديسمبر الساعة 10 مساءا بتوقيت القاهرة, سيتم بعدها إغلاق باب الترشيحات وسيطرح استفتاء لمدة أربع أيام على أكثر 3 أعضاء تم ترشيح أسمائهم ليتم إعلان إسم العضو الفائز بوسام محاورات المصريين للتألق من الطبقة الأولى يوم 29 ديسمبر مساءا.

يرجى ملاحظة أنه:

- يمكن ترشيح أسماء المشرفين بصفتهم أعضاء

- لا يوجد عدد محدد للأسماء المطروحة للترشيح

ولكم جزيل الشكر.

الإدارة

[لماضة مصرية جدا]

السلام عليكم و رحمة الله و بركاته

اصحوووووووووووا يا شعب

حاجة سائعة بيبس

سوداني.....لب......مناديل....(وش اي حد ماسك جردل في السينما الصيفي في راس البر)

يالا يا جماعة بيقولوا الصويت هيخلص بكره....و انتوا لسه متغطيين و نايمين...مش معقولة يعني....تسيبوني اجي كده و اصوت لوحدي...(وش عيل جه ولع النور...و التلفزيون باعلي وصت و جري)

انا شخصيا احب اصوت علي

الساري....مش بس عشان صديقي....طب ما هو الفيل صديقي....

بس عشان مع الساري اكتشفت حلاوة في شخصية الشاب السعودي....حقيقي كانت ملامحها باينة في استاذ مسافر زاده الخيال...بس اتاكدت اكتر مع الساري

احب اصوت علي

عنبو........ده بقي عشان صديقي.....و عشان توبيكاته بتخلي المزاج عنب

احب اصوت علي

مكاوي.....عشان....لما كان بيكتب كان بيكتب بقلبه اوي...بعفوية جدا

احب انادي باعلي صوتي علي

جو.....مفتقدة حضور حضرتك جدا

و كل الافاضل اللي مداخلتهم بتضيف بعد انساني

زي

استاذي عادل ابو عمر

أستاذ اكرم....و شركاؤه...(مش عارفة مين جروب دي)

أستاذ اركتيكت

وأستاذ ابو عمار

وأستاذ عبد الله غريب

وأستاذ herohero

وأستاذ سمبااااااا...(الله يرضي عنك...ابقي غير صورة التوقيع....احسن كل ما اشوفها اسمع صوت شينيور في راسي)

و أستاذDiab

و أستاذاوز اوز

و أستاذحسام عبد الفتاح....مع انه اديلي فترة مختفي

و فيه استاذ عبيد الله....هو بيساعدنا كتير في مغتربي الامارات...بس لما بيطلع بره التوبيك بتلاقيه بيكتب من تلافيف تلافيف قلبه

و استاذ مايوسف....الراجل تاعبينه معانا كل شوية يطلع السطح بتاع المحاورات و يعلق فرعين نور...ربنا ينور حياتك بايقونات سعادة

و كمان

الطيب....مزاهيري

العفوي جدا...سين سين

و استاذ Mohamed

و المتعمق حد الدهشة.....استاذ ابو محمد

بس خلاص

اصحوووووووا بقي يا شعب

صباحكم....لحظات ترقب

تم تعديل 24 ديسمبر 2010 بواسطة لماضة مصرية جدا

[م تيمور المراغي]

.............

صباحكم....لحظات ترقب

خطة architect

للفوز بالوســــام

:happy:

http://www.youtube.com/watch?v=McX3WIQj2m8

[مغتربة]

.............

صباحكم....لحظات ترقب

خطة architect

للفوز بالوســــام

:happy:

http://www.youtube.com/watch?v=McX3WIQj2m8

ههههههههه حلوه بجد استاذ ارتيتيكت

بس مينفعش

عارف ليه

لان الموضوع دا مش هتحس بطعمه و لا هيكون له معنى لو جه بخطط

احلى حاجه انك تحس ان الناس فعلا اختارتك لانها فعلا شيفاك تستاهل الوسام دا

و هو دا المكسب الحقيقى الى هيحصل عليع الفائز فى النهايه

و بالتالى لو جاتله بخطط يبقى فى الحقيقه مكسبش اى حاجه

:give_rose:

[م تيمور المراغي]

................

- يمكن ترشيح أسماء المشرفين بصفتهم أعضاء

مادام الامر كذلك ,,

اعط صوتي للقدير ,,

أ - عـــادل ابو زيد ,,

[م تيمور المراغي]

هههههه :happy:

كده برضوا يا مغتربة ,,

طيييييييييب

انا حقول على السر

انا وصلني من مصادر مؤكدة انك رصدتي ميزانية مفتوحة للانتخابات دي ,,

وسعر الصوت وصل ل 1500 دولار امريكي :happy:

[اغابي]

طيييييييييب

انا حقول على السر

انا وصلني من مصادر مؤكدة انك رصدتي ميزانية مفتوحة للانتخابات دي ,,

وسعر الصوت وصل ل 1500 دولار امريكي :happy:

صحيح الكلام داه يا مغتربة

وانا اللى حرمت نفسي من الغطا علشان تستغطي

و من العشا علشان تستعشي

اتاريكى من اللى تبع الانتخابات اياهم

عجايب ..... :sad:

وش اى ممثلة كومبارس فى اى فلم فاشل

تم تعديل 24 ديسمبر 2010 بواسطة اغابي

[لونا]

السلام عليكم و رحمة الله و بركاته

اصحوووووووووووا يا شعب

حاجة سائعة بيبس

سوداني.....لب......مناديل....(وش اي حد ماسك جردل في السينما الصيفي في راس البر)

يالا يا جماعة بيقولوا الصويت هيخلص بكره....و انتوا لسه متغطيين و نايمين...مش معقولة يعني....تسيبوني اجي كده و اصوت لوحدي...(وش عيل جه ولع النور...و التلفزيون باعلي وصت و جري)

انا شخصيا احب اصوت علي

:unsure:

:blink: :Exclam:

**************************************

بس خلاص

اصحوووووووا بقي يا شعب

صباحكم....لحظات ترقب

ممكن لو سمحتي يا لماضة تصوتي لهم

و أرجوكي ..أرجوكي بلاش تصوتي على حد

n2&(

تم تعديل 24 ديسمبر 2010 بواسطة لونا