وسام محاورات المصريين للتألق من الطبقة الأولى - الأزرق

[مغتربة]

هههههه :happy:

كده برضوا يا مغتربة ,,

طيييييييييب

انا حقول على السر

انا وصلني من مصادر مؤكدة انك رصدتي ميزانية مفتوحة للانتخابات دي ,,

وسعر الصوت وصل ل 1500 دولار امريكي :happy:

يبقى لازم تراجع مصادرك يا فندم

لانها لو قالتلك كدا يبقى و عفوا يعنى مضروبه هههههههه

[مغتربة]

طيييييييييب

انا حقول على السر

انا وصلني من مصادر مؤكدة انك رصدتي ميزانية مفتوحة للانتخابات دي ,,

وسعر الصوت وصل ل 1500 دولار امريكي :happy:

صحيح الكلام داه يا مغتربة

وانا اللى حرمت نفسي من الغطا علشان تستغطي

ومن العشا علشان تستعشي

اتاريكى من اللى تبع الانتخابات اياهم

عجايب ..... :sad:

وش اى ممثلة كومبارس فى اى فلم فاشل

ايه دا كله يا بنتى

حسستينى ان انا قدام الست امينه رزق فى فيلم ضحيت هنايا فداه هههههههههه

نو نو نو يا اغابى انتى تظننى ان انا كدا برضه

طيب دا حد حب يعمل مصلحه على استاذ ارتيتيكت فقاله كدا علشان يخليه يديله 1600 بعد ما كان عايز يديله 1000 بس ;)

انا ذنبى ايه بقى :P

[om marawan]

اختياري سيكون للأعضاء اللي تركوا اسماءهم تلمع في ذاكرتي

منهم معروفين طبعا

و منهم يمكن مش مشهورين اوي

و يمكن عدد مشاركاتهم مش كبير

و يمكن معندهمش و لا نقطة خضراء

كان في عضو باحترمه جدا جدا بس

هو معادش بيشارك معانا

لانشغاله الشديد في كندا و المعادلة و سنينها

بس بجد شخصية تستحق وسام التألق بجدارة

هو د. هشام ابراهيم

فاكرينه؟؟؟

بصراحة قمة في الاخلاق و التهذيب

اللى يعرفوه اكيد هيفتكروه واحييكي بجد على اختيارك

و صراحة حتى بدون استفتاء لكنها فرصة لذكر ناس كتير تستحق اوسمة لأنها اثرت المحاورات فترات طويلة فى ال 10 سنوات اللى فاتت

وبما ان الزميل مايوسف قال مافيش عدد محدد

اسمحولى اضيف ناس ليست أبدا أقل استحقاقا ممن ذكرت

اختلفت معهم او اتفقت لكن تبقى مداخلاتهم مميزة جدا طوال عمر المحاورات

منهم

الفاضل موديست اللى تفضلت العزيزة مدام فلانة بذكره

مهيب ...........

دكتور الرفاعى

دكتور حسام ابن اجمل بلاد مصر " أٍسوان "

الشيف الرائع بندق أفندي واللى اعتقد انه مشغول فى ال MBA ربنا معاه

الفاضل التونسي

الافاضل واللى كتير ذكروهم وباعتذر لهم عن السهو العتب ع النظر :)

جو ومكاوى

و اعتقد ناس كتير هتشاركنى اهداء وسام تقدير خاص جدااااا للحاضر الغائب " الأفوكاتو " رحمه الله وجعل كلمته من اجل الحق فى ميزان حسناته

ملحوظة على جنب

انا كنت فاكرة محمد يوسف صاحب الفرح بس على رأى لماضة ترشيحه على تعبه فى النور والفراشة وخياطة الاوسمة ده أقل واجب :closedeyes:

تم تعديل 24 ديسمبر 2010 بواسطة om marawan

[لماضة مصرية جدا]

السلام عليكم و رحمة الله و بركاته

استاذي

التونسي

استاذي سكوربيون

استاذ طائر الليل الحزين....(و ان شاء الله لما يفوز بالوسام يغير اسمه و يبقي انا طير في السما)

استاذ الغريب

:waving: :waving: :waving:

[لماضة مصرية جدا]

السلام عليكم و رحمة الله و بركاته

اصحوووووووووووا يا شعب

حاجة سائعة بيبس

سوداني.....لب......مناديل....(وش اي حد ماسك جردل في السينما الصيفي في راس البر)

يالا يا جماعة بيقولوا الصويت هيخلص بكره....و انتوا لسه متغطيين و نايمين...مش معقولة يعني....تسيبوني اجي كده و اصوت لوحدي...(وش عيل جه ولع النور...و التلفزيون باعلي وصت و جري)

انا شخصيا احب اصوت علي

:unsure:

:blink: :Exclam:

**************************************

بس خلاص

اصحوووووووا بقي يا شعب

صباحكم....لحظات ترقب

ممكن لو سمحتي يا لماضة تصوتي لهم

و أرجوكي ..أرجوكي بلاش تصوتي على حد

n2&(

حاااااااااااضر يا فندم

علم و ينفذ

و شكرا علي التنبيه....مع انها مكنتشي مقصودة بالمعني التاني يعني

[قلب ابيض]

معقوله اكون نسيت ارشح اخونا هنا؟؟؟

ولا انا رشحت ونسيت؟؟؟

والله شكلى هنجت...العتب على الزهايمر بقى

عموما زياده الخير خيرو نص

كل الاخوه هنا يستحقوا الوسام بجداره كفايه انهم بيشاركوا بعضهم الضحكه والالم والفكر

بدون تحضير او ترتيب للى بفكر فيه كعادتى

ارشح سى السيد

ما يوسف

السارى

سمبا

محمد

ارتيكت " الا هو نفسه ارش ؟؟ولا ايه؟؟

الغريب

بندق افندى

عنبو

مكاوى

زوهيرى

ولكل عضو وسام ابيض من قلب ابيض

تم تعديل 25 ديسمبر 2010 بواسطة قلب ابيض

[عنبو]

انا شخصياً ممكن اتنازل عن الوسام اللى انا فزت به للدكتور هشام ابراهيم

بجد الراجل ده من الشخصيات اللى بعتز بمعرفته جداً

ثقافه واحترام وعلم ربنا يحميه

تحياتى

عنبو

[جسار]

صحيح أنا جديد عليكم من كام شهر فقط ولكن باحس وكأننى أعرفكم من زمان قوى ، الناس هنا دافيه

وبتحب بعض ويارب تدوم المحبة ، و لست اعتقد أن بأمكانى أن أضع تصنيفا صائبا للأعضاء خصوصا الغائبين

والراحلون وعلى راسهم الافوكاتو والذى قرات له موضوعا واحدا عن العلمانية كأسلوب أدارة للوطن فبهرت

من ترتيب افكاره وعذوبة أسلوبه ... ولكن الموجودين الآن هم الخيروالبركة وكلهم حاجة تفرح بلدنا

وربنا يخليكم لمصر .....

1 - سى السيد ... الفلاح الفصيح

2 - سكوربيون ... رجل المستحيل

3 - محمد ... مصرى فى أمريكا و عاقل قوى

4- عادل أبو زيد ... كومة كتب سياسة و اقتصاد

5- آركتيكتال ... الهيد فون وترابيزة الرسم أيام مبنى عمارة

6- السارى ... مصرى مقيم من زمن فى السعودية أو سعودى مقيم من زمن فى مصر أيهما تختار

7- مسافر زاده الخيال .. صاحب سارى وبيشحت منه العلم وعقدنى فى حرف القاف

8- الباشمهندس ياسر ... ما بيسيبش تاره فى المحاورات

9- أسد ... هبشنى مرة

10 - ما يوسف ...خولى العزبة والخرزانة بتاعته بتوجع

طبعا ما حدش حايزعل منكم .. دى كلها انطباعات كاريكاتورية ولكن الحق أنكم جميعا متميزين

واللى ما ذكرتوش يبقى العيب على الزهايمر ... ولكم تحياتى .

[م تيمور المراغي]

اسلوبك متميز يا جسار وانا من متابعيك وبرحب بيك