مكانكم فى القلب ..لن ننساكم

[مغتربة]

على مدار العشر سنوات التى هى عمر منتدانا الحبيب

ذاك الرواق الثقافى المتالق

اناس مروا من ها هنا ذات حلم

فاثروا جنباته بفكرهم المتزن و ثقافتهم الواسعه

بشخصياتهم المميزه و مداخلاتهم الرصينه

و لكن و لان الحال دوما لا يبقى كما هو

فبعضهم بقى حتى الان ليكمل المسيره معنا

و بعضهم استجاب لنداء الرحيل لسبب او لاخر

هؤلاء هم ما اعنيهم بموضعى هذا

كثيرون يمرون علينا على مر حياتنا و لكن من يترك بصمه فهو فقط المميز اما الاكثر تميزا و الاكثر صدقا فهو الذى يتركها حتى بعد رحيله

هى مبادره بسيطه لنرد الجميل لاقلام مميزه تعلمنا منها و ربما نكون اتفقنا او اختلفنا معها و لكن بكل ود بقى اثرهم الطيب و اسلوبهم الحكيم عالقا فى ذاكرتنا مفردا لهم مكانا فى القلب و الفكر

و لم ارى انسب من احتفلاتنا بعيد المنتدى لنوجه لهم رساله نقول لهم فيها انكم ابدا و دما حضرون و ان كنت غائبون

فنحن لن ننساكم

دعوه لتكريم الاعضاء الافاضل ممن رحلوا عن المحاورات اتمناها مناسبه تفاعليه

لطفا تحدث معنا وقول لنا من من الاعضاء القدامه الافاضل من مازلت تتمنى عودته و من تريد ان توجه له كلمه شكر و من تريد ان يتم الاحتفاء به و تذكره بانه فى القلب

لا يمكننا ان نحتفل دون ان نتشارك معكم الاحتفال و الاحتفاء بكم لانكم بحق تستحقون ذلك يا رواد القلم الجميل فى محاورات المصريين

بالتاكيد لى مشاركه و لكن لنترك لكم المجال الاول

دمتم بالف خير

[Howayda Ismail]

لا فض فوك مغتربة

بعد هذا الكلام الكبير عجزت عن اجد مااكتبه

لكن احب اذكر من الاعضاء الذين مازالوا فى القلب الاخت فتفوتة

لانها اول من رحبت بى عند اشتراكى بالمنتدى وايضا اول من شرفت باضافتها لى لقائمة الاصدقاء

ولا اعلم سبب رحيلها عن المنتدى منذ فترة طويلة

وارجو من الله ان ييسر لها الامور وتعود لمشاركتنا فى المنتدى من جديد

وكلمة شكر وعرفان لشخصية لم الحق تواجدها لكنى تاثرت كثيرا بكل حرف كتبه

الاستاذ الراحل( الافوكاتو )

شكرا لجميع الاخوة والاخوات بالمنتدى بيتى الثانى دون مبالغة لانى استفدت منهم كتير

كفاية انى اقول رجعت لعقلى بتاع زمان ورجعت لى روح كنت افتقدتها وهى التعليم والاصدقاء

بعد ان شغلتنا هموم الحياة عنهم واصبح مجرد احاديث عبر الهواتف كلما سمحت الظروف

لكن بيت المحاورات open 24 hours والاهم من غير ميعاد ولا حتى استئذان

كل سنة والمحاورات اكبر وافضل وكل المحاورتيين بخير وعافية

[engmido]

كن احب اذكر من الاعضاء الذين مازالوا فى القلب الاخت فتفوتة

لانها اول من رحبت بى عند اشتراكى بالمنتدى وايضا اول من شرفت باضافتها لى لقائمة الاصدقاء

فعلا الجميع يفتقد فتفوتة

واتمنى ان تعود لتضيف البهجة والموضوعات المتميزة المبهجة

-----

مفتقد ايضا عاشق الترحال - جست مى - شريف مان و اخرون

تم تعديل 23 ديسمبر 2010 بواسطة Mohammad
تصحيح هجائى

[مغتربة]

لدى كلام كثير لافاضل كثر لم يحالفنى الحظ ان التقى باحد منهم الا على صفحات المحاورات التى سطروا فيها اعذب الكلمات و اروع الافكار

لا اعتقد ان مداخله واحده ستكفينى ان اوفيهم حقهم و لكن لاجمل القول هنا الان على ان اعود لافصله لاحقا

لكن يجب ان اقول اننى افتقد و بشده استاذى الفاضل الافوكاتو و استاذى الفاضل اخناتون رحمهم الله

و هما و ان كان ما حجبهم عنا هى تلبيه النداء الالهى بحيث لا يسعنا انتظارهم مره اخرى الا اننى اريدان اقول لاعضاء اخرين كثر افاضل اننا ننتظركم و ننتظر ذاك اليوم الذى تقررون فيه ان تعودا لنا هنا و اننا و حتى تحين هذه اللحظه نفتقدكم و بشده

اريد ان اقولها لمهيب و احمد سيف و فتفوته و ام بلال و حشيش و طفشان و بدورا و دكتور حسام و لولا و موديست و جلاكسى و امانى .....و ...... مع حفظ الالقاب لهم جميعا

تحياتى

[عبير يونس]

لولا

بجد وحشتينا كلنا

و وحشتيني جدا جدا جدا

في حاجة ناقصة في بيت العيلة من غيرك

مش مصدقة انك بالقسوة دي

معقول يا ملكة المشاعر و الاحاسيس ما وحشناكيش؟؟؟

د. هشام ابراهيم

بجد وحشتنا اوي اوي اوي

باب كندا معدتش بادخله

ده انا حتى بطلت فكرة الهجرة من اساسها

معقول ماوحشتكش المحاورات؟؟

معقول تنسانا و تنسى مشاركاتنا مع حضرتك في مواضيعك الانسانية الراقية؟؟

نسيت العربيات و رزع الحلل؟ معقول؟

أستاذ أحمد سيف

بجد مفتقدين حضرتك جدا جدا جدا

عارفين ان حضرتك مشغول

طيب حتى طل على المحاورات طلة

أستاذ مكسوف

بجد مفتقدة حضرتك جدا جدا

هو لو مكانش الفرنش ميوزك ما نشوفش حضرتك

وحشتنا بجد

جو

معقول البعد ده

ليه بس؟؟

مفتقدين حضرتك جدا

مكاوي

ليه بعدت كده مرة واحدة

مفتقدينك جدا جدا

نيزا لابيلا

فينك يا عم

و ايه اخبار الفيل؟؟

برنسيس

اختفيتي خالص من غير لا حس و لا خبر

يارب تكوني بخير

بجد وحشتيني اوي اوي اوي

فتفوتة

انا عارفة انك الحمد لله بخير

بس بجد زودتيها اوي

ارجعي احسن لك بدل ما اعمل لك استدعاء رسمي

ههههههههههه

ام مروان و ذهبية

متواجدين ايوة

بس وحشني تفاعلكم بتاع زمان

أستاذ مصري أصيل

فين تفاعل حضرتك مفتقدة حواراتك القوية الراقية

د.حسام يوسف

كندا فتحت الباب للصيادلة

يارب يكون المانع هو انشغال حضرتك بالاجراءات بس

"مستغربة" من غياب حضرتك

امال مين حيكلمنا عن منير

ناس كتير هنا

كانوا محسسيني بدفا

و بلمة الاسرة في ليالي الشتا و احنا متغطيين ببطاطين و بنشرب مشروبات ساخنة و ناكل ساندوتشات و متجمعين نحكي لبعض و نفضفض و نضحك و نتناقش

و نختلف و نتصالح

بجد واحشينّي جدا جدا جدا