رايك ايه................شارك ولو بكلمة

[Howayda Ismail]

"دعم البرادعى" تتبنى 4 مشاريع سياسية جديدة مع بداية 2011

"المليون كتاب" و " الألف قافلة" و " المليون رسالة " و "بوابة التغيير " 4 مشاريع تتبناها الحملة المستقلة لدعم البرادعى ومطالب التغيير "لازم" مع بداية العام الجديد 2011 استعداداً لمرحلة العصيان المدنى والتى يسبقها تهيئة الشعب المصرى للتغيير وخلق الاحتياج لدية نحو التحول الديموقراطى وفقا لبيان الحملة.

ويهدف مشروع "الميلون كتاب"للإجابة على أسئلة المواطنين حول عدد من القضايا مثل "لماذا يجب أن تتغير مصر.. ماذا سيقدم التغيير لمصر.. و كيف نشارك فى صناعة التغيير ؟" سعيا لرفع الوعى لدى المواطن بمشروع التغيير وفتح قنوات اتصال مباشرة معه حيث ستقوم بتوزيع مليون نسخة مستهدفا 5 مليون مواطن مصرى، على أن يقوم نشطاء الحملة بتوزيع الكتيبات عبر خريطة جغرافية لتغطية أكبر مناطق ممكنة.

أما مشروع "الألف قافلة"، فيستهدف وفقا لبيان الحملة تغيير القناعات لدى المواطن من خلال الأتصال الشخصى عبر قوافل مكونة كل قافلة من 3 أفراد تتوجة إليه فى المقاهى والمولات التجارية وأماكن التنزه للتحدث معه لدعوته إلى التغيير والتفاعل بإيجابية، فى ضوء كتيب إرشادى ستقوم الحملة بعقد دورات سابقة لأعضاء القوافل فى شأنه.

وأوضح البيان، أن الحملة تستهدف إطلاق ألف قافلة شهريا فى 20 محافظة تبدأ مع بداية العام الجديد وصولا للانتخابات الرئاسية، على أن يشارك الدكتور محمد البرادعى المدير السابق للوكالة الدولية للطاقة الذرية فى البعض منها.

المشروع الثالث "المليون رسالة" تقوم فكرتها على أساس إرسال رسائل بريدية لعدد من المواطنين مرفق بها رسالة تم إعدادها دون ذكر اسم الراسل.

أما "بوابة التغيير" المشروع الرابع للحملة على مدار العام، فتقوم على إطلاق منبر لدعاة التغيير بعد غلق عدد من المنابر الإعلامية، على حد قول "دعم البرادعى"، على أن تضم مقالات لعدد من كبار الكتاب الداعميين لعملية التغيير مزود بقناة علي اليوتيوب لكل الأعمال الفنية وكل التقارير المصورة التى ستغطى المحافظات المختلفة والأحداث الجارية، على أن يتم طباعة نسخة شهرية وتوزيعها على المواطنين.

وقالت "دعم البرادعى" فى بيانها، لنشطائها إن تلك الممارسات لا تخالف الدستور والقانون ومن حق كل مواطن التعبير عن رأيه بالكتابة أو القول وكل وسائل التعبير مشيرة لوجود لجنة قانونية وغرفة عمليات للدعم القانونى ستعمل على مدار 24 ساعة لتقديم المساعدة فى حالات الطوارى.

فى المقابل، تختتم حركة شباب 6 أبريل عام 2010 بمؤتمرها السنوى "القلة المندسة" بالتزامن مع المؤتمر السنوى الحزب الوطنى تحت شعار "من الأراضى المصرية المحتلة"، حيث سيركز على فضح مزاعم الحزب الوطنى، على حد قولهم فى القضاء على البطالة وتشغيل 5 ملايين شاب.

كما تشهد فعاليات مؤتمر "القلة المندسة الثالث"، بحسب 6 أبريل، إطلاق أحدث حملات الحركة تحت مسمى "إزاى نغيّر مصر" الذى يهدف لتوعية الناشطين والمواطنين؛ لرسم طريق التغيير الحقيقى.

الخبر ده كان مفروض نازل فى توبيك الانتخابات ولكن لاهميته فتحنا توبيك خاص به

وحده والاهم مشاركة جميع الاعضاء للتعبير عن رايهم عما ورد فيه من انباء

طبعا حاقول راى معاكم وامرى لله بس لو محدش شافنى تانى فى المنتدى تبقوا عرفتم السبب

لا فعلا يهمنى رايكم واللى حاشوف اسمه تحت ومردش حنعمله استدعاء فورى

[akramgroup]

طيب يامدام هند كده سؤال فى البدايه نط فى دماغى وانا بقرأ المشاريع ومش قصدى منه حاجه مريبه

هو تفتكرى حضرتك تمويل الحملات والمشاريع اللى واضح انها هاتتكلف مبالغ طائلة منين؟؟

سؤال للاستفسار ليس الا

[م تيمور المراغي]

من ساعة الانتخابات الاخيره

وانا فقدت الامل في الشعب ده انه يكون ليه اي فعل او حتى رد فعل مؤثر ,,

انا حزين

الناس تركت خطامها كالنياق لمن يقود ,,

ولا فارق معاها بكره مين حيمسك البلد سواء جيمي او سحس او حتى خديجه

وكسلانيين و مبرططين ,, و فيهم رخاوه وطراوه واستمراء للهوان والله حاجه تزعل لان الشعب ده معدنه غير كده ,,

على مر التاريخ وهو ينتظر المنقذ الذي يفجر فيه الحركه والغضب

اما من غير القائد الملهم فهو اشبه بالنتروجين كده خامل كده و مالي الهوا حوالينا عالفاضي

لا بيشتعل ,,

ولا يساعد على الاشتعال

[عادل أبو عمر]

طبقا لآخر سطر .. أنا كدة اتقبض عليا ... يبئى آجي بنفسي أحسن

أنا رأيي إني أدعم هذه الإجراءات لو مش بشكل إيجابي يبئى على الأقل مكونش مع النظام ضدهم ...

الناس دي أكيد مش سهل عليها تنفيذ أي شكل من المعارضة في مصر ...

[masraweya]

التوعية شيء مهم جدا .. المصريين مش مقتنعين ان فيه حركة او قيادة جادة

عشان كده سلبيين و منتظرين

و الادهى بيشاركوا في الفساد سواء بالسكوت عليه او المشاركة الفاعلة فيه

رغم كل الظروف السيئة .. لسة قادرين يعيشوا و معندهمش استعداد يخاطروا من غير ما يعرفوا هما بيخاطروا عشان ايه و ايه هو البديل

[ابو محمد بن مصطفي]

فى المقابل، تختتم حركة شباب 6 أبريل عام 2010 بمؤتمرها السنوى "القلة المندسة" بالتزامن مع المؤتمر السنوى الحزب الوطنى تحت شعار "من الأراضى المصرية المحتلة"، حيث سيركز على فضح مزاعم الحزب الوطنى، على حد قولهم فى القضاء على البطالة وتشغيل 5 ملايين شاب.

الحل الاول لانجازات الريس لتشغيل الشباب ونجد في الصورة احد المستفيدين من البرنامج وهو مبتسم

مثال اخر لانجازات الريس لتشغيل الشباب ونجد في الصورة اثنين من المستفيدين من البرنامج

وذلك لتدليل علي انه يمكن ان يعمل باتنين اوبشن بس نسيوا يبتسموا للكاميرا

وممكن نقول انه تم ادخال في الخمس سنوات الماضية اتنين مليون ونصف تكتوك في عدد 2 سائق يبقي العدد خمسة مليون شاب

اذن يبقي سيدي الريس نجح في تحقيق المستهدف ليس في 6 سنوات ولكن في خمس سنوات فقط

ومن هنا ادعوا الي اعادة انتخابة للمره مش عارف بس لمدي الحياة

وبرضوا الانتخابات نزيهه هانم واذا كانت نتيجة انتخابات مجلس الشعب الحزب الوطني خد 98 %

يبقي الريس مش اقل منهم ونديله 100% واللي مش عجبه يشوف البديل

[ابو محمد بن مصطفي]

وده صورة مؤتمر وعد فأوفي نوفمبر 2010

ونجد في الصورة ان السيد الريس لا يحي الشعب ولكن بيخمس في وش العدو

[pink rose]

فرحانة جدا لان اخيرا دكتور البرادعي بدأ ياخد خطوات ايجابية نحو التغيير

الشعب فاقد الامل و مش فارق معاه لانه مش شايف حد بياخد خطوة فعلية

كل اللي اعرفهم كانوا بيقولولي ما هو مش عاوز يتحرك مستني لما يغيروا الدستور عشان يرشح نفسه

فا الراجل اهو بدأ ياخد خطوات فعلا لتهيئة الشعب للتغيير

ربنا معاهم

و لو كنت في مصر كان اكيد هايبقالي دور بينهم

لكن اللي قدرت عليه اني اوقع توكيل للدكتور البرادعي من فترة

و عملت زي الشباب اللي كانوا بيلفوا ياخدوا تواقيع من الناس و اقنعت ماما و ابن خالتي انهم كمان يوقعوا على بيان التغيير

و بالفعل سجلوا

و لسا بازن على بابا لحد دلوقتي

عشان ندخل المعتقل انا و اهلي جمعاااااااااااااااااء

بادعي ان ربنا يحرر مصر من الكابوس الرابط على قلبها و قلبنا من 30 سنة فاتوا

[Om Zayd]

عشان ندخل المعتقل انا و اهلي جمعاااااااااااااااااء

جمعااااااااااااااااااااااااااااااء

ربنا يكرمك يا ريمو

ممكن بس اعلق على حكاية القائد

ليه لما بييجي مدير نزيه و شايف شغله و يظبط المكان اللي هو فيه

اول ما يمشي .. كانك يا بو زيد ما غزيت؟

يمكن لانه ما حطش في اعتباره انه يكون صف تاني يحافظ على المكتسبات دي و يستمر في التطوير

لاننا بنفكر بطريقة فردية و ليست مؤسسية

عارفة ان تغيير ده صعب.. بس هو اكبر ضمان ان الاصلاح ما يكونش وقتي او مرتبط بفرد

و يمكن ده اللي مخلي ناس كثير مش فاهمة البرادعي

خطوة في الاتجاه الصحيح

[طبيبة بالخارج]

من ساعة الانتخابات الاخيره

وانا فقدت الامل في الشعب ده انه يكون ليه اي فعل او حتى رد فعل مؤثر ,,

انا حزين

الناس تركت خطامها كالنياق لمن يقود ,,

ولا فارق معاها بكره مين حيمسك البلد سواء جيمي او سحس او حتى خديجه

وكسلانيين و مبرططين ,, و فيهم رخاوه وطراوه واستمراء للهوان والله حاجه تزعل لان الشعب ده معدنه غير كده ,,

على مر التاريخ وهو ينتظر المنقذ الذي يفجر فيه الحركه والغضب

اما من غير القائد الملهم فهو اشبه بالنتروجين كده خامل كده و مالي الهوا حوالينا عالفاضي

لا بيشتعل ,,

ولا يساعد على الاشتعال

المشكلة اننا شعب حبوب و عاطفي جدا بنرتبط بحكام البلد و لا نفكر نغيرهم لغاية قضاء الله و نشوف التاريخ يشهد بده

كمان في ناس بتقول اللي نعرفه احسن من اللي ما نعرفوش و مش حنجيب حد جديد عشان يبتدي ينهب من أول و جديد

ده غير الناس السلبية اللي متضايقة بس مستنية غيرها يبتدي و مش اي حد لازم تكون قوة محترمة زي ثورة يوليو كده

عايزين نكون عقلانيين و نفكر في بعض النقاط:

اولا: هل نرغب او الأفضل نقول نعرف نعمل ثورة دموية و ما هي القشة اللي لو اتكسرت ممكن تعمل ده؟

ثانيا: هل يعرف الشعب كيف يقوم بثورة مدنية؟ أنا شخصيا لا أعرف

ثالثا: مع احترامي للبرادعي، فكل ما يقال حتى الآن كلام انشاء يعني انا عشان افكر ارشحه كرئيس مش لازم اعرف بعض من افكار التغيير اللي ناوي يعمله؟ و أقصد أفكار عملية مش مجرد كلام

رابعا: مش عايزين نختار اي حد جديد والسلام يعني غلط فكرة التغيير لمجرد التغيير مش مستعدين نعمل غلطة و ندفع ثمنها ثلاثين سنة تانيين

تم تعديل 23 ديسمبر 2010 بواسطة طبيبة بالخارج

[MaYousof]

التوعية شيء مهم جدا .. المصريين مش مقتنعين ان فيه حركة او قيادة جادة

عشان كده سلبيين و منتظرين

و الادهى بيشاركوا في الفساد سواء بالسكوت عليه او المشاركة الفاعلة فيه

رغم كل الظروف السيئة .. لسة قادرين يعيشوا و معندهمش استعداد يخاطروا من غير ما يعرفوا هما بيخاطروا عشان ايه و ايه هو البديل

كلام حضرتك متناقض يا أستاذة masraweya :huh: ..

إزاي منتظرين حركة أو قيادة جادة وفي نفس الوقت بيشاركوا في الفساد ..

هم يا منتظرين حركة يا بيشاركوا في الفساد .. لكن منتظرين وبيشاركوا .. دول يبقوا شعب محصلش في زمانه :closedeyes:

[Howayda Ismail]

طيب يامدام هند كده سؤال فى البدايه نط فى دماغى وانا بقرأ المشاريع ومش قصدى منه حاجه مريبه

هو تفتكرى حضرتك تمويل الحملات والمشاريع اللى واضح انها هاتتكلف مبالغ طائلة منين؟؟

سؤال للاستفسار ليس الا

من حقك وحقنا كلنا نسال يااستاذ اكرم عن مصادر التمويل خاصة ان تكلفة الحملة ضخمة جدا

وعشان الكلام ميبقاش من دماغى جمعت كل مايتعلق بذلك الاستفهام

لكن خلى بالكم الخبر ده وارد فى موقع شيعى

السياسة الكويتية" تتهم البرادعى بتلقى أموال من إيران "

أكدت صحيفة "السياسة الكويتية" حسب مصادر خاصة أن إيران تعهدت بتقديم الدعم المطلق للمدير العام السابق للوكالة الدولية للطاقة الذرية محمد البرادعى فى مسعاه لتولى منصب رئاسة الجمهورية فى مصر، من خلال الانتخابات العام المقبل، وأبلغته استعدادها لتلبية كل مطالبه المالية، وذلك عبر رجل أعمال عربى مقيم فى أوروبا، سلمته شيكاً بمبلغ 7 ملايين دولار لتغطية التكاليف الأولية للحملة الانتخابية.

لمعرفة المزيد http://qawem.org/forum/showthread.php?t=31889

منسق حملة البرادعي ينفي الحصول على تمويل خارجي

نفى المنسق العام للحملة الشعبية المستقلة لدعم المرشح المحتمل للرئاسة المصرية محمد البرادعي، حصول الحملة على أي تمويل من الخارج، مؤكداً أن 'مصادر تمويل الحملة من تبرعات النشطاء فحسب'. وقال عبدالرحمن يوسف على موقع الحملة الإلكتروني أمس، إن حملته لا تتلقى دعماً من رجال الأعمال، لافتا إلى أن 'البرادعي مثله مثل باقي نشطاء التغيير يساهم بوقته وجهده وماله من أجل إحداث التغيير في المجتمع المصري'.

والخبر ده من موقع الحملة الشعبية لتاييد البرادعى

(مع ملاحظة الكلام سابق لاستقالةالمنسق العام للحركة)

خلال الأيام الماضية تلقى الأستاذ عبدالرحمن يوسف، المنسق العام للحملة الشعبية لدعم البرادعى ومطالب التغيير، عبر الموقع الإلكترونى للحملة وبالتنسيق مع إدارة تحريره وعبر صفحتها على الفيس بوك أسئلة كثيرة ومتنوعة من جمهور الحملة، والطامحين لتغيير الأوضاع البائسة التى نعيشها، رأينا أن نتيحها ونتيح إجابات المنسق العام عليها فى شكل حوار صحفى ينفرد "موقع الحملة الشعبية" بنشره.

فى هذا الحوار يكشف يوسف عن مصادر تمويل الحملة الشعبية والجمعية الوطنية للتغيير، واسهامات الدكتور البرادعى فيها، ويتحدث عن انجازات الحملة مع الاعتراف بأن الجهود المبذولة لتوعية الناس مازالت دون المستوى المطلوب، مؤكداً على قوى التغيير لا تسعي ولا يهمها إرضاء القوى الخارجية عن مساعيها ولكن الأهم بالنسبة لها أن يقتنع المواطن العادى ويشارك فى دفع مسيرة التغيير.

* هناك العديد من التساؤلات المثارة حول مصادر تمويل الحملة؟ هل بإمكانك أن تزيح الستار عن هذه المصادر؟

** بمنتهى الإختصار وبمنتهى الصراحة مصادر تمويل الحملة هى جيوب الناشطين، نحن لا نتلقى دعما من رجال الأعمال لأن الجميع يخاف ولا نتلقى دعما خارجياً لأن النظام الحالى يحقق الكثير من مصالح القوى الخارجية أو ربما هو موجود لأنه يحقق مصالح هذه القوى وبالتالى نحن نعتمد على تبرعات الناشطين أنفسهم.

* هل الدكتور البرادعى أحد مصادر تمويل الحملة الشعبية المستقلة؟

** كل رموز التغيير تشارك فى تمويل الحملة الشعبية والجمعية الوطنية للتغيير والجميع يدفع من وقته وجهده وماله وفكره وقلمه من أجل دفع هذه المسيرة و الدكتور البرادعى من هؤلاء وربما يكون فى مقدمة هؤلاء.

ولمتابعة المزيد من الاسئلة

http://www.7amla.net/News-339

وعلى حد علمى آلاف الشباب مشارك فى الحملة من خلال العمل التطوعى دون مقابل

[Howayda Ismail]

من ساعة الانتخابات الاخيره

وانا فقدت الامل في الشعب ده انه يكون ليه اي فعل او حتى رد فعل مؤثر ,,

انا حزين

الناس تركت خطامها كالنياق لمن يقود ,,

ولا فارق معاها بكره مين حيمسك البلد سواء جيمي او سحس او حتى خديجه

وكسلانيين و مبرططين ,, و فيهم رخاوه وطراوه واستمراء للهوان والله حاجه تزعل لان الشعب ده معدنه غير كده ,,

على مر التاريخ وهو ينتظر المنقذ الذي يفجر فيه الحركه والغضب

اما من غير القائد الملهم فهو اشبه بالنتروجين كده خامل كده و مالي الهوا حوالينا عالفاضي

لا بيشتعل ,,

ولا يساعد على الاشتعال

اعتقد كلناالان هذا الشخص اصبح الياس اقرب منه للامل داخلنا

المعدن الان لم يعد قوى كالسابق اصبح قابل للتشكيل كالهواء سهل تجميعه فى بالون او زجاجة

حاملا طابع الشكل المحبوس فيه عكس الجسم الصلب لايتغير شكله بتغيير قالبه

والسبب بسيط اصبحنا كائن مستانس بفعل شرطى لكل مواطن bsh :lash: وكذلك اصبح قانون

الطوارئ : hang: gjy::

الخوف الخوف الخوف

[Howayda Ismail]

طبقا لآخر سطر .. أنا كدة اتقبض عليا ... يبئى آجي بنفسي أحسن

أنا رأيي إني أدعم هذه الإجراءات لو مش بشكل إيجابي يبئى على الأقل مكونش مع النظام ضدهم ...

الناس دي أكيد مش سهل عليها تنفيذ أي شكل من المعارضة في مصر ...

فعلا مش سهل ابدا تكوين اى تيار معارض

الحكومة تعمل على تفتيت اى قوى معارضة بالحصار الذى يحصد بوادر الامل فى نجاحها

ومن يجرؤ على ذلك مصيره كنعمان عاشور او ايمن نور ولو غلبان يبقى السحل او الاعتقال

وليس هم فقط بل مؤيديهم

لكن لانعرف المستقبل مع تخطى اعداد المعارضين ومؤيدى حملة التغيير الذين تخطت اعدادهم

الالاف وربما ملايين فى جميع المحافظات وفى القرى والنجوع

[Howayda Ismail]

التوعية شيء مهم جدا .. المصريين مش مقتنعين ان فيه حركة او قيادة جادة

عشان كده سلبيين و منتظرين

و الادهى بيشاركوا في الفساد سواء بالسكوت عليه او المشاركة الفاعلة فيه

رغم كل الظروف السيئة .. لسة قادرين يعيشوا و معندهمش استعداد يخاطروا من غير ما يعرفوا هما بيخاطروا عشان ايه و ايه هو البديل

معظم الشعب مالوش فى السياسة والمثقف اللى فاهم خايف يتكلم حتى قدام ولاده كله

ماشى جنب الحيط خايف الصدام مع الشرطة والحكومة

واغلبهم ملهيين فى الجرى ورا رغيف عيش او انبوبة بوتجاز او كيس سكر مدعم

زى مايكون سياسة عشان مايبقاش فى تفكيرهم غير البطون وازاى يسدوا جوعها

مع ان الدولة قادرة تغير سياستها دى وفى نفس الوقت تكسب الشعب

الناس ميهمهاش مين اللى حيحكم ولا مين اللى حيمسك بقدر مين اللى حيوفر لها عيشة

محترمة ولقمة بدون ذلة او مهانة فى طابور عيش او شباك علاج مجانى

واحد يوفر وظيفة لابنه اللى حنى ظهره عشان يعلمه وفى الاخر الاتنين على قهوة المعاشات

[masraweya]

التوعية شيء مهم جدا .. المصريين مش مقتنعين ان فيه حركة او قيادة جادة

عشان كده سلبيين و منتظرين

و الادهى بيشاركوا في الفساد سواء بالسكوت عليه او المشاركة الفاعلة فيه

رغم كل الظروف السيئة .. لسة قادرين يعيشوا و معندهمش استعداد يخاطروا من غير ما يعرفوا هما بيخاطروا عشان ايه و ايه هو البديل

كلام حضرتك متناقض يا أستاذة masraweya :huh: ..

إزاي منتظرين حركة أو قيادة جادة وفي نفس الوقت بيشاركوا في الفساد ..

هم يا منتظرين حركة يا بيشاركوا في الفساد .. لكن منتظرين وبيشاركوا .. دول يبقوا شعب محصلش في زمانه :closedeyes:

ممكن حضرتك تشرح لي فين التناقض؟

سكوت الناس على الفساد -هي مشاركة فيه- رغم عدم رضاهم عن الوضع الحالي

فيم يتناقض مع انتظارهم لقائد و هدف واضح و ليس مجرد تغيير

استعانتنا بواسطة او تخليصنا امورنا بدفع فلوس لفاسد .. أليست مشاركة في الفساد؟

و مع ذلك لو سألت هؤلاء المواطنين .. لن تجدهم راضين عن الوضع الحالي

و ايضا في انتظار

:unsure:

[masraweya]

الناس ميهمهاش مين اللى حيحكم ولا مين اللى حيمسك بقدر مين اللى حيوفر لها عيشة

محترمة ولقمة بدون ذلة او مهانة فى طابور عيش او شباك علاج مجانى

واحد يوفر وظيفة لابنه اللى حنى ظهره عشان يعلمه وفى الاخر الاتنين على قهوة المعاشات

حقيقي جدا جدا جدا

و لغاية ما جيل جديد يتربى صح نحاول نوعي اللي حوالينا عشان ما يجنوش على اولادهم كمان

[Howayda Ismail]

فى المقابل، تختتم حركة شباب 6 أبريل عام 2010 بمؤتمرها السنوى "القلة المندسة" بالتزامن مع المؤتمر السنوى الحزب الوطنى تحت شعار "من الأراضى المصرية المحتلة"، حيث سيركز على فضح مزاعم الحزب الوطنى، على حد قولهم فى القضاء على البطالة وتشغيل 5 ملايين شاب.

الحل الاول لانجازات الريس لتشغيل الشباب ونجد في الصورة احد المستفيدين من البرنامج وهو مبتسم

مثال اخر لانجازات الريس لتشغيل الشباب ونجد في الصورة اثنين من المستفيدين من البرنامج

وذلك لتدليل علي انه يمكن ان يعمل باتنين اوبشن بس نسيوا يبتسموا للكاميرا

وممكن نقول انه تم ادخال في الخمس سنوات الماضية اتنين مليون ونصف تكتوك في عدد 2 سائق يبقي العدد خمسة مليون شاب

اذن يبقي سيدي الريس نجح في تحقيق المستهدف ليس في 6 سنوات ولكن في خمس سنوات فقط

ومن هنا ادعوا الي اعادة انتخابة للمره مش عارف بس لمدي الحياة

وبرضوا الانتخابات نزيهه هانم واذا كانت نتيجة انتخابات مجلس الشعب الحزب الوطني خد 98 %

يبقي الريس مش اقل منهم ونديله 100% واللي مش عجبه يشوف البديل

فاكرين عصر الانفتاح والاستيراد ايام السادات لما دخلت الالاف الجرارات والمقطورات

وملت البلد وقالوا انها ملك جيهان السادات بعدها اصبحت وسائل النقل سبوبة لكبارات

البلد وظهرت الميكروباصات والتى مازالت ملم لمن يقوى على امتلاك ثمنها وسهولة تراخيصها

والادهى رفع مخالفتها عنها كذلك التوك التوك ماهو الاسبوبة لاحد الكبارات قام باستيرادها

من الهند والا لما مستمر استيرلدها رغم كل سلبياتها ومشاكلها ورفض اصدار تصاريح لها

ومع كل ده بيقولنا اللى مش عاجبه

[Howayda Ismail]

فرحانة جدا لان اخيرا دكتور البرادعي بدأ ياخد خطوات ايجابية نحو التغيير

الشعب فاقد الامل و مش فارق معاه لانه مش شايف حد بياخد خطوة فعلية

كل اللي اعرفهم كانوا بيقولولي ما هو مش عاوز يتحرك مستني لما يغيروا الدستور عشان يرشح نفسه

فا الراجل اهو بدأ ياخد خطوات فعلا لتهيئة الشعب للتغيير

ربنا معاهم

و لو كنت في مصر كان اكيد هايبقالي دور بينهم

لكن اللي قدرت عليه اني اوقع توكيل للدكتور البرادعي من فترة

و عملت زي الشباب اللي كانوا بيلفوا ياخدوا تواقيع من الناس و اقنعت ماما و ابن خالتي انهم كمان يوقعوا على بيان التغيير

و بالفعل سجلوا

و لسا بازن على بابا لحد دلوقتي

عشان ندخل المعتقل انا و اهلي جمعاااااااااااااااااء

بادعي ان ربنا يحرر مصر من الكابوس الرابط على قلبها و قلبنا من 30 سنة فاتوا

لا ياريمو فى ناس بتاخد خطوات فعلية بس الكتير منا اخد على الرحرحة والكسل وبقى لينا

فى الفرجة وبس

وبعدين انت بتقولى فيها طبعا اللى بيضبطوه بيوقع بتبقى وقعته سودا

ابنى كان موجود فى شارع لاجتيه وقت مرور شباب حملة البرادعى لتجميع توقيعات

وبالفعل وقع هو وزملاءه ثوانى كان الامن فى الشارع سحلوا شاب من شباب الحملة امام الناس

وعلى حسب وصفه ماكنوش عارفين وشه من قفاه من الدم اللى مغرقه وكانت النتيجة كل اللى وقع

على ورقة مات فى جلده واولهم ابنى ومزقوا التوقيعات وناس تانية حرقتها فى وسط الشارع

ولما قلته انت نتن وجبان اتهمنى انى مستغنية عنه او عاوزة اخلص منه وقال لى باللفظ يكش تولع

البلد اذا كان الولا كان حيطة وضخم اتهرس فى ايدهم والناس كلها واقفة تتفرج فى حين

الولد بيصرخ مستنجدا بيهم بتتفرجوا على ايه بكرة يتعمل فيكم كده قالى يكش تولع البلد

الناس متستهلش حد يضيع نفسه عشانهم

[Howayda Ismail]

عشان ندخل المعتقل انا و اهلي جمعاااااااااااااااااء

جمعااااااااااااااااااااااااااااااء

ربنا يكرمك يا ريمو

ممكن بس اعلق على حكاية القائد

ليه لما بييجي مدير نزيه و شايف شغله و يظبط المكان اللي هو فيه

اول ما يمشي .. كانك يا بو زيد ما غزيت؟

يمكن لانه ما حطش في اعتباره انه يكون صف تاني يحافظ على المكتسبات دي و يستمر في التطوير

لاننا بنفكر بطريقة فردية و ليست مؤسسية

عارفة ان تغيير ده صعب.. بس هو اكبر ضمان ان الاصلاح ما يكونش وقتي او مرتبط بفرد

و يمكن ده اللي مخلي ناس كثير مش فاهمة البرادعي

خطوة في الاتجاه الصحيح

لان يا ام زيد المدير النزيه فى مؤسسة فاسدة واغلبهم حرامية ومرتشين بيبقى عامل

زى الضيف التقيل اللى عاوزة تخلصى منه فى اقرب فرصة ويتكسر وراه الف قلة

لكن لو على هواهم وماشى على المسيرة تلاقى تمجيد وقصائد مدح ومظاهرات لتجديد فترته

لازم الناس تفهم ان التغيير فى مصلحتها بغض النظر عن مكاسب من يدعو لهذا التغيير

المهم الخطوة نفسها واظن البرادعى قال كده هو مش عاوز يحكم بقدر ماهو عاوز يغير