جمهورية مصر العربية

[طبيبة بالخارج]

هذه فكرة اقتبستها من احد المجموعات على الفيس بوك

ان نتخيل ان مصر اصبحت بلا حكومة و طلب من اعضاء محاورات المصريين تشكيل حكومة جديدة

ان نعيش الحلم كانه حقيقة و نرى كيف سنتصرف كشعب جاءت له هذه الفرصة

- كيف سنختار نظام الدولة

- كيف سنختار المسئولين

- كيف سنتعامل مع مشاكل الدولة

انها مجرد فكرة تخيلية. لكنها في تصوري افضل طريقة لنخرج بأفكار عملية و حلول لمشاكلنا الحالية

و من يعرف فقد تتحقق احدى التخيلات

ما رأيكم في الفكرة؟ و ما هي اقتراحاتكم؟

انا مثلي مثلكم في هذه الفكرة. يعني ليس لي اي أولوية فيها (أنا حبدأ زي زيكم مواطنة صالحة

[طبيبة بالخارج]

طيب نجاوب على اول سؤال: إزاي حنختار رئيس الدولة؟

يا جماعة انا بفتح باب الترشيح بشرط اللي حيرشح نفسه لازم يطلعنا على برنامجه الانتخابي

الانتخابات حتكون نظيفة تماما و ليس لها اي شروط

باب الترشيح سيقفل مع تقدم 5 مرشحين او الجمعة القادمة (أيهما أقرب) إذا لم يرشح أحد خلاص حكون فهمت ان الفكرة دي ليس لها صدى لديكم و لو اني سأشعر بالإحباط (يعني حنكون سلبيين حتى في الخيال؟!)

ملحوظة: كل مرشح سيكون عليه اختيار افراد حكومته من أعضاء المحاورات و القوانين ستكون مفتوحة

و المرحلة التالية ستكون اختيار مجلس الشعب و ده طبعا حيكون بانتخابات حرة و من الممكن اعلان قيام أحزاب كمان

[مغتربة]

هى يمكن بس الفكره مش واضحه شويه

يعنى الموضوع فكرته ان احنا نختار اعضاء للحكومه و مجلس الشعب و رئيس لمصر بشكل عام

و لا ان احنا نطبق التقسيم دا بس نختار من بين اعضاء المحاورات

[عبير يونس]

و لو ان رئاسة الجمهورية مسئولية كبيرة اوي اوي اوي

لكن حاتخيل معاكي

اني رئيسة جمهورية مصر العربية

اكيد حأكافح المثلث الشهير

الجهل

الفقر

المرض

التعليم و البحث العلمي

و البعثات

و قروض ميسرة

و منح للدراسات العليا

فرص عمل

و معونات للمعوزين

و معاشات لكبار السن

و للارامل و المطلقات

رعاية صحية

مجانية

و خصوصا للاطفال

و كبار السن

و طبعا عشان اقدر اقوم بكل ده حأفرض ضرائب

مع مراعاة انها تتدرج تبعا للدخل السنوي للفرد

و العملية لازم تكون بالترتيب

تخطيط

تنفيذ

رقابة

تقييم و محاسبة للكبير قبل الصغير

لازم كل واحد من أصغر موظف لأكبر موظف يبقى متأكد انه ستتم محاسبته من النظام

في الدنيا قبل الآخرة

حأخلي في كل محافظة دوائر حكومية و فروع للوزارات تغني ابناء المحافظة عن المجيء للقاهرة لأنهاء معاملاته

طبعا مع تفعيل الحكومة الالكترونية

حأهتم بالمدن و القرى و تطويرها

و افعل ادوار المحافظين انهم يشتغلوا بجد من غير توجيهاتي :closedeyes:

و افعل دور المجالس المحلية

الأمل موجود دايما

يارب بأدعي من قلبي

و آذان المغرب سامعاه في مكة المكرمة و انا اكتب

أن يرزقنا الله تعالى بمن يتقيه فينا

تحياتي ع الموضوع الرائع يا غاليتي

[طبيبة بالخارج]

هى يمكن بس الفكره مش واضحه شويه

يعنى الموضوع فكرته ان احنا نختار اعضاء للحكومه و مجلس الشعب و رئيس لمصر بشكل عام

و لا ان احنا نطبق التقسيم دا بس نختار من بين اعضاء المحاورات

احنا حنتخيل كل ده من داخل أعضاء المحاورات

عايزين نتعلم إزاي نعيش حلم الديمقراطية الحقيقية

يعني ممكن نعتبرها تدريب على احتمالية حدوث الحلم؟

[masraweya]

شوفي يا متغربة انا هنتخبك بالبرنامج الجميل ده .. بشرط .. تهتمي بتنمية الصف التاني و التالت في الادارة

التحول لدولة مؤسسات فعليا

نغربل القوانين و نتأكد من مطابقتها لشرع الله

سيادة القانون حتى على سيادتك و العائلة الكريمة

سياسة خارجية تستعيد دور مصر في دوائرها المختلفة

اشراك الشباب في التنمية و تشجيع العمل التطوعي

الاهتمام بذوي الاحتياجات الخاصة

اصلاح الاعلام و استخدامه للاصلاح و التنمية

حرية الفكر و الكلمة

و لو افتكرت حاجة تانية هارجعلكم

فكرة جميلة يا دكتورة و ايجابية تحسب لك يا مصرية

[طبيبة بالخارج]

و لو ان رئاسة الجمهورية مسئولية كبيرة اوي اوي اوي

لكن حاتخيل معاكي

اني رئيسة جمهورية مصر العربية

اكيد حأكافح المثلث الشهير

الجهل

الفقر

المرض

التعليم و البحث العلمي

و البعثات

و قروض ميسرة

و منح للدراسات العليا

فرص عمل

و معونات للمعوزين

و معاشات لكبار السن

و للارامل و المطلقات

رعاية صحية

مجانية

و خصوصا للاطفال

و كبار السن

و طبعا عشان اقدر اقوم بكل ده حأفرض ضرائب

مع مراعاة انها تتدرج تبعا للدخل السنوي للفرد

و العملية لازم تكون بالترتيب

تخطيط

تنفيذ

رقابة

تقييم و محاسبة للكبير قبل الصغير

لازم كل واحد من أصغر موظف لأكبر موظف يبقى متأكد انه ستتم محاسبته من النظام

في الدنيا قبل الآخرة

حأخلي في كل محافظة دوائر حكومية و فروع للوزارات تغني ابناء المحافظة عن المجيء للقاهرة لأنهاء معاملاته

طبعا مع تفعيل الحكومة الالكترونية

حأهتم بالمدن و القرى و تطويرها

و افعل ادوار المحافظين انهم يشتغلوا بجد من غير توجيهاتي :closedeyes:

و افعل دور المجالس المحلية

الأمل موجود دايما

يارب بأدعي من قلبي

و آذان المغرب سامعاه في مكة المكرمة و انا اكتب

أن يرزقنا الله تعالى بمن يتقيه فينا

تحياتي ع الموضوع الرائع يا غاليتي

أول الغيث قطرة

السيدة/مصرية متغربة أولى مرشحي الرئاسة

باقي 4 أماكن

تم تعديل 24 ديسمبر 2010 بواسطة طبيبة بالخارج

[طبيبة بالخارج]

كيف تكون قائدا : منقول

بينما يقول المدير: اذهب، يقول القائد: هيا بنا.

* عندما يكون الشخص هادئا تصبح الأمور بسيطة للغاية.

* خوفي من جيش من مئة خروف يقودهم أسد أكثر من خوفي من جيش من مئة أسد يقودهم خروف.

* أول طريقة لتقييم ذكاء الحاكم هي أن تنظر إلى الرجال المحيطين به.

* إحدى مهام القائد الرئيسية هي أن يبقي جذوة الأمل حية..

* ألست أدمر أعدائي حين أجعلهم أصدقائي.

* إذا كانت المطرقة هي الأداة الوحيدة معك، فستعامل كل الأشياء وكأنها مسامير.

* عندما يكون القائد في أزمة فإنه يتصرف بحدسه ثم يبحث لاحقا عن تفسيرات لتصرفاته.

* عندما يصبح البحر ساكنا يصبح الجميع بحارة.

* هناك دائما طريقة أخرى أفضل، ابحث عنها.

* لا توجه الناس إلى كيفية أداء أعمالهم، أخبرهم بالمطلوب وسيفاجئونك بابتكاراتهم.

* بالسلاح يمكنك الجلوس على كرسي الحكم، لكن لا يمكنك البقاء طويلا.

* هناك شيئ يهزني عندما أتذكر أيام شبابي، وهو أن الكثيرين قد أعانوني أو كانوا مؤثرين في حياتي دون أن أنتبه لهم.

* الشخص الذي لا يسأل أبدا: إما أنه يعرف كل شيئ، أو لا يعرف أي شيئ.

* لا تجلس وتنتظر الفرصة، قم واصنعها.

* قل لي من تصاحب أقل لك من أنت.

* النسور لا تطير أسرابا بل عليك البحث عنها الواحد تلو الآخر.

* هناك ثلاث صفات ضرورية للقيادة: الوضوح، الشجاعة، والتواضع.

* لكل مسؤول يتولى منصبا حالة من اثنتين: إما يكبر أو ينتفخ..

* أنا رجل ذو مبادئ ثابتة وصارمة وأول هذه المبادئ أن أكون مرنا على الدوام.

* الوقوف على الحياد من الصراع بين القوي والضعيف لا يعني الحياد ولكن يعني الوقوف مع القوي.

* ثمن العظمة هو تحمل المسؤولية.

* إذا لم تستطع قيادة نفسك فلا تحاول قيادة الآخرين.

* تظهر لنا القراءة الممتعة للتاريخ أنه لم يستطع رجل أن ينجح عسكريا دون أن يقنع جنوده بأنه قد وضعهم في المقام الأول و قبل كل شيئ.

يبدأ الشخص رحلة النجاح في اللحظة التي يقرر فيها ذلك.

تذكر أن العبرة ليست بأن تقرأ ما يفيد

لكنما هي بأن تستفيد مما تقرأ

تم تعديل 25 ديسمبر 2010 بواسطة طبيبة بالخارج

[akramgroup]

طيب ماتيجى نوسع التجربة شويه

ونعمل تأليف حكومة جديده من اعضاء المحاورات

يعنى كل واحد شايف انه ممكن يرشح نفسه عشان يكون وزير وزارة معينه

ويقولنا هو اول مايمسك الوزارة ايه هيا القرارات اللى هاياخدها على طول

وايه هيا القرارات اللى هايطبقها بالتدريج

يعنى قرارات فوريه

و خطط مستقبليه على المدى القصير

ايه رأيكم؟؟

[طبيبة بالخارج]

طيب ماتيجى نوسع التجربة شويه

ونعمل تأليف حكومة جديده من اعضاء المحاورات

يعنى كل واحد شايف انه ممكن يرشح نفسه عشان يكون وزير وزارة معينه

ويقولنا هو اول مايمسك الوزارة ايه هيا القرارات اللى هاياخدها على طول

وايه هيا القرارات اللى هايطبقها بالتدريج

يعنى قرارات فوريه

و خطط مستقبليه على المدى القصير

ايه رأيكم؟؟

حضرتك بتقرأ افكاري و لا إيه؟

الخطوة دي كانت مؤجلة لبعد انتخابات الرئاسة على أساس أن من ينتخب كرئيس يختار من الوزراء المرشحين حسب أفكارهم و خططهم

بس اقترح عشان لا يحدث لبس الآن نركز على موضوع الرئاسة و بعدين نشوف ترشيح الوزراء

ما رأيكم

و عندي اقتراح كمان لما بعد تشكيل الحكومة الجديدة و هو تطبيق عملي لها بان تعطى المشاكل الحقيقية اليومية التي نراها تحدث في ارض الواقع و اولا بأول و نرى ما هي القرارات التي تأخذها تجاهها

[Om Zayd]

السلام عليكم

فكرة حلوة

اما مش هرشح نفسي رئيسة جمهورية عشان عارفة اني مش هسد في المنصب ده

لكن

هرشح نفسي لوزارة التعليم

أول حاجة.. التعليم الحقيقي لا بد أن ينشأ عنه تغير في السلوكو اكتساب معرفي

ثانيا ..التعليم ما قبل الجامعي و الفني و الجامعي و البحث العلمي لازم يبقى بينهم تنسيق تام

تنسيق بجد

ثالثا .. لا تهاون مع الغش او التقصير

بداية .. لازم دراسة مفصلة و شاملة للوضع الحالي

تقييم للأدوات المتاحة و استغلالها الأمثل

إتاحة الفرصة للأفكار غير التقليدية و دراستها

التعليم قبل الجامعي مجاني

تغيير طريقة الامتحان و عدم تثبيتها بحيث تقيس قدرا ت الطالب و مدى فهمه و ليس نموذجا آخر درب عليه من قبل مرارا و تكرارا

ما سبق سيقلل الاقبال على الدروس الخصوصية .. يتزامن هذا مع تجريمها و العقوبة حبس و غرامة رهيييييييييييبرة

توفير مجموعات تقوية "ليس للتدريب على الامتحان .. بل لممارسة أنشطة تساعد على زيادة استيعاب المادة الدراسية و ربطها بالواقع

تشجيع الأهالي على الاسهام في ميزانية المدارس و إدارتها

الرقابة المستمرة على مستوى الأداس

التدريب الحقيقي المستمر للمدرسين و الإدارة

المتابعة المستمرة لنتائج ما يتم تطبيقه و النتائج تستخدم في التعديل

التعليم المهني يتم التنسيق فيه مع القطاع الصناعي "للتركيز على احتياجاته و خطته المستقبلية " لتوفير فرص تدريب بأجر و فرص عمل

تسويق هذا النوع من التعليم الذي نحتاجه للنهوض بالصناعة و الزراعة "العامل و الفلاح مش بس بالخبرة .. درااااسة كمان

الاهتمام بالمدرسين و المناهج و الجزء العملي في هذه الدراسة

الامتحان بجد .. مش منظر

التعليم الجامعي

أعداد المقبولين تتناسب مع واقع الكليات

الاهتمام بالممارسة العملية

التركيز ليس على التطبيقات فقط .. بل العلوم الأساسية غاية في الأهمية

الجامعة تحتاج الحرية و الاستقلال

اتحادات طلبة حقيقية

إعادة تقييم الكتاب الجامعي

التشجيع على البحث و التفكير غير التقليدي

خطة واضحة للمجالات المطلوبة

مجاني للمتفوقين فقط

الراغب من غير المتفوقين .. يمكنه الحصول على قرض حسن و يسدده عندما يعمل

لا ننتظر المتفوق ليتقدم لنا .. يتم اكتشافهم من التعليم قبل الجامعي

البحث العلمي

أمن قومي

تحديد المشكلات المطلوب حلها

توفير الامكانيات المطلوبة

تنويع مصادر التمويل

تفعيل اتفاقيات الشراكة مع الجامعات وة الدول المختلفة

و نكمل بعدين بغذن الله

---------

ملاحظة .. المشاركة السابقة كتبتها الصبح بس ما بعتهاش غير دلوقت

[طبيبة بالخارج]

شوفي يا متغربة انا هنتخبك بالبرنامج الجميل ده .. بشرط .. تهتمي بتنمية الصف التاني و التالت في الادارة

التحول لدولة مؤسسات فعليا

نغربل القوانين و نتأكد من مطابقتها لشرع الله

سيادة القانون حتى على سيادتك و العائلة الكريمة

سياسة خارجية تستعيد دور مصر في دوائرها المختلفة

اشراك الشباب في التنمية و تشجيع العمل التطوعي

الاهتمام بذوي الاحتياجات الخاصة

اصلاح الاعلام و استخدامه للاصلاح و التنمية

حرية الفكر و الكلمة

و لو افتكرت حاجة تانية هارجعلكم

فكرة جميلة يا دكتورة و ايجابية تحسب لك يا مصرية

شكرا ليكي لكن انتي لم تشاركي و لا مستنية الوزارة؟؟

[om marawan]

gsm:: شكرا على الموضوع يا طبيبة ومشاركة ايجابية رائعة من العضوات وتقريبا الاستاذ اكرم بس من الاعضاء

مش عارفة هى ملحوظة شيقة جدا ان الحكومة تكون أغلبية لنون النسوة -_-

هو انا مش هارشح نفسي

هاتكلم بس بشكل عام عن تعديل لوضعنا الحالي ومش باقول لوضع الحكومة لوحدها

لأنه كل شخص يجب ان يقوم بدوره فى أى مكان

وزى ما مصرية متغربة قالت لازم كل واحد يعرف انه هيتحاسب لو قصر بأى شكل

لازم تتغير مفاهيم وتتزرع قيم ومبادىء

وكل ده مش هيحصل فى يوم وليلة ولا حتى بتغيير حكومة كاملة حتى لو كانت الحكومة الجديدة جاية من اليابان

يجب التركيز على دور التعليمى ماقالت ام زيد والعودة الى العمل بدورها كوزارة تــــــــــــــربية ثم تعليم

بجب تفعيل دور جهات رقابية عديدة

جزء كبير منها بالفعل موجود لكن للأسف الفساد اكتر ومتغلغل لاصغر موظفين

هل الحل اننا نرمي كل عيوبنا على دور الحكومة

ونعتبر كل مشاكلنا هى رد فعل لتصرفاتها او " لفسادها "

هل الحل اننا نعتقد ان الفساد هيقضى عليه بالكامل

هل فعلا الحل لمشاكلنا كلها هيكون بتفعيل الديمقراطية

وأى نوع من الديمقراطية ؟

هل هى تفعيل دور مجلس الشعب ونزاهة الاتخابات !!!؟؟؟

هل هى 50 % عمال وفلاحين ومندوبين باسم كل دائرة

وايه هو دوره ؟

هل هو " حل مشاكل المواطنين " ؟

هل هو " محاسبة المسئولين ؟

أعتقد انه انطلاقا من النقطة دي نقدر نعمل حاجتين ممكن يكونوا بداية للتغيير

اولا

الغــــــــــــــــــاء مجلس الشعب !!!

وبكده نكون وفرنا جزء كبير من الطاقة المهدرة على الانتخابات والحرب الدائرة بين الأحزاب على "مقاعد المجلس "

ودى حرب صعب تنتهي طول ماحنا بشر ومش ملايكة

يعنى فينا من سيظل دائما طامح للسلطة والنفوذ

وبكده برضه هنكون وفرنا اموال ووقت و اتهامات ملقاة على الاحزاب المختلفة اللى مابتقومش بدورها لعل الحزب الوطنى " الحاكم" اللى بيقوم بدوره اوى فى كونه يظل حاكم

وانا مش باقول الغاء لمجلس الشعب الحالي

لأ الغاء الفكرة بالكامل مهما كان المجلس رائع وماحصلش

واعتقد كتير مننا شفنا حتى فى اليابان والصين ودول كتير نواب موقرين بيضربوا بعض بالبونيات وبسيف يد كمان

طب ايه الحاجة التانية اللى هتعوض المجلس اللى مش هنفتقده ده

ثانيا

تفعيل دور مجلس الشورى

أيون فاكرنيه بتاع الناس الكبار ده

هو بالظبط

يكون مجلس من مستشارين وعلماء فى كل المجالات

يعني ناس مشهود لها دوليا ومحليا بالتفوق والتميز فى كل المجالات ومن كل الاعمار

المجلس ده يقسم الى هيئات تصصية عشان الامور تكون واضحة

ماهو صعب يكون الحكم حتى لو كان على مستوى الوزارة مثلا فى ايد افراد

ومن المعروف نظريا ان فيه مستشارين لكل وزارة بس هم معلش تاهين شوية حاليا ودورهم مش واضح

المجلس هيكون دوره الاشراف على تنفيذ قرارته وقرارت مستتشارين الوزارات

ماهو لازم يكون فيه جهة رقابية جديدة الى جانب النائب العام والجهاز المركزي للمحاسبات

واللى هتصب فى عدة نقاط رائعة ذكرتهم مصرية متغربة ومصراوية وأم زيد

هاضيف بس لنقطة الضرايب ترشيد الاستهلاك الحكومي -بس ترشيد حقيقي - مش بدل ست عربيات مرسديدس يبقوا خمسة بس لكل وزير

على فكرة بشكل عام فيه وزارات قايمة بدور معقول ووزارات مهمشة

وبشكل عام عمرنا ماهنوصل لوضع يرضى جميع الأطراف لكن الهدف هو الوصول لتغيير حقيقي لدور المجتمع قبل دور الحكومة

[Om Zayd]

الجميلة أم مروان

كلام جميل و توقيع أجمل

[om marawan]

الجميلة أم مروان

كلام جميل و توقيع أجمل

العزيزة ام زيد

سعيدة بتعليق حضرتك تسلمي يارب

التوقيع من أغنية لفرقة المصريين (كانت مكونة من علاء عبد الخالق وحنان ومنى عبد الغنى ) اسمها الحدود لو حضرتك تعرفيها

http://www.youtube.com/watch?v=QUsUQljgsGc

[om marawan]

معلش انا حاولت احط الفيديو بتاعها مش بيتضاف بس ممكن حضرتك تشوفيها من الرابط ده

يارب تعجبك

http://www.youtube.com/watch?v=QUsUQljgsGc

[masraweya]

و لو افتكرت حاجة تانية هارجعلكم

فكرة جميلة يا دكتورة و ايجابية تحسب لك يا مصرية

شكرا ليكي لكن انتي لم تشاركي و لا مستنية الوزارة؟؟

لا ما تضغطوش عليا

لازم يعني وزارة

:closedeyes:

الداخلية او الثقافة و الاعلام

[لونا]

أنا ما ليش في المناصب نهائيًا :)

و لكن اللي حيمسك فيكم أي منصب يهتم بحاجة مهمة أوي

تفعيل القوانين

عندنا قوانين ممتازة و كتيرة جدًا

و مشكلتنا الكبرى في مصر هي عدم تفعيلها

تنفيذ القانون على الجميع .. يعني يكون الكل سواسية أمام القانون ..

رئيس الجمهورية مثل البواب .. الوزير مثل الغفير

عندما يجد المواطن المصري القانون مفعل على الجميع

لن يكسر إشارة مرور

لن يقول لعسكري المرور عندما يعطيه مخالفة : ( إنت مش عارف إنت بتكلم مين)

لن يجتاز الآخرين في الطابور

لن يقبل بأخذ رشوة .. و لن يعطيها أيضًا

لن يحاول أن يسرق أو يأخذ عمولة غير مستحقة في مناقصات الجهة التي يعمل بها

لن يهمل في عمله بل سيؤديه على أكمل وجه

حتى و لو كان الراتب غير مجزي ..

مجرد علمه بأنه سيتم مجازاته وفقًا لقوانين مكان عمله إذا أهمل في عمله ..

و علمه أن الجميع يحاسبون .. وأن الواسطة لا تمنع محاسبة البعض على أخطائهم .. بالقانون

و أن من حقه أن يشكو إذا كان هناك شبهة لمجاملة أحد على حساب الآخرين

و أنه إذا اشتكى سيأخذ حقه بالقانون

و لن يستطيع أحد أن يؤذيه

إذ علم كل هذا .. فما الذي يمنعه أن يعمل بإتقان؟؟؟؟

مشكلتنا هي مشكلة قانون لا ينفذ .. إلا كما يشتهي صاحب كل سلطة ( بالضمة على السين و ليست بالفتحة ) :happy:

[akramgroup]

هو فى ايه بالظبط يعنى الحكومه كلها نون النسوة وانا اللى داخل كده كانى داخل مكان غلط

عموما بردوا انا هارشح نفسى بس مش رئيس جمهوريه لكن هارشح نفسى لوزارة بس لسه مقررتش هيا انهى واحده

عموما انا بعون الله وتحت القياده الحكيمة من سياده الرئيس هتلاقونى اسد فى اى وزارة

بس انا نفسى فى وزارة الداخلية ... بس لما اتعين الاول وانا اقولكم على البرنامج

صباح الاحلام وردية

[Diab]

انا هأمسك وزارة التعاون الدولي أو التنمية المحلية

لا دوشة ولا وجع دماغ

ولو حد طلب ريبورت

أدخل ع النت اطبع له دراسة من بلد بعييييييييييييييدة المكسيك المجر اورجواي عشان محدش يعرف ان الفكرة مسروقة وخلاص

ومرتب اخر الشهر

الوزير راح الوزير جه