تفتكروا ده حقيقي ؟؟!!

[om marawan]

دى قطارات فى الصين فعلا ولا مشهد من كاميرا خفية صينية :unsure:

http://www.youtube.com/watch?v=S67ymqKzzXE&feature=fvwhttp://

والله انا حاطاها فى دعوة للابتسام لانى للان مش متخيلة انه حقيقي

تم تعديل 24 ديسمبر 2010 بواسطة om marawan

[طبيبة بالخارج]

بس الصراحة متمكنين

الناس بعد القطار ما عدى خرجت كده زي السحر

حتى في الزنقة منظمين

[om marawan]

الفيديو التانى ده مش ممكن

[doha]

اتوقع انه حقيقي ايه المشكلة .. اصل في الدول القديمه زي الهند والصين وحتى بعض مدن مصر وغيرها كلها قائمه على عدم التخطيط ومع التوسع العمراني توقعي انك تلاقي كل شيء فزي مافي عندنا شوارع عرضها اربعه متر وارد جدا يكون في دول القطار فيها بيمر في وسط السوق . .عادي جدا

وبمناسبة الحديث عن قطوراتك ياصين اتفضلي المقطع ده الي كل ماشوفه ـ ربنا يسامحني ـ بقعد اضحك لما ادمع من الضحك ..

http://www.youtube.com/watch?v=vaWcoQAoafU

[عبير يونس]

ههههههههههههههههههههههه

مش ممكن يا ام مروان

فعلا كوميديا سوداء

بس تعرفي الموضوع يثير شجون و تأملات في أوضاع البشر

و مدى رضاءهم بواقعهم

او تذمرهم و شكواهم

بس مش عارفة اعتبر دفع الناس للداخل ده مساعدة ؟؟؟

و الا حفاظ على النظام ؟؟؟

لا أرى أمامي إلا صورة طبق الأصل من مجتمع النمل

انا سعيدة أكتر اني باشوف موضوع لحضرتك النهاردة

متغيبيش علينا تاني

انا باتفاءل لما اشوف اسم حضرتك

[om marawan]

بس الصراحة متمكنين

الناس بعد القطار ما عدى خرجت كده زي السحر

حتى في الزنقة منظمين

تعليقك ده بجد ضحكني جداااا

فعلا الناس منظمة بشكل غريب

الفيديو التانى اللى ضافته ضحى كمان واللى انا ماعرفتش اضيفه بيفكرني ببرنامج غارئب وعجائب

شكرا لمرورك الجميل ياطبيبة

[om marawan]

اتوقع انه حقيقي ايه المشكلة .. اصل في الدول القديمه زي الهند والصين وحتى بعض مدن مصر وغيرها كلها قائمه على عدم التخطيط ومع التوسع العمراني توقعي انك تلاقي كل شيء فزي مافي عندنا شوارع عرضها اربعه متر وارد جدا يكون في دول القطار فيها بيمر في وسط السوق . .عادي جدا

وبمناسبة الحديث عن قطوراتك ياصين اتفضلي المقطع ده الي كل ماشوفه ـ ربنا يسامحني ـ بقعد اضحك لما ادمع من الضحك ..

ولله ياضحى انا كمان باقعد اضحك جدااا وبعدين ارجع اقول والله الحمد لله على النعم الكتير اللى انا مش حاسة بيها

تفتكرى حتى بمعرفتنا لزحمة الصين كان حد يتخيل المشهد ده :happy:

نورتى الموضوع باضافتك الرائعة والفيديو تحفة بجد

[om marawan]

ههههههههههههههههههههههه

مش ممكن يا ام مروان

فعلا كوميديا سوداء

بس تعرفي الموضوع يثير شجون و تأملات في أوضاع البشر

و مدى رضاءهم بواقعهم

او تذمرهم و شكواهم

بس مش عارفة اعتبر دفع الناس للداخل ده مساعدة ؟؟؟

و الا حفاظ على النظام ؟؟؟

لا أرى أمامي إلا صورة طبق الأصل من مجتمع النمل

انا سعيدة أكتر اني باشوف موضوع لحضرتك النهاردة

متغيبيش علينا تاني

انا باتفاءل لما اشوف اسم حضرتك

اكتر حاجة استغربتها تقبل الناس العادي جداااا للوضع

بجد صدمونى :blink: :blink: :blink:

وفكرت لو المشهد ده فى مصر أكيد كانت ردود الافعال مختلفة تمامااااااا

الناس متعايشين تماما مع التطور الغريب اللى حصل فى المشهد

من اول ماهم بداوا يزقوا بعض لحد ما الكمسارية بدأوا يحشروا حتى الدراع اللى طالع

أنا سعيدة اكتر بمرورك اللى شرف موضوعى

هو صحيح كوميديا سواداء لكن بجد ماقدرتش بطل ضحك زى ضحى

[رضوي]

:hysterical:

بصراحة

أنا اللي عاجبني اوي تعاون أمن المحطة مع السادة الركاب .............. بيزقوهم بطريقة ........ كأنهم بيملوا شوال قطن

stnd::

لو ماكانش ابطال الفيديو دة صينيين كنت قلت انه فيلم من اخراج خالد يوسف angl::

بس الحمد لله انه مش في مصر

[اغابي]

ام مروان فرحانة انا جدا بموضوعك الجميل داه ياريت ما تغيبيش عننا

اولا : بالنسبه للفيديو الاول

اتوقع اى حاجة من الصين - لانها بلد كبيرة وتعداد السكان فيها كتير جدا

ثاتيا : بالنسبه الفيديو التانى

مش متخيلاه فعلا - مع انى فاكرة ان الزحمة الشديدة فى مصر - لكن بصراحة الفيديو بيقول ان مصر لسة بخير

لكن سواء الفيديو الاول او التاني الواضح انهم شعب منظم جدا جدا جدا جدا جدا

فى الفيديو الاول : و بكل نظام الناس رجعت حاجتها والبياعين رجعوا اماكنهم بعد ما القطر مشي وداه دليل انهم حافظين مواعيده

فى الفيديو التانى

فى موجودين حراس امن او ما يشابه حراسة فى محطة القطر بيتاكدو ان الباب قفل

مع ان ممكن الباب يسيبوه مفتوح زى المنظر اللى فى اتوبيسات مصر النقل العام لما الباب بيبقى مفتوح والناس واقعة منه

لكن فى الفيديوهات الاتنين وبرغم الزحمة لكن برضوه لمحة النظام موجودة

داه تحليلي الشخصي ووجهة نظرى

ولو علقنا بجد على الفيديو كان المفروض نقول برغم الزحام الشديد الا ان النظام سيد الكل وسيد المكان

تحياتى

[om marawan]

:hysterical:

بصراحة

أنا اللي عاجبني اوي تعاون أمن المحطة مع السادة الركاب .............. بيزقوهم بطريقة ........ كأنهم بيملوا شوال قطن

stnd::

لو ماكانش ابطال الفيديو دة صينيين كنت قلت انه فيلم من اخراج خالد يوسف angl::

بس الحمد لله انه مش في مصر

شوفى يارودي انتى بس كفاية تنورى الموضوع بورودك اللى مجننانى دى بجد حاجة تملا القلب فرحة وامل وروح حلوة فاتحة الايدين بوسع مالوش اخر

بصى انا ماصدمنيش حاجة قد عمال المحطة

يعنى لحد ما الناس بتزق بعضها والموقف كان غريب

لكن اول مابدأوا الاخوة فى " التعاون " وقعت فى الارض م الضحك

عاوزة اقولهم مش كده ياجدعان

ربنا يخليها ضحى والله غلبت ارفع الفيديو وماعرفتش فتسلم ايدها حطتهولنا

تم تعديل 24 ديسمبر 2010 بواسطة om marawan

[om marawan]

ام مروان فرحانة انا جدا بموضوعك الجميل داه ياريت ما تغيبيش عننا

اولا : بالنسبه للفيديو الاول

اتوقع اى حاجة من الصين - لانها بلد كبيرة وتعداد السكان فيها كتير جدا

ثاتيا : بالنسبه الفيديو التانى

مش متخيلاه فعلا - مع انى فاكرة ان الزحمة الشديدة فى مصر - لكن بصراحة الفيديو بيقول ان مصر لسة بخير

لكن سواء الفيديو الاول او التاني الواضح انهم شعب منظم جدا جدا جدا جدا جدا

لكن فى الفيديوهات الاتنين وبرغم الزحمة لكن برضوه لمحة النظام موجودة

داه تحليلي الشخصي ووجهة نظرى

ولو علقنا بجد على الفيديو كان المفروض نقول برغم الزحام الشديد الا ان النظام سيد الكل وسيد المكان

تحياتى

شكرا يا دينامو المحاورات على ترحيبك الجميل واسفة على الغيبة دى :blush2:

انا قلت بقا أول رجوعي احط حاجة خفيفة كده :happy:

انا معاكى يا اغابي انهم منظمين جداا لانه الموقف بجد على قد ماهو ظاهر كوميدي لكنه فى منتهى الخطورة

يعنى تخيلي سوق !! سووووووق والقطر معدي يعنى لو عيل صغير مد ايده بس لاقدر الله

بجد حاجة مرعبة

الغريبة انهم فعلا متعايشين مع الوضع ويمكن حتى شكلهم مش معترض

نورتى الموضوع بمداخلتك الجميلة

تم تعديل 24 ديسمبر 2010 بواسطة om marawan

[لماضة مصرية جدا]

السلام عليكم و رحمة الله و بركاته

الغالية ام مروان

هو انا اصلا مقدرشي اهوب اي توبيك بيتكلم عن القطارات...عشان عقدة متاصلة من ايام الجامعة...معرفشي ايه اللي طلعها في دماغي...اني انط في القطر و انا ع الرصيف و هو بيتحرك...ومش عايزة اقولك....انا اتسحلت ع الرصيف ازاي...و اواي جموع المواطنين الشرفاء شالوني ع الاعناق بعديها....ايييييييييييه...الله يرحمك يا داكتور خشبة ياللي عالجتني

انا اصلا جاية التوبيك دوت عشان اقولك

وحشتيني جدا جدا...جدا

ووحشني الواد مروان....(ابني باذن الله)...و الفريق

و متغبيش تاني

و اقبلي مني ده

مسااااكي فرحة اللقا....بعد الغياب

[مصطفى يونس]

الفيديو التانى ده مش ممكن

بس كوي انهم بيدخلوهم جوا القطر احسن من عندنا برده

فى محطه رمسيس والقطر طالع بيبقا 50 راجل على الباب وتكلمه يقولك دانا نازل قريب نازل بنها

[doha]

الفيديو التانى ده مش ممكن

معليش ياام مروان واضح ان حضرتك كتبتي المشاركه دي في نفس الوقت الي كتبت فيه مشاركتي فمخدتش بالي ان في اضافة والي فهمته من كلامك بعدين اني حطيت نفس الفيديو بتاعك فبعتذر للخطأ غير المقصود ده ..

بس سيبك انتي اكتر حاجه بتخليني انقتل من الضحك ( امبارح قعدت اضحك لما بطني وجعتني بجد ) ربنا يسامحني بقى .. المنظر قاتل بس كله كوم .. والجوانتيات الي في ايدهم كوم .. ايه الالاطه دي .. شكلهم بالزي الرسمي والجدية المرسومه على وجوههم يحسسك ان الناس دي هتعمل حاجه خطيرة اوي لاه وواخدين وظيفتهم على محمل الجد جدا ..

بس بعيدا عن الكوميديا .. تخيلوا بقى لو المنظر ده لا قدرا لله عندنا في مصر ..

اظن هتلاقي رجاله بقمصان وبنطلونات مشجرة ومهلهله وصوتهم عالي .. ماتزق معايا ياجدع .. انت مش بتزق زي البني آدمين ليه .. ياسماعييين .. يمين شويه .. ايوه .. خد معاك الاستاذ ده .. ايوه بالصلاتو على النبي .. همه يارجاله .. وهتلاقيهم بيزقوا كلهم في باب واحد وسايبين الثاني محدش بيجي ناحيته مع انه مليان برضه .. وهتلاقي صوت حريمي مسرسع طلع من النص ماتحاسب يااستاذ انت وصوت حريمي تاني ..يووووه .. وقرف الدنيا ظاهر علي الاثنين .. مع ان ممكن عربية الستات العربية الي وراها بس دي الي بابها فاضي شويه .. ده طبعا غير علامات القرف الي على وشوش الناس الي بتزق ومش بعيد بعد ماكله يخلص حشر وكلفته تلاقي واحد منهم مادد ايده ناحية الركاب وبابتسامه عريضه حمد لله على السلامه يابيه .. اي خدمه ؟

وطبعا المنظر ده مكناش هنشوفه على اليوتيوب وانما في برنامج واحد من الناس او على قناه الجزيرة او يمكن باستضافة معتز وآدي مصر والمصريين ..

اقولكم انا هرجع اشوف المشهد تاني عشان اطلع جرعه النكد الي وصلتني من تخيل ماذا لو كان المشهد في مصر ..

[Alshiekh]

دى قطارات فى الصين فعلا ولا مشهد من كاميرا خفية صينية :unsure:

http://www.youtube.com/watch?v=S67ymqKzzXE&feature=fvwhttp://

والله انا حاطاها فى دعوة للابتسام لانى للان مش متخيلة انه حقيقي

المشهد حقيقى ، ولكنه ليس فى الصين ، بل فى تايلاند ، يمكن قراءة الحروف التايلاندية فى الثانية 13 ، 19

وهذا هو الفيديو الحقيقى

http://www.youtube.com/watch?v=pxeu0dzNUiY&NR=1&feature=fvwp

[om marawan]

السلام عليكم و رحمة الله و بركاته

الغالية ام مروان

هو انا اصلا مقدرشي اهوب اي توبيك بيتكلم عن القطارات...عشان عقدة متاصلة من ايام الجامعة...معرفشي ايه اللي طلعها في دماغي...اني انط في القطر و انا ع الرصيف و هو بيتحرك...ومش عايزة اقولك....انا اتسحلت ع الرصيف ازاي...و اواي جموع المواطنين الشرفاء شالوني ع الاعناق بعديها....ايييييييييييه...الله يرحمك يا داكتور خشبة ياللي عالجتني

انا اصلا جاية التوبيك دوت عشان اقولك

وحشتيني جدا جدا...جدا

ووحشني الواد مروان....(ابني باذن الله)...و الفريق

و متغبيش تاني

و اقبلي مني ده

مسااااكي فرحة اللقا....بعد الغياب

لااااااااا انا كده هاغيب كتير فعلا ههههه عشان ارجع الاقي ورد وفرحة لقا جميلة اوى كده

انتو كمان وحشتونى اكتر بكتيييييييير

بس ايه يالماضة قلب الأسد ده

تنطي فى القطر

يابنتى هي سهلة كده دي خطوة محتاجة تدريبات عمييييييقة ولا الصاعقة

هو ده اللى علمتهولك

قلنا ميت برةقبل كده لازم تروحي بدري شوية عشان تلاقى مكان تسطحي فيه براحتك :closedeyes:

على جنب بجد بأه

ربنا ستر الحمد لله وربنا يحفظك يارب

[om marawan]

الفيديو التانى ده مش ممكن

بس كوي انهم بيدخلوهم جوا القطر احسن من عندنا برده

فى محطه رمسيس والقطر طالع بيبقا 50 راجل على الباب وتكلمه يقولك دانا نازل قريب نازل بنها

والله يا استاذ مصطفى تحس اننا بنعملها هواية برضه

يعنى كان مثلا باب القطر هوا شوية وجو رومانسي وكده

او الناس مستعجلة فعلا مش فاضية تروح تقعد وترجع يعنى حتى فى مترو الانفاق تلاقى اللى نازل بعد محطتين واقف برضه قافل فى وش الناس اللى طالعة الباب

ليييييييييه ماعرفش ؟؟!! :)

شكرا على مداخلة حضرتك

[om marawan]

الفيديو التانى ده مش ممكن

معليش ياام مروان واضح ان حضرتك كتبتي المشاركه دي في نفس الوقت الي كتبت فيه مشاركتي فمخدتش بالي ان في اضافة والي فهمته من كلامك بعدين اني حطيت نفس الفيديو بتاعك فبعتذر للخطأ غير المقصود ده ..

بالعكس ياضحى والله كتر خيرك انا غلبت اضيفه ماعرفتش وحطيته لينك وبعدين مشاركتك معايا تنورنى وتضيف لاى موضوع زى عادتك دايما

ضحكتينى جدا على موضوع الجوانيتات يعني تقوليش حراس امن فى قطر ملكي

يعنى بيزقوكي ويحشروكي فى القطر بس ناس شيك شيك الصراحة

فيديوهم فعلا فريد من نوعه ولو عملنا فيديوهنا هيبقا فريد من نوع تانى على رأيك فعلا

بس ده يؤكد ان فكرة سلوكيات الزحام الشماعة اللى بنعلق عليها تصرفات بعض الناس فى مصر مالهاش علاقة بالزحام فعلا

ماهو مافيش ضغط نفسي ومادي قد اللى الناس دى بتشوفه عشان تروح شغلها

ومع ذلك بيروحوا ويشتغلوا

حتى لو كان باب القطر او المترو مقفول عليهم ومش مفتوح

والحقيقة انه لو مفتوح والله كانت هتبقا ميزة ع الأقل الناس تعرف لو وصلت سليمة يعني تكون اتنفست فى الطريق

ف مصر ممكن الوضع يؤدي ببساطة الى واحد لا قدر الله ياخد مطواة فى جنبه وتطلع الناس تاني يوم تقول شايفين الحكومة عاوزة الناس تموت بعضها

الشاهد انه الناس عاوزة تشتغل واللى عاوز يشتغل فعلا صدقينى والله ماعنده وقت يشتكي ولا يروح يجيب عربية بالقسط ويملا شوارع العاصمة عوادم وزحام اكتر ماهى مليانة

صحيح لا احنا ولا دوكهم مرتاحين ولا اتعاملوا بآدمية لكن ردود افعالنا اختلفت عنهم

الظاهر انى هاروح انا كمان اشوف الفيديو تانى عشان اطلع من الكآبة دي

دمتى بكل ود وفرحة ماينكدهش عليها قطر لا عندنا ولا عنديهم :)

[om marawan]

المشهد حقيقى ، ولكنه ليس فى الصين ، بل فى تايلاند ، يمكن قراءة الحروف التايلاندية فى الثانية 13 ، 19

وهذا هو الفيديو الحقيقى

استاذى الفاضل محمد

شوف حضرتك دي ميزة انى اكون جزء من منتدى جميل زى المحاورات

وهى انه مشرفينه متميزين وواعيين وياريت لو بيعرفوا كمان تايلاندي

وانه اعضاؤه عندهم حس عالي لتحليل كل اللى بيشوفوه حتى لو كان فيديو بسيط بيمر على معظم الناس مرور الكرام

أشكرك على اضافة الفيديو وتشريفك الموضوع