مسكينة اوى - صعبت عليا بجد

[اغابي]

خبر مؤثر للممثلة الشابة منة فضالى

حقيقي صعبت عليا وربنا يعوضها -

لكن هل حقيقي ولا نوع من الاعلان فى رايكم - ممكن يكون نوع من الدعاية للمسرحية الجديدة مثلا

منة فضالي تصاب بصدمة عصبية بعد سرقة تحويشة العمر

أصيبت الفنانة منة فضالي بصدمة عصبية بعد تعرضها لحادث سرقة بالإكراه، وتم نقلها إلى المستشفى ..

أصيبت الفنانة منة فضالي بصدمة عصبية بعد تعرضها لحادث سرقة بالإكراه، وتم نقلها إلى المستشفى

وهي في حالة انهيار، وعلقت على ذلك بقولها إن عين الحسود ضيعت منها تحويشة العمر

وحررت الفنانة محضرا في قسم شرطة أكتوبر ذكرت فيه أنها فوجئت بثلاثة لصوص يجبرونها على النزول من سيارتها الملاكي ماركة جيب حمراء اللون وقاموا بسرقة مبلغ 50 ألف جنية مصري كان ثمن قسط شقتها بالإضافة إلى حقيبة بها مجوهرات تبلغ قيمتها نصف مليون جنيه فضلا عن سرقتهم نظارة وساعة ذهبيتان،

وشنطة ملابس وإكسسوارات قامت بشرائها من لندن لمسرحيتها الجديدة، وذلك بحسب ما ذكرته صحيفة الأخبار المصرية 23/12/2010 وتكثف الإدارة العامة لمباحث 6 أكتوبر جهودها للبحث لكشف غموض الحادث، وقامت بوضع خطة لضبط الجناة عن طريق الاستعانة بالمواصفات السنية والبدنية التي ذكرتها الفنانة في بلاغها

[مغتربة]

و الله يا اغابى انك طيبه قوى

بصى يا حبيبتى ممكن يصعب عليكى اى حد الا منه فضالى

لان تلات اربع اخبارها كذب فى كذب و اخر كذبايه منها انها طلعت قالت انها اعتزلت علشان الوسط زباله حسب ما هى قالت بنفسها و بعدين رجعت طلعت وقالت مقولتش و دا طبعا بعد صور عيد ميلادها الحمد لله ما غرقت المنتديات و الفديوهات الجميله بتاعته غرقت اليوتيوب

هى سلوها كدا بتحب تلفت الانتباه باى اى شكل

يعنى بالعقل كدا ازاى هيكون معاها فى العربيه كل تحويشه العمر ممكن تكون اتسرقت فعلا انا معرفش بس مش لدرجه كل التحويشه يعنى

مش عارفه انا عن نفسى مبطيقش رخامتها و متعوده على انها لازم كل يوم و التانى تكون منزله عن نفسها خبر بالاكراه كدا هههههههه

عموما لو كان الخبر صحيح و مفيهوش تهويل زى عوايدها يبقى ربنا يصبرها

بس بصراحه لما بشوفها على محطه بقلبها انا مش ناقصه يجيلى الضغط

الحسنه الوحيده الى عملتها كان دورها فى الملك فاروق و بس و غير كدا معرفلهاش ادوار اصلا

[اغابي]

يعنى بالعقل كدا ازاى هيكون معاها فى العربيه كل تحويشه العمر ممكن تكون اتسرقت فعلا انا معرفش بس مش لدرجه كل التحويشه يعنى

ما هو اه اللى محيرنى - يعنى هى كانت معزلة ولا ايه وازاى حتمشي بالمجوهرات

وشنط هدومها وكل حاجة فى العربية هى ما عندهاش شقة ولا ايه ولا كركون فى الشارع

انا حسيت انه نوع من الدعاية لفلم جديد او مسرحية جديد او انها تفكر الناس بمنة فضالى علشان يدفعو تذاكر السينما او المسرح تعاطفا مع ظروفها الماساوية فى السرقة البشعة - او بمعنى حسنة قليلة اللى هى تمن التذكرة - تمنع بلاوى كتير اللى هو سرقة تحويشة عمرها يعنى اللى كانت بالصدفة موجودة بالعربية

:closedeyes:

[مصطفى يونس]

خلاص نكلم الحاج محمد فؤاد اللى كان فى عيد ميلادها اللى كنت مفكره محترم

يجيبله تحويشه تانيه بس ايه بعد عيد الميلاد الجاى

تم تعديل 24 ديسمبر 2010 بواسطة مصطفى يونس