ما هي نظرة المجتمع للمرأة المغتربة بمفردها ؟

[مودة ورحمة]

ازيكم يا جماعة في كل البلاد

انا كنت عاوزة اعرف انتم واهالي البلد اللي فيها ايا كانت بتبصوا ازاي لواحدة متغربة في البلد بدون مرافق ؟

بس كدة السؤال ببساطة

ولأرائكم تعليق إن شاء الله

[mohamed abd el hamid]

ازيكم يا جماعة في كل البلاد

انا كنت عاوزة اعرف انتم واهالي البلد اللي فيها ايا كانت بتبصوا ازاي لواحدة متغربة في البلد بدون مرافق ؟

بس كدة السؤال ببساطة

ولأرائكم تعليق إن شاء الله

السلام عليكم ورحمة الله وبركاته

والله الموضوع له جانبين .... جانب دينى - وهو المحرك الرئيسى للبشرية جمعاء - ..... وجانب اجتماعى - وهو يختلف من شخص لشخص تبعا لثقافته -

الجانب الدينى واصح المعالم ولا خلاف عليه اصلا .... وهو حرمانيه سفر المرأة بدون محرم .... وهنا يجب توصيف معالم هذا المحرم .... يعنى مش تاخد ابنها الصغير وتقول ده المحرم بتاعى ... او ابن الجيران مثلا ..... :P

والجانب الاجتماعى ... قولنا يختلف من شخص الى اخر ... ولكن اى شخص ذو فطره سليمه وعقيده صحيحه ... لابد وان تتفق عنده المبادىء الاجتماعيه مع الدينيه ...... الناس دى مش موجوده كتير دلوقتى - الا ما رحم ربى -

اما بقى قلق البنت من نظرة الناس ليها فى هذا الوضع .... فهى برضوا هاتختلف من شخص لآخر حسب ثقافته .... فيه الى مش فارقه معاه ... وعادى .... ومتفتح ... والكلام الى مالوش لازمه ده ...... وفيه الى عنده نخوه ورجوله وبيرفض هذا الوضع المحرم

وبعدين تنشغل ليه البنت بنظره الناس ليها طالما ماعملتش حساب لنظره العلى العظيم ليها

-- لا تجعل الله اهون الناظرين إليك --

[herohero]

ولا هتفرق خالص الناس ف اي بلد بره مصر مش حاشرة نفسها ف حياتك

للاسف هذه صفه نمتازبها كمصريين

حشرييييييييييييييييييين

ف اي دولة خليجيه كل واحد ف حاله ومشغول بنفسه محدش بيقول ايه ده ازاي مسافرة لوحدها

هنا غير مصر يا سيدتي

ف مصر كل واحد حاطط مناخيره ف حياتك هنا الحمد لله الواحد مرتاح من الحشرية والتدخل ف ادق شئون الحياة

[se_ Elsyed]

تم تغيير العنوان ليُعبر عن محتوى الموضوع

[alikhedr]

والله الموضوع مهم

انا عن نفسى معرفش ايه نظرة المجتمع للبنت المغتربه بمفردها لكن انا عن نفسى مش ممكن اسمح لاختى او زوجتى تسافر وتعيش لوحدها وبالتاكيد هى نظره غير ظريفه مهما حاول بعضى المتشدقين باللبراليه والتحرر والحاجات دى ان يوهموكى بانها عادى ومفيش مشكله لكن الناس من حواليكى نظرتهم ليكى مش هتكون كويسه

[مودة ورحمة]

انا متفقة مع الرأي الشرعي ولا اعارضه

لكن هل كل احوال البشر متماثلة ؟

يعني لو واحدة اصلا ليس هناك من يعولها وليس لها محرم بالمعنى السليم, فما هو الفرق لو تعيش ببلدها وحدها او في غير بلدها وحدها ايضا؟

هل كل واحد مطالب يشرح ظروقه ويدافع عن نفسه؟ وهل من ينظر نظرة سيئة لأحد كان له عونا على الحياة حتى لا يضطره لعمل شئ قد يكون غير راض عنه !!!؟

[مودة ورحمة]

ولا هتفرق خالص الناس ف اي بلد بره مصر مش حاشرة نفسها ف حياتك

للاسف هذه صفه نمتازبها كمصريين

حشرييييييييييييييييييين

ف اي دولة خليجيه كل واحد ف حاله ومشغول بنفسه محدش بيقول ايه ده ازاي مسافرة لوحدها

هنا غير مصر يا سيدتي

ف مصر كل واحد حاطط مناخيره ف حياتك هنا الحمد لله الواحد مرتاح من الحشرية والتدخل ف ادق شئون الحياة

واحدة في السعودية مع زوجها قابلتها في انترفيو قالت لي ما تسافريش لان برة بيبصوا لاي واحدة جاية لوحدها نظرة وحشة مهما كانت كويسة وفي حالها

[مودة ورحمة]

والله الموضوع مهم

انا عن نفسى معرفش ايه نظرة المجتمع للبنت المغتربه بمفردها لكن انا عن نفسى مش ممكن اسمح لاختى او زوجتى تسافر وتعيش لوحدها وبالتاكيد هى نظره غير ظريفه مهما حاول بعضى المتشدقين باللبراليه والتحرر والحاجات دى ان يوهموكى بانها عادى ومفيش مشكله لكن الناس من حواليكى نظرتهم ليكى مش هتكون كويسه

كلام جميل

بس هل مجرد انك حترفض بدون ما تتحمل مسئوليتك الشرعية تجاهها والا انت متحمل المسئولية بشكل كامل ؟

انا افترض الافتراض التاني واحسبك على خير ,,,, لكن هل تعتقد كل البشرية مثلك ؟

وكل واحدة ظروفها زي اختك او زوجتك ؟ ولها زوج او اخ متحمل مسئولية وعاارف واجباته ؟

تم تعديل 26 ديسمبر 2010 بواسطة مودة ورحمة

[herohero]

واحدة في السعودية مع زوجها قابلتها في انترفيو قالت لي ما تسافريش لان برة بيبصوا لاي واحدة جاية لوحدها نظرة وحشة مهما كانت كويسة وفي حالها

اكيد واحده مصرية طبعا حضرتك هتشتغلي ف مستشفى مثلا كطبيبة او ممرضة وياسلام لو فيه سكن للعاملين

منين الناس اللي ف الشارع هيعرفوا انك لوحدك القصه ان محدش له دعوة بيكي كل واحد ف حاله مش نفس النظام عندنا ف مصر واللي بيكلم الناس اللي عايشين معاكي ف مصر ومبدئي ياترى الناس ده فيه منهم فايده كلام وخلاص لهم اي فايده ايجابية ماهو انا كده عايشة لوحدي ف مصر وعايشة لوحدي بره مصر فرقت ايه

يبقى انا اعيش عيشة انظف واهدى وبعيد عن الوش وأرحم من نظرات المجتمع ف مصرنا العزيزة اللي بتخنق والحشرية

[eng hoss]

ولا اى نظرات من اى أتجاه

ولا حد فى الغربه بياخد باله من الكلام ده

الاهم تكون محترمه فى حياتها وفى عيشتها وفى تعاملها وفى اخلاقها وعلى العكس ان نظرتى ليها نظرة شفقه وان ربنا يكون فى عونهالأن احنا الرجاله الغربه بتبقى صعبه علينا فما بالك بالمرأه الوحيده

ده بالنسبه للنظره من وجهة نظرى

اما الاتجاه الأخر

فأنا لا أحبذ عمل المرأه فى أى مجال وفى أى مكان

ولو أجبرتها الظروف الخارج عن ارادتها على العمل فيجب عليها اختيار اكثر الاعمال احتراما حتى لو اقلها دخلا

وتحياتى

[الغريب]

أختنا مودة ورحمة

الموضوع يتوقف من وجهة نظري على عوامل عديدة وصعب حصره بشكل كلي بهذه البساطة

ولكن لو عاوزة رأيي الشخصي من خلال إحتكاكاتي وتعاملاتي مع من إلتقيت سواء مغتربين مصريين ، ومغتربات مصريات وجنسيات أخر، ومن خلال رأيي الخاص :

"لا أحبذ هذا الأمر بشكل نهائي لأي إمراءة ، مهما كانت ظروفها"

دي نصيحة لله

تحياتي

[moamana]

اعتقد الموضوع له وجوه كثيرة جدا جدا

يعنى لو شغالة فى مستشفى او مكان كبير و محترم مختلف عما تكونى شغالة ميديكال ريب فى شركة مثلا

و طبعا شخصيتك بتتفرد فى اى موقف او مكان

لكن و الله اعلم عن تفكير اعتقد ان الامر سيكون صعب جدا جدا فلن يكون هناك احساس بالامان فى السكن الا لو كان تبع الشركة او المستشفى و معك بنات كثير زيك بمفردهم

و طبعا لازم يكون معاك ناس او كذا بنت بمفردهم و الا مش هتلاقى حد تتكلمى او تقعدى او تخرجى معاه لان هنا محدش فاضى لحد و كمان الخروجات عائلية و جماعية الى حد بعيييييييييييد

فمش معقول مثلا فى مكان زى السعودية تخرجى مع صاحبتك و جوزها و انت من غير جوزك و هكذا

[مودة ورحمة]

ولا اى نظرات من اى أتجاه

ولا حد فى الغربه بياخد باله من الكلام ده

الاهم تكون محترمه فى حياتها وفى عيشتها وفى تعاملها وفى اخلاقها وعلى العكس ان نظرتى ليها نظرة شفقه وان ربنا يكون فى عونهالأن احنا الرجاله الغربه بتبقى صعبه علينا فما بالك بالمرأه الوحيده

ده بالنسبه للنظره من وجهة نظرى

اما الاتجاه الأخر

فأنا لا أحبذ عمل المرأه فى أى مجال وفى أى مكان

ولو أجبرتها الظروف الخارج عن ارادتها على العمل فيجب عليها اختيار اكثر الاعمال احتراما حتى لو اقلها دخلا

وتحياتى

تفتكروا لاي واحدة أحسن لها تعيش في مجتمع " مختلط " او غير ؟

تم تعديل 26 ديسمبر 2010 بواسطة مودة ورحمة

[مودة ورحمة]

أختنا مودة ورحمة

الموضوع يتوقف من وجهة نظري على عوامل عديدة وصعب حصره بشكل كلي بهذه البساطة

ولكن لو عاوزة رأيي الشخصي من خلال إحتكاكاتي وتعاملاتي مع من إلتقيت سواء مغتربين مصريين ، ومغتربات مصريات وجنسيات أخر، ومن خلال رأيي الخاص :

"لا أحبذ هذا الأمر بشكل نهائي لأي إمراءة ، مهما كانت ظروفها"

دي نصيحة لله

تحياتي

ممكن بعد إذن حضرتك ذكر تفاصيل أسباب رأيك الخاص ؟

تم تعديل 26 ديسمبر 2010 بواسطة مودة ورحمة

[مودة ورحمة]

اعتقد الموضوع له وجوه كثيرة جدا جدا

يعنى لو شغالة فى مستشفى او مكان كبير و محترم مختلف عما تكونى شغالة ميديكال ريب فى شركة مثلا

و طبعا شخصيتك بتتفرد فى اى موقف او مكان

لكن و الله اعلم عن تفكير اعتقد ان الامر سيكون صعب جدا جدا فلن يكون هناك احساس بالامان فى السكن الا لو كان تبع الشركة او المستشفى و معك بنات كثير زيك بمفردهم

و طبعا لازم يكون معاك ناس او كذا بنت بمفردهم و الا مش هتلاقى حد تتكلمى او تقعدى او تخرجى معاه لان هنا محدش فاضى لحد و كمان الخروجات عائلية و جماعية الى حد بعيييييييييييد

فمش معقول مثلا فى مكان زى السعودية تخرجى مع صاحبتك و جوزها و انت من غير جوزك و هكذا

طيب تفتكري فيه فرق بين انك تكوني وحدك في الغربة برة بلدك وبين الغربة في بلدك وانت وحدك برضه مش لاقيه حد تتكلمي معاه ؟

بالنسبة للخروجات فاعتقد من المفترض الا يكون هناك اختلاط وبالتالي سواء معك زوج او لا فالمفترض الا يكون هناك جلسات مختلطة

صح؟

تم تعديل 26 ديسمبر 2010 بواسطة مودة ورحمة

[moamana]

بالطبع مفروض ميكونش فيه اختلاط بس انا معرفش ظروف حضرتك او معارفك او طريقة حياتك

انا حبيت اوضحلك و بالنسبة للغربة فى بلدك اهون كثير من الغربة هنا و هديكى مثال

انا هنا بس بقالى سنة و نصف فى السنة و نصف دول محضرتش فرح اختى و لا وفاة جدتى و لا خطوبة اختى الاصغر و لا فرح بنت خالتى و لا ولادة اختى الاخرى يعنى من الاخر علاقتى باهلى كلها على النت و لولا النت و الله ماعرفش اعمل ايه

هنا التفكير غير مصر يعنى مفيش سينما اوجناين او تمشية فى اى حته او خروج لوحدك فى اى حته الا مول مقفول و بيفتح من 4 الى 11 مساءا

مفيش خروج غير المولات و الحدائق للعائلات او لتجمعات النساء اما ست لوحدك كده ماشية فى الشارع او فى جنينة لا طبعا ده فى السعودية معرفش ظروف بقية البلاد

كمان هنا تفكير الناس غير يعنى عندهم الست مبتسقش و متركبش تاكسى لوحدها ميصحش تتكلم مع اى عامل فى اى حته او حتى الدكتور و تبتسم حتى و الا تكون قليلة الحياء

بس الست هنا بئه بتعوض الحاجات ديه بالفلوس يعنى جابت طفل ليها هدية غالية اتجوز عليها يعوضها بفلوسو كده

هنا تفكير الناس مختلف

لا بيتكلموا لهجتك و لا بيفكروا زيك و لا عايشين حياة زى حياتك و من الاخر تفكيرهم عن المصريات مشتق من افلامنا اعتقد فهمتى يعنى ايه

[خالد شحاته]

السلام عليكم ورحمة الله وبركاته

احب اقول شي

هي الست لو جوزها مسافر وهي في بلدها لواحده النظريه كمان بتتغير وممكن تعمل كل الا هي عايزه وتفس الوقت لو ست مسافره مه جوزها في اي بلد نفس الشي بتعمل كل الا هي عايزه الست الا محترمه تسافر وبترجع احسن من بعض الرجاله بس للاسف احنا عندنا في مجتمعنا ست سفرت لواحده كدا نحكم عليها انها للاسف مش كويسه ولكن والله انا شفت ناس كتير جدااا في السعوديه في قمه الاحنرام والاخلاق وكان بدون ازوجهم

[مودة ورحمة]

منه لله " قاسم أمين" اللي خلى الذكور يعملوا فينا كل ده

:sad:

تم تعديل 27 ديسمبر 2010 بواسطة مودة ورحمة

[engmido]

السلام عليكم ورحمة الله وبركاته

والله الموضوع له جانبين .... جانب دينى - وهو المحرك الرئيسى للبشرية جمعاء - ..... وجانب اجتماعى - وهو يختلف من شخص لشخص تبعا لثقافته -

الجانب الدينى واصح المعالم ولا خلاف عليه اصلا .... وهو حرمانيه سفر المرأة بدون محرم .... وهنا يجب توصيف معالم هذا المحرم .... يعنى مش تاخد ابنها الصغير وتقول ده المحرم بتاعى ... او ابن الجيران مثلا ..... :P

والجانب الاجتماعى ... قولنا يختلف من شخص الى اخر ... ولكن اى شخص ذو فطره سليمه وعقيده صحيحه ... لابد وان تتفق عنده المبادىء الاجتماعيه مع الدينيه ...... الناس دى مش موجوده كتير دلوقتى - الا ما رحم ربى -

اما بقى قلق البنت من نظرة الناس ليها فى هذا الوضع .... فهى برضوا هاتختلف من شخص لآخر حسب ثقافته .... فيه الى مش فارقه معاه ... وعادى .... ومتفتح ... والكلام الى مالوش لازمه ده ...... وفيه الى عنده نخوه ورجوله وبيرفض هذا الوضع المحرم

وبعدين تنشغل ليه البنت بنظره الناس ليها طالما ماعملتش حساب لنظره العلى العظيم ليها

-- لا تجعل الله اهون الناظرين إليك --

بصراحة مش لاقى كلام اضيفه تانى بعديك با ا/ محمد عبد الحميد

حقيقة كفيت ووفيت...بارك الله فيك ولا فض فوك

[لماضة مصرية جدا]

السلام عليكم و رحمة الله و بركاته

استاذتي الفاضلة "مودة و رحمة"...اسم حضرتك حلو اوي علي فكرة احيكي علي اختياره

تابعت ردود الاخوة الأفاضل من قبلي.....و لا حظت اني حضرتك بتسألي عن تعرفي وجهة نظرنا الشخصية....علي اعتبار ان احنا جزء من المجتمع الكبير خارج المحاورات

طبعا الرأي الديني....لا خلاف و لا جدال فيه

هطرح رأيي الشخصي

نظرة المجتمع لحضرتك.....اللي بيحددها هي نظرتي لنفسي و قناعتي و تحملي لمسئولية قراراتي

يعني بتيجي من جوايا و بفرضها علي اللي برايا

مش العكس

حقيقي ان مش ده اللي بيحصل....لان المجتمع هو الثقافة الطاغية ....هو العدد الاكبر....هو القوالب الجاهزة للحكم علي اي بني آدم بمجرد معرفة بعض البيانات و المعطيات الاولية

يعني...مجرد ما تقولي.....بنت....بره....لوحدها.....هتلاقي صورة اتوماتيكية محددة بتترسم في سرعة البرق في ذهن محدثك

شخصيا لا تعنيني.....الصورة دي....و مش بس في موضوع اغتراب البنت و لكن بقيش عليها كل حاجة تانية

و يمكن في المنتدي بشكل عام كنا اتكملنا عن نظرة المجتمع مثلا للمطلقة....او نظرة المجتمع للبنت اللي بالمصطلح المجتمعي "فاتها قطر الجواز".....و نظرة المجتمع للراجل اللي بيخون.....او الراجل اللي عنده نية يتجوز من اكتر من واحدة

بعيدا عن الشق الديني.....اللي بؤكد انه لا خلاف فيه....و يا ريت نمشي عليه عشان نرتاح

السؤال.....هو نظرة حضرتك لنفسك ايه؟

انيت شايفة نفسك ازاي

احترامي لنفسي....بفرضه علي احترامي لمجتمعي منين ما تواجدت

الناس بتفترض ان البنت اللي بتعيش لوحدها خلاص هتفتح ابوبا الحرية ع البحري....و هترفع شعار..."اللي يعرف ابونا يروح يقوله"....فيه نماذج في الغربة كده فعلا....و الحقيقة المشكلة مكنتشي في الغربة بقدر ما كانت ان النموذج ده....جواه كان مسوس و عشان كده اول ما سافر....السوس بان علي الوش....مش اكتر....يعني الغربة مكنتشي العامل الفاصل...هي بس عملت عملية تعرية....و كده كده كان هيبان السوس...كانت مسألة وقت مش اكتر

و الغربة برضه....بتسفر.....عن نماذج تانية موازية تماما

لكن فيها نماذج تانية موازية.....النموذج ده....اللي هو مبيخرشي خروجات مختلطة....لا جوه بلده ولابراها

اللي هو مش ممكن يتاخر عن الساعة 9 و نص و برضه....مبتفرقشي يا جوه مصر او براها الا لما يكون فيه حد من العيلة (رجالة يعني)

النموذج دوت.....مش بيتباسط في العلاقات الانسانية مع الزملاء او الجيران او المعارف....و برضه هو هو نفسه سواء جوه مصر او براها

السؤال ؟؟؟

اي النماذج اي بني ادم بيحترم نفسه ينتمي ليها....و الاهم يراقب ربنا في نفسه...قبل ما الناس تراقبه؟

حاجة تانية.....لو بنت هتسافر لوحدها.....لانها علي قول حضرتك غريبة في مصر و جوه بلدها....صدقيني....هتلاقي غربة اشد قسوة في البلد البعيد....

الغربة لما بيضيع من الواحد الهدف.....لما بيحس انا ما اشبه اليوم بالبارحة....لما يشعر انه طاقة مهدرة...و يضيع منه ملامح الطريق

و حلها اكيد مش الغربة

لان غربة الروح موجوعة...اما غربة الاماكن....حلها تذكرة سفر و العودة سريعا للمكان الذي نحب

رايي الشخصي و معذرة علي الاطالة.....كل منا يعرف نفسه...يقراها كويس....يعرف لاي النماذج ينتمي....و هيقدر يفرض احترامه علي اللي حواليه

و في نفس الوقت....يعرف هي راحته فين...سعادته فين....و من حقه ان يبحث عن طريق السعادة طالما في مرضاة الله

معذرة علي الاطالة

و تقبلي ودي و احترامي