ما هي نظرة المجتمع للمرأة المغتربة بمفردها ؟

[مودة ورحمة]

السلام عليكم و رحمة الله و بركاته

استاذتي الفاضلة "مودة و رحمة"...اسم حضرتك حلو اوي علي فكرة احيكي علي اختياره

تابعت ردود الاخوة الأفاضل من قبلي.....و لا حظت اني حضرتك بتسألي عن تعرفي وجهة نظرنا الشخصية....علي اعتبار ان احنا جزء من المجتمع الكبير خارج المحاورات

طبعا الرأي الديني....لا خلاف و لا جدال فيه

هطرح رأيي الشخصي

نظرة المجتمع لحضرتك.....اللي بيحددها هي نظرتي لنفسي و قناعتي و تحملي لمسئولية قراراتي

يعني بتيجي من جوايا و بفرضها علي اللي برايا

مش العكس

حقيقي ان مش ده اللي بيحصل....لان المجتمع هو الثقافة الطاغية ....هو العدد الاكبر....هو القوالب الجاهزة للحكم علي اي بني آدم بمجرد معرفة بعض البيانات و المعطيات الاولية

يعني...مجرد ما تقولي.....بنت....بره....لوحدها.....هتلاقي صورة اتوماتيكية محددة بتترسم في سرعة البرق في ذهن محدثك

شخصيا لا تعنيني.....الصورة دي....و مش بس في موضوع اغتراب البنت و لكن بقيش عليها كل حاجة تانية

و يمكن في المنتدي بشكل عام كنا اتكملنا عن نظرة المجتمع مثلا للمطلقة....او نظرة المجتمع للبنت اللي بالمصطلح المجتمعي "فاتها قطر الجواز".....و نظرة المجتمع للراجل اللي بيخون.....او الراجل اللي عنده نية يتجوز من اكتر من واحدة

بعيدا عن الشق الديني.....اللي بؤكد انه لا خلاف فيه....و يا ريت نمشي عليه عشان نرتاح

السؤال.....هو نظرة حضرتك لنفسك ايه؟

انيت شايفة نفسك ازاي

احترامي لنفسي....بفرضه علي احترامي لمجتمعي منين ما تواجدت

الناس بتفترض ان البنت اللي بتعيش لوحدها خلاص هتفتح ابوبا الحرية ع البحري....و هترفع شعار..."اللي يعرف ابونا يروح يقوله"....فيه نماذج في الغربة كده فعلا....و الحقيقة المشكلة مكنتشي في الغربة بقدر ما كانت ان النموذج ده....جواه كان مسوس و عشان كده اول ما سافر....السوس بان علي الوش....مش اكتر....يعني الغربة مكنتشي العامل الفاصل...هي بس عملت عملية تعرية....و كده كده كان هيبان السوس...كانت مسألة وقت مش اكتر

و الغربة برضه....بتسفر.....عن نماذج تانية موازية تماما

لكن فيها نماذج تانية موازية.....النموذج ده....اللي هو مبيخرشي خروجات مختلطة....لا جوه بلده ولابراها

اللي هو مش ممكن يتاخر عن الساعة 9 و نص و برضه....مبتفرقشي يا جوه مصر او براها الا لما يكون فيه حد من العيلة (رجالة يعني)

النموذج دوت.....مش بيتباسط في العلاقات الانسانية مع الزملاء او الجيران او المعارف....و برضه هو هو نفسه سواء جوه مصر او براها

السؤال ؟؟؟

اي النماذج اي بني ادم بيحترم نفسه ينتمي ليها....و الاهم يراقب ربنا في نفسه...قبل ما الناس تراقبه؟

حاجة تانية.....لو بنت هتسافر لوحدها.....لانها علي قول حضرتك غريبة في مصر و جوه بلدها....صدقيني....هتلاقي غربة اشد قسوة في البلد البعيد....

الغربة لما بيضيع من الواحد الهدف.....لما بيحس انا ما اشبه اليوم بالبارحة....لما يشعر انه طاقة مهدرة...و يضيع منه ملامح الطريق

و حلها اكيد مش الغربة

لان غربة الروح موجوعة...اما غربة الاماكن....حلها تذكرة سفر و العودة سريعا للمكان الذي نحب

رايي الشخصي و معذرة علي الاطالة.....كل منا يعرف نفسه...يقراها كويس....يعرف لاي النماذج ينتمي....و هيقدر يفرض احترامه علي اللي حواليه

و في نفس الوقت....يعرف هي راحته فين...سعادته فين....و من حقه ان يبحث عن طريق السعادة طالما في مرضاة الله

معذرة علي الاطالة

و تقبلي ودي و احترامي

جزاك الله خيرا

احييك على أسلوبك الذي يتسم بالموضوعية

[elham elzoghby]

السلام عليكم و رحمة الله و بركاته

استاذتي الفاضلة "مودة و رحمة"...اسم حضرتك حلو اوي علي فكرة احيكي علي اختياره

تابعت ردود الاخوة الأفاضل من قبلي.....و لا حظت اني حضرتك بتسألي عن تعرفي وجهة نظرنا الشخصية....علي اعتبار ان احنا جزء من المجتمع الكبير خارج المحاورات

طبعا الرأي الديني....لا خلاف و لا جدال فيه

هطرح رأيي الشخصي

نظرة المجتمع لحضرتك.....اللي بيحددها هي نظرتي لنفسي و قناعتي و تحملي لمسئولية قراراتي

يعني بتيجي من جوايا و بفرضها علي اللي برايا

مش العكس

حقيقي ان مش ده اللي بيحصل....لان المجتمع هو الثقافة الطاغية ....هو العدد الاكبر....هو القوالب الجاهزة للحكم علي اي بني آدم بمجرد معرفة بعض البيانات و المعطيات الاولية

يعني...مجرد ما تقولي.....بنت....بره....لوحدها.....هتلاقي صورة اتوماتيكية محددة بتترسم في سرعة البرق في ذهن محدثك

شخصيا لا تعنيني.....الصورة دي....و مش بس في موضوع اغتراب البنت و لكن بقيش عليها كل حاجة تانية

و يمكن في المنتدي بشكل عام كنا اتكملنا عن نظرة المجتمع مثلا للمطلقة....او نظرة المجتمع للبنت اللي بالمصطلح المجتمعي "فاتها قطر الجواز".....و نظرة المجتمع للراجل اللي بيخون.....او الراجل اللي عنده نية يتجوز من اكتر من واحدة

بعيدا عن الشق الديني.....اللي بؤكد انه لا خلاف فيه....و يا ريت نمشي عليه عشان نرتاح

السؤال.....هو نظرة حضرتك لنفسك ايه؟

انيت شايفة نفسك ازاي

احترامي لنفسي....بفرضه علي احترامي لمجتمعي منين ما تواجدت

الناس بتفترض ان البنت اللي بتعيش لوحدها خلاص هتفتح ابوبا الحرية ع البحري....و هترفع شعار..."اللي يعرف ابونا يروح يقوله"....فيه نماذج في الغربة كده فعلا....و الحقيقة المشكلة مكنتشي في الغربة بقدر ما كانت ان النموذج ده....جواه كان مسوس و عشان كده اول ما سافر....السوس بان علي الوش....مش اكتر....يعني الغربة مكنتشي العامل الفاصل...هي بس عملت عملية تعرية....و كده كده كان هيبان السوس...كانت مسألة وقت مش اكتر

و الغربة برضه....بتسفر.....عن نماذج تانية موازية تماما

لكن فيها نماذج تانية موازية.....النموذج ده....اللي هو مبيخرشي خروجات مختلطة....لا جوه بلده ولابراها

اللي هو مش ممكن يتاخر عن الساعة 9 و نص و برضه....مبتفرقشي يا جوه مصر او براها الا لما يكون فيه حد من العيلة (رجالة يعني)

النموذج دوت.....مش بيتباسط في العلاقات الانسانية مع الزملاء او الجيران او المعارف....و برضه هو هو نفسه سواء جوه مصر او براها

السؤال ؟؟؟

اي النماذج اي بني ادم بيحترم نفسه ينتمي ليها....و الاهم يراقب ربنا في نفسه...قبل ما الناس تراقبه؟

حاجة تانية.....لو بنت هتسافر لوحدها.....لانها علي قول حضرتك غريبة في مصر و جوه بلدها....صدقيني....هتلاقي غربة اشد قسوة في البلد البعيد....

الغربة لما بيضيع من الواحد الهدف.....لما بيحس انا ما اشبه اليوم بالبارحة....لما يشعر انه طاقة مهدرة...و يضيع منه ملامح الطريق

و حلها اكيد مش الغربة

لان غربة الروح موجوعة...اما غربة الاماكن....حلها تذكرة سفر و العودة سريعا للمكان الذي نحب

رايي الشخصي و معذرة علي الاطالة.....كل منا يعرف نفسه...يقراها كويس....يعرف لاي النماذج ينتمي....و هيقدر يفرض احترامه علي اللي حواليه

و في نفس الوقت....يعرف هي راحته فين...سعادته فين....و من حقه ان يبحث عن طريق السعادة طالما في مرضاة الله

معذرة علي الاطالة

و تقبلي ودي و احترامي

الله ينور عليك

[Leedo]

اختي العزيزة مودة ورحمة

من الواضح انك انت نفسك عندك في نفسك بعض من عدم التثبت من سلامة وضعك وده شيء طبيعي لكن في النهاية الانسان لازم يكون عنده اسس ومبادئ اساسية بيمش عليها ده بخلاف بعض المتغيرات اللي بتكون حسب ظروف وطبيعة الحياة بس طبعا بشرط انها تكون داخل الاطار العام لمبادئك معلهش يمكن الكلام يبدو انه مجعلص لكن لو ركزتي فيه هيبقى سهل وبسيط

طبعا انا لي تعقيب على كل الاخوة والاخوات اللي قالوا ان من الناحية الدينية فاموضوع لا جدال فيه

طيب هو يعني اذا كان من الناحية الدينية لاجدال فيه وهو واضح يبقى المفروض اني اقول ان ينفع من الناحية الاجتماعية

الطبيعي ان احنا نمشي ورا الدين مش نخلي الدين اللي يمشي ورانا يعني مش اشوف ظروفي ايه واحاول اطوع الدين لصالح ظروفي

لان الطبيعي ان الدين ده هو منتهى الامر يعني برغم كل الاختلافات في افكارنا ومبادئنا بس في النهاية كلنا رايحين لنفس الطريق وفي الآخر بردو هيكون الدين هو الفيصل بيننا

نصيحتي ليكي ان دايما تقيسي تصرفاتك وقراراتك بمعيار الدين وتاكدي انه من ترك شيئا لله عوضه خيرا منه

طبعا انا لا اقصد ان ابدو بمظهر الشيخ او الواعظ ولكن دي نصيحة لا اكثر ولا اقل وربنا يوفقك ويحميكي وبردو تاكدي انك هنا بين اهلك و على فكرة المصريين مش حشريين ولا وحشين زي ما بنحاول اننا دايما نتهم نفسنا واحنا فاكرين اننا بالشكل ده نبقى بنتكلم بحيادية لا المصريين زيهم زي اي تجمع بشري فيه الحلو وفيه الوحش واتحدى اي شخص انه يقول انه يعرف ايه الفرق بين المصري اللي من وجه بحري او من الصعيد او من النوبيين او القاهرة او الاسكندرية يا جماعة احنا بنتكلم على بلد كبير وعلى ملايين فارجو انه لما حد يتكلم ما يقولش المصريين ممكن يقول انا عرفت مجموعة وكانت تجربتي معاه كذا لان كل واحد له تجاربه وخبراته الشخصية والا نبقى كلنا هنا كمان ينطبق علينا نفس المنطق ده

يا اخواني واخواتي احنا مش وحشين للدرجة دي لكن احنا اللي غاويين نقلل من قيمة نفسنا فيا ريت نحافظ على نفسنا لان كل واحد بييجي جديد في الغربة يبدأ يسمع نفس الاسطوانات الل بتتوزع ببلاش ان المصريين ما بيحبوش بعض وان المصريين كذا وكذا لكن ما حدش بيقول ان المصريين فيهم كده وفيهم كده

[Rosea]

انا فعلا محتارة ...اذا فى ملايين البنات اللى مش متجوزين و مش لاى ذنب ارتكبوه(يعنى و لا طلبوا مهر و لا حاجه)...يعنى تواجد المحرم معدوم سواء فى بلادهم او فى الغربه يبقى ازاى تنطلقوا و تقولوا ان راى الدين محسوم اذا كان هى اصلا عايشه من غير محرم ..؟؟؟ طب محسوم ازاى ؟؟؟يا رجالة مصر الشرفاءالستات بقوا بيهربوا من التحرش الزفت اللى طايل الكل و المحتشمين قبل التانيين ...هربانين من المعاملة غير المحترمة للبنات الى متجوزوش من المجتمع كله....هربانين من قلة الادب و السفالة و الافترا اللى ممكن يشوفوها فى الشارع و هما مثلا سايقين اذا و قعوا فى ايد حد شايف انهم من غير راجل يقفله...و على فكرة الكلام ده مش موجود فى البلاد اللى احنا بنتكلم عليها و اللى منكم بره يصارح نفسه و اللى منكم جوة برده يا ريت يصارح نفسه و يقول كم مرة شاف واحدة بتتبهدل مع سواق تاكسى و لا فى المصالح و لا اى حته و هى مظلومه و مش عارفة ترد و مشى و صهين...

من كام سنه انا و صاحبتى كنا بنتخيل ايه اللى ممكن يفرضه الوضع الاجتماعى الجديد من متغيرات...اعتقد ان ده و احد منها و اعتقد ان اللى ميتقبلوش لازم يقدم حل بديل ....و الاخ اللى بيقول اى شغلانه مهما كان مرتبها..مع احترامى و هى لو مرضت مثلا هتبقى حضرتك تصرف عليها؟ احنا قدام وضع اصبحت فى البنت مسئولة عن نفسها من الالف الى الياء و عن غير رغبتها تماما لكن لابد من التصرف حسب المعطيات.

تم تعديل 1 يناير 2011 بواسطة Rosea

[mohamed abd el hamid]

انا فعلا محتارة ...اذا فى ملايين البنات اللى مش متجوزين و مش لاى ذنب ارتكبوه(يعنى و لا طلبوا مهر و لا حاجه)...يعنى تواجد المحرم معدوم سواء فى بلادهم او فى الغربه يبقى ازاى تنطلقوا و تقولوا ان راى الدين محسوم اذا كان هى اصلا عايشه من غير محرم ..؟؟؟ طب محسوم ازاى ؟؟؟يا رجالة مصر الشرفاءالستات بقوا بيهربوا من التحرش الزفت اللى طايل الكل و المحتشمين قبل التانيين ...هربانين من المعاملة غير المحترمة للبنات الى متجوزوش من المجتمع كله....هربانين من قلة الادب و السفالة و الافترا اللى ممكن يشوفوها فى الشارع و هما مثلا سايقين اذا و قعوا فى ايد حد شايف انهم من غير راجل يقفله...و على فكرة الكلام ده مش موجود فى البلاد اللى احنا بنتكلم عليها و اللى منكم بره يصارح نفسه و اللى منكم جوة برده يا ريت يصارح نفسه و يقول كم مرة شاف واحدة بتتبهدل مع سواق تاكسى و لا فى المصالح و لا اى حته و هى مظلومه و مش عارفة ترد و مشى و صهين...

من كام سنه انا و صاحبتى كنا بنتخيل ايه اللى ممكن يفرضه الوضع الاجتماعى الجديد من متغيرات...اعتقد ان ده و احد منها و اعتقد ان اللى ميتقبلوش لازم يقدم حل بديل ....و الاخ اللى بيقول اى شغلانه مهما كان مرتبها..مع احترامى و هى لو مرضت مثلا هتبقى حضرتك تصرف عليها؟ احنا قدام وضع اصبحت فى البنت مسئولة عن نفسها من الالف الى الياء و عن غير رغبتها تماما لكن لابد من التصرف حسب المعطيات.

طيب تعالوا بينا نتفق على ان الدين الاسلامى هو الدين الشامل الكامل .... الذى يصلح لاى زمان واى مكان ..... هذا اولا

اختنا الفاضله Rosea ... الموضوع مش موضوع تغير الظروف وبالتالى تغير التصرفات ..... الكلام ده يصلح عند البدأ فى عمل صنيه بطاطس ... او طاجن كوسه بالباشاميل - انا لا اقصد الاهانه وانما فقط للفكاهه- ....... ولكن عند التحدث على اى امر ولاسيما امر اخلاقى .... فلابد ولابد ولابد من الهروله الى ثوب الدين وننظر ماذا يحتوى القرآن والسنة فى شأن هذا التصرف .... سواء كان فعل .. او رد فعل - فاهمانى طبعا- ... وعلى هذا فأن رأى الدين واضح وصريح جداا كما اوضحت سابقا.

اما بالنظر الى الموضوع المطروح ... وبفرض سلامه نيه الاخت موده ورحمه - اللهم اجعلنا من اصحابهم- .. وهو نظرة الناس للمرأه المغتربة - الى هيا اكيد من غير محرم- نظره الناس بس ... يعنى هيا عارفه وفاهمه ومقتنعه بالرأى الدينى بس عاوزه تعرف الناس بتفكر قيها ازاى ... وبالتالى اود ان افصح عن رأى الشخصى .....:

وهو .. مع خالص الصدق الشديد ... انا انظر الى هذه المرأه نظره غير احترام ..... ليس لانها غير محترمه .. او لان لها تصرفات كده او كده .... لا خالص .... انا اكن لها مثل هذه النظره ... لانها لم تحترم دينها .... مثلها مثل نظرتى للاخ المدخن او المرتشى او .. او .. الى اخره ....... بالرغم من انى اكيد لست بملك ولى اخطائى ومخالفاتى الشرعية - كل بن آدم خطّاء- .... !!!!

اتمنى الا اكون جرحت احد .. او تسببت فى اى ضيق الى اى شخص ........... ولكل منا وجهه نظره التى نختلف احيانا عليها ... ولكننا نتفق على احترام الجميع

والسلام ختام

[Rosea]

هو صينيه البطاطس فى الحقيقه هى بالظبط الى بنعمله اذا بنخلط الامور كلها على بعضهاو نحطها فى الفرن و خلاص من غير ما ندرس و لا نحلل (و الدراسة التحليل من اساسيات الدين) و ده بالظبط اللى حضرتك عملته:)

حضرتك تجاهلت تماما اللى قلته بشان عدم وجود محرم فى بلدها او اى بلد اخر خاصة و انه ده كان قاعده لبعض الفقهاء فى الاباحه و فى حالة انشغال المحارم مش حتى عدم وجودهم و اكيد لما هنسال عن راى الدين ف هنستفتى مش هنطلق احكام و خلاص بمعنى اصح انا بطلب من حضرتك تجيبلى النص او القاعده الفقهية اللى بتقول انه عدم وجود محرم او حتى صحبه امنه يفرق فى بلد عن التانى او يبقى حرام فى مكان فى الارض عن مكان تانى؟؟؟؟؟

اما و انه تكون نظرة بعض الاشخاص لشخصية مكافحه حاولت ترتقى بنفسها علميا و اجتماعيا و فى نفس الوقت تنأى بنفسها عن مهاترات يعيشها مجتمعنا اليوم، ان تكون نظرة هؤلاء الاشخاص هى نفس النظرة التى يحملونها للمرتشى!!!!!!!!!!!! فده عيب الاشخاص بالطبع مش عيب الشخصية المجتهده اللى بتحب بلدها بس قررت متبقاش عالة و انما تتخطى مشكله بانها توجه كفاحها فى مناحى تانية من الحياة

عزيزى احب اأكد بس انى اى بنت بدون شك حلمها توجه كل طاقتها لبناء اسرة و هو ده اللى له الاولويه و مش معنى كلامى انى بقول ان اى حاجه تانيه اهم من ده بس اذا ده مش متوافر فربنا امرنا نسعى مش نقف

تم تعديل 4 يناير 2011 بواسطة Rosea