صيدلية الزنجبـــــيل

[se_ Elsyed]

من قبيل الصدفة البحته إن مع برودة الجو هذه الأيام وتاثيرها الأقوى على الأطفال ...

قررت إني ألجأ إلى شراب الزنجبيل لتقوية المناعة ومقاومة البرد .. وعشان بيبقى حار شويه ... فقرر إما أن أضع عليه حليب وعسل نحل ... أو لو بالمياه يبقى أضع عليه نعناع ...

وفعلاً الأولاد حبوه ( أنا شخصياً ما كنتش بأحبه لأن طعمه كان بيفضل في فمي 4 أيام لما بأكره نفسي .. لكن عرفت السبب وهو إنه ما يبقاش ثقيل )

وفي جلسات السعوديين أو واجبات الضيافة في الشتاء .. بيبقى الزنجبيل مشروب أساسي للتدفئة ...

المهم ... كنت ناوي أكتب عن الموضوع ده لكن كسلت ... إلى أن أستمعت مساء أمس لبرنامج على قناة الرسالة يقدمه طبيب أردني

وتحدث عن الزنجبيل بأستفاضة وكانت حلقة في منتهى الروعة وأستفدت من معلومات قيمة ولا تقدر بثمن بصراحة عن هذا النبات الساحر

وسأنقل لكم بعض المقتطفات عن الزنجبيل وإن شاء الله نستفيد منها

قال أبو سعيد الخدري- رضى الـلـه عـنه: أهدى ملك الروم إلى رسول الله صلى الله عليه وسلم جرة زنجبيل، فأطعم كل إنسان قطعة، وأطعمني قطعة

وقال ابن القيم- رحمه الـلـه: الزنجبيل معين على الهضم، ملين للبطن تليينا معتدلا، نافع من سدد الكبد العارضة عن البرد، والرطوبة، ومن ظلمة البصر الحادثة عن الرطوبة كحلا واكتحالا، معين على الجماع، وهو محلل للرياح الغليظة الحادثة في الأمعاء والمعدة، وهو بالجملة صالح للكبد والمعدة

- كتاب الطب النبوي لابن القيم معنى قوله تعالى: مزاجها زنجبيلا - المزاج من المزج: أي الخلط في الشراب بما يحصن طعمه ويجعله لذيذا، وقد قال حسان: كأن سبيئة من بيت رأس يكون مزاجها عسل وماء ومنه مزاج البدن، وهو ما يمازجه من الصفراء، والسوداء، والحرارة، والبرودة.

وروى أبو مقاتل عن أبى صالح عن سعد عن أبى سهل عن الحسن رضى الله عنه قال: قال رسول الله صلى الله عليه وسلم: أربع عيون في الجنة: عينان تجريان من تحت العرش إحداهما التي ذكر الله يفجرونها تفجيرا، والأخرى الزنجبيل، والأخريان نضاختان من فوق العرش إحداهما التي ذكر الـلـه عينا فيها تسمى سلسبيلا، والأخرى التسنيم.

ذكره الترمذي الحكيم في نوادر الأصول وقال ابن كثير في (تفسيره ج 4 ص 456): وقوله تعالى: ويسقون فيها كأسا كان مزاجها زنجبيلا: أي ويسقون- يعنى الأبرار- أيضا في هذه الأكواب كأسا: أي خمرا كان مزاجها زنجبيلا. فتارة يمزج لهم الشراب بالكافور وهو بارد، وتارة بالزنجبيل، وهو حار ليعتدل الأمر. انتهى.

و للعلم خمر الجنة لا يسكر ولا يضر، بل شراب لذيذ لتجنبهما خمر الدنيا الملعونة التي تذهب بالعقل وصدق الله: لا فيها غول ولا هـم عنها ينزفـون سـورة الـصـافـات (47) أي لا كحول.

-------------------

[ozoozo]

البتاع ده رغم بشاعه طعمه الا انه رائع في موضوع احتفان الزور

انا في بعض الاحيان بيجيلي برد وصوتي بيتحاش خالص وتلاقيني عامل زي السمكه بفتح بقي من غير ما اطلع صوت

الا انه بعد واحد زنجبيل باليمون الواحد بيبقي شويه وهايجيب عود ويغني زي زوهيري

[se_ Elsyed]

فوائد الزنجبيل

- لـتـقـويـة الـذاكـرة ولـلـحـفـظ وعـدم الـنـسـيـان:

- لـعـلاج الـصـداع والـصداع النصفي

- لـعـلاج الـعـشـى الـلـيـلـي

- لـلـدوخـة ودوار الـبـحـر

- لـتـقـويـة الـنـظـر

- لـعـلاج بـحـة الـصـوت وصـعـوبـة الـتـكـلـم

- لـتـطـهـيـر الـحـنـجـرة والـقـصــبــة الـهـوائـيــة

- لـلـتـوتـر الـعـصـبـي

- لـلأرق والـقـلـق

- لـلـتـبـلـد الـذهـنـي

- لـتـطـهـيـر الـمـعـدة وتـقـويـتـهـا

- لـلـقـولـون الـعـصـبـي

- مـلـيـن لـعـلاج الإمـسـاك

- لـضـيــق الـنـفـس والـربـو

- لـتـفـتـيـح سـدد الـكـلـى والـكـبـد

- لـتـصـلـب الـمـفـاصـل والـفـقـرات

- لـتـقـويـة الـقـلـب وتـنـشـيـط الـدورة الـدمـويـة وإذابـة الكـوليستـرول

- لـتـقـويـة الـعـضـلات والأعـصـاب

- لـعـلاج صـفـرة الـوجـه

- لـلإنـفـلـونـزا

- لـلـنـقـرس

[se_ Elsyed]

طبعاً كل ما الحاجه تبقى فريش بتبقى أفضل

أنا بصراحة وأنا في مصر عُمري ما شوفت الزنجبيل الطازه اللي شكله كده

لكن كان بيتباع في محلات العطارة على شكل بودر وما زال طبعاً

الميزة بقى إن ممكن الواحد يشترية ويخزنه في الفريزر ويخرج منه على قدر الأستخدام وبيظل محتفظ بخواصه

الظريف بقى ... العام الماضي جبنا شوية وخزنناهم وقربوا يخلصوا .. بأبص على السعر لقيت الكيلو بأقل من 4 ريال ... أمبارح روحت اشتري تاني لقيت الكيلو وصل " 16 ريال "

4 أضعاف

اهم نقطة ولو الواحد قدر يحرص عليها هي إنه يشربة مساءً ويا سلام لو قبل النوم

الدكتور فضل يشرح امبارح ييجي ساعة في النقطة دي .. باختصار .. تأثيرة على الأوعية الدموية اقوى بالليل ... لأن الجسم مناعته بتضعف بالليل عند أي إنسان و1لك نتيجة السكون وتباطء سرعة جريان الدم في الأورد والشرايين

على سبيل المثال : الواحد بيبقى زي الحصان طول النهار وخصوصاً الاطفال .. ويدخل الليل تلاقي الكحه والسخونية قالت فين يوجعك

معظم الازمات القلبية تحدث بالليل

مرضى المفاصل والروماتيزم بيتأثروا أكثر بالليل

مرضى الربو بيزيد عندهم الموضوع بالليل

كله كوم وحساسية الأنف كوم تاني ... الواحد بالليل بيبقى هايموت وتتزايد وتيرة الحساسية إلى الصباح حيث العطس وأنغلاق الأنف والصداع

عشان كده الزنجبيل بيعمل توزان لده كله ويقلل من تلك الأعراض تماماً

[جويرية]

رغم اني بلاقي ان اعشاب كتير مفيدة ، لكن ملاقيش نفسي افكر اغلي منها و اشرب ، مش عارفة ده كسل

لكن اظن ان لو الأعشاب دي استخدمت كتوابل في الأكل ممكن نقبل علي تناولها

[pink rose]

بصراحة باضيف مسحوق الزنجبيل و القرفة في جميع الاكلات كتوابل بجانب الملح و الفلفل

اولا بتدي طعم جميل

ثانيا نستفيد من فوائدها

احيانا بحب اشرب قرفة باللبن و باضيف ربع معلقة زنجبيل و ممكن الانسة مريم تاخدلها شفطة كده طفاسة لكن اني اعملها كوباية كده و تشرب زيي لأ و طعمه وحش يا مامي و افلام كتير

و انا نفسي بجد فعلا اقوي مناعتها لانها السنة دي مش عارفه على طول تعبانة

لانها بتنزل 6 الصبح في التلج اللي احنا فيه حاليا

هل في اقتراحات تانية غير الزنجبيل لتقوية مناعة الاطفال؟

[م تيمور المراغي]

رغم اني بلاقي ان اعشاب كتير مفيدة ، لكن ملاقيش نفسي افكر اغلي منها و اشرب ، مش عارفة ده كسل

لكن اظن ان لو الأعشاب دي استخدمت كتوابل في الأكل ممكن نقبل علي تناولها

:happy:

يا خبر على الكسل يا جويريه !!!

حتى دي كمان كسلانه تعمليها :happy:

[se_ Elsyed]

لكن اظن ان لو الأعشاب دي استخدمت كتوابل في الأكل ممكن نقبل علي تناولها

حصل يا فندم

الهنود والفلبينيين بيسفوه سف هنا

في أيام الشتا القارص بأبقى لابس كل هدومي وهاين عليه أتكلفت ببطانية خصوصاً لو خارج بالليل ...

إلا والاقي الهنود والفلبينيين في عز البرد ماشيين بنص كم وعادي خالص .. ( كل اللي في السعودية عارفين إن الهنود بالذات ما يعرفوش يعني إيه ملابس شتوية )

هانقول الكبير بيستحمل ... طب الأطفال ؟

اطفالنا بتبقى شبه الدب القطبي أبو فروه في الشتا

وعيالهم المفاعيص ما شاء الله لابسين كت وحرانيين

كل ده من التوابل دي على فكرة

بيجبيوا الزنجبيل ويقطعوه زي الطماطم والحاجات دي في كل طبخه .. فبتعطيهم طاقه غير عادية وتخليهم مش طايقين نفسهم من الحر

[se_ Elsyed]

هل في اقتراحات تانية غير الزنجبيل لتقوية مناعة الاطفال؟

أه

خليها تمضغ 4 فصوص ثوم عالريق كل صباح .. والله الشافي المعافي

أخو كي الدكتور سين سين ... أ دكتور المناعة والحركات بجامعة أم درمان

[pink rose]

هل في اقتراحات تانية غير الزنجبيل لتقوية مناعة الاطفال؟

أه

خليها تمضغ 4 فصوص ثوم عالريق كل صباح .. والله الشافي المعافي

أخو كي الدكتور سين سين ... أ دكتور المناعة والحركات بجامعة أم درمان

يا راجل اتقي الله

انت عاوز البنت الحيلة تروح مني

الله يكرمك شوفلنا حاجه تانية غير التوم يا دكتور

[الزهراء]

لما قريت موضوعك عن الزنجبيل ومميزاته فورا افتكرت الآية الكريمة

( ويسقون فيها كأسا كان مزاجها زنجبيلا عينا فيها تسمى سلسبيلا )

سبحان الله مفيش حاجة في القرآن كتبت عبثا أو من قبيل الصدفة

أكيد ذكره في شراب أهل الجنة معناه انه من أعظم النكهات وأفيدها في المشروبات

طبعا مع الفارق الكبير بين طعام الدنيا وطعام الجنة

جعلنا الله جميعا من اللذين يسقون كأسا مزاجه زنجبيلا

[Alrefaey]

صباح الخير ياابو الاسيان

هو الزنجبيل ممتاز بس اللى بيعانى من مشاكل فى المعدة وحموضة اوعى يقرب له

[se_ Elsyed]

صباح الخير ياابو الاسيان

هو الزنجبيل ممتاز بس اللى بيعانى من مشاكل فى المعدة وحموضة اوعى يقرب له

طب أعمل حسابك في إتنين كيلو . ولا هاتروح وتقول عدوا لي ؟

[م تيمور المراغي]

صباح الخير ياابو الاسيان

هو الزنجبيل ممتاز بس اللى بيعانى من مشاكل فى المعدة وحموضة اوعى يقرب له

طب أعمل حسابك في إتنين كيلو . ولا هاتروح وتقول عدوا لي ؟

آه قول كده بقى ,,

وانا اقول ياربي فاتح الموضوع ده ليه ,, فاتحه ليه :happy:

[MZohairy]

صباح الخير ياابو الاسيان

هو الزنجبيل ممتاز بس اللى بيعانى من مشاكل فى المعدة وحموضة اوعى يقرب له

انت فين يا درش؟

بحاول اكلمك و بلاقي تليفونك مقفول

كلامك مظبوط

الراجل عملي كوبايه كان حاطط فيها حوالي نص فدان زنجبيل

و محستش بالدنيا حواليا ياريس

[Alrefaey]

صباح الخير ياابو الاسيان

هو الزنجبيل ممتاز بس اللى بيعانى من مشاكل فى المعدة وحموضة اوعى يقرب له

انت فين يا درش؟

بحاول اكلمك و بلاقي تليفونك مقفول

كلامك مظبوط

الراجل عملي كوبايه كان حاطط فيها حوالي نص فدان زنجبيل

و محستش بالدنيا حواليا ياريس

تسلم يا ابو اياد

انا نزلت من الرياض على مصر واخذت اجازة مفتوحة من العمل بالرياض استعداد للاستقرار فى كندا وهسافر باذن الله بعد يومين الى كندا من القاهرة

عايزين نشوفك حيدانا فى تورونتو ان شاء الله قريبا

[MZohairy]

صباح الخير ياابو الاسيان

هو الزنجبيل ممتاز بس اللى بيعانى من مشاكل فى المعدة وحموضة اوعى يقرب له

انت فين يا درش؟

بحاول اكلمك و بلاقي تليفونك مقفول

كلامك مظبوط

الراجل عملي كوبايه كان حاطط فيها حوالي نص فدان زنجبيل

و محستش بالدنيا حواليا ياريس

تسلم يا ابو اياد

انا نزلت من الرياض على مصر واخذت اجازة مفتوحة من العمل بالرياض استعداد للاستقرار فى كندا وهسافر باذن الله بعد يومين الى كندا من القاهرة

عايزين نشوفك حيدانا فى تورونتو ان شاء الله قريبا

الراجل ده يا جماعه من أأدب الناس اللي شوفتهم في حياتي و بحس بإني ماتربتش كويس لما اقعد معاه مقارنة بأخلاقه

تمنياتي لك يا مصطفى بكل انواع التوفيق اللي تتخيلها واللي لا تتخيلها

و الله يخليك اول ما توصل ابعتلي تليفونك الكندي علشان اكلمك اول ما اوصل كندا ان شاء الله

[se_ Elsyed]

بالتوفيق يا دكتور وبإذن الله تبدأ حياه سعيدة هناك ....

وخلي بالك .. كفيلك موجود هنا .. ( أنا يعني ) خروج وعوده ... نقل كفالة .. خروج نوهائي ... كده يعني ..

هو في زنجبيل في كندا ولا نعمل لك لفه حلوه تاخدها معاك ؟

معاك إيه ... ده برد كندا عاوز شجره زنجبيل تتزرع على دماغ الواحد

[hOuSsAm]

تم الارسال اليوم, 12:34 PM

mzohairy, on 25 December 2010 - 12:21 PM, said:

Alrefaey, on 25 December 2010 - 11:37 AM, said:

صباح الخير ياابو الاسيان

هو الزنجبيل ممتاز بس اللى بيعانى من مشاكل فى المعدة وحموضة اوعى يقرب له

انت فين يا درش؟

بحاول اكلمك و بلاقي تليفونك مقفول

كلامك مظبوط

الراجل عملي كوبايه كان حاطط فيها حوالي نص فدان زنجبيل

و محستش بالدنيا حواليا ياريس

تسلم يا ابو اياد

انا نزلت من الرياض على مصر واخذت اجازة مفتوحة من العمل بالرياض استعداد للاستقرار فى كندا وهسافر باذن الله بعد يومين الى كندا من القاهرة

عايزين نشوفك حيدانا فى تورونتو ان شاء الله قريبا

ربنا يوفقك يا دكتور فى حياتك الجديدة ومن نجاح اللى نجاح باذن الله

بالنسبة للزنجبيل بحس انه بيدينى ق د ك كبيرة اوى :)

انا دايما بشربه بالعسل بس عمرى مجربته باللبن

هجربه النهاردة باذن الله

[Howayda Ismail]

هل في اقتراحات تانية غير الزنجبيل لتقوية مناعة الاطفال؟

أه

خليها تمضغ 4 فصوص ثوم عالريق كل صباح .. والله الشافي المعافي

أخو كي الدكتور سين سين ... أ دكتور المناعة والحركات بجامعة أم درمان

يا راجل اتقي الله

انت عاوز البنت الحيلة تروح مني

الله يكرمك شوفلنا حاجه تانية غير التوم يا دكتور

ههههههههه ضحكتينى ياريمو

لا قولى له جربت انت الاول تعمل كده عشان يديكى النصيحة دى

طيب ممكن ندخلها فى سلطة خضرا او بابا غنوج تبقى مبلوعة