نتيجة التصويت لوسام المحاورات

[Alshiekh]

بعد إنتهاء فترة التصويت لوسام المحاورات بلونيه الأزرق والفوشيا

نعلن نتيجة التصويت ،

أولا نتيجة الـ Top 10 ، الأزرق والفوشيا

ثانيا نتيجة التصويت الكلى

أخر تحديث 7:16 مساءا بتوقيت القاهرة ، 11:16 بتوقيتى المحلى

[طبيبة بالخارج]

ألف مبروك للفائزين

:) :)

[arkan]

مبروك للجميع

الله يعينكم

[hOuSsAm]

مبروك لـ architect & لماضة

تستحقونهابجدارة وبشهادة الناس ومجهودكوا وافكاركوا الجميلة

مبروك للجميع التاليين فى التصويت بصراحة شايفكوا كلكوا ناجحين ومجرمين فى مواضيعكوا وتعليقاتكوا (الاجرام بمعنى حاجة حلوة مشوحشة)

المفاجاة ان لاقيت حد عاطين اصوات :) مع انى بعيد عن المحاورات من زمان (متشكر لاصواتكوا وسام على صدرى)

باذن الله من نجاح لنجاح ربنا يجعله فى موازين حسناتكوا

تحياتى

[Om Zayd]

مبرووووووووووووووووووووووووووووووووووووووووووك

الناس قالت كلمتها

الخطوة الجاية ايه؟

تصويت لاختيار واحد-ة من الثلاثة؟

مين أم زياد؟

:closedeyes:

[ozoozo]

مبروك لكل الفائزين بس انا مش فاهم ده معناه ايه :cheer:

يعني الناس دي هاتخمس في الوسام ولا ايه طيب ولو واحد فيهم اتزنق وعايز يبيع الوسام عند الصايغ والتاني عايز يعلقوا في رقابته يعملوا ايه:blink:

تم تعديل 25 ديسمبر 2010 بواسطة ozoozo

[اغابي]

:cheer: :cheer:

الف مبروووووووووووووووووووووووووووووووووووووووووووووووك

لمضمض ومغتربة وهند

انا عمالة ادعيلكم

انا فرحانة جدا تستحقوه عند جدارة بجد الف مبروووووووووووووووووك

عاملين مجهود ووقت ومشاركات فعالة جدا وربنا يديمها عليكم امتيازات ونجاحات ودى بشرى حلوة للسنة الجديدة

الف مبرووووووووووووووووووووووووووووووووووووووووك

:cheer:

انتظرونى ياا قسم الازرق - ثوانى وراجعة احتفل بيكم بمززززززززززززززززاج

كل سنة وانتم متوسمين باجمل الاوسمة

تم تعديل 25 ديسمبر 2010 بواسطة اغابي

[عبير يونس]

ألف مبروك للفائزين و الفائزات

و عقبال الفوز الأكبر بالفردوس الأعلى لنا جميعا

بس كنت عايزة أعرف

الأرقام اللي جنب اسماءنا دي :blush2:

دي أعمارنا صح؟؟؟

مصرية متغربة 17 :wub:

[Dreamwithme]

ألف مبرووووووووووووووووووووووووك يا لماضة ومغتربة وأستاذة هند mft:

وألف مبرووووووووووووووووووووووك ياأركيتيكت وأستاذ سي السيد والساري :king:

وألف مبروووووووووووووووووووووك لكل واحد سمع اسمه في المرشحين jmb-)

وألفين مبروووووووووووووووووووك لكل المحاورتين الجمال جدا gra:-

[om marawan]

ألف مبروك للفائزين و الفائزات

و عقبال الفوز الأكبر بالفردوس الأعلى لنا جميعا

بس كنت عايزة أعرف

الأرقام اللي جنب اسماءنا دي :blush2:

دي أعمارنا صح؟؟؟

مصرية متغربة 17 :wub:

18 والله يامصرية

مش 18 سنة يعني

بس قصدي احسبي صوتى اللى ماصوتش بيه :closedeyes:

اصلى واخدة برد وماعرفتش اصوت فى الفوشيا هههههههه

لا هوانا فعلا ماعرفتش اشارك يعنى اتحرجت والله :blush2: لان بجد ناس كتيرة حبايبي جدا وخفت انسى حد :wub:

بس بجد كل الناس اللى فى المحاورات واللى كسبت تستحق عن جدارة

وراجعة لهم نحتفل بذمة

ألف مليووووووووون مبرووووووك

[om marawan]

مبروووووك للماضة فراشة المساء والصباح وكل وقت

مبروووووك لمغتربة اللى كل مشاركة لها بتضيف ليا وانا باقراها

مبروووووك لهند الاسكندرانية الجميلة المتألقة

مبرووووووووك باشمهندس وجودك اضافة متميزة جدا لباقة المنتدى الرائعة

مبروووووووك سي السيد ....سي السيد ياجماعة يعني المحاورات والمحاورات هى سي السيد

مبروووووووك الســــاري ...دايما متألق رأى وفكر وفن نموذج رائع للشباب السعودي الواعي

مليووووووووووووووووون مبرووووووووووك لكل الناس اللى احنا فزنا بمشاركاتهم معانا على رأى دريم اللى سمع اسمه واللى كمان ماسمعش بس سجل رأيه وكلمته ومابخلش علينا بمشاركته

مليووووووووووووووووون مبرووووووووووك لاحلى محاوراتية :egyflag:

وكل سة والمحاورات بخير واحنا فيها متجمعين

ويااااااااارب كتر افراحنا وعلى قد نيتنا ادينا

لأ مش الاغنية دي

التانية بتاعة وحيااااااة قلبي وافراحه

سي سي ح ميم

تم تعديل 26 ديسمبر 2010 بواسطة om marawan

[قلب ابيض]

مبروووووووووووووووووووووووك

http://www.youtube.com/watch?v=IM88ElVssxA

بالمناسبه الحلوه دى بقى ;) عاوزين الحلاووووووووووووه

اصرفوا لكل عضو تويبكين جدعنه :blink: وتلاته اربعه من الخضر اللى تحت :blink:

وما بيزيدوش دول . :ph34r: ......عندنا عيال محتاجين كل نقطه خضره الله يكرمكم

ويكفيكم شر النقطه kis)-

[اغابي]

اولا : بحب اشكر الاستاذ محمد

على تعبه فى تجهيز جدوال المتسابقين بشفافية ووضوح - و ساعدنى انى اعرف الناس الكتير اللى صوتولى وانا للاسف ما صوتلهمش - يا كسوفى

شكرا جزيلا يا استاذ محمد - مجهود يستحق الشكر

ثانيا

------

الف مبرووووووووووووووك يا هالفريق الازرق

:cheer:

البشمهندس ارتيكيت = يعنى = تيمور = يعنى ارش = يعنى انشط مشاركات فيكي يا محاورات - الكلمة الخفيفة والسهلة الممتنعة

السي السيد = يعنى الكلمة اللى بتدخل قلبك من غير استئذان = يعنى قريبنا

يعنى اللى بنشوف فيه صورة واحد من قرايبنا ومن جيرانا ومن اخواتنا

= يعنى الدم الخفيف وصاحب اجمل مشاركات بلا منافس

السارى = يعنى الشاب السعودي اللى بقلبك يا مصر

يعنى صاحب اكبر ايرادات لشباك تذاكر بسينما المحاورات = يعنى الكلمة الحلوة والدم المصرى = يعنى مخرج المحاورات

ومن هنا لازم احتفل بطريقتى

وانادى على نجاتى

نجـــــــــــاتى - انفخ البلاليييييييييين

تم تعديل 26 ديسمبر 2010 بواسطة اغابي

[remoun]

الف مبرررررررررررررررررررروك لكل الفائزين بجد انتوا فعلا تستاهلوا الفوز

وانا مضايق جدا انا مخدتش بالي من موضوع التصويت دا كان نفسي اعبرلكوا عن اعجابي بيكوا عن طريق اني اديكوا صوتي.

[shiko]

http://www.youtube.com/watch?v=mYsiSv-PuA4&feature=related

...اهداء إلى الفريق الازرق ...

http://www.youtube.com/watch?v=1rOwaPRnxVI

للفريق البينك ....احلى بنات فى المحاورات

[se_ Elsyed]

الف الف مبرووووووووووووووووووووووووووووك لكل الفائزين والفائزات ... وبجد بجد كلكممممممممممممممممممم تستاهلوا ...

------------------

ومن عندي أنا باعلن بتبرعي بالهدايا والمكافآت التالية :

- بالنسبة لقسم الرجالي

أرش وأخوه ساري ..

* عدد واحد شورت هاواي

* عدد زوج زعانف مع نظارة من اللي بتسد المناخير

ده لزوم الصيف

( ساري .. أرش .... خمسوا بقى في الهديتين دول عشان إحنا أخر الشهر والظروف مزنقه وكدهوت .... وأهو إنتو قريبين من بعض وجده والمدينة فركة كعب )

- بالنسبة لقسم البنات

دي بقى مفاجآة بجد من شركة سينسينكو للادوات المنزلية

لماضه .. مغتربة .. هند

انا عارف إنها مفاجآة بالنسبة لكم ومن فضلكو أمسكوا نفسكو

* إليكم طقم حلل ستانلس غير قابل صدأ ... ولو أشتريتوا الطقم ده خلال يومين من العرض هاتاخدوا عليه " كسرولة لغلي اللبن " هدية ... وإن شالله ما حد حوش

سعر الشحن ثابت .. سعر الصرف ثابت ....

[الســـاري]

اقول وش السالفة ؟؟

اشوف الدعوة تخميس بتخميس ... السيد اوزاوز يقول اللي فايز يخمس بالوسام ويبيعه عند الصايغ .. وسي السيد يقول لي انا والارش نخمس بهالسراويل اللي عارضها فوق

الخمسات عندنا يعني تفحيطات .. يعني طلعة امريكاني ..

عموما

ولحد الاستفهام من مرجعنا اللغوي لماضة عن التخميس ... احسن تطلع شتيمة

احب اقول الف الف الف الف الف مبروووووووووووووووووووووووووووووووووووووك من كل قلبي لكل الفائزين ... سواء الزرق او الورديين

مبروووووووووووك لماضة مصرية جدا ... تستاهلي اكثر من مجرد وسام ... فقط من يلمس مجهوداتك ومساحة الصفاء في كتاباتك والود في تقرير مراسلاتك والاحساس في فراشاتك يعرف انك تستحقين التميز

مبروووووووووووووووووووووك مغتربة .. مبرووووووووووووك التميز ... مبرووووووك التميز الاعلى في النقاط الخضراء ... مبرووووووووك الابداع

مبروووووووووك التفنن في مخاطبة العقول .... مبرووووووووووك

مبروووووووووووووووك اختي هند علي .. الف مبروك تحيط الاسكندرية وشاطئها الجميل وميامي وكوبري ستانلي والقلعة والبحر ...هند علي قلعة من الشموخ والتميز بجوار البحر .. فلا تقل لي ايه جاب القلعة عند البحر

نجي للخناشير دلوقتي ...

الف الف الف الف مبرووووووووووووك ايها الارش العزيز ..... لو كان لي ان امنحك عشرة اصوات لمنحتها .... تستحق ماهو اكثر من التميز ... صباحك عسل وروقان وفول مغموس بالزيت الحار ..... انسان مبدع ... خفيف الروح والظل ... مهندس في عمله ... مهندس في ابداعاته .. طاهر ونقي السريرة

استاذي الكبير ابو الاسيان ... بغض النظر عن السروال الازرق الذي لا اعرف كيف ساشاركه مع الارش ... وبغض النظر عن الحجم السوبر الديلوكس للشورت ... وبغض النظر عن نظارة البحر واصلا مافيش بحر بالمدينة .. بس هديتك مقبولة ... انت بالذات مش حبارك لك ... عارف ليه ؟؟ لانك انت المنتدى والمنتدى انت .. انت المحاورات والمحاورات انت كما قالت اغابي ... انت الشعب والشعب انت ... تستاهل كل خير يا مولانا ... ادام الله ظلك الوارف

الساري ... انت مصدق نفسك يا باشا ... ؟؟ عملت ايه انتا ياخويا عشان تاخد وسام ؟؟ ... شاركت بنشاط مثل الارش في كل المداخلات بشكل مفيد ؟ .. حليت مشاكل نص المغتربين بالعالم زي سين سين ؟؟ ... غنيت زي استاذ ارش بالتسجيل بتاعه ؟ ... قلت ياليل وردد الناس وراك اااااه ؟.؟ ... هروك الناس رسايل زي اللي ببروفايل سين سين انا عايز اعرف خطوات الاستقدام للزوجة بالتفصيل الممل ؟ ... عملت ايه يا ضنايا على قولة لماضة غير شوية افلام مقاولات ولهطت الايرادات ؟ .. المنتدى ده ياما ناس كتبت فيه كلام كبير استلزمها تعب وجد وعمل مش ممكن تمحيه بشوية مشاركات ..

استاذتي الافاضل ... الف شكر لكم .. واشكر كل من صوت لي او صوت علي .. واشكر كل من قلدني ثناء لا استحقه ... كلماتك هذه هي ارفع وسام ممكن اتقلده ..

شكرا جزيلا لكم

[se_ Elsyed]

اقول وش السالفة ؟؟

عشان إنت حبيبي بس يا ساري هافهمك

التخميس في لغة الروشنة = sharing

تقاسم يعني .

أصل الكلمة اللغوي جه من إن أيام المراهقة والعيال الصغيرين بيجربوا شُرب السجاير .. ما بيبقاش معاهم فلوس يالتأكيد يشتروا علبة كاملة .. فبيلجأوا للسجاير الفرط ... سجارة سجارتين كده يعني ... فلما بيكونوا جروب ومعاهم سجارة واحده فعشان تكفيهم كلهم فبيخمسوا فيها .. يعني كل واحد مسموح له بخمس أنفاس فقط ويباصيها للي جنبه .. ويا ويله اللي يشفط نفس زيادة بيبقى نهارة أسود ....

كان معكم سين سين الصحاح

[مغتربة]

مبروك لكل الناس فى المحاورات

مش مهم مين الاول و مين الاخير

لان احنا كلنا فى الموضوع دا طلعنا كسبانين صدقونى الى اتذكر اسمه و لو مره واحده كسبان

الى شارك بالتصويت كسبان

الى حتى ذكر اسم فى نفسه من غير ما يكتبه هنا هما الاتنين كسبانين

كل الى عدى على الموضوع هنا و لو مرور فقط كسبان

التجربه كانت كبيره جدا جدا و طلعنا منها بحاجات حلوه كتير

ميرسى لكل الى هنونى بس بجد بقولكم كلنا هنا كسبانين زى بعض لان الى طلعنا بيه اكبر بكتير من الترتيب

مبروك لينا كلنا تجربه جميله اتمنى انها تتكرر بشكل دورى

تحياتى

[Howayda Ismail]

السلام عليكم ورحمة الله وبركاته

صراحة مش حاقدر اقول كلام اجمل من اخواتى الاعضاء وسبقوا وقالوه

بس اللى اقدر اقوله انا سعيدة بكم الحب والود اللى استشعرته من اخواتى فى المحاورات

وده احسن وسام ممكن يسعدنى ويفرحنى لانه هدية من ربنا ان يمنحنى حبه ورضاه فى قلوب الناس

وانا باشكر كل الاعضاء دون استثناء على تفاعلهم فى التجربة الجميلة دى اللى اثبتت اننا

نقدر فى يوم من الايام نقدر نشارك ب اجابية فى انتخابات نزيهة حرة بدون تزوير ولا رشوة

والاهم الشفافية يعنى احنا فى المنتدى نجحنا فى اللى فشلت فيه انتخابات 2010 وده لوحده وسام

واخص بالشكر كل الاعضاء الاعزاء اللى منحونى اصواتهم تعبيرا عن صدق رايهم فى

واحب ابارك واهنى حبيبتى لماضة وحبيبتى مغتربة الف مبروووووووووووووووووووووووك

واحب ابارك واهنى اخواتى الاعضاء الافاضل

architect

se_ Elsyed

السارى

الف مبرووووووووووووووووووووووووووك

جميعكم استحقوتها عن جدارة الف مبرووووووووووووووووووووك