نتيجة التصويت لوسام المحاورات

[جويرية]

ألف مبروك لكل الفائزين

[akramgroup]

بصوا ياجماعة الخير بقى

دلوقتى الانتخابات قربت وبصراحه انا رشحت وادليت بصوتى وكنت مثال للعضو الفعال

نيجى بقى للجد

احنا طبعا عندنا مسئوليات وكده يعنى من الاخر لازم المرشحين يعملوا حاجه عشان نقدر نديهم الاصوات

عشان اللى جاى بقى كوم تانى والموضوع فيه وسام وحركات جامده كده

وبما ان فى اى منتدى تانى الصوت وصل مبلغ وقدرة..يعنى اتوقع هنا كمان هانبدأ نسمع عروض حلوة

يعنى اللى عاوزنى ارشحه يتفضل يبعت رساله على الخاص يقول اسمه والمبلغ اللى هايدفعه وبعدين اقرر

وبعيدا عن الهزار

الف مبروك لكل المرشحين والمرشحات ويارب دايما فى تألق وافاده للجميع

:clappingrose:

[رضوي]

والناجح يرفع ايه هييييييييييييه

يالف ميلون مبروك

الف مبروك لكل الفائزين بالوسام .......... وبجد تستحقوها ........ واعضاء كتير كمان يستحقوها ........ المحاورات كلها مبدعين

لماضة هانم ......... تحيات حضراتنا واجل تهانينا

مغتربة حبيبتي ........ يامليون مبروووووووووك

مدام هند ........ تستحقيها عن جدارة .... الف مبروك

والف مبروك لكل الفريق الازرق ........ تستحقوها بجد

يلا بقي ف اخر اللقاء احب اسمع اغنية

زغروتة حلوة رنت ف بيتنا ( المحاورات )

[Salwa]

مليون مبروك للأفاضل...

مغتربة ....لماضة ...هند ....اركيتكت...سى السيد ...السارى .

طبعااا انا اوضحت ف مداخلتى ان الأختيار المحدد بعشرة فقط..شئ محرج..وان الجميع هنا يستحق فعلا وسام..

وان مكان الجميع ف القلب فعلا .

مش معنى ان محدش اختار حد تانى ...انه مش بيحبه زى الباقى ؟؟؟

لالالالا طبعا...

وفعلا الموضوع ده اثبت اننا فعلا ممكن نتصرف ونختار بكل شفافية بلا اى ضغو..

مبروك علينا..أنتم.

وفعلا انتم جزء من كل رائع..

ربنا يخليكم ويخللى المحاورات .. :clappingrose:

[لماضة مصرية جدا]

السلام عليكم و رحمة الله و بركاته

عايزة اقول حاجات كتيرة فوق بعضيها.....

عايزة اطير

مع كل حرف اتكتب....

و كل مداخلة اتحطت...

و كل مرور دافي....

و كل احساس حلو صحي وسطكم هنا

بس سامحوني مش قادرة

ما هو مش معقولة....اطلع ع المرسح....و انا مخستكة كده ع الاخر........بدور البرد اللي ماليني....وواصل لغاية العضم و استقر

بعتذر جدا جدا جد عن تاخري في الرد....و في تلقي هدايا المحبة الرائعة اللي غمرتوني بيها

و باذن الله لي عودة.....فمثل تلك الروعة....لن يخطئها القلب في رحلته و سيتوقف لديها كثيرا جدا

لغاية ما اجي

حبيت اقولكم....

خليكوا دايما شايفين احلي ما فيكو.....انتم ناس رائعين جدا و لا نزكي علي الله احدا

عيشوا كل لحظة حلوة.....بكل ما فيها....للفرحة وجوه كتيرة....لكن احساس الفرح...مش بتختلف ملامحه

افتحوا قلوبكم انها تشوف الجمال في كل حد....

و في كل حرف....

و هتلاقوا جهاز المناعة بتاعكم بقي اقوي.....

مش بس عشان يعافر المرض.....عافاكم الله و دمتم سالمين

لا عشان يعافر لما الدنيا بتتقل عليه

و اكيد في يوم هتتقل...لان طبعها كده

و يوم ده ما يحصل....خلاص مبقناش خايفين

لان لكل واحد فينا بقي ليه.مساحة خاصة جدا يستخبي فيها....

مساحة....قريبة جدا من القلب...و العقل

مساحة تواصل....حتي ع البعد

مساحة يجري عليها....بلهفة المشتاق..... لما يدور علي زاد روحه

كونوا دايما بكل الخير....

بكل الجمال....

بكل اليقين...ان من يصنع فارقا....هو أنتم بارواحكم النقية حد ملامسة الضوء

عايزة اختم ب

فوتكم بعافية.....

بس مش قادرة....

(اييييييييه.....مش عارفة ليه كل ما اعيا افتكر عم ايوب و هو بيقول ربنا اخد مني كل حاجة و اداني الصحة.....ههههههههه)

مساكم....عافية هترجع باذن الله و تتجدد بدعواتكم

في امان الله

[se_ Elsyed]

بس سامحوني مش قادرة

ما هو مش معقولة....اطلع ع المرسح....

أبوس إيدك بلاش طلوع على مراسح .... سواء عندك برد أو حر .... خليها من بعيد لبعيد مش ناقصين مواكف محرجه

انظر الكتاب صفحة مواقف محرجة ف يالطفولة وكدهوت

[عبد الله غريب]

شكرا على المجهود الواضح من أستاذ محمد يوسف و المشرفين لإخراج هذا لموضوع بهذا الشكل المشرف.

و شكراً لكل الأعضاء و العضوات اللي ساهموا في التصويت و اللي نسيوا يصوتوا (زي كدا) :blush2:

و شكر خاص لمن صوت لي ، كانت مفاجأة لي. كل التقدير لكم rs: .

تم تعديل 26 ديسمبر 2010 بواسطة عبد الله غريب

[لماضة مصرية جدا]

بس سامحوني مش قادرة

ما هو مش معقولة....اطلع ع المرسح....

أبوس إيدك بلاش طلوع على مراسح .... سواء عندك برد أو حر .... خليها من بعيد لبعيد مش ناقصين مواكف محرجه

انظر الكتاب صفحة مواقف محرجة ف يالطفولة وكدهوت

السلام عليكم و رحمة الله و بركاته

ايه ده.....يا وقعة بمبي في فسكوز

مواكف محرجة....و علي المرسح...!!!!!

طب سؤال بس آد النملة

هو انا حصلتلي مواكف....محرجة ع المرسح مرتين...

مرة و انا كبيرة كده و هبلة....و قام الكعب انكسرو عملت رقصة الحصان الاعرج ع المرسح

و المرة التانية و انا صغيرة و قزعة و الجيبة سقطت رسميا امام الجااامهور

السؤال.....هو اناحكيت الحاجات دي قبل كده...(شكلي عكيت....و من زماااااان)

يا دي الفاضيحة ام جلاجل....يا دي الجورسة ام حناجل

طيب.....

احم احم

انا مش هنا

(وش حد مغطي وشه...بالمخدة...و هيفطس من الضحك)

[زهرة الجبل]

الأخوه و الأخوات الأفاضل و الفضليات

لماضه مصريه *** مغتربة ***هند علي *** الساري *** اركيتكت *** سي السيد

~~~~~~~~~~~~~~~~~~~~~~~~~

ألف ألف ألف ألف ألف

ألف ألف ألف ألف

ألف ألف ألف

ألف ألف

ألف

ألف

ألف ألف

ألف ألف ألف

ألف ألف ألف ألف

ألف ألف ألف ألف ألف

مبروك

~~~~~~~~~~~~~~~~~~~~~~~~~~~~~~~~

تستحقون هذا التقدير و أكثر على كل حرف كتبتموه هنا

كل مشاركه منكم هنا كان لها معنى و فائده أضافت لأرصدتكم عندنا و إستحققتم بها التميز

الفاضله مغتربه صاحبة العقل المستنير و الفكر البناء و الآراء الواعيه

و الفاضله هند علي برصيدها الرائع من الموضوعات و المشاركات القيمه

الجميله لماضه بتلك الخلطه السحريه بين رجاحة العقل و خفة الدم

و الأخ الكريم الساري الفنان الخلوق بمجهوداته السينيمائيه المحاوراتيه

و الأخ الفاضل اركيتكت بأسلوبه الراقي و إضافاته القيمه

و الأخ الكريم س س دينامو المحاورات و أحد أركانها الأساسيه

تهنئه من القلب للجميع

و الشكر للإداره على مجهودها الواضح الذي أخرج الموضوع بهذا النظام

تحياتي

زهرة الجبل

تم تعديل 27 ديسمبر 2010 بواسطة زهرة الجبل