الكشف الطبي , غير لائق بسبب عملية قلب مفتوح

[egyprogramer]

السلام عليكم

انا عامل عملية قلب مفتوح , وعند الكشف الطبي تم كتابة غير لائق طبيا

ايه الحل , الكفيل سوف يرسل لي خطاب استثناء . بس الشركه قالت ليا انه مش مضمون يوافقو علي الفيزا

لازم يكون حد جوه السفاره او الكفيل نفسه

وواحد من شركة التسفير قالي ممكن يخلص الموضوع بس بياخد 6000 جنبيه من غير خطاب استثناء والكلام داا

ارجو الافاده ياجماعه

شكرااا

[se_ Elsyed]

السلام عليكم

انا عامل عملية قلب مفتوح , وعند الكشف الطبي تم كتابة غير لائق طبيا

ايه الحل , الكفيل سوف يرسل لي خطاب استثناء . بس الشركه قالت ليا انه مش مضمون يوافقو علي الفيزا

لازم يكون حد جوه السفاره او الكفيل نفسه

وواحد من شركة التسفير قالي ممكن يخلص الموضوع بس بياخد 6000 جنبيه من غير خطاب استثناء والكلام داا

ارجو الافاده ياجماعه

شكرااا

ممكن بخطاب التأييد من الكفيل تمشي

وبرضوا ممكن المكتب يمشيها على فكره

ربنا يوفقك

[egyprogramer]

ممكن ياجماعه بس حد يرد عليا بالتفصيل

انا اعرف حد تاني مش من المكتب وقالي هايخلص الموضوع كله

بس انا خايف الموضوع يتعقد

[egyprogramer]

كمان فيه حل مقترح عليه

ان الشركه تبعتلي فيزا زياره , وانا من السعوديه اغيرها الي فيزه عمل . هل دا صحيح ؟

ارجو الرد ياجماعه

ان شاء الله خيييييييييييييير

[se_ Elsyed]

كمان فيه حل مقترح عليه

ان الشركه تبعتلي فيزا زياره , وانا من السعوديه اغيرها الي فيزه عمل . هل دا صحيح ؟

ارجو الرد ياجماعه

ان شاء الله خيييييييييييييير

أوعى تصدق الكلام ده

الموضوع ليس بتلك السهولة وبتبقى حالات نادر جداً اللي الزيارة بتتحول فيها غلى إقامة ...

وكمان الزيارة لو طلعت لك بشهر .. يبقى هاتتجدد مرتين بالكتير قوي وتاخد نهائي وتلاقي نفسك راجع بعد 3 شهور ..

[egyprogramer]

طيب موضوع دفع الفلوس دا امان ولا فيه مشكله ؟

وبعدين تقريبا بيكون الدفع اد ايه ؟

شكرا اخي بج علي اهتمامك

[خالد شحاته]

طيب موضوع دفع الفلوس دا امان ولا فيه مشكله ؟

وبعدين تقريبا بيكون الدفع اد ايه ؟

شكرا اخي بج علي اهتمامك

الموضوع يتكلف 5000 الف جنيه

[egyprogramer]

استاذ خالد

شكرا علي ردك , ممكن حضرتك تبعتلي رقم تليفونك ضروري لو سمحت

او اي حد يعرف حد يخلصلي الموضوع بس يكون امان , جزتكم الله خيراا يارب

شكراا

[ام عمر المصرية]

غريبة جدا انا جوزي مهندس و يعمل هنا في المملكة من 3 سنوات تقريبا

و هو بردو عامل قلب مفتوح و محدش علق

اللي اعرفه اهم حاجة الفيرس

يمكن حضرتك طالع علي بلد غير المملكة

و المملكة ساعات بتتساهل

الله الموفق

[egyprogramer]

طيب ممكن اعرف هو عمل الكشف الطبي

وكانت نتيجته ايه

لان عندي عملو غير لائق طبيا

شكرا

[Guest moh6772]

انا جالي عقد من مكتب التوظيف السعودي من سنتين لما عملت الكشف الطبي طلعني غيرلايق طبيا نتيجة عمليه قديمه بالفخذ الايسرضاع عليا العقد ده المشكله اني كل مايجيلي عقد في مكتب التوظيف يقولوللي الكشف الطبي الاولاني واقف كل حاجه هل في حل