مترو مدينة شينزن هونج كونج

[Alshiekh]

شاهدنا قطار المترو المزدحم فى اليابان والذى يتعاون فيه عمال المحطة فى " كبس " الركاب داخل المترو حتى يتأكدوا من غلق أبوابه قبل قيام القطار

وعلى الجانب الآخر أنقل لكم فيديو من هونج كونج لنرى كيفية التنظيم وكيف أن قطار المترو يقف عند النقطة المحددة بالسنتيمتر لاقبل ولابعد ، حيث أن الأبواب مزدوجة ، أبواب ثابتة فى المحطة تقابلها أبواب المترو عند وقوفه بالمحطة.

حقيقى أنا لا أعرف حال مترو الأنفاق بمصر الآن ، ولكننى أتذكر أنه كان شيئ جميلا منذ عشرون عاما ، ياترى كيف حاله الآن؟

أترككم مع الفيديو كليب لتستمتعوا به.

http://www.youtube.com/watch?v=A4GuDi1eTJw

[مغتربة]

نفس مترو دبى لو مكنتش الكتابه الصينى كنت قولت متصور فى مترو دبى
خلينى احط لكم فيديو عنه
http://www.youtube.com/watch?v=cfVXXHl7FTk

[عادل أبو عمر]

أتفق مع مغتربة ومترو دبي على الواقع أحلى

مترو دبي رائع أنا ركبته من شهرين ... نظام و جمال و شياكة و ألوان تحفة ....

بس تركبه في غير وقت الزحمة ... لأنه في وقت الزحمة صراحة أنا خرجت ركبت تاكسي .. مش عشان الزحمة نفسها .. عشان ريحة الهنود ... بيحطوا أسانس غريب

المترو في مصر خلاص أصبح يتبع مرفق أتوبيسات القاهرة الكبرى ...

مشكلة مترو مصر زي جميع مشاكل مصر ... إدارة فاشلة

[akramgroup]

ان شاء الله فى جده عندنا هايعملوا مترو انفاق بعد تمناشر سنه

وهابقى اصورهولكوا لو ربنا ادنا العمر

ومحدش بقى يحط الفيديوهات دى عشان بيجيلى حسرة

تحياتى

[remoun]

الحاجة اللي عجبتني بمترو دبي كنت راكبة اول مرة وكنت رايح سياحة فكان معايا ازازة مايا ففتحت وشربت لاقيت طلعلي مفتش ومفتشة على المترو وكانوا امارتيين وبمنتهى الجنتلة والذوق قالولي على فكرة ممنوع شرب الماية بالمترو لان ممكن تنقط بعض النقط بالارض ولما الناس تدوس على الارض وفيها ماية هتلطخ الارض طين بس لان حضرتك جاي سياحة واول مرة تركب المترو عندنا فمش هندفعك غرامة بس من فضلك خليك فاكر الحاجات دي وقولها للي بتبعتهم لدبي سياحة لاني عرفتهم باني شغال بالسياحة ووقتها كنا بمعرض السياحة بدبي وكمان ممنوع اكل اللبان علشان ممكن حد يرمي اللبان بالارض ويلصق بارض المترو .... اية رايكوا بقى بزمتكوا مش بالزبط نفس ما يحصل عندنا بمصر ههههههههههه .

احنا لو حصل مخالفة تلاقي امين شرطة جة وقالك تدفع غرمة ولا كل سنة وانت طيب وتفتح مخك هههههههه وتبقى هي دي التوعية اللي نعلمها للناس بمصر كلمة السر كل سنة وانت طيب .

[الغريب]

حقيقى أنا لا أعرف حال مترو الأنفاق بمصر الآن ، ولكننى أتذكر أنه كان شيئ جميلا منذ عشرون عاما ، ياترى كيف حاله الآن؟

أقولك أنا يا أستاذ 'Mohammad'

كعادة كل حاجة حلوة في مصر

بين عدم الصيانة والإهمال والتسيب المتتابع والسلوكيات الخاطئة

ضاع مترو الأنفاق زي كل حاجة حلوة بتضييع

منذ أن تركت الشركة الفرنسية المترو ، وساار تماما كـ"الأتوبيس الأحمر"

- مفيش نظام تقاطر منضبط

- إنتشار الباعة الجائلين بداخله.

- لا يوجد نظافة بداخله.

- إنتشار السرقات والتحرشات، لغياب العناصر الأمنية بشكل غريب من جميع المحطات.

- لا تستطيع أن تركبه بالصيف نظرا لإرتفاع درجة الحرارة الرهيب.

- ملصق على المترو بالكامل من الخارج إعلانات بشكل فج ولا يمت للذوق بصلة.

- الحلول المطروحة للقضاء على الزحام بداخله غير منطقية ولا واقعية بالمرة، مثل تطبيق نظام الدخول من باب والخروج من باب.

خلاصة الأمر ، سار متناغم مع العشوائية المنتشرة في البلد

[ozoozo]

الحاجة اللي عجبتني بمترو دبي كنت راكبة اول مرة وكنت رايح سياحة فكان معايا ازازة مايا ففتحت وشربت لاقيت طلعلي مفتش ومفتشة على المترو وكانوا امارتيين وبمنتهى الجنتلة والذوق قالولي على فكرة ممنوع شرب الماية بالمترو لان ممكن تنقط بعض النقط بالارض ولما الناس تدوس على الارض وفيها ماية هتلطخ الارض طين بس لان حضرتك جاي سياحة واول مرة تركب المترو عندنا فمش هندفعك غرامة بس من فضلك خليك فاكر الحاجات دي وقولها للي بتبعتهم لدبي سياحة لاني عرفتهم باني شغال بالسياحة ووقتها كنا بمعرض السياحة بدبي وكمان ممنوع اكل اللبان علشان ممكن حد يرمي اللبان بالارض ويلصق بارض المترو .... اية رايكوا بقى بزمتكوا مش بالزبط نفس ما يحصل عندنا بمصر ههههههههههه .

احنا لو حصل مخالفة تلاقي امين شرطة جة وقالك تدفع غرمة ولا كل سنة وانت طيب وتفتح مخك هههههههه وتبقى هي دي التوعية اللي نعلمها للناس بمصر كلمة السر كل سنة وانت طيب .

طيب وبالنسبه للتنفس في مترو دبي عادي كده يعني زي مالواحد بيتنفس ولا لازم البس انبوبه اكسجين عشان ماوسخش الهواء:closedeyes:

الناس بتوع دبي دول محتاجين يروحوا دورات تدربيبه عندنا في مصر عشان يعرفو ان المترو لا يكيل بالبتنجان

استاذ محمد فكره القطر دي موجوده هنا بالسعوديه في قطار المشاعر

وايضا موجوده في مطار فرنكفورت للتنقل بين الوفتهانزا والخطوط التانيه

اعتقد دي اكتر للامان لان كده مستحيل حد يخبطه المترو او هدومه تشبك والمترو بسحله وراه زي مابيحصل في مصر

تم تعديل 26 ديسمبر 2010 بواسطة ozoozo

[om marawan]

المترو بنظام الابواب اولا بيخللى احتماليه سقوط اى شىء او شخص لا قدر الله او حتى مروره على القضبان أمر مستحيل

طبعا النظام والدقة فى المواعيد والنظافة هو امر مش راجع للمترو نفسه قد ماهو جزء من سلوك الناس نفسها كمان

للأسف مترو الانفاق فى مصر لحد اخر عهدي بيه كان معقول جدا خصوصاانه بقاله سنوات عديدة

يعنى اجدد محطة يمكن من 15 سنة اعتقد

طبعا حتى فى الوقت ده كان مش بنفس الدقة والنظافة لكن كان لسه فيه غرامة لاى حد يرمي حاجة وكانت بتطبق بدقة وبدون اى مجاملات

للأسف اللى قاله الفاضل الغريب زعلنى جدا اه يكون عندنا حاجة بدات وظلت سنوات على مستوى جيد ويسوء وضعها بهذا الشكل

مش عاوزة اقول ان ده حال حاجات كتيرة فى مصر

لأن برضه في حاجات كتيرة فى مصر على مستوى مشرف بل ورائع

لكن الفكرة انه العودة الى الوضع السابق مش مستحيلة

المستحيل فعلا بأه يامغتربة اننا نكون زى مترو دبي :happy:

ايه التعقيد ده

هو معروف طبعا انه مترو سياحي بالدرجة الأولى ومش هنقارن عشان العقد

ماقصدش انه للسياحة فقط

ولكن اقصد انه معمول على هذا المستوى

انا افتكرته مطار دبي بصراحة :blush2:

بس بجد انا فخورة بالامارات كبلد عربي تسعى فعلا لتحقيق التميز فى كل شىء

ملحوظة

لاحظتم ان الشاب فى مترو هونج كونج اللى تيشيرته اصفر مكتوب عليه FLY EMIRATES !!!

ملحوظة تانية

هيعملوا مترو فى مصر يوصل للمطار تقريبا حد سمع عن الموضوع ده