الاسباب الحقيقية لظهور الكرش

[اغابي]

الاسباب الحقيقية لظهور الكرش

هناك أنواع خاطئة من التمرينات وانواع أطعمة ضارة يمكن أن تسبب ترهل عضلات البطن وظهور الكرش. تعالي نتعرف عليها.

العديد من الأطعمة التى تدعى بالأطعمة الصحية إنها فى الحقيقة اطعمة ضارة ولكنها متخفية وغير ملحوظة حيث تتسبب فى زيادة الدهون الضارة فى الجسم.

مثلا أطعمة الحمية (دايت) تمد الجسم بكميات من الدهون والسعرات الحرارية الزائدة لإحتوائها على محليات صناعية وسكريات كحولية وإضافات اخرى تتسبب فى إضطرابات وفوضى هرمونية داخل جسمك، وتحفز الجسم على تخزين دهون اكثر فى المعدة وزيادة الشهوة للطعام.

كذلك احذري الأطعمة المكتوب عليها أنها تحتوى على الحبوب الكاملة (بدون إزالة القشور) لأنها تحتوى على النشا الصافى الذى يؤدى الى زيادة السكر فى الدم بسرعة تفوق السكر الطبيعى ومع ذلك تقوم المصانع بإنتاجها لزيادة ارباحها المادية دون النظر الى الضرر العائد من إستخدامها.

2- تمارين البطن المعروفة بالقيام والجلوس وكذلك الآلات المخصصة لذلك هى أقل الطرق فاعلية للحصول على عضلات بطن مشدودة.

3- التمارين المتكررة والمملة الخاصة بالقلب ليست افضل الطرق للتخلص من دهون الجسم.

4- انت لست بحاجة لتضيع أمولك على الأقراص الطبية المخصصة لحرق الدهون لأنها فى الحقيقة ليس لها اى فائدة تذكر إنها عقاقير مزيفة المفعول وما يشبهها من مستحضرات.

بل عليك بإتباع نظام غذائى خاص من التغذية الطبيعية.

5- كل أحزمة البطن والكراسى الهزازة والحيل التجارية كلها مضيعة للوقت والجهد والمال، إن ما يفيد الجسم حقا هى التمارين الفعالة والتغذية الحقيقية.

[أهااات روح]

الاسباب الحقيقية لظهور الكرش

هناك أنواع خاطئة من التمرينات وانواع أطعمة ضارة يمكن أن تسبب ترهل عضلات البطن وظهور الكرش. تعالي نتعرف عليها.

العديد من الأطعمة التى تدعى بالأطعمة الصحية إنها فى الحقيقة اطعمة ضارة ولكنها متخفية وغير ملحوظة حيث تتسبب فى زيادة الدهون الضارة فى الجسم.

مثلا أطعمة الحمية (دايت) تمد الجسم بكميات من الدهون والسعرات الحرارية الزائدة لإحتوائها على محليات صناعية وسكريات كحولية وإضافات اخرى تتسبب فى إضطرابات وفوضى هرمونية داخل جسمك، وتحفز الجسم على تخزين دهون اكثر فى المعدة وزيادة الشهوة للطعام.

كذلك احذري الأطعمة المكتوب عليها أنها تحتوى على الحبوب الكاملة (بدون إزالة القشور) لأنها تحتوى على النشا الصافى الذى يؤدى الى زيادة السكر فى الدم بسرعة تفوق السكر الطبيعى ومع ذلك تقوم المصانع بإنتاجها لزيادة ارباحها المادية دون النظر الى الضرر العائد من إستخدامها.

2- تمارين البطن المعروفة بالقيام والجلوس وكذلك الآلات المخصصة لذلك هى أقل الطرق فاعلية للحصول على عضلات بطن مشدودة.

3- التمارين المتكررة والمملة الخاصة بالقلب ليست افضل الطرق للتخلص من دهون الجسم.

4- انت لست بحاجة لتضيع أمولك على الأقراص الطبية المخصصة لحرق الدهون لأنها فى الحقيقة ليس لها اى فائدة تذكر إنها عقاقير مزيفة المفعول وما يشبهها من مستحضرات.

بل عليك بإتباع نظام غذائى خاص من التغذية الطبيعية.

5- كل أحزمة البطن والكراسى الهزازة والحيل التجارية كلها مضيعة للوقت والجهد والمال، إن ما يفيد الجسم حقا هى التمارين الفعالة والتغذية الحقيقية.

فعلا والله يااغابى معاكى حق معظم الادوية مزيفة وللأسف كمان عاداتنا احنا المصريين خاصة والمجتمع العربى عامة سيئة جدا فى طريقة طبخ وتناول الاطعمة الى بناكلها هى فعلا الرياضة :waving: الحاجة الوحيدة المجدية فى حرق الدهون بس تقولى لمين ومين يستمر ويواظب عليها :sad:

مشاركة جديدة تقبلى مرورى

تم تعديل 26 ديسمبر 2010 بواسطة أهااات روح

[hOuSsAm]

اغابى

مساء الخير

بصراحة مش فاهم..... او يمكن الكلام مش راكب

- تمارين البطن المعروفة بالقيام والجلوس وكذلك الآلات المخصصة لذلك هى أقل الطرق فاعلية للحصول على عضلات بطن مشدودة.

3- التمارين المتكررة والمملة الخاصة بالقلب ليست افضل الطرق للتخلص من دهون الجسم.

4- انت لست بحاجة لتضيع أمولك على الأقراص الطبية المخصصة لحرق الدهون لأنها فى الحقيقة ليس لها اى فائدة تذكر إنها عقاقير مزيفة المفعول وما يشبهها من مستحضرات

التمارين دى علمتها وجابنت نتيجى الحمد لله

بالنسبة للاقراص صديق لى جربها وجابت نتيجة ممتازة على كلامة حتى حذرناه انها بتجيب السكر بس ربنا سترها معاه وجابت النتيجة اللى هو عايزها

بالنسبة لكلامك فوق محتاج توضيح شوية عشان انا كنفيوزد:)

[طبيبة بالخارج]

انا شايفة ان الجلوس على النت مع اكل ما لذ و طاب هو السبب الحقيقي من وراء الكرش

[اغابي]

اغابى

مساء الخير

بصراحة مش فاهم..... او يمكن الكلام مش راكب

- تمارين البطن المعروفة بالقيام والجلوس وكذلك الآلات المخصصة لذلك هى أقل الطرق فاعلية للحصول على عضلات بطن مشدودة.

3- التمارين المتكررة والمملة الخاصة بالقلب ليست افضل الطرق للتخلص من دهون الجسم.

4- انت لست بحاجة لتضيع أمولك على الأقراص الطبية المخصصة لحرق الدهون لأنها فى الحقيقة ليس لها اى فائدة تذكر إنها عقاقير مزيفة المفعول وما يشبهها من مستحضرات

التمارين دى علمتها وجابنت نتيجى الحمد لله

بالنسبة للاقراص صديق لى جربها وجابت نتيجة ممتازة على كلامة حتى حذرناه انها بتجيب السكر بس ربنا سترها معاه وجابت النتيجة اللى هو عايزها

بالنسبة لكلامك فوق محتاج توضيح شوية عشان انا كنفيوزد:)

شوف يا حسام

المقالة بتقولك ان نظام الاكل المنتشر انه دايت والتمارين اللى بتتصدر الاجهزة بتاعتها الاعلانات التجارية دى كلها هى الاسباب الحقيقية وراء ظهور الكرش

مع ان الاكل الجيد هو الاهم من التمارين وانت عارف ان فى انواع معينة من الاطعمة بتحرق الدهون

زى الجنزبيل - الملفوف اللى هو الكرنب بس بعد سلقه بيدي نتيجة ممتازة فى حرق الدهون - والخس - الجزر

وشوربة البصل طبعا بس بدون اى اضافات مع كمون وليمون

مان عاوزة اقول حاجة من وجهة نظرى ان النظام الغذائي له فاعليه عن التمارين طبعا مع وجود تمارين لكن الاساس هو الاكل

وزى ما قالت الفاضلة طبيبة بالخارخ ان الجلوس امام النت او التلفزيون ولاكل

كل دى اسباب فى بتساعد على ظهور الكرش

من ناحية الادوية بلاش نعتمد عليها اكيد اكيد لها اضرار جانبية

بس ياريت يفيدنا اكتر اى حد من الاطباء الموجودين فى النقطة دى

شكرا لمرورك يا حسام

[hOuSsAm]

مان عاوزة اقول حاجة من وجهة نظرى ان النظام الغذائي له فاعليه عن التمارين طبعا مع وجود تمارين لكن الاساس هو الاكل

هو عن تجربة واعتقادى بان التماريين اهم بكتير من الاكل وده عكس كلامك

يعنى دايما لى وجهة نظر العب تمارين كتير وكل زى منتا عايز اقعد قدام خروف محشى وانسفه :)

مش عايز اقولك كنت باكل ايام زمان ازاى ومكنش بيبان عليا لانى كنت بلعب رياضة كتير

هى فعلا الرياضة بتجيب من الاخر بس تلعبها صح وتديها وقتها وتصبر عليها

اللى فى جدة وعايزنى انفضه هنفضه :):):) بس يستحمل بقى (عن نفسى انا معتش مستحمل التنفيض)

[se_ Elsyed]

أصلاً يعني إيه كٍرش ؟

[ozoozo]

ايه الكلام الفاضي ده

كل اللي نفسك فيه

تعش وتنتعش

الكرش هيبه وعز

[مسافر زاده الخيال]

اظن والعلم عند الله ان ذلك يعتمد على (نوعية الاجساد) فهناك انواع تحرق الدهون بقليل من التمارين الرياضية و هناك انواع اخرى بكثير من الرياضة و كذلك الاطعمة.....بل ان هناك من تسبب لهم الرياضة زيادة الوزن.................

اما اﻻدوية والحبوب فالحذار منها (اجل قد تسبب نقصان في الوزن)لكن على حساب صحة الفرد................

فانا مثلا لست من هواة المطبخ ولا اعرف طبخ اي شي (كنت اعرف سلق البيض والبطاطس) ثم نسيت....و ﻻ اعرف غسل المﻻبس ومع ذلك في زيادة وزن مضطردة ((بينما في عام 1992)) ادخلت الى ناد رياضي و اكل كورسات من الفرنس فرايز لزيادة الوزن وحتى 1993 كنت 62 كيلو

واﻻن 2010 ....124كيلو

[لماضة مصرية جدا]

ايه الكلام الفاضي ده

كل اللي نفسك فيه

تعش وتنتعش

الكرش هيبه وعز

السلام عليكم و رحمة الله و بركاته

صورة معبرة الحقيقة

لا و ايه.....عاملين زوووووووووم ان عليه

حرااااااااااام :protest: :protest: :protest:

اهي جملة حضرتك بتاعت الكرش خيبة...قصدي..هيبة و عز

هي اللي بتحدفنا لورا

انا شايفة ان السبب الحقيقي للكرش

هو

الزواااااااااااااااااااج

ايون

الراجل و الست بعد الزواج بيبقي عندهم نية مبيتة علي تدمير صورتهم كراقصي باليه قبل الزواج

يعني الراجل تلاقيه ابتدي يطبل علي بطنه في الراحة و الجاية....و يبتسم انه قدر خلال شهر زواج مثلا يبقي عنده بقلولة...

و الست للاسف الشديد...بتشجعه ع الخيبة...قصدي الهيبة....لما بتوهم نفسها انه كده اصبح سعيد في الزواج....لانه كده استقر...و بقي ياكل من عمايل ايديها....و بتدور علي اثبات ان طبيخها حلو....[س علي حساب الراجل يعني...اللي بيصدق!!!!

او يمكن....لو بمعني شرير شوية....بتساعده انه يدمر نفسه....عشان محدش تاني يبصله مثلا؟؟؟؟

الكرش......كائن صغير بتشيله علي قلبك....و بيفكرك....انك مش بس بتاخد مساحة اكبر في الكورسي....لا انت كمان مساحة اعجاب شخص تاني بيك ابتدت تتقلص جدا...جدا جدا

دي وجهة نظري

تحياتي

[بركة]

برافو لمضمض

[عبير يونس]

أصلاً يعني إيه كٍرش ؟

حأسهل لك الاجابة

يا فندم

في عدة كروش

-الكرش الأبيض اللي بينفع في اليوم الأسود

-الكرش اللي موجود في شرم الشيخ

- كرش الحشيش و العياذ بالله

-كرش اللي هي غلطة مطبعية من الكلمة الانجليزية Search

-أم كرش و الا كرشين P B

- كرش اللي هو الكائن الصغير اللي بتقول عليه لمضمض هانم

:closedeyes:

[عمرو السيد]

بصي يا اغابي يا اختي

انا متأكد ان الكرش مشكلته هوا قله الحركه مثلا انا عمري مكان عندي كرش فى مصر بس من ساعت ما جيت هنا و انا بأعاني ليه ؟؟؟ ماهو حضرتك لو عايزة تجيبي مش عارف ايه يبقي بالعربيه كل حاجه بقت فى متناول الايد و للاسف غابت اهم حاجه بتخلي الكرش يختفي خالص مالص اللي هيا المشي ......

عمرو

[akramgroup]

بصي يا اغابي يا اختي

انا متأكد ان الكرش مشكلته هوا قله الحركه مثلا انا عمري مكان عندي كرش فى مصر بس من ساعت ما جيت هنا و انا بأعاني ليه ؟؟؟ ماهو حضرتك لو عايزة تجيبي مش عارف ايه يبقي بالعربيه كل حاجه بقت فى متناول الايد و للاسف غابت اهم حاجه بتخلي الكرش يختفي خالص مالص اللي هيا المشي ......

عمرو

اهلا اهلا عمرو بيه

مقدرتش اشوف اسمك وماادخلش اصبح على جنابك

وفعلا عندك حق موضوع عدم المشى ده مشكله وقعده المكاتب كمان مصيبه تانيه والاكل قبل النوم على طول كارثه تالته

[aimen]

طيب انا من الكائنات اللى بعد الأكل لازم تنام

بأحس انى مخدر والدم اتسحب من جسمى

ولازم انام

فى رمضان لو ما نمت قبل الإفطار تبقى مشكلة

دا انا بكره اكل واروح الشغل مثلا لأنى عارف انى حنام بعدها

فماذا تفعل لو كنت مكانى

[se_ Elsyed]

والله صعبتو عليه ...

طب إيه رأيكم نعمل توبيك نسميه مثلاً " نادي أصحاب الكروش البيضاء "

أو

" ما تفتكرش إن عندي كرش "

ياااااااااااه فكرتوني بالنكته اللي سمعتها زمان اللي بتقول " مره واحد بكرش .. قابل واحد بكرش .. قاله معاك قرش .. قاله ما أفتكرش "

اعتقد إن الرياضة هي الحل الوحيد ...

لإن الكرش من وجة نظر واحد ما عندوش كرش هو أخطر من السمنة أو زيادة الوزن ... لأنه متركز في منطقة البطن وبيضعف عضلات البطن تدريجياً .. ولو الواحد بدأ الطريق ده بيبقى صعب جداً يتوقف ... والعملية بتضرب معاه لحد الرجالة بالذات وهاركز على كده .. بيبقى شكله عامل زي الست الحامل في الشهر السابع اللي مستنيى ربنا ينتعها بالسلامه

لكن أعتقد فايدته للرجالة إنه بيعمل نوع من المشاركه الحسية والمعنوية .. وبيخلي الواحد يعيش تجربة الحمل وتقله وقرفه ...

ربنا معاكو يا ولاد

[اغابي]

بصي يا اغابي يا اختي

انا متأكد ان الكرش مشكلته هوا قله الحركه مثلا انا عمري مكان عندي كرش فى مصر بس من ساعت ما جيت هنا و انا بأعاني ليه ؟؟؟ ماهو حضرتك لو عايزة تجيبي مش عارف ايه يبقي بالعربيه كل حاجه بقت فى متناول الايد و للاسف غابت اهم حاجه بتخلي الكرش يختفي خالص مالص اللي هيا المشي ......

عمرو

انا حاقزقز فيكم واحد واحد

اولا ابدا بعمر

يا مرحب بيك يا عمر يا سيد - ايه الجمال داه -

اخيرا طلعت بره قوقعة باب كندا يا مرحب باهلك يا كندا يامرحب

المشى زى ما بتقول فعلا بيخفف الكرش حتى الدليل

لما بننزل مصر اجازة - كل يقولك فى سفر مصر الشهرين دول - الكرش خف بس طبعا الواحد يرجع السعودية ولا الكويت

الكرش يظهر من جديد

بالاضافة ان الاكل برضوه له عامل مهم

زى المحمر والمشمر والقوزى

والزيوت الماكسدة

والدهون وكل ما سمي كامل الدسم

واختراع الدايت اللى برضوه وهم وبيسبب الكرش

نوررررت الكرش يا عمر

التمارين يا عمر التمارين

تم تعديل 28 ديسمبر 2010 بواسطة مصرية متغربة

[اغابي]

ايه الكلام الفاضي ده

كل اللي نفسك فيه

تعش وتنتعش

الكرش هيبه وعز

ياعينى على الانتخة

ايه الاوبهة دى - طب ما حد يتبرعلنا برضوه بصور تخدم التوبيك داه لتمارين خاصة بالكروووووش

لان النت عندى بطيء فى تحميل الصور

بقى يا ازوزو

الكرش - هيبة وعز

ياراجل حرام عليك - حتروح من ضميرك فين

bsh:)

[se_ Elsyed]

ايه الاوبهة دى - طب ما حد يتبرعلنا برضوه بصور تخدم التوبيك داه لتمارين خاصة بالكروووووش

حاضر يا تنت

هدية لأحصاب الكروش المفترية

تمارين كيف تُزيل كرشك .. من غير ما تعذب نفسك

[se_ Elsyed]

مش عارف حاسس إن الحاجات دي عبارة عن " ضحك عالكروش " قصدي على الدقون

يعني جايبين صورة بنت عامله زي زعزوعة القصب ووشها في قفاها وعماله تورينا تمارين للكروش ....

طب إحترمي مشاعرنا شويه

كمان بيتهيألي لو حد مكرش وفضل يعمل التمارين دي 3 سنين .. يادوب ممكن يخس مللي جرام مربع ...

أنا مش باحبطكو والله .. لكن ده إحساسي ...

سيبك إنت ... الشفط وبس ....