شقاوة أطفال

[طبيبة بالخارج]

الفكرة دي جتلي بعد ما سمعة أصغر أولادي (سنة و نصف) عمل عملة سودة جابتلي انهيار عصبي وقتها و بعدين بضحك كل ما افتكرها

احنا عندنا قطة في البيت (حكم القوي طلبوها الاولاد) و طبعا القطة عايزة بوتي (قصرية يعني لا مؤاخذة) و فيه وضعنا رمل مخصوص و حطناها في الحمام الصغير

لحد وقت قريب لم يكن سمعة يفكر في دخول هذا الحمام و مكتفي باللعب مع القطة في باقي الشقة

المهم في يوم غبت في المطبخ و زوجي و الأولاد كانوا جالسين في غرفة المعيشة

و سمعة معودني انه ورايا ورايا مفيش حتة اروحها الا و هو معايا، فلما لقيته اختفى شوية و لقيت نفسي عارفة اطبخ براحتي اتوغوشت و رحت أدور عليه

طبعا استنتجتوا كان فين. في البوتي بتاع القطة عمله حمام سباحة الباشا و قاعد فيه و عمال يشيل من الرمل و يحط على شعره. و الله لسه بضحك كل ما اتصور منظره و ايه بيبصلي بكل براءة

هيه في حد منكم عنده مثل هذه المأسافكاهات يا ريت تضحكونا معاكم

[pink rose]

مواقف و طرائف ........... الاطفال

عيشي يا دكتورة