كل سنة وانتى طيبة يا فريوز

[kfaya]

من غير شطارة ولا فراسة .......

انهاردة 17 يوليو ... يبقى عيد ميلاد فريوز ..... :)

فى حد يسيب أصحابة يوم عيد ميلادة ...... طب الهدايا اللى معايا اوديهم فين ..... :)

هتدوخى وتلفى مرسى مطروح كلها عقبال ما تلاقى فرن ولا حلوانى بيعمل تورتة .... لو ملقتيش ممكن تغرزى الشمع فى رغيف فينو وخلاص ...

rs: ...... :) ..... rs:

[Farah]

كفايه

شوف بقي انا عارفه انك كنت عاوز تبقي اول واحد تهني فيروز بعيد ميلادها انا سبقت وفتحت موضوع عن عيد ميلاد فيروز

ايه العمل؟؟؟؟؟؟؟؟؟؟؟؟؟؟

[linux]

أسمح أخرج عن العرف و تقاليد المنتدي و لا أشاركك تهنئة "فريوز" ...

تطلع مين "فريوز" دي؟ بنت مين ف مصــر؟؟

لا يا عم، مش لاعب rs:

أما لو علشان عيد ميلاد "فيروز" ... يبقي وضع تاني خالص:

http://www.egyptiantalks.org/invb/index.php?showtopic=11466

تم تعديل 17 يوليو 2004 بواسطة linux

[kfaya]

كلك زوق يا فرح ..... أديكى شايفة أنا شايل الهدايا و واقف من بدرى سهران و مستنى الساعة تيجى 12 مع انى بنام قبل 11 كل يوم .....

عموما التهانى بأعياد الميلاد بتسعد صاحب العيد و كذلك المهنئين و بتزيد روابط الأخوة و تعمق مشاعر الود ....

خلينى بقى أنا الأول .......؟؟؟؟؟

[achnaton]

يافيروزة المنتدى

وسنة الحياة .. أن المرء يقضى دورة طولها 365 يوما.. جوالا وبحارا فى بحر الحياة .. يغتنم من خيراته .. ويعانى من نواتــه واعتى تلك النواة فى الحياة المصرية إسمها الأنانية .. وقد لاحظت إنها لم تؤثر فى مسار تمتعك بالحياة .. ككل نفيس .. فالفيروز من اكرم الأحجار .. يبعد الشر كتميمة .. ويجلب الخير لمقتنيه .. وقد اكرم الله المنتدى بتميمة من هذا الحجر الطيب ليقف عثرة فى طريق الإنحراف .. وليدخل البهجة على الجميع بدرجة الأبهار ..

فأسعدى بعام جديد .. وعمر مديد .. معطاءة دائما للبسمة والضحكة والتفاؤل .. التى أسأل الله ينوبك منها الكثير .. ..

h):

اخناتون المنيا

[amir]

كل سنه و انتى طيبه يا فيــروز

كان نفسى ابعتلك هـــديه بالمناسبه الحلوه دى بس للاسف الاستاذ kfaya لم كل الهدايا اللى فى السوق

ربنا يجعل كل ايامك اعياد

[KWA]

بسم الله الرحمن الرحيم

السلام عليكم ورحمة الله وبركاته

الأخت فيروز...كل سنه و انت طيبه و السنه الجايه احلي من السنه اللي فاتت الف مره

brth)

[afiona]

كل سنة وإنت طيبة يا فيروز وعقبال 100 سنة....

[Modest]

كل سنة و انتي طيبة و إن شاء الله تكون كل سنة أحلى من اللي قبلها

و السنة الجاية تكوني اتقدمتي خطوة أو اتنين في قائمة العظماء الخمسة ... رغم كيد الكائدين brth)

[disappointed]

rs: rs: rs:

كل عام و أنتى بخير يا فيروز وعقبال 100 سنة

(زمانك بتطفى الشمع على شاطئ مطروح)

brth)

[فــيــروز]

عزيزى كفايه:

انا الوز وزى "الود ودى بس بتفخيم" انى كنت اقضى معاكم الاحتفال بس للاسف اول الشهر و نهايته بالنسبه لى اوقات عصيبه فى الشغل فلازم اختار الاجازه فى نص الشهر

المهم انا فى غاية الانشكاح بالتهنئه دى flrt: .. بجد بجد يعنى ربنا يكرمكم جميعا

الغاليه فرح:

انا فعلا باسال نفسى ايه الشئ اللى ممكن اكون عملته عشان الناس تكون كريمه و لطيفه كده معايا؟ فى الغالب الامر زيه زى اشياء كتيره ربنا بينعم بيها على الانسان من كرمه علينا .. اشكرك من اعماق قلبى bsh:)

لينكس:

تطلع مين "فريوز" دي؟ بنت مين ف مصــر؟؟

بنت واحد من شعب مصر fr1::

كفايه تانى:

ده انا ماكنتش واخده بالى من الهدايا .. اقعد يا راجل بدل ما انت شايل كل ده على قلبك .. الله دى الحاجات ملفوفه بشكل جميل اوى لدرجة انى مش عاوزه افتحها .. استنى كده .. باهز العلبه جنب ودنى يمكن اعرف فيها ايه من قبل ما افتحها :D .. على فكره لحظه لذيذه اوى لحظة فتح علب الهدايا ايا كانت الهديه بداخلها

الاستاذ العزيز جدا اخناتون:

دائما لا اجد كلمات مناسبه اعبر بها عن تقديرى و اعزازى لك

وان كان على البهجه فصدقنى وجودك بالمنتدى من اهم اسباب وجودها فى المنتدى tot::

والاستمتاع بالحياه او لنقل القدره عليه مثله مثل باقى النعم التى ينعم الله بها على عباده بدرجات متفاوته .. وان كانت اقصى درجات المتعه فى رايى ان يكون الانسان قادرا على الضحك عاليا من القلب على اشياء قد تبدو بسيطه دون ان يعنى هذا ان

قلبه قد مات او ان مشاعره قد تبلدت .. و لله الحمد من قبل و من بعد

العزيز امير:

على فكره انا بافرح جدا اما اشوف اسمك عشان زى اسم ابن خالتى وهو زى اخونا الصغير بالظبط و بيعتبر نفسه كده تمام .. شكرا على الهديه .. كانها وصلت بالظبط :o

الاستاذ KWA:

كده تيجى مصر من غير ما تقول عشان نعمل معاك واجب بدراع بسطرمه كويس؟ :D

على العموم انا متاكده ان ربنا هيكون وفقك الى ماركه جيده ان شاء الله و تكون قدرت تدخلها امريكا من غير مشاكل

أفيونه:

شكرا جزيلا عقبال ما نباركولك :D

موديست:

انت كتبت اسمى زى ما كتبته فى الميل اللى وضبته عشان فريوز !! قول لى انت سى آى ايه ولا كى جى بى ولا كى جى وان؟

الورد حلو اوى اوى .. تسلم الايادى

محبط:

وانت بالصحه و السلامه انت و اسرتك يا رب .. بس اصل مالقيناش 29 شمعه شبه بعض فاكتفينا ب 29 عود كبريت .. وحتى دول بردو ماكانوش شبه بعض :blink:

حقيقى يا جماعه الجمله دى سمعتها فى فيلم "المرء باخوانه" ومش فاكره فيلم ايه لكنها طافت بذهنى الآن وانا استمتع برقتكم و لطفكم ربنا يديمها عليّ وعلى الجميع

تحياتى و عميق امتنانى لكم جميعا

تم تعديل 25 يوليو 2004 بواسطة فــيــروز

[amir]

العزيز امير:

على فكره انا بافرح جدا اما اشوف اسمك عشان زى اسم ابن خالتى وهو زى اخونا الصغير بالظبط و بيعتبر نفسه كده تمام .. شكرا على الهديه .. كانها وصلت بالظبط  :blink:

فيروز

انتى كلامك كلــــه حكم و سليم 100 %

عايزك تكررى الموضوع ده فى كل مره تردى على اى مداخله لى أو حتى لأى حد تانى ... و تقولى امير زى اخويا الصغير تماما .... يا سلام ايه الحكمه و الكلام الكويس ده

قولى كمان

[فــيــروز]

fr1::

لا ماكانش قصدى

انا باين عكيت ولا ايه :D

يعنى لو انت تحب اقول انك زى اخويا الصغير مفيش مانع حيث ان ده هيخليك مبسوط و فرحان bsh:) خصوصا انى باعتبر نفسى عجوزه و كركوبه فعلا :blink: فتبقى انت اخويا الصغنن

[amir]

:blink:

لا ماكانش قصدى

انا باين عكيت ولا ايه  fr1::

لا مفيش عك و لا حاجه

اكيد انا زى اخوكى الـــ...... صغنن