إمتى اخر مرة عملت فيها خير ؟

[بركة]

تذكير بالخير وعمله حتى لانتوه في زحمة الأنا

يظل الانسان منا يدعو ويقرأ القران ويذكر الله وكلها خير ..اللهم ارزقنا

ولكن !!!!!!!!

الخير الذي اقصده هنا ..هو الخير الموجه للغير !

دعوة لكي لا يمر عليك يوما بدون عمل خير

كيف .....صعب ......لا ابدا

أوجه الخير ورا ظهرك جوا بيتك...الباب اللي جنبك...الشارع اللي تحت ...

هيا تاجر مع الله..

[Om Zayd]

ربنا يكرمك و يجعله في ميزان حسناتك

ممكن اقول حاجة...هوا ليه فيه ناس بتحب تفاصل بياع الخضار الغلبان؟ .. و تفرح اوي انها اشترت الحاجات ب 20 جنيه بدل ال24 جنيه اللي كان طالبهم؟

مش قصدي نسكت للتجار الاستغلاليين لان كدا بنشجعهم و نقويهم على ناس تانية ممكن يفرق معاها الجنيه.. بس فعلا فيه ناس تحب الفصال و خلاص

بالذات مع السريحة .. اللي اساسا معاهوش فلوس يفرش او ياخد محل و داير على كعوب رجليه

[بركة]

الله اكبر / ماشاء الله يا أم زياد

فعلا حضرتك اتكلمتي في حته جميلة جدا.

الانسان مننا ساعات بيستغل حاجة الشخص المحتاج أسوأ استغلال بدون مايشعر

وبتبقى فرصة للشيطان عشان يحرمه الاجر الكبير..

انا اعرف انسان ربنا كرمه في حياته كتير جدا لانه عمره ما قطرهاعلى غلبان

جربها كده مره على انها صدقة وساعتها بس هتحس بفرحة اكبر بكتير من قيمة الفلوس دي..

تم تعديل 28 ديسمبر 2010 بواسطة بركة

[عبير يونس]

تذكير بالخير وعمله حتى لانتوه في زحمة الأنا

يظل الانسان منا يدعو ويقرأ القران ويذكر الله وكلها خير ..اللهم ارزقنا

ولكن !!!!!!!!

الخير الذي اقصده هنا ..هو الخير الموجه للغير !

دعوة لكي لا يمر عليك يوما بدون عمل خير

كيف .....صعب ......لا ابدا

أوجه الخير ورا ظهرك جوا بيتك...الباب اللي جنبك...الشارع اللي تحت ...

هيا تاجر مع الله..

بارك الله فيكي و جعله في ميزان حسناتك

و على طول جا في دماغي

كان الله في عون العبد ما دام العبد في عون أخيه

عندي في الشغل ما احناش مدرسة

احنا معهد لغات

يعني بيزنس في المقام الاول

و أكيد في تنافس بين المدربات

يعني اللي شغلها أحسن أكيد بتأخد ساعات أكتر

طبيعي لما حد بيجي جديد اننا لازم نساعدها و نفهمها العملية ماشية ازاي

كفريق عمل واحد حريصين على سمعة المكان الذي نعمل به

و هو ما سيعود علينا بالخير جميعا

لو كل واحد تيقن أن رزقه لن يأخذه غيره

أكيد حيختفي التنافس البغيض و سعي البعض لإثبات نفسه فقط و الانفراد بالنجاح

أرى أن ذلك نجاح وهمي و وقتي

سرعان ما سيزول

لأن من يفعل ذلك يفقد بركة العلم التي لا يمكن الحصول عليها إلا بمشاركة المعرفة و الخبرات مع الآخرين

فمثل ذلك الشخص سيتقوقع على نفسه و يغلقها على المعرفة التي لديه

حتى تذبل و تضمحل

و يحرم نفسه من كنوز خبرات الآخرين

بينما مشاركة الآخرين في خبراتنا

تزيدها و لا نتقصها

نتصدق مما حبانا الله به من علم

و معلوم أن الله تعالي يربي الصدقات و يبارك في فاعلها

من أحب الخير هو التعاون

و له فوائد عظيمة

نرى ثمرتها في الدنيا و الآخرة

[عبير يونس]

ربنا يكرمك و يجعله في ميزان حسناتك

ممكن اقول حاجة...هوا ليه فيه ناس بتحب تفاصل بياع الخضار الغلبان؟ .. و تفرح اوي انها اشترت الحاجات ب 20 جنيه بدل ال24 جنيه اللي كان طالبهم؟

مش قصدي نسكت للتجار الاستغلاليين لان كدا بنشجعهم و نقويهم على ناس تانية ممكن يفرق معاها الجنيه.. بس فعلا فيه ناس تحب الفصال و خلاص

بالذات مع السريحة .. اللي اساسا معاهوش فلوس يفرش او ياخد محل و داير على كعوب رجليه

والدتي الله يرحمها كانت بتقول

الحسنة المخفية في البيع و الشراء

و أرى ذلك ينطبق على البياعين السريحة دول تماما

يعني فعلا مش شطارة اننا نفاصلهم

لازم يكون في رضا على فكرة

لأن ما أُخذ بسيف الحياء حرام

فما بالنا بما نأخذه باضطرار

يعني يضطر يوافق عشان يبيع

بارك الله فيك يا أم زيد

[Folana]

السلام عليكم ورحمة الله...

جميل أن نبدأ يومنا بتذكرة ودعوة لعمل الخير...

جزاك الله خيراً أختى الكريمة "بركة"...

وبالاضافة الى ملاحظة الفاضلة أم زياد ، أود أن ألفت الانتباه أيضا إلى شىء قد لا نلتفت ايه وهو مجاملة الأخرين فى المناسبات السعيدة..

ليه دايما اذا حنجامل ناس من مستوى اجتماعى مرتفع ..نحرص على شراء الهدايا الثمينة اللى تليق بمكانتهم...لكن لو حنجامل الفقير بنشوف اقل حاجة بأقل تكلفة..

حتى لو حنجامل بنقود...ليه نعطى الابن الناجح او الابنة اللى تزوجت حديثا او العيدية مثلا لابناء الاسر الميسورة ألف جنيه او خمسمائة او ميتين بس مش اقل من كده ..ده حسب مركزهم الاجتماعى..

ونعطى ابن الفقير عشرين جنيه او عشرة جنيه....مع ان هو محتاج أكتر..

ليه بجد بنبخل فى اعطاء الفقير ونسرف فى اعطاء الغنى ؟

وأذكركم ونفسى بمكارم الأخلاق والتى من ضمنها "الإيثار"...

وَيُؤْثِرُونَ عَلَى أَنفُسِهِمْ وَلَوْ كَانَ بِهِمْ خَصَاصَةٌ وَمَن يُوقَ شُحَّ نَفْسِهِ فَأُولَئِكَ هُمُ الْمُفْلِحُونَ -الحشر

اللهم إجعلنا ممن إن قالوا أصابوا وإن أعطوا أطابوا وأجزلوا

[se_ Elsyed]

ليه دايما اذا حنجامل ناس من مستوى اجتماعى مرتفع ..نحرص على شراء الهدايا الثمينة اللى تليق بمكانتهم...لكن لو حنجامل الفقير بنشوف اقل حاجة بأقل تكلفة..

حتى لو حنجامل بنقود...ليه نعطى الابن الناجح او الابنة اللى تزوجت حديثا او العيدية مثلا لابناء الاسر الميسورة ألف جنيه او خمسمائة او ميتين بس مش اقل من كده ..ده حسب مركزهم الاجتماعى..

ونعطى ابن الفقير عشرين جنيه او عشرة جنيه....مع ان هو محتاج أكتر..

ليه بجد بنبخل فى اعطاء الفقير ونسرف فى اعطاء الغنى ؟

إحم إحم

أصل يا ابله في ناس بتبص للعملية دي إنها هات وخد

يعني هاهبده باكو النهاردة .. يبقى ليه عنده باكو في الصندوق ولازم يردهولي sooner or later ...

أما الفقير فمش متوقع منه إنه يرد ...

على فكرة .. دي فلسفة وفكر موجود في المجتمع ولا نستطيع أن ننكره ...

بل بالعكس .. ده في ناس بتخطط وتظبط حياتها على كده ...

بالمناسبة : اللي من دمياط بالذات عارف الموضوع ده قوي قوي قوي .. وهناك ماحدش يجرؤ إن يكون حد مجاملة أو زي ما بنقول " منقطه " بألف جنيه .. وبعدين تيجي مناسبة عند اللي نقط قبل كده وأخينا اللي خد ده يطنش أو يديله أقل من الف ....

يتفضح فضيحه ماحدش أتفضحها . لأن ناس كتير بتعتبر النقطة " دين " أو قرض .. لابد من رده ولو بعد حين .. وبيبقى ناقص ياخد على اللي نقطه كمبيالة أو شيك ... أه والله بجد ... وكل ده بيبقى مكتوب وموثق من جانب المتلقي ومن جانب المُعطي عشان ما حدش ينسى وعشان كمان الاجيال تتوارث الكراريس والكشاكيل المكتوب فيها النقطة دي ...

انا شوفت ناس بتخترع مناسبات من تحت الأرض عشان تلم فلوسها اللي في السوق ههههههه

زي اللمبي كده وكراسته الصفرا اللي كان بيكتب فيها كل مليم نقط به في فرح أو مناسبة .

أما الذي يُعطي من غير إنتظار .. ففعلاً يشعر بالفقير أكثر من الغني .... لأن أحياناً بتبقى مجاملة الغني نوع من أنواع التباهي والتفاخر والرياء

حتى لو تركنا موضوع العطاء بالمال وتحدثنا عن الإجتماعيات ... ناس كتير مبدأها هو ( هات وخد ) .. أه أنا ما أودش الا اللي يودني ... وما أزورش الا اللي يزورني .....

في حين الرسول الكريم قال

" ليس الواصل بالمكافئ ، ولكن الواصل الذي إذا قطعت رحمه وصلها "

يعني عُمر الحياة ما كانت هات وخد ...

او خلينا نقول إن دي طبيعة في البشر بصراحة ... بس اللي يقدر يتغلب عليها بيبقى إنسان مختلف وقوي الإرادة وسمح الأخلاق

[م تيمور المراغي]

هو مش الخير المخفي اقرب لله من المعلن ,,

طيب انا ححكي بنية تشجيع الناس ,,

انا بروح للشركه راكب تاكسي ,,

وانا واقف وبشاور لقيت عربيه ملاكي وقفت لي فيها واحد غلبان من الجنسيه الاسيويه عارض يوصلني

المهم ركبت معاه ,, رايح فين ؟ قلت له بن لادن في المكان الفلاني

قال لي طيب ممكن تساعدني انا كنت بشتغل سواق هناك في الموقع من 3 شهور ,,

ومشوني من هناك من غير ما اخذ باقي مستحقاتي

وقعد يحكي ظروفه

قلت له طيب تعالى

واخذته معايا وطلعنا سوا ودخلت معاه لفلان الفلاني اللي مجرد توقيعه يعني ,,ربنا يزيده ,,

المدير كثر خيره مجرد مكالمه منه حل مشكلة السواق المسكين في ثواني ,,

الراجل شكرني ومشي ونسيت الموضوع ,,

يومين و لقيت الخبر من غير ما اخد بالي انتشر بين جنسية الراجل ده من المساعدين والرسامين الموجودين في المكان

ونظرات الحب يا جماعه يا الله ,, ما اعظمها من نعمه من ربنا ,,

طيب انا ليه حكيت الموضوع ده ؟

نيتي اني اقول ان خدمة المحتاج هيا من اعظم النعم اللي ربنا ارسلها للقادرين من البشر ,,

اللهم تقبل منا ومنكم صالح العمل ,,

[عبير يونس]

هو مش الخير المخفي اقرب لله من المعلن ,,

طيب انا ححكي بنية تشجيع الناس ,,

انا بروح للشركه راكب تاكسي ,,

وانا واقف وبشاور لقيت عربيه ملاكي وقفت لي فيها واحد غلبان من الجنسيه الاسيويه عارض يوصلني

المهم ركبت معاه ,, رايح فين ؟ قلت له بن لادن في المكان الفلاني

قال لي طيب ممكن تساعدني انا كنت بشتغل سواق هناك في الموقع من 3 شهور ,,

ومشوني من هناك من غير ما اخذ باقي مستحقاتي

وقعد يحكي ظروفه

قلت له طيب تعالى

واخذته معايا وطلعنا سوا ودخلت معاه لفلان الفلاني اللي مجرد توقيعه يعني ,,ربنا يزيده ,,

المدير كثر خيره مجرد مكالمه منه حل مشكلة السواق المسكين في ثواني ,,

الراجل شكرني ومشي ونسيت الموضوع ,,

يومين و لقيت الخبر من غير ما اخد بالي انتشر بين جنسية الراجل ده من المساعدين والرسامين الموجودين في المكان

ونظرات الحب يا جماعه يا الله ,, ما اعظمها من نعمه من ربنا ,,

طيب انا ليه حكيت الموضوع ده ؟

نيتي اني اقول ان خدمة المحتاج هيا من اعظم النعم اللي ربنا ارسلها للقادرين من البشر ,,

اللهم تقبل منا ومنكم صالح العمل ,,

الله يا باشمهندس

اهي نظرات الحب دي منهم تجاهك هي أحلى مقابل لعمل الخير

قال صلى الله عليه وسلم :"إذا أحب الله العبد نادى جبريل : إن الله يحب فلانا فأحبه ، فيحبه جبريل ، فينادي جبريل في أهل السماء : إن الله يحب فلانا فأحبوه ، فيحبه أهل السماء ، ثم يوضع له القبول في أهل الأرض

اللهم اجعلنا ممن وُضع لهم القبول في أهل الأرض

آمين

[طبيبة بالخارج]

على فكرة يا جماعة فعل الخير ممكن يكون بشكل مستمر و يومي حتى بدون أن تدركوا

يعني مثلا قول (شكرا) للعامل الذي يحضر لك كوب الشاي في الشغل أو عامل المطعم الذي ينظف لك طاولتك . هناك الكثيرون الذين لا يفكرون في قولها

بل هناك من يعطيهم البقشيش بطريقة مهينة أو بقصد التباهي أمام الآخرين بماله

لماذا لا نتذكر الذوقيات و الاتيكيت في المعاملة إلا مع من هم في نفس مكانتنا الاجتماعية أو في مكانة اعلى؟

و هناك أمثلة كثيرة. هل تعرفون مثلا أن الكثير مما تقوم به الزوجة و الأم هو من باب الخير مثلا تذكير ابنائها بالقيام للصلاة أو إيقاظ زوجها لصلاة الفجر

و الأم التي تسهر بجانب ابنها هي عند الله مثل المرابط في سبيل الله

اسباب الخير كثيرة و النية في العمل هي الأساس

[عبير يونس]

على فكرة يا جماعة فعل الخير ممكن يكون بشكل مستمر و يومي حتى بدون أن تدركوا

يعني مثلا قول (شكرا) للعامل الذي يحضر لك كوب الشاي في الشغل أو عامل المطعم الذي ينظف لك طاولتك . هناك الكثيرون الذين لا يفكرون في قولها

بل هناك من يعطيهم البقشيش بطريقة مهينة أو بقصد التباهي أمام الآخرين بماله

لماذا لا نتذكر الذوقيات و الاتيكيت في المعاملة إلا مع من هم في نفس مكانتنا الاجتماعية أو في مكانة اعلى؟

و هناك أمثلة كثيرة. هل تعرفون مثلا أن الكثير مما تقوم به الزوجة و الأم هو من باب الخير مثلا تذكير ابنائها بالقيام للصلاة أو إيقاظ زوجها لصلاة الفجر

و الأم التي تسهر بجانب ابنها هي عند الله مثل المرابط في سبيل الله

اسباب الخير كثيرة و النية في العمل هي الأساس

فعلا

تعرف الانسان المهذب من تعامله مع من هم أقل منه

كلامك جميل اوي يا طبيبة

أثرت في جدا جملتك دي

و الأم التي تسهر بجانب ابنها هي عند الله مثل المرابط في سبيل الله

و النية هي الأساس طبعا

اللهم ارزقنا حسن النية في كل أمورنا

آمين

[لماضة مصرية جدا]

اسباب الخير كثيرة و النية في العمل هي الأساس

السلام عليكم و رحمة الله و بركاته

صباح نوافذ الخير اللي بتتفتح مع نسايم الصبح

استاذتي بركة....ممكن اغبط حضرتك علي التوبيك دوت....لأنه باذن الله يبقي صدقة جارية لكل اللي هيجي و يقراه...سواء شارك أو لا

و لو ممكن نرفعه كل يوم الصبح.....انا كتبت السؤال بتاع حضرتك..."إمتي عملت فيها خير"...و حطيته علي الشاشة عشان افكر نفسي

جزي الله حضرتك كل خير

استاذتي طبيبة بالخارج....قولتي اسباب الخير كتيرة و النية في العمل

و استحضرني مقولة للشيخ الجفري

ان "تجديد النية" عبادة منسية

يعني لما الواحد بيبتدي يومه و يجدد نيته انها تكون "تجارة مع الله"....زي ما حضرتك قولتي

او أنه يجدد النية بان كل اليوم يكون في طاعة

يبقي كل فعل مهما كان صغير....و مهما كان مالوش دعوة يعني بالعبادات المعروفة باذن الله هيكون ليه ثواب بكرم الله

يعني تجديد النية عند الخروج....و تطبيق ده بالدعاء

تجديد النية ان عملي في البيت عشان طاعة امي

تجديد النية...ان مذاكرتي يكون العلم الصالح الذي ينتفع به

تجديد النية...اني اكون سبب في تفريج هم حد النهاردة...حتي لو بمجرد الاستماع لمشكلته

تجديد النية....أني اخلص في المهمة المطلوبة مني....علي قد ما اقدر

هتلاقي ان اليوم هيبقي سلسلة عذبة من الاعمال....بتكبر واحدة واحدة...و ابتديناها بتجديد النية و نحتسب الاجر عند الله

و ابسط الاعمال اللي ممكن تخش في الدايرة الرائعة دي....هي الذكر...و الدعاء حتي لو في ابسط الاشياء

امبارح كان المفروض اشتري مثلا حاجات كل واحدة منهم في مكان مختلف و كنت شايلة هم الموضوع جدا

روحت دعيت دعاء الاستخارة لاني كنت متحيرة اروح فين بالظبط.....و توكلت علي الله

و ربنا يعلم اني روحت مكان....و فضلت فيه اقل من ساعة و اشتريت كل حاجة محتاجاها....من نفس المكان....حتي و انا مروحة...قولت يا ربي انا هشيل كل ده علي قلبي ازاي...و اطلع بيه البناية

طول المشوار في التاكسي.....قعدت استغفر الله....و سرحت من الشباك.....مش فاكرة طلعت ازاي...و مش فاكرة مين شالهم...و مش فاكرة...وصلت اصلا بالسرعة دي البيت ازاي

لكن اللي فاكراها انه كان فيه تيسير و ده كان بحمد الله و كرمه

قبل ما انام.....فضلت باصة للسقف و اقول لربنا....."رب لك الحمد كما ينبغي بجلال وجهك و عظيم سلطانك"

متتخلاش عني يا رب.....و انا عارفة انك دايما هتكون معايا...و نمت نووووم عميق اديلي مثلا اسبوع مقدرتش اتحصل عليه

صحيت النهاردة لقيت التوبيك الحلو دوت

و حبيت اغبطك علي الثواب المتجدد

صباح حضرتك و كل الناس اللي جت هنا او اللي لسه هتيجي.....حلاوة الطاعة....و حلاوة الأنس بالله

[بركة]

هيا تاجر مع الله..

بارك الله فيكي و جعله في ميزان حسناتك

و على طول جا في دماغي

كان الله في عون العبد ما دام العبد في عون أخيه

عندي في الشغل ما احناش مدرسة

احنا معهد لغات

يعني بيزنس في المقام الاول

و أكيد في تنافس بين المدربات

يعني اللي شغلها أحسن أكيد بتأخد ساعات أكتر

طبيعي لما حد بيجي جديد اننا لازم نساعدها و نفهمها العملية ماشية ازاي

كفريق عمل واحد حريصين على سمعة المكان الذي نعمل به

و هو ما سيعود علينا بالخير جميعا

لو كل واحد تيقن أن رزقه لن يأخذه غيره

أكيد حيختفي التنافس البغيض و سعي البعض لإثبات نفسه فقط و الانفراد بالنجاح

أرى أن ذلك نجاح وهمي و وقتي

سرعان ما سيزول

لأن من يفعل ذلك يفقد بركة العلم التي لا يمكن الحصول عليها إلا بمشاركة المعرفة و الخبرات مع الآخرين

فمثل ذلك الشخص سيتقوقع على نفسه و يغلقها على المعرفة التي لديه

حتى تذبل و تضمحل

و يحرم نفسه من كنوز خبرات الآخرين

بينما مشاركة الآخرين في خبراتنا

تزيدها و لا نتقصها

نتصدق مما حبانا الله به من علم

و معلوم أن الله تعالي يربي الصدقات و يبارك في فاعلها

من أحب الخير هو التعاون

و له فوائد عظيمة

نرى ثمرتها في الدنيا و الآخرة

كلامك جميل ذكرنا بناحية هامة جدا

الاوهي زكاة النعمة..فالنعمة لا تدوم الا بالشكر

والشكر يجب أن يكون من جنس النعمة..

فإخراج العلم كإخراج المال

فمن أعطاه الله علما في رأسه ..وجب عليه الزكاة عنه

على الهامش ....

أي سؤال او استفسار نسأل عنه ونوفي في الاجابة هو من زكاة العلم.

[بركة]

اللهم إجعلنا ممن إن قالوا أصابوا وإن أعطوا أطابوا وأجزلوا

حضرتك أصبت نقطة هامة جدا جدا وشائكة في مجتمعاتنا العربية

وتخرجنا تماما من دائرة عمل الخير الى دوائر خطيرة جدا

إننا في مجتمعاتنا الشرقية للأسف نحب التباهي جدا وللأسف لا ننحيه جانبا حتى في فعل الخير

وخلاصة الأمر

"عملت ليقال وقد قيل "

فلا اجر ولا ثواب ولا بركة ولا جزاء في الاخرة..

تم تعديل 28 ديسمبر 2010 بواسطة بركة

[بركة]

على فكرة .. دي فلسفة وفكر موجود في المجتمع ولا نستطيع أن ننكره ...

بل بالعكس .. ده في ناس بتخطط وتظبط حياتها على كده ...

في حين الرسول الكريم قال

" ليس الواصل بالمكافئ ، ولكن الواصل الذي إذا قطعت رحمه وصلها "

على فكرة الفلسفة دي من أعظم أبواب عمل الخير وفعلا لو نشوفها من جانبها المضئ

هنلاقيها من مبدأ " وتعاونوا على البر والتقوى .."

بس الفيصل النية

تحياتي لحضرتك..

[بركة]

نيتي اني اقول ان خدمة المحتاج هيا من اعظم النعم اللي ربنا ارسلها للقادرين من البشر ,,

اللهم تقبل منا ومنكم صالح العمل ,,

قال عليه الصلاة والسلام:

"المسلم أخو المسلم لا يظلمه ، ولا يسلمه ، من كان في حاجة أخيه ؛ كان الله في حاجته

، ومن فرج عن مسلم كربة ؛ فرج الله عنه بها كربة من كرب يوم القيامة ، ومن ستر مسلما ؛ ستره

الله يوم القيامة ومن مشى مع مظلوم حتى يثبت له حقه ؛ ثبت الله قدميه على الصراط يوم

تزول الأقدام "

تحياتي

تم تعديل 28 ديسمبر 2010 بواسطة بركة

[بركة]

اسباب الخير كثيرة و النية في العمل هي الأساس

نعم أختي الكريمة هي والله النية

هي الفيصل بين الاجر والثواب وبين لاشئ

جزاك الله خيرا على الاضاءة التي أضأت بها الهدف والمقصد..

[بركة]

ان "تجديد النية" عبادة منسية

متتخلاش عني يا رب.....و انا عارفة انك دايما هتكون معايا...

.....حلاوة الطاعة....و حلاوة الأنس بالله

خير كتير جدا في الكلمتين دول يا لماضة

يارب يجعل لك بيهم حسنات لا تنتهي

وحسن ظن بالله جزاؤه على قدره

امين

نورتي اينما حللتي..........