هي النشرات الي في علب الدوا معادتش بالعربي ليه ؟؟

[doha]

لاحظت في الفترة الاخيره ان كل الادوية تقريبا اصبحت النشرة الداخلية المرفقة معاها والي يفترض انها بتشرح التركيب والاثر والجرعه الخاصه بالدواء كلها بتكتب باللغه الانجليزية ..

زمان كان طبيعي جدا تلاقي الوصف بالانجليزية لكن على الجهة الثانية من النشرة كان في ترجمه كاملة بالعربي مع التحذيرات الشهيرة لاتحاد الصيادلة العرب والي كان على معظم نشرات الادوية ..

من فترة لاحظت تقلص عدد الادوية الي بتحمل نشرة عربية بل ان مؤخرا اكتشفت ان ادوية تانية من الي كنت بشتريها زمان ونشرتها عربي اصبحت مكتوبة بالكامل بالانجليزية والانجليزية فقط ..

طيب هو مش من حقي كمريض يفترض انه مش متخصص وحتى لو عارف انجليزي مش بالضرورة هيعرف المصطلحات الطبية الموجوده في النشرة مش يفترض ان النشرة دي تكتب بلغتي الي بفهمها خاصه لو كان الدواء بيتباع في دولة عربية بل واحيانا منتج منها كمان.. الحكايه دي على فكرة لاحظتها ف الادوية في مصر فقط بينما في السعودية على سبيل المثال عمري مااشتريت دواء الا وكان معاه الترجمه العربية الخاصه باستخدامه..

لمصلحه مين تم ازالة الشرح العربي من النشرات بحيث نشتري الدواء واحنا ساكتين بدون مانعرف هو ليه وبتاع ايه والاهم ايه اضراره الجانبية؟

هل يكون اختفاء المحتوى العربي للنشرة بضغط من مافيا الادوية في مصر بحيث ان الطبيب الي يكتب لك عشر علب ادوية وتضطر كمريض انك تشتريها عشان الدكتور قال كده بدون بقى ماتكتشف ان فيها اثنين ثلاثة بيؤدوا نفس الوظيفة او ان نصفها ادوية تكميلية ممكن الاستغناء عنها والاهم ان لها ذات التركيب لبديل مصري ثمنه اقل من واحد على عشرة من الي مذكور لك في الوصفة ؟

اتمنى ميكونش كده ..

[أسد]

المفروض أن تكون النشرة مكتوب فها بالعربي .. لأنها بالأساس موجهة للمستهلك ..

أما عدم كتابة الترجمة العربية .. فهي كسل واستهتار من شركات الأدوية

وتقاعس .. من جهات الرقابة في وزارة الصحة

من حق المريض أن يعرف عن الدواء الذي يستعمله

أعتقد أن في مصر عقد مؤتمر أعلن عن أرقام للهاتف يمكن الاتصال بها لتقديم أي شكوى أو بلاغ عن أعراض جانبية لدواء

أـعتقد أنه يمكن استعمال هذا الرقم للإبلاغ عن هذه الظاهرة

للأسف أنا مش في مصر ومش عارف الرقم

اللي يقدر يحصل عليه يحطه عنا لو سمحتم

[MaYousof]

حملة مكافحة الأدوية المغشوشة والمهربة التابعة لوزارة الصحة

الخط الساخن: 19562

[أسد]

حملة مكافحة الأدوية المغشوشة والمهربة التابعة لوزارة الصحة

الخط الساخن: 19562

شكراً

يرجى ممن لديه أي مشكلة أو شكوى استعمال تلك الخدمة

فهي حسب علمي حقيقية ...

19562