هل يضع أي منا قيود على طموح شريك حياته ؟

[بركة]

هل أنت حجرة عثرة أمام طموح وأحلام شريك حياتك ؟

أم هل أنت سببا في تحقيق بعضها أو تزليل العقبات ؟

والاخيرة هل أنت لا إيجابي ولا سلبي بل متفرجا ؟

ومن ثم كيف تتفقوا على خطوط الحلم وتفاصيله

هل تؤمن به حقا ؟

مصدق حلمه الى أي مدى ؟

طيب

ولما بيتحقق الحلم بتعمل ايه ؟

[om marawan]

بركة الجميلة

موضوع حلو ومهم جدا خصوصا انه اصبح خاضع اكتر لايقاع العصر

عن نفسي أعتقد ان صعب اى زوجة تقف عثرة فى طريق طموح زوجها اذا كان طموح مشروع

بالعكس الطبيعي انها تكون السند والصديق والمحفز طول الوقت

لانه برضه جزء من نجاح اولادها واسرتها

يعنى الموضوع مش تضحية ولا حاجة هههههه

الأكيد انه أى زوجة هتحب نجاح زوجها وتحب تكون اكبر مساعد فى تحقيق الطموح ويمكن احيانا هى اللى تصنع الطموح :closedeyes:

يمكن بعض الأزواج لاسباب فى نفسهم يفكروا غير كده

لكن مش عاوزة اتطرق للنقطة دي خلينا نسمع اراؤهم الاول

هو مبدئيا اى تحقيق لننجاح مجتاج مجهود وتنازلات

لكن الفكرة انه وعكس ماهو مفروض انه الواحد يقوله

لكن ايوه فيه حالة واحدة ممكن اقف حجر عثرة حتى لو كان الطموح مشروع !!!!

وهى لو احتاج تحقيق الطموح ده لانقسام الأسرة فترة طويلة من الزمن

مش لأنى ماقدرش اقوم بدرو الام والاب او انى ماقدرش اشيل الحمل يعني

لكن لأنى مؤمنة انه الأفضل لنفسية الاولاد وجود الأب والأم سوا

مهما عملت لا يمكن اعوضهم احتياجهم النفسي لوالدهم لو الامر اخد وقت اطول من اللازم

بمعنى انفصال عدة سنوات

انا عارفة انه فيه اسر كتيرة كده لكن اعتقد انه وضع بيؤثر بالسلب على كل الاطراف

فى النهاية لو الزوج أصر ولانه بعد النقاش فطبيعي انه يكون فيه قرار واحد

ساعتها مش هاكون حجر ولا زلطة هههههههه

المفروض انه يكون الدور ايجابي وجدا

لانه برضه ممكن جدا يكون رأيي مش صح ومافيش قرار هو الغلط المطلق

هاستخير وهيكون اللى ربنا رايده هو اللى هابذل جهدي لتحقيقه معاه

السؤال دلوقت لللأزواج

الى اى مدى ممكن تتحمل عشان زوجتك تحقق طموحهااذا كان مشروع

والى اى مدى بتسعد بنجاحها bsh:)

[بركة]

ام مروان اسعدتني كلماتك ...شاكرة جدا

الخلاصة اللي حبيت استشفها من حال الدنيا

اننا كلنا وبدون ما نشعر ساعات بيكون خوفنا الشديد من فقد الامان الحالي الذي نشعر به

هو اكبر حاجز نفسي بيتحول بدون شعور الى كلمات واحاسيس من الصد والنفور من فقد الوضع

الراهن مهما كان سيئا....

تحياتي

[remoun]

الاخت بركة

بجد موضوع جميل وفكرة حلوة اننا نطرحها وندردش فيها, بس تعرفي انا متغرب وعندي طموح ونفسي اعمل حاجة باي قرش مع الواحد علشان امن مستقبلي من غدر الغربة بس الاقي نفسي اخاف من غدر الزمن يبقى كل حاجة راحت الغربة والفلوس , انا احيانا اقول ان افضل مكان لتحقيق طموح الواحد بعد سنين غربة هو ببلدة مصر مع كل البلاوي اللي فيها هي امن الى حد ما , بس من كتر الفساد اللي بمصر ارجع واقول لا تحقيق الطموح بالغربة ببلد فيها نظام وقوانيين واستثمارات قوية بس برجع واقول ولو حصل والدنيا غدرت بيك هتبقى خسرت كل حاجة وترجع بلدك يامولانا كما خلقتني. يمكن اكون غلطان بس السؤال هنا ...

ياترى الصح اية ؟؟؟؟؟؟؟؟؟

[بركة]

استاذ ريمون

كلنا انت

نبدأ رحلة الكفاح أكثر من مرة في مشوارنا

وفي كل مرة بيبقى نفسنا تبقا دي آخر المراجيح

يا ترى الشريك بيفكر ازاي معاك جوا المرجيحة..

[remoun]

استاذ ريمون

كلنا انت

نبدأ رحلة الكفاح أكثر من مرة في مشوارنا

وفي كل مرة بيبقى نفسنا تبقا دي آخر المراجيح

يا ترى الشريك بيفكر ازاي معاك جوا المرجيحة..

انا وهي متمرجحين سوا :swing:

واقولك حاجة بدون الشريك في حياة الانسان لوحدة ميقدرش يعمل حاجة وان عمل بيكون نجاحة مالوش طعم وناقص ملح وحتى لو الشريك مش بيشتغل برضوا هو بالمرجيحة لانة بيتعب جدا في اسعاد وراحة الشريك الاخر.

[طبيبة بالخارج]

أنا و زوجي كنا و مازلنا دائما نتكلم عن أحلامنا سواء المشتركة أو المنفصلة و نقاشنا كان ليس فقط من أجل الفضفضة أو الاعلام بالأمر و لكن لنقرر امكانية القيام بتلك الأحلام و الطموحات

و في كثير من الأحيان نضطر نستغنى عن بعض الأحلام أو تعديل الحلم ليناسب أرض الواقع

فمثلا كان حلمي اكمال دراستي بالخارج و لكن وجود الأولاد و عدم قدرة زوجي على السفر معي منعتني. لا أقول أني ضحيت أو أندم و لكني وضعت أولويات و سالت نفسي ما هو رقم واحد في حياتي و كان طبعا اسرتي. ممكن الشخص يعوض أشياء كثيرة إلا وقت وجوده مع أسرته و رؤية أبنائه يكبرون أمام عينيه و العلاقة بين الأهل و الأبناء لا يمكن أن تكون سليمة إذا كانت فقط عن طريق الاتصالات و ارسال المال. و التربية السليمة تستوجب المتابعة المستمرة لحال الأبناء و الاستماع اليهم و مناقشتهم

لم يضع زوجي القيود علي و لكني أنا وضعتها

تم تعديل 29 ديسمبر 2010 بواسطة طبيبة بالخارج

[remoun]

أنا و زوجي كنا و مازلنا دائما نتكلم على أحلامنا سواء المشتركة أو المنفصلة و نقاشنا كان ليس فقط من أجل الفضفضة أو الاعلام بالأمر و لكن لنقرر امكانية القيام بتلك الأحلام و الطموحات

و في كثير من الأحيان نضطر نستغنى عن بعض الأحلام أو تعديل الحلم ليناسب أرض الواقع

فمثلا كان حلمي اكمال دراستي بالخارج و لكن وجود الأولاد و عدم قدرة زوجي على السفر معي منعتني. لا أقول أني ضحيت أو أندم و لكني وضعت أولويات و سالت نفسي ما هو رقم واحد في حياتي و كان طبعا اسرتي. ممكن الشخص يعوض أشياء كثيرة إلا وقت وجوده مع أسرته و رؤية أبنائه يكبرون أمام عينيه و العلاقة بين الأهل و الأبناء لا يمكن أن تكون سليمة إذا كانت فقط عن طريق الاتصالات و ارسال المال. و التربية السليمة تستوجب المتابعة المستمرة لحال الأبناء و الاستماع اليهم و مناقشتهم

لم يضع زوجي القيود علي و لكني أنا وضعتها

منتهى العقل والحكمة منك يادكتورة وهتلاقي كل طموحاتك اللي متحققتش ربنا هيعوضهالك باولادك ووهتشوفيهم هما بيحققوا احلامك بنجاحهم انشاللة