ماذا تفعلى لو كنتى مكانى ؟؟؟؟؟؟؟!!

[أهااات روح]

كل احترامى لكل الاراء والردود" وان الاختلاف فى الراى لا يفسد للود قضية"

انا رايى مع معظم الاراء الموجود ان الزوج مدام قادرانه يتجوز ويصرف على بيت

مااكثر الشباب الى نفسهم يتجوز ومش قادرين

فلو ساعد شاب مش قادر وفتاه تاخر بها سن الزواج او مطلقة او ارملة وفى بردو رجال مطلقين وارامل ومش قادرين تيجوزو تانى هياخد الثواب فى الاتنين مش فى واحدة بس وهيكون صانهم وعفهم

وفى جزء شرع التعدد مقدرش اتكلم فيه لان الشرع له رجاله كما تفضلتو

بس انا رايى الشخصى انه مفيش رجل على وجه الارض يقدر يعدل وخصوصا فى الاشياء المعنوية لكن المادة مقدور عليها زى ماهيصرف جنيه هنا هيصرف هناك

لان العدل صفة من صفات الله سبحانه وتعالى

والاستاذse_elsyd ذكر الايتين انا كنت عاوزة اذكرهم وتفضل وشرحهم

انا عندى سؤال تفضل بيه الاستاذse_elsyd

بالبلدى كده ليه الزوج ميحطش نفسه مكان مراته ويحاول يحس بالى ممكن هى تحس بيه لما تعرف انه متجوزاو هيتجوز؟

وليه ميبصش للعشرة الى بينهم واولادهم وسنين طويلة هى استحملته فيها وهو استحملها وعاشو مع بعض على الحلوة والمرة ومدى الجرح الى هيسببهولها؟

[شيدوان]

ويقر ويعترف بمراعاتك لبيتك ولزوجك ولاولادك

وانما المبرر الوحيد انه عاوز ياخد فيها ثواب لانها فتاة تاخر بها سن الزواج او لانها ارملة او مطلقة

متى كان الجنس صدقه او ثوابا ؟! وكيف يجتمع لانسان واحد قسوة وغلظة ووبرودة ونذالة المشاعر لدرجة خراب بيته والتضحية بسعاده اولاده وتعذيب وزوجته التى يعترف بمراعتها لكل شئ ، وايضا رقة ورفاهية ونبل وغليان المشاعر لدرجة تقديم الصدقه او الثواب اذا كان الامر يتعلق برغبته فى امراه اخرى

السبب الوحيد لان يتزوج الرجل بامراه اخرى هو رغبته فى هذه المراه الاخرى ومعه ثمنها

اما زوجته التى كرست حياتها له ولاولاده فلها الله ولن ايقف بجانبها احد لان الرد دائما جاهز ومعلب للاستخدام ...من حقه الزواج باكثر من واحده مادام قادرا على فتح بيت تانى ..ثم ان الزواج من امراه يريدها افضل من ارتكاب الخطيئه معها ...ولم يسال احد نفسه.. هل لابد من الخطيئة هنا ؟ وهل كل ما يريده الانسان لابد ان يحصل عليه والا ارتكب الخطيئه ؟

شكرى وتحياتى

[HDarwish]

لكن الزوج القادر ماديا وصحيا ولديه شهوة مٌفرِطة لا يوجد أمامه سوى أن يتزوج من أخرى أو يفعلها في الحرام

الكلام في النقطة دي أنا أسف وعارف أنه حساس للغاية ولكنه واقع وواقع إجتماعي جدا

يعني أصلاً هو متجوز معزه ولا ست زي الستات التانية ؟

قبل ما يبص بره .. خليه يبص جوه الاول ..

ولو الزوجة الأولى عندها مشاكل .. يروح يتجوز يا سيدي لكن يعمل حساب المشاعر البني أدمه الأولانية .. ما هي إنسانه زيه ولديها أحاسيس برضوا

حبيبي يا أبو الأسياد ،، ما هو التفاح مش كله أحمر فيه أخضر وفيه أصفر ،،أي نعم التفاح الأصفر طعمه وحش لكن هيظل الواحد نفسه يدوق طعمه ويعرف بنفسه انه وحش

اللي فات ده كان هزار .. اللي جاي بئا هو الجد

مش معنى كلامي إني بعطي لكل واحد مقتدر ماديا وصحيا الحق في إنه يروح يتجوز اتنين وثلاثة واربعة ،، لكن وجهة نظري إن الموضوع ساعات بيوصل إلى درجة ما قبل الخيانة الزوجية ولن أتطرق إلى الأسباب التي وصلت بالزوج إلى هذه الدرجة ولكن المفترض أن الزواج في هذه الحالة أفضل من أن يقع في الذنب ... ولسنا جميعا متساويين والاختلافات بيننا كبيرة

بمعنى إن مش واحد مبسوط وحياته ماشية ميه ميه وسعيد مع زوجته يروح يدور لي على عروسة علشان يبئا اسمه متجوز اثنين ويبئا الراجل أبو شنب ،،، ساعات فيه أمور بتحصل بتوصل لدرجة اللاعودة وبيكون فيها الزواج من أخرى هو الحل الوحيد ,,,

تقبلوا تحياتي ووجهة نظري بوضوح

[hOuSsAm]

ما بحبش الاستهبال عاوز تتجوز و عينك زاغت على حد خاليك راجل و قول الحقيقة مش تستعبط و تقول اعمل خير و اهو ينوبنا ثواب

اول حاجة يكون الانسان صادق مع نفسه

الكلام اللى فوق ده بيضحك بيه على نفسه اولا وعليهاثانيا

وإلا ليه من الاول متجوزش واحدة ارملة او مطلقة وليه يخليها الزوجة الثانية؟ عشان بيبقى مصلحته فى الاول والنهاية وده العرف اللى ماشى بيه الزواج اليومين دول. (ده بالنسبة للطرفين مع وجود الحالات الشاذة)

أمل لواتكلمنا فى الموضوع ده عامة ففيه نقطتين نتكلم فيهم

1- قدرة الرجل (من استطاع منكم البائة.............) بكل ما تحمله من معانى (من مال ووقت وقدرة عالادارة والعدل وقدرة جنسية وتحمل مسئوليات مضاعفةو...........) انه يفتح بتين اوتلاتة او اربعة ويكون صادق مع نفسه ومحدد هدفه (اللى هو تعدد الزوجات او اى هدف تانى ..........) واد المسئولية فليتوكل على الله ولا غبار عليه (حتى لو مراته مش موافقة بس هو كدة مظلمهاش والشرع سمحله بالحق ده وهو اللى هيتحاسب ويشيل قدام ربنا) ومن حيث الغيرة دى طبيعة فى الانثى مش موضوع الزوجة التانية

حتى الام بتغير على ابنها من زوجته والعكس صحيح فلا علاقة بموضوع الزوجة الثانية بالغيرة .

عشان هى كدة كدة موجودة ......... بس الفرق فى الادارة واللى يعرف يشيل زى مقالت شيكو

2- ثقافة المجتمع

بالنسبة لمجتمعنا المصرى يبقى قليل الادب وواطى وناكر للنعمة اللى هو فيها لو فكر يتجوزواحدة تانية حتى لو توافرت فيه القدرة اللى قولتلها فوق.

مش كدة وبس ده يبقى خاين وانسان خسيس لواتجوز بعد وفاة مراته

وممكن يحاربوه - مش اهلها وبس ممكن اهلها واهله شخصيا والجيران وصديفتها واى حد معدى فى الشارع . انت ليه تتجوز بعد ممراتك ماتت وعايزتدخل على ولادك حد غريب وتهون عليك العشرة _ دى بردوا الاصول (وخد على دماغك يا معلم)

الامثلة دى واقعية وفى المجتمع وبنشوفها وسطاصحابنا واهالينا كل يوم

اذكر فى مرة اتكلمت مع والدتى فى نفس الموضوع بس من زمان - اللى فاكره انى لما قولتلها مش غلط ان الراجل يتجوز اكتر من واحدة لو هو قادر واد المسئولية - كانت ماسكة السكينة هههههههه رفعتها وقالتلى لو انت اتجوزت على مراتك انا ادبحك هههههههههه - ربنا يبنى ميرضاش لحد بالظلم (انا متكلمتش) اصلها ثقافة مجتمع

----------------

شخصيا اعرف اكتر من شخص (بس مش كتير كل اللى اعرفهم ميكملوش 5) متجوز اتنين ومبسوطين وبيوتهم مبسوطة ومفيش اى مشاكل وناجحين اوى فى شغلهم ومن حيث المادة (يقدروا يفتحوا 4 بيوت) بس هو موضوع قدرة وراضى باللى ربنا قسمهوله مش فتونة وخلاص وناس بتاخد قرارات عشوائية.

أحدهم لما كلمته على موضوع الزوجة الثانية ههههههههه (قالى يا حسام انا معرفش اعيش بست واحدة لازم يبقى فى حياتى اكتر من واحدة :)

[engmido]

ليأخذ طابع لا محل له هنا على صفحات المنتدى

الكلام ده ما يصحش يا شيكو

[طبيبة بالخارج]

ربنا لم يحلل تعددالزوجات و ترك الحبل على غاربه فالموضوع له شروط و اهمها العدل بين الزوجات الذي ليس من السهل بلوغه . إذن موضوع التعدد ليس رحلة ترفيهية للرجل أو رفاهية وفرتها له ظروفه المادية إنما هو عبء كبير و مسئولية محاسب عليها أمام الله

أيضا هناك الكثير من الأسباب القوية التي يضطر معها الرجل على الزواج ثانية مثل استحالة العشرة مع الزوجة الأولى و لكنهما لا يرغبان في الطلاق من أجل الأبناء. أو مرض الزوجة العضال المزمن الذي يمنعها من القيام بكل واجباتها الزوجية و كي لا يضرها الزوج بتطليقها لسبب ليس بإرادتها فقد يكون الزواج الثاني أخف الضررين. أيضا إذا كانت الزوجة لا تنجب و السبب منها

و لكننا يجب ان نضع في الحسبان خصوصية كل حالة. فقد يكون مثلا من الأفضل للزوجة التي لا تنجب أن تطلب الطلاق لتجرب حظها مع رجل آخر له نفس ظروفها أو أرمل و معه أطفال . إذن الحل وقف على اختيار الزوجة و موازنتها لقدرتها على تحمل موقف التعددية لخوفها على ابنائها أو حبها لزوجها و بين عدم القدرة و بالتالي قرار الإنفصال

و تحضرني قصة ابنة رسول الله فاطمة عندما أراد زوجها علي بن أبي طالب أن يتزوج عليها إبنة أبي جهل فإن رسول الله قال له أن ابنة رسول الله لا يمكن أن تجتمع مع إبنة عدو الله (بالرغم من كونها أسلمت) و معنى كلام الرسول طبعا إن عليا اذا أصر على الزواج الثاني فسيطلق بنت رسول الله و امتنع علي بن أبي طالب عن إكمال ما اراد و لم يرد على الرسول و يقول له أنا حر و الله حلل تعدد

الزوجات

تم تعديل 29 ديسمبر 2010 بواسطة طبيبة بالخارج