مذكرات بنوتة مفروسة ....

[shiko]

...

عفوا الموضوع مغلق

برجاء الخروج وغلق الباب وراك

Don’t disturb already disturbed

ماحدش يهوب النواحيدى ... سيبونى اتفرس لوحدى هنا ....

وماحدش يبص من خرم الباب .........علشان شايفاكم ...

ملحوظة

العقـــلاء يمتنعـون

تم تعديل 29 ديسمبر 2010 بواسطة shiko

[shiko]

بكتبلك باللون الوردى ....

طب وماله اللمونى بس ؟؟

الاسم ...: مفروسة ...

السن : بقالى ييجى 6 سنين والفرسة هاتخلص علية هاترجعنى مارشيديه لورا ......

برج : القاهرة ..ونفسى اتزحزح وابقى برج ايفل ..أو حتى برج الزينى اللى على اول المعادى

الوظيفة :مستوظفة بالحوكومة

:closedeyes:

أنا مين ....موش عرفة

أنا فين ....

ايون ايون ...

والله مصرية .......:egyflag: ..والنعمة دى مصرية .....:egyflag:

بذمتك السحنة دى تجيب على ايه .....

....اومال الناس دى بترطم فى ايه ؟؟

http://www.youtube.com/watch?v=mehb0zvXg28&feature=player_embedded#!

تم تعديل 29 ديسمبر 2010 بواسطة shiko

[shiko]

اللهى يشيل منى ويحط عليك يا دكتور :كونجينسنتى

يجعلك فى كل امتحان لومباجو ....

تم تعديل 29 ديسمبر 2010 بواسطة shiko

[remoun]

دستور ........

عدم المؤاخذة انا كنت معدي من قدام الباب فسمعت صوت واحدة بتكلم نفسها ومفروسة اوي فقولت اكيد دي مصرية وميصحش ياواد حد من ولاد بلدك الجميلة مفروس وانت تعدي علية وتسيبة ومتطمنش .

خير ياترى اية اللي فارسك ؟

[shiko]

الابداع فى عصر التكنولوجية والعولمة فى حضرة الدكتور احمد نظيف

نواضرى راحت عليك يا مبدع

الحكيم ...قاللى عليكى وعلى الليزك يا بنتى هو اللى هايرجعلك اللى ضاع ....

ودفـعت شىء وشوايات لاجل اشوفك واملى عينى منك ...

ونهاية القول ...هاركب شنب ....بدل النضارة ...

بس كدة نقصنى الكرش والصلعة ....ويبقى تمام كده !!

فى حضـــــــرة المــذكــور عــاليه

تم تعديل 29 ديسمبر 2010 بواسطة shiko

[shiko]

http://www.youtube.com/watch?v=PR4l0OujGlI&feature=related

الزمان الساعة تيجى اتنين ليلة الامتحان

اه يا سيدى وما حبش ليه ....

تم تعديل 29 ديسمبر 2010 بواسطة shiko

[pink rose]

شكشوكة

مالك يا اختي

ان شالله اللي فارسك هو اللي يتفرس يا حبيبتي

[م تيمور المراغي]

شيكو انا خلف النافذه

اراقب في صمت ,,

[بركة]

يابنتي كده يجرالك حاجة

فهمينا

عشان نعرف بس ندعيلك وكده .. :closedeyes:

[shiko]

السواقة فن وذوق وهندسة

موش عارفة ليه مستجدعة الحمار فى الحركة دى ....

ومفروووووسة من الاخ اللى عامل فيها اسبونج بوب وراكب البردعة ...

وقال ايه عامل فيها عم السويق ...وناقص يطلعلى رخصة سواقة سارية

إلى الخروف قائد المركبة اياها ...

اركن شوية انت على جنب اصلك فرسنى بسواقتك اللى مضيعانا وقرفانا فى كل شبر فى مصر

والحـدق يفـهم

[طبيبة بالخارج]

يا خبر أبيض يا بنتي ايه كل ده

كل ده من حكومتنا اللي تتوكس خلت الناس لسعت

متهيألي الأعراض دي كانت عندي لما كنت في الماجيستير و القسم جابولي الخفيف

[Howayda Ismail]

الف بعد الشر عنك من الفرسة ياشيكو

لو تقصدى من اخر مداخلة زهقك من الزحمة عندكم والعربجية اللى اتحولوا سواقين وظلموا

السواقة معاهم يبقى ربنا يكون فى عونكم فى القاهرة خصوصا لو كنت من سكان اكتوبر

الى بيقفوا ساعات رايح جاى عند مرور تشريفة رئيس الوزراء

ولو حاجة غير كده بلاش تحطى فى نفسك اكتر من كده المحاوراتية عاوزينك

[shiko]

رغوة الاستحمام كابتشينو ....

موش فاهمة ليه الشعب المصرى فاكر الكابتشينو ده رغوة استحمام

الساعة السابعة والنصف صباحا ..الجميع يجرى علشان يلحق ميعاد لحضور فى مكتبه

وقفت استنى دورى فى طابور الطلبات ....

هبطت بنوتة ومعاها مخلوووق فى منتهى الغرابة ...(باروكة طلعلها بنى ادم لابس فلنة بحمالات فى عز السقعة )

واخترقت كل انظمة الطوابير علشان ترجع كوباية الكابتشينو بتاعت حظرتها...

تخيل عزيزى القارىء ليه ؟؟

اصل الرسمة اللى على الرغوة موش عاجباها وعاوزاها يرسملها وش دبدوب ....!!

اترسم على وشى كل علامات السخط ....وكنت هاحميها بالرغوة اللى موش عاجباها بجد....!!

[shiko]

....الخاطبة هانم

كل واحدة عارفها نفسها كويس ....ايوة ....

عندها عريس بالمواصفات اللوزعية اللى فوق دى ....

تخرج من هنا ويا فكيك ...قبل ما اهدر دمها ....

واستحل عيل من عيالها ...واخد دكتوراة فى التشريح على جثتها .....

[shiko]

فوازير رمضان ...

فشلت كل من اجرمت فى حق الجهاز الواحد وعشرين بوصة وتخيلت انها تعرف تعمل فوازير رمضان

على اعتقاد منهن ان فوازير رمضان موش هاتطلع اصعب من قطايف وكنافة رمضان ...

أو على اعتبار التليفزيون حاجة موش اكبر من كشك عم رمضان اللى على اول شارعنا ....

محبوبتى ...صاحبة اروع تاريخ لكل الشاشات العربية ..

وحشتينا بقى ...

[shiko]

http://www.youtube.com/watch?v=7HtDf8-D7aw&feature=related

زمن اللى راح عمره ما يرجع تانى ...

والله وفيك الخير يا زمن ....

[shiko]

أحب الأختلاف واتمنى ألا أعيش إلا حياتى أنا لا حياة غيرى

أستمع للأخرين ولكنى أعشق وجهة نظرى

[shiko]

[م تيمور المراغي]

إســتثنائيه ,,

[لماضة مصرية جدا]

السلام عليكم و رحمة الله و بركاته

ايه بقي محدش يخش دي.....(انا واقفة و حاطة ايدي في وسطي و هجري لورا عشان اندفع و ازق الباب...اللي اكيد هتفتحهولي فجاتن...قووووووم ايه اقع ع الارض)

شيكويا بنتي....

بنتي يا ضنايا

حالتك دي مالهاش غير جملة واحدة اتقالتي زمااااااااان

و لسه لابسة في دماغي

اموت و اعرف مين داس علي ديل القطة

stnd:: stnd:: stnd::

مساااكي...حد عمال بيضحك اوي من ورا الباب :lol: