مذكرات بنوتة مفروسة ....

[أبوعمار]

طيب يا بنتي يا مفروسة

هاتفضلي قافلة الباب كده كتير؟

مش حلو علشانك

وبعدين كده كده كلهم قاعدين يتفرجوا من خرم الباب

أنا واقف بعيد عشان أنا حساس شوية

بس كلمة أخيرة

لو فضلتي واقفة up side down زي الراجل اللي لابس أحمر ده

دماغك هتوجعك على فكرة

يلا بقى اقعدي بالعافية

..... أو بالذوق

تم تعديل 29 ديسمبر 2010 بواسطة أبوعمار

[shiko]

من بره هلا هلا ...ومن جوه يعلم الله

يقولك تعرف فولان ....اه متدهول واعرفه ....

يقولك عاشرته ..........لا

يبقى ماتعرفوش يا ناصح

ليه الناس من بره خــضرا ......وناعــــمة ونادية وصابحة

بس من جواها حدقة ...(لا موش حادقة ...حدقة بكسر الحاء)

عاملة قشرة ...تكتشفها بس لما تقع فى الفخ التمام ....

الاخ وائل جسار قالها حكمة والله ..."غـريبة الناس"

[shiko]

take your breath

الساعة العاشرة مساءاً

اذهب إلى الملحق الخاص بى

اضىء النور على عجالة ...امد يدى لاشغل التلفاز

اطفىء النور بعد ان اكون تمكنت من الريموت اضغط على كلمة السر 77

يجىء لى صوت صراخ اجرى لاختبىء تحت الباطنية

اعيد ترتيب وسادتى لاركن ظهرى قليلا ....اتابع فى شغف ...

صرخات ...من كل حد دماء تطر من السماء ...مواد جيلاتينية مقرفة تنزح من كل شق ....

قلبى ينبض فى عجالة ...

اسمع صوت بالحمام الملحق بحجرتى ...الستارة ..تتحرك ...

ركبتاى لا تحملنى لاستكشاف الامر

اسمع صوتى " بسم الله الذى لايضر مع اسمه شيئا فى الارض ولا فى السماء"

طب وليه يا بنت الحلال ؟؟

ليه ؟؟بتعذبى نفسك لما انتى بتترعبى من ستارة الحمام ....؟؟

انا بخاف من الصرصار يطلعلى

top movie

تم تعديل 30 ديسمبر 2010 بواسطة shiko

[shiko]

إمرأة واحدة لا تـكـفى ...

تفتكرى راجل فى السن ده والحالة دى بيفكر فى ايه بعمق كده ؟؟

وايه الكلمة اللى واقفة على طرف لسانه ....وتقريبا بيرطن بيها واحنا موش سامعينوه؟؟

تخيلوا معايا شوية ...

بيفكر

يتجوز علشان يحل ازمة العنوسة فى مصر

وبالغيظ فى مراته وحماة بنته اللى قاعدين معاه فى الشقة

هايتجوز علشان يعمل واجب مع مصر....

يعنى موش عشانى

ولا عشانكم ...

هايتجوز علشان مصر

عريس يا ماى طخوه بس ماتعوروش يابوى .....

حد يسمعنا زغروطة ..حلوة ..وانا وانت ...

تم تعديل 30 ديسمبر 2010 بواسطة shiko

[رضوي]

انتي يابنتي

انتي هنا وانا بدور عليكي ؟؟؟

وكمان .............. قاعدة تتفرسي هنا لوحدك ....... وسيباني هناك ......؟؟؟؟؟

خديني جنبك ياحبيبتي ........ بدل ماانا قاعدة مفروووسة لوحدي هناك

[رضوي]

ماتزعليش نفسك ياشيكو يابنتي ............ دة حال الدنيا .........

فن وذوق واخلاق

اااااااااااااااااه يااااااااااااااااااني

[fatfouta]

اذيك يا شكو اسمحيلى اشاركك فرستك...أصلى مفروسة من حاجات كتير هرجع تانى اقولك عليها

وحشتينى جدااا

تم تعديل 31 ديسمبر 2010 بواسطة fatfouta

[shiko]

كلام فى السياسة ...

حـد يفهمنى ؟؟

ليه رئيس الحكومة اسمه نظيف ....والتلوث قاتلنا؟

ليه رئيس مجلس الشعب اسمه سرور ....والغم راكبنا؟؟

ليه وزير المالية اسمه غالي .....والشعب رخيص؟؟

ليه وزير الداخلية اسمه العادلى ..والظلم مالى الشوارع ؟؟

ليه رئيس مجلس الشورى اسمه شريف ....والفساد مالى المكان ؟؟

ليه وزير التعليم اسمه هلال ....والتعليم في الأرض؟؟

لو عرفت الإجابة اتصل بمصلحة الطوارىء ستحصل على سيخ محمي ماركة حديد عز

منقول من على لسان حال المصريين

[shiko]

حافظوا على نظافة مدينتكم ....

موش هاتكلم على الزبالة لعدة اسباب منها مثلاً:

الزبالة موجودة وموش لاقية اللى يشلها ...فى كل شبر ...

الزبالة اخدت من الكثير والكثير ساعات وساعات للحديث ولا حياة لمن ينادى ...

حديثنا عن اكوام الزبالة لا هايقدم وهايأخر ...

ييجى بقى هنا دور السؤال المنتظر امال هانتكلم على ايه

نتكــــلم على ...

النظـــــافة ...!!

النظافة من الايمان

حافظوا على نظافة مدينتكم

النظافة مظهر حضارى ...

فين الكلام ده راح ...انا حاسة انه ادفن تحت اكوام الزبالة ...

دعونا من الكلام على اكوام الزبالة ..ولنتحدث عن النظافة قليلا ...

تم تعديل 31 ديسمبر 2010 بواسطة shiko

[shiko]

http://www.youtube.com/watch?v=kdB7WwjwTiU&feature=player_embedded#!

حشيش لكل مواطن

طب وهايخاف من ايه .بس ..ياعمى .....

ده حتى فى حملة بتطالب بـ" الحشيش فى يد الجميع "

وبتطالب الحكومة بدعم الحشيش لمعدومى الدخل

تم تعديل 31 ديسمبر 2010 بواسطة shiko

[الســـاري]

لو كان ( الانفراس ) يولد كل هذا الابداع ..

فحتماً وراء كل عظيم ومبدع ... انفراسة في مكان ما

عذرا للتدخل لكن لم استطع حقاً ان اقاوم ابداء الاعجاب بالرؤية واللفتة الانيقة لكل انفراسة على حدة

في شوق لان يصل عدد صفحات هذا الموضوع لسبعين صفحة

تم تعديل 1 يناير 2011 بواسطة الســـاري

[yosery]

طب نفهم بس إيه سبب الفارسة جايز حد فين جاله نفس المرض ده ويفيدك وطبعا أكيد بمااننا مصرين :egyflag: ..... يبقي أكيد إتفرسنا كتير بس برضوا معلشي يعني أنا شايف الحياة حلوة خالص والرواتب في مصر جميلة ومرتفعة واللحمة رخيصة والطماطم مش مجنونة والشاي بيتشرب بسكر يعني السكر متوفر وحاجة حلوة خالص والناس كلها بتشتغل ولا في بطالة ولا حاجة خالص يبقي إيه اللي يفرس بقي لاء لاء مالكيش حق يا مفروسة علي رأي الصيني في فيلم هنيدي فول الصين العظيم مزنوق طيب يا مزنوق :egyflag: أنا كده خلصت قولت أفضفض بعد ما سمعت الاخت المفروسة بتتكلم في صمت في سرها يعني والاسرار بتتلاقي .

[الســـاري]

عذراً شيكـــو لكني كما قلت من قبل

لم اقاوم هذا الموضوع

عن ماذا اعتذر بالضبط ؟؟

ما تيجي نشوف ؟؟

http://www.youtube.com/watch?v=jHAarJUSe-M

:P

[shiko]

عذراً شيكـــو لكني كما قلت من قبل

لم اقاوم هذا الموضوع

عن ماذا اعتذر بالضبط ؟؟

ما تيجي نشوف ؟؟

http://www.youtube.com/watch?v=jHAarJUSe-M

:P

حقوق الطبع محروقة قصدى محفوظة

اللى هايفكر يلطش حاجة من الفييون اللى فوق ده هايلاقى اتنين ناضورجية

هايشدوه من بتهم ....ويجبوه متعلق على باب المنتدى هنا ..عبرة لاعوانه ...

...موش عارفة فين لسانى ...؟؟

حد يسندنى ...

والله وبدءت تندع ....يا بت يا شيكو وووووز

و2011 شكلها .....كدة جاية جاية ...

ايه ده ؟؟

هو لسه فى مفاجأت كده ..

هو انا ممكن لسانى يتلجم كده وماعرفش اتكلم ...

هو انا ممكن افرح اوى كدة ...

هو ....ممكن تكون المشاعر جميلة كده ...

طب والنعمة دى ...

دموعى منهارة ومش عارفة ارد عليك يا سارى ....

اصلى كدة اتفرس اعيط ...

افرح انهار من العياط ..

موش عارفة اقولك غير انى من زمان مافرحتش كدة ...

فى واحدة صاحبتى من يومين قالتلى ...دعوة غريبة اوى ...

ربنا يديكى فرحة ماتكونيش قادرة عليها وماتعرفيش هى جايلك منين ...

كنت اول مرة اسمع حد يقولى كدة ...

بس الدعوة دى اتحققت وبسررررررعة اوى ...

موش عارفة اقولك ايه احساسى لما شوفت الفيديو

وازاى كنت بضحك علىالابداع اللى انت اضفته بلمساتك

وازاى كنت منهار من دموعى اللى بتنزل وانا بكتبلك كلامى دلوقتى

الفيديو بتاعك ده لمسة انسانية ....من اكرم الناس فى البيت الجميل ده

ولمساتك فيه شرف ليه انها تكون من فنان جميل زيك ...

=======================================

مساءك فرحة غامرة من القلب تجتاحك من كل مكان .....

[م تيمور المراغي]

يخرب بيت ابداعك يا ساري ,,

خصوصا البلاي باك في اخر الكليب بس لو كنت في منطقة شريهان حطيت ثواني من استعراضاتها

تشيكوش ركزي ,,

عندك شنطه وفيها مليون دولار ,,

ورينا بقى حتستثمريها ازاي !!!

[الســـاري]

الغالية شيكو

اشكرك على كلماتك الجميلة ... الابداع يفرض نفسه .. والصور الجميلة والرسائل الرشيقة هي ما يصل للقلب دون استئذان

هذا التوبيك .. مساحة لك .. شاركناك فيها - بالقوة - رغم اوامر ممنوع الدخول .. الصارمة

لم نستطع .. ولم نقاوم .. وانتي السبب

لا تقولي اني اضفت شيئاً ... كل ما فعلته اني نقلت تدويناتك - المفروسة - والمفروشة بذاتك

ولم ارضى ان اضع اسمي على العمل .. لاني لم اقم به .. بل انتي من قال كل ما فيه وما عليه

حتى الموسيقى .. انتي من اخترتيها

احتملي إذن ,,

=======================

اخي الغالي الارش

لم استطيع ان اضيف اي شيء خارج بوح شيكووز

شيكووز اردات ان تبث رسائل لشريهان - الانسانة - وان تقول لها انها اشتاقت لها شخصيا

كان بامكانها ان تضع شيئاً من استعراضاتها ... لكنها اكتفت بصورة لها ... وجدت انها تختصر ما تريد قوله لها

هي رسائل من نوع خاص .. لم احب ان اعكر صفوها بلمساتي

وشكرا جزيلا لك

[م تيمور المراغي]

..............

هي رسائل من نوع خاص .. لم احب ان اعكر صفوها بلمساتي

وشكرا جزيلا لك

انت المخرج يا ساري لازم يكون لك بصمه على المؤلف والسيناريست مش تنفذ حرفيا ما يصلك منهما ,,

تقدر بلمساتك ان تعطي نفس الزخم لتاثير الكونسبت اللي قصدته تشيكو بل واكثر كمان وانت عارف

لكن اجمالا اتخاذ القرار منك والتيم وورك ا لرائع المنتظر - اللي كنت ذكرته قبل كده - نسوا الواحد الكثير من هموم الوطن ,,

ميرسي يا ساري على الكليب ده ,, ومستنيينك في توبيك احكي يا شهرزاد :wub:

تم تعديل 2 يناير 2011 بواسطة architect

[shiko]

...دمـــــاء ...على صفحة النيل ....

يمكن الصورة والكلام موش هاتعبر عن اللى جواية ....

بس موش لاقية جوايا غير ....

دم ...

مصر....

شق...فى ....قلب الوطن ....

دموع...

قلب.....موجوع من الالم ....

اه ....والف اه ....علي هـمومك يا وطن ...

تم تعديل 2 يناير 2011 بواسطة shiko

[قلب ابيض]

تسجيل متابعه فى صمت واعجااااااااااااب

سارى دايما سارى

[shiko]

كعب عالى ....

نزلت من سيارتها بكسل متناهى ...تتبختر فى كعبها العالى

نظرت الى فى ابتسامة موجهة لى الاعتذار على طول الانتظار

طبعا بادلتها التحية وانا مبتسمة ...الابتسامة اياها ...

وجهت لى الكلام ..

وين بتروحى بهالبس الرياضى

انا فى تفاخر : لا مافيش هاتمشى مع صحابى بالتراك ...

اوووووه رياضة يعنى ..وايش...مافهمتش بقيت الجملة

فقط اقتبست من حديثها

سيبيها على الله...

لو كان المشي زين للصحه كان راعي البريد أحسن صحه بالعالم..

الحوت يسبح طول اليوم وياكل سمك ويشرب مويه ومع هذا سمين..

الأرنب يركض ويناقز ومع هذا مايعيش إلا 15 سنه..

السلحفاة ماتركض ولاتسوي شيء ومع هذا تعيش 450 سنه..

إذا فالتذهب للجحيم التمارين الرياضيه ...ومرحبا بالكعب العالى