باتسيري ريمو البريمو

[نوران]

التعليق دا كده ع السريع لاني لسا راجعة من العمرة و مهلوكة

حمدا لله علي سلامتك يا جميل

تقبل الله منكم العمره وضاعف لكم الأجر إن شاء الله

[زهرة الجبل]

احنا كده نفتح محل سوا يا ام كريم

ما شاء الله تبارك الله

شغلك راااااااااااائع بجد

تسلم الايادي

:clappingrose:

التعليق دا كده ع السريع لاني لسا راجعة من العمرة و مهلوكة

بكرة ان شاء الله ندي لكل تحفة من التحف دي حقها

بالنسبة للصور ممكن ترفعيهم على موقع imageshack

أولاً حمدا الله على السلامه .. و تقبل الله يا أم مريم

ثانيا بقى يا ستي فربنا يكرمك يا رب * ده بس من زوقك .. إحنا هنروح فين جمبك يعني ؟

عموماً أنا موافقه و قبلت العرض الكريم ده .. هشتغل معاكي صبي حلواني :happy: و أهو نتعلم

و الصور أنا رفعتهم على موقع إسمه مخزن و هجرب الموقع اللي انتي اديتيهولي ده المره الجايه

يلا منتظره عودتك

أم كريم

[زهرة الجبل]

السلام عليكم ورحمة الله...

عقلى الباطن :

يظهر البنات دولم حيرجعونى للمطبخ من تانى .من بعد مامسكت الجرنان ولبست طربوش ومنشة وبقيت من مرتادى بوابة السوياسة وكنت ناوية اترشح فى الانتوخابات اللى مش باينة لها ملامح دياك ...ايييييه ..

زهرة الجميلة ..تسلم ايدك ..ده انت شطورة خالص فى الحلويات والتورتات...نفسى اخد حبوب الشجاعة مرة واحدة بس واجرب اعمل تورتة ..

الصور فعلا مش واضحة لنا احنا كمان يازهرة..وما اقدرش اغشك واقولك انى حأقدر ارجعها...كان على عييينى ..:)

حأشوف مدام سلوى لو تعرف..أو علينا بقى وعلى أستاذ محمد حلال العقد..وبالمناسبة ليه تحملى صورك بره لما ممكن تحمليها هنا..؟؟

مش احنا عندنا جاليرى دلوقت..ممكن تحملى عليه كل صورك...اه والله ..:)

شوفى الموضوع ده...

حمل الصور على المحاورات وماتروحش عند الأغراب..

حاجة اخيرة..عايزين وصف دقيق لطريقة عمل التورتات الجميلة دى...لعل وعسى انوى اعملها ..أو اعلمها لبناتى ..

صباحكم نادى جميعا ...

و الله سعيده جداً إنهم عجبوكي يا مدام فلانه

تعرفي ؟ أنا فرحت بكلامك أكتر ما فرحت لما عملتهم .. ربنا يكرمك

بالنسبه لتحميل الصور عالمحاورات أنا جربت لكن فشلت فشل ذريع الحقيقه :sad:

و أنا عارفه إن مش هتقدري ترجعي لي الصور من المشاركه كده بدون ما أعطيكي انا روابط الصور

المشكله بس ان معدش عندي طبعا خاصية التعديل

عموما لو تفضلتي أنا هنسخ هنا الروابط بعد رفعها على موقع تاني يا ريت ترجعيها تاني للمشاركه

الرابط الأول :

http://www.m5zn.com/uploads/2011/7/21/photo/072111130729a761lazx8z7e2r4jg7dg.jpg

الرابط الثاني :

http://www.m5zn.com/uploads/2011/7/21/photo/0721111307305u1b4okz6mtvsa6u.jpg

و الشكر مسبق و موصول

تحياتي

أم كريم

[لماضة مصرية جدا]

بسم الله الرحمن الرحيم نبدأ

دي تورته رقم 1

و إسمها تورتة الفراشه ..

و مش إبتكاري طبعاً دي فكره جميله شفتها عالنت و طبقتها في عيد ميلاد كريم بس على قدي كده

يمكن هي شكلها باين طبعاً إنها تورته بيتي بس بصراحه أنا لما شفتها عالنت عجبتني فكرتها جداً و حبيت أعملها

عمايل التورته نفسها و تزينها متعه لوحده الحقيقه

دي الصوره

إيه رأيكم ؟؟

علي فكرة بقي

بقي علي فكرة

فكرة بقي علي

انتي حد جميل اوي اوي اوي

عارفة ليه

يمكن انتي نسيتي بس انا مش نسيت

علشان حضرتك اهدتيني صورة التورتة دي في عيد ميلادي

و مكنتش اعرف من انها عمايل حضرتك

كده غلاها و حلاها بقي غير

ع فكرة انا دايما بصدق ان لما بنحب حد اوي نحب نطبخله اوي

و دي احلي حاجة حضرتك بتعمليها لولادك....و ليا يعني :closedeyes:

انا بحب التورتة اللي بتتعمل في البيت في مناسبة بيتوتية

علشان بحس ان اجمل هدية في الدنيا

ربنا يسعدك بهدايا من السما حلاها يشبهك انتي و يشبه قلبك

مساكي......تورتة......من زهرة

[pink rose]

اخواني اخواتي

من موقعي هذا امام الباتسيري

ازف اليكم هاذوها الخبر السعيد

انه في يومنا هذا وصلتني رسالة من بنتنا الجميلة

dream with me

تبشرني فيها

انها عملت كيكة الكريم كراميل و طلعت جميلة جدا

و هي في غاية السعادة

بس للاسف الزهايمر اشتغل من الفرحة و نسيت تصورها

بارك الله فيكي يا دريمي

و ما تنسيش الصورة المرة الجاية

برافو دريمي

عقبااااااااااال اللي في بالي يا رب

قولوا يا رب

[pink rose]

اهو رجعت من الحج الحمدلله و قولت اضيف هنا اخر انتاج ليا من تورت الفوندان

التورتة دي بمناسبة تخرج مريم من مرحلة الكي جي

عارفه هاتضحكم طبعا بس ادي الدليل اهو

شهادة دي اد الدنيا و لا مش شهادة

و مكتوب فيها اهو دبلومة كي جي

و ادي التورتة

[pink rose]

و دا شكل التورتة من جوة

اظن كده انا مش حارمة حد من حاجة :closedeyes:

[عبير يونس]

مليون مبروك يا قمر

لبنتنا مريومة هانم

المهم المجموع

كنت خايفة لا بعد الشر ما تدخلش ابتدائي عام

و تدخل ابتدائي صنايع :closedeyes:

التورتة ما شاء الله تجنن

تسلم ايديكي

[pink rose]

مليون مبروك يا قمر

لبنتنا مريومة هانم

المهم المجموع

كنت خايفة لا بعد الشر ما تدخلش ابتدائي عام

و تدخل ابتدائي صنايع :closedeyes:

التورتة ما شاء الله تجنن

تسلم ايديكي

اسكتي يا بيرو

دا انا كنت حاطة ايدي على قلبي لحد ما ربنا كرمنا وعرفت انها الحمدلله اتقبلت في grade 1

امال يا بنتي دا مستقبل مش اي كلام

[زهرة الجبل]

ما شاء الله تبارك الله

ألف مبروك يا أم مريم

و عقبال ما تعملي لها كده تورتايه 7 أدوار يوم تخرجها من الجامعه يا رب

و واحده كمان 7 أدوار برضه يوم زفافها و تفرحي بيها اللهم آمين

تسلم ايديكي بجد .. و ربنا يخليهالك

تحياتي

أم كريم

[زهرة الجبل]

شوفي بقى يا ريمو

هناخدهم بالدور كده

الكيكه الرخاميه الأول

و هي المشاركه بتاعتي الأولى اللي الصور وقعت منها

دي الصور مره تانيه اهيه

و هي صور تطبيقي للكيكه بتاعتك

و دي صوره للكيكه كامله قبل التقطيع

تم تعديل 11 ديسمبر 2011 بواسطة زهرة الجبل

[زهرة الجبل]

اما بالنسبه للتورته الفراشه

التورته دي انا شفت طريقتها على النت و لقيت ان فكرتها سهله بسيطه و نتيجتها مبهره

علشان كده طبقتها و طلعت جميله كده

و طريقتها علشان خاطر عيون مدام فلانه و عيون لموضه حبيبتي موجوده على اللينك ده :

My link

أنا بس زودت عليها حاجه بسيطه و هي ان بدل ما اعمل كيكه واحده و اقسمها نصين للأجنحه .. عملت كيكتين و حطيتهم فوق بعض و طبعا بينهم خليط من الكريمه و المربي

و ده علشان تطلع عاليه كده

لأن بصراحه أنا بعمل الكيكه مش بتطلع معايا في خبزها نفس ارتفاع كيكات التورتات الجاهزه

فبحتال على قلة ارتفاعها بالحيله دي .. اني اعمل اتنين فوق بعض .. و ده تقريبا في كل التورتات مش بس الفراشه

و بصراحه اكتر كمان ... أنا استعملت في دي كيكه اكياس

يعني اكياس الكيك الجاهز

من الداخل بعد التقطيع كان لونها جميل جدا بس للأسف مش عندي ليها صور

لأني استخدمت كيس كيكه فراوله و كيس ليمون

فكان لونها من الداخل طبقتين روز و اصفر و بينهم طبيقة المربى الفراوله لونها احمر .. كانت حلوه جدا

الخط الأخير البني تحت على الجوانب ده عباره عن شيكولاته كيتكات مطحونه

يا رب تكون الفكره عجبتكم

يتبع

تم تعديل 11 ديسمبر 2011 بواسطة زهرة الجبل

[زهرة الجبل]

أما بالنسبه لكيكة الكريمه :

فهي كلها كانت علشان أجرب طريقة عمل الوردات بالكريمه

لأن الطريقه عجبتني جداً لما شفتها على اليوتيوب

طبعا مفيش مقارنه بين النتيجه اللي وصلت لها و بين المحترفين اللي على النت لكن الموضوع كان رغبه في التجربه مش اكتر

ده ملف من ضمن ملفات كتيره جدا عاليوتيوب

http://www.youtube.com/watch?v=WX_oPAwx56Q&feature=related

إضافه صغيره و هي اني استخدمت فرشه صغيره جدا و لونت طروف الوردات بملون الغذاء الأحمر

و على فكره كمان التورته دي عملتها بكيك جاهز اكياس فراوله و ليمون و كان ده شكلها من الداخل و هو تقريبا نفس شكل كيكة الفراشه من الداخل

يتبع

[زهرة الجبل]

أما بالنسبه للتشيز كيك :

فطريقتها و مقاديرها و خطواتها بالتفصيل هنا على موضوع قديم في الحاورات

حلى تشيز كيك المانجو ... شكل راقي و طعم تحفه

و بكده ابقى خلصت ضميري من ربنا :happy:

و ازعت جميع الأسرار :happy:

تحياتي

أم كريم

[زهرة الجبل]

بسم الله الرحمن الرحيم نبدأ

دي تورته رقم 1

و إسمها تورتة الفراشه ..

و مش إبتكاري طبعاً دي فكره جميله شفتها عالنت و طبقتها في عيد ميلاد كريم بس على قدي كده

يمكن هي شكلها باين طبعاً إنها تورته بيتي بس بصراحه أنا لما شفتها عالنت عجبتني فكرتها جداً و حبيت أعملها

عمايل التورته نفسها و تزينها متعه لوحده الحقيقه

دي الصوره

إيه رأيكم ؟؟

علي فكرة بقي

بقي علي فكرة

فكرة بقي علي

انتي حد جميل اوي اوي اوي

عارفة ليه

يمكن انتي نسيتي بس انا مش نسيت

علشان حضرتك اهدتيني صورة التورتة دي في عيد ميلادي

و مكنتش اعرف من انها عمايل حضرتك

كده غلاها و حلاها بقي غير

ع فكرة انا دايما بصدق ان لما بنحب حد اوي نحب نطبخله اوي

و دي احلي حاجة حضرتك بتعمليها لولادك....و ليا يعني

انا بحب التورتة اللي بتتعمل في البيت في مناسبة بيتوتية

علشان بحس ان اجمل هدية في الدنيا

ربنا يسعدك بهدايا من السما حلاها يشبهك انتي و يشبه قلبك

مساكي......تورتة......من زهرة

أما إنتي بقى يا لماضه فــ بجد مش عارفه أقول لك إيه . كلامك زي العسل زيك

ربنا يديم الموده بيننا يا رب علشان انا فعلا بحبك جدا

و بحب عقلك و لماضتك و جدك و هزارك و كلامك كده كله على بعضه

و بمناسبة ان التورته الفراشه عجبتك فياريت تقبلي دي مني

و هي آخر إصداراتي

حساكي كده في لماضتك شبه تويتي

هي تورتاية عيد ميلاد كريم السنه دي .. من كم يوم فاتو بس و الله

لسه طازه يعني ... و أنا اللي عملاها برضه انما المره دي بجد مكنتش مصدقه روحي بعد ما خلصت ان انا اللي عملاها

قعدت أقول لأبو كريم و للولاد .. ((لا انا اكيد بضحك عليا .. مش معقول انا اللي عامله دي انا اكيد بخدعني))

و هي صحيح بمناسبة عيد ميلاد كيمو .. إنما ليكي انتي بقى تبقى بمناسبة غلاوتك عندي و بمناسبة اللماضه و الشقاوه المعجونين بخفة دم و ملفوفين بعقل و فكر و حكمه و روح

أيوه روح و الله .. لأ ساعات بحس ان كلامك صاحي . بتقولي كلام فيه الروح

اتفضلي

إيه رأيـك بقى ؟؟ يا رب تعجبك

الطريقه و الخطوات بالتفصيل الممل و كل تفصيله بصوره موجودين

هنزلهم بعد الفاصل

فاصل لإلتقاط الأنفاس أحسن تعبت مشاركات

صباحك سكر

أقول لك؟

صباحك فنجان شاي و شريحة كيك بطعم التفاؤل و الإنشراح

تحياتي

أم كريم

تم تعديل 11 ديسمبر 2011 بواسطة زهرة الجبل

[pink rose]

كل سنة و كيمو طيب يا زهورتي

و تفرحي بيه يا رب و يكون في احسن ما بتتمني له

و تسلم الايادي اللي عملت و الايادي اللي صورت و اللي نورت الموضوع بالتحفة الفنية الرائعة دي

بجد تسلم ايدك ما شاء الله تبارك الله

انا قاعدة اهو و مستنية النشرة بالتفصيل بجد ما شوقتينا بالموجز

[زهرة الجبل]

و إنتي طيبه يا ريمو

و شكراً للدعوات الحلوه دي .. ربنا يتقبل منك يا رب و يفرحك كمان ببنوتتك

و الخطوات بقى بما إنها كلها صور و أنا بمل بسرعه من موضوع التحميل ده .. فأنا هنزل كل شويه جزء

حسب التساهيل كده يعني

شوفي يا ستي

أنا إستعملت قارب مستطيل .. بس مش كبير .. علشان كده خبزت أربع كيكات

و عملت كل كيكه لون ..

يعني واحده بالكاكاو و دي لونها بني و التانيه ليمون و لونها أصفر و الثالثه فراوله لونها بمبي كده و الرابعه برتقال و دي اغمق من الليمون شويه

و طبعا إختلاف الألوان ده بيعمل شكل جميل وقت تقطيع التورته

و جمعت اتنين بجانب بعض بحيث يعملوا مستطيل كبير و اتنين فوقهم بحيث تبقه التورته عاليه

و طبعا بين الكيكات حطيت خليط من الكريمه و مربى الفراوله علشان يثبتوا جمب بعض .. يعني زي الصمغ كده :happy:

و ده الشكل و الصور

يتبع إن شاء الله

[زهرة الجبل]

طبعاً عملت كريمه بيضا ساده و دي لتغطية الكيكه و تظبيط سطحها اللي هرسم عليه

و بالنسبه للرسمه (( صورة تويتي )) فدي جبتها من على النت و خليت أبو كريم كبرها بالحجم المطلوب و طبعهالي

و بعدين أنا أخدتها و غلفتها

التغليف بقى :

عارفه جلاد الكتب الشفاف ؟

جبت ورقة جلاد و طبعا تتأكدي من نظافتها تماما قبل إستعمالها لأنها بتتحط فوق الكريمه

و التجليد فايدته إنه هيمنع اي تفاعل بين الكريمه و الورقه .. يعني لا الورقه هتدوب من رطوبة الكريمه و لا الكريمه ممكن تتأثر بأي شوائب في الورقه ..

إجراء وقائي يعني :happy:

و كمان علشان يبقى شد الورقه من على الكريمه بعد الانتهاء من تحديدها يكون سهل

جلدت الرسمه بالجلاد اللاصق ده بالشكل ده :

و بعدين قصيتها من الحدود و اتخلصت من التغليف الزايد و حطيتها على وجه الكيكه المتغلفه بالكريمه

بالشكل ده

و بعدين بسن سكينه صغيره بدأت أعمل خط على الكريمه على حدود الصوره علشان لما اشيل الرسمه المتغلفه يبقى حدودها واضحه و أقدر أرسم عليها خط يحدد الرسمه باللون الغامق

و طبعاً أول ما بتشيلي الرسمه المتغلفه من على الكيكه بتلاقي مكانها الكريمه بقت مخربشه كده و مش ملساء .. بس ماتخافيش لأن كل ده هيتغطي بكريمة التلوين

دي الصوره بتاعة الخطوه دي :

يتبع إن شاء الله

[pink rose]

و نحن في الانتظار يا جميل

بس عندي سؤال على الهامش

انتي سقيتي الكيكات ايه؟؟

تم تعديل 11 ديسمبر 2011 بواسطة pink rose

[زهرة الجبل]

و نحن في الانتظار يا جميل

بس عندي سؤال على الهامش

انتي سقيتي الكيكات ايه؟؟

لا يا ريمو أنا مش بسقي الكيكات حاجه خالص ..

لأنها بطبيعتها هشه جدا و كمان بستعمل المربي و الكريمه بينهم فبكتفي بيهم

أنا كمان بتخلص من الجوانب اللي بتكون ملاصقه لصينية الخبز ..

يعني بقطع الحواف الجافه بسكينه قبل استخدام الكيكه أو تغطيتها بالكريمه

و بدل السقي بستخدم المربى و الكريمه كماده لاصقه بين الكيكات فبيكون مفيش داعي للسقي

ده غير اني بستعمل نوع كيكات جاهزه ( أكياس ) بيكون هش جدا مش مستاهل يتسقي بسيرم و لا حاجه