mekkawy بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 السلام عليكم و رحمة الله و بركاته من غير ما أطول عليكم ... وحشتوني نفر نفر و نفراية نفراية الــــبــــــــــحـــــــــر ايه هو البحر و يا ترى حياة كل واحد فينا فيها كام بحر ... كلنا عارفين البحر العادي بتاع المية اللي بنعوم فيه .. فيه عند كل واحد فينا بحور كتيييييير غرقان فيها .. غطسان فيها .. بيعوم فيها .. و أحياناً .... متمتع فيها قعدت النهاردة شوية كدة مع البحر (بتاع المية دهوت :happy: ) و قلت في عقل بالي كدهوت: يااااه يا بحر .. بقالك كام مليون سنة رايح جاي كدهوت .. تضرب ف الصخور و هي تصدك يااااه يا بحر .. بقالنا يجي كام مليون سنة بنرمي فيك و انت تشيل .. ولا عمرك اشتكيت يااااه يا بحر .. انت صبرك جميــــــل و مبتزهقش يااااه يا بحر .. انت واااااسع أوي تاخدنا كلنا و زيادة كمان و انا ف عقل بالي كدة رحت ماسك المنظار المقرب و قعدت اشوف اخر البحر ده ايه .. لقيت مالهوش اخر هييج واحد في السطر دهو بالذات و يقولي (نعم؟) طب ايه يعني .. عاوز تقول ايه؟؟ أقوله تعرف تكون بحر؟!!! بلاش دي صعبة شوية .. تعرف تتعلم ايه من البحر؟؟ أقولك عشان نختصر ... اتعلمت ايه من البحر؟؟ استني بس ما تستعجلش و تجاوب ... هتجاوب على أيتها بحر اساساً .. بحر الحياة ولا بحر المية ولا بحر الحب ولا بحر الحزن ولا ايه نظامك؟ أقولك .. كل واحد يجاوب على بحره هو اللي بيستريح فيه .. و يا مكتر البحور في حياتنا ع جنب ... شكراً لكل اللي سأل عليا و للي مسألش بردو :) مكاوى .. از باك اقتباس رابط هذا التعليق شارك المزيد من خيارات المشاركة
م تيمور المراغي بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 ولكم باك يا اجمل مكاوي في الدنيا ,, جميل ان الواحد يتعرف على انسان بسمعته الطيبه اولا قبل ان يحادثه او يجالسه او يراه عينا بعين ,,,ولانزكيكم على الله ,, قلت لي على البحر ,, طيب اسخن شويه وارجع لكم تاني ان شاء الله ,, :happy: اقتباس المجد لولادك المخلصين ... رابط هذا التعليق شارك المزيد من خيارات المشاركة
mekkawy بتاريخ: 31 ديسمبر 2010 كاتب الموضوع تقديم بلاغ مشاركة بتاريخ: 31 ديسمبر 2010 ولكم باك يا اجمل مكاوي في الدنيا ,, جميل ان الواحد يتعرف على انسان بسمعته الطيبه اولا قبل ان يحادثه او يجالسه او يراه عينا بعين ,,,ولانزكيكم على الله ,, قلت لي على البحر ,, طيب اسخن شويه وارجع لكم تاني ان شاء الله ,, :happy: أخويا أرش صاحب وسام التألق .. متابع أنا بس في المستخبي كدة smk: شكراً على ذوقك العالي و مجاملتك الرقيقة بس لو ع السمعة يا هندسة فإحنا تلامذة سخن كدة و اضربلك غطسين و تعالى منتظرينك و كمان أتمنى أشوفك قريب بم انك في جدة .. بس انت ابقى رد ع العنبي و احنا نتقابل ;) مكاوى .. غطسااااان اقتباس رابط هذا التعليق شارك المزيد من خيارات المشاركة
م تيمور المراغي بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 (معدل) (ليه يا بحر قاسي و كلك شجن ,,) من قصيده قديمة لنفس الشاعر ,, البحر يا مكي مايبقاش اسمه بحر الا بعد منتصف الليل ,, شلة الساحل الشمالي القديمة فاكرها ؟؟ اللي بقالك 20 سنه شايفهم وعارفهم هما هما من ايام لما كان الساحل هو مراقيا ومارابيلا وسيدي كرير وبس,, اللي حاطط ايده في جيوبه ده انت عارف سر القرار اللي غير بيه مسار حياته ,,ايوه ,, واللي بتضحك هناك دي كانت بتبكي زمان بين ايديك ,, وبتشتكي لك حب ضاع من بين ايديها للابد ,, دلوقتي كل واحد جاي بمراته ,, وكل واحده جوزها المبتسم للحياه سابقها بخطوتين :happy: انت بس الوحيد اللي زي مانت ,, ماتغيرتش ,, شاب الامس عينه رجل اليوم ,, لكن البحر يا مكي هوا كمان زي ماهو ,, وماتغيرش ,, نفس ريحة اليود والشجن والموج الحزين ,, و ,,, -( انتي يابنتي انتي !!! ماجبتيش مايونيز ليه !!!!!) تفيق من شرودك الطويل وباقي الشله على صوت ايهاب سياحه انت عارفو طبعا - سياحه دي شهرته مش اسمه - لازم صوته يجيب اخر القريه :happy: - نسيت نسيت ,, فيها ايه يعني ,, وتعطي ندى مفتاح السياره لابنها ذو ال 13 ربيعا لكي يسرع الى الشاليه وياتي بالمطلوب ,, بينما المبتسم تزداد ابتسامته شيئا فشيئا في غموض ,,!! تم تعديل 31 ديسمبر 2010 بواسطة architect اقتباس المجد لولادك المخلصين ... رابط هذا التعليق شارك المزيد من خيارات المشاركة
om marawan بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 ايه داااااااااااااا وسسسع وسسسسسسسسسسسسسسع ياجدع ايه الهنا اللى احنا فيه ده مكاوى وفتفوتة رجعوا فى يوم واحد ياااااااااااااااااه طب والله حاسة بفرحة زى مايكون اول طلعة لبحر اسكندرية وانا باغمض عينيا وباخد أول نفس طوييل بكل شوق لريحة البحر اللى بتغسل كل ذرة جوة كيانى ايوه كده ياجماعة نورتونا حمد لله ع السلامة يامكاوى نورت دايما موضوعاتك جاكوزية استرخائية بتغوص فى الحتة الصافية اللى جوانا اقتباس يا بخت من يقدر يقول واللي ف ضميره يطلَّعه يا بخت من يقدر يفضفض بالكلام وكل واحد يسمعه يقف في وسط الناس ويصرخ : آه يا ناس ولا ملام ييجى الطبيب يحكي له ع اللي بيوجعه يكشف مكان الجرح ويحط الدوا ولو انكوى يقدر ينوح وأنا اللي مليان بالجروح ما اقدرش أقول ما اقدرش أبوح والسهم يسكن صدري ماقدرش أنزعه صلاح جاهين رابط هذا التعليق شارك المزيد من خيارات المشاركة
Dreamwithme بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 حمدا لله علي السلامة يا أستاذ مكاوي موضوع جميل جدا وفكرني بموضوع قرأته من قبل عن أفكار من كتاب اسمه عقل مثل الماء للكاتب جيم بالارد حبيت أشارك به في الموضوع ليس هناك شيئاً أضعف من المــاء ,ولكن عندما يهاجم الماء شيئاً ما بعنف , أو يقاومه بعنف ,, فلا شئ يمكن أن يصمد أمامه ,, ولا شئ يستطيع تغيير طريقة .. : كتــاب : عقــل مثــل المـــاء : كتاب يتناول كيفية الحياة في عالم مجنون بدون الانخراط معه في الجنون .. هذا الكتاب رحلة إلى أماكن ومساحات ستدرك أنك تزورها لأول مرة .. إنه قراءة رائعة توضح لك كيف تصل إلى حيث تريد ... والسيطرة على الأمور بهدوء وتوازن ,,,, بغض النظر عن الموقف .. : : يوفر للأشخاص "المشغولين " مجموعة من الأدوات المحددة من أجل الحفاظ على حالة من التوازن ,, ومنظور يستجيبون من خلاله للأحداث المتغيرة .. كما يقدم استراتيجية للحفاظ بتركيز الذهن والانتباه والاحتفاظ بالمقدرة على السيطرة على المشاعر ,, كل هذا بينما تكون تعمل على حل المشكلات واتخاذ القرارات في عالم يحكمه الشك والاضطراب وعدم اليقين : : ما معنى " عقل مثل الماء " ؟ يمكننا معرفة الاجابة عن طريق استعراض بعض خصائص الماء وتطبيقها على قلوبنا وعقولنا . هناك خاصية انسيابية الماء ,, وهي القدرة على الانتشار حول الأشياء بسهولة .. هناك خاصية الامتصاص .. وهي القدرة على استيعاب ما يلقى فيه .. خاصية الانعكاس .. وهي القدرة على عكس الأشياء بشكل تمام. خاصية الإصرار .. وهي القدرة التي لا تلين على نحت وإبلاء المواد الصلبة . خاصية الهدوء .. وهي التقدم في طريقه نحو هدف التوازن بدون احباط أو انزعاج .. وأخيراً خاصية الاحتفاظ بالجوهر .. وهي قدرة الماء على الاحتفاظ بماهيته ببساطة وبغض النظر عن شكله المتغير .. : من المؤكدأن هذه الصفات للماء تمثل أهدافاً جديرة بالسعي وراءها بالنسبة للأشخاص المشغولين في هذا العالم المضطرب .. ولكنها أهداف لا تتحقق بسهولة لمجتمعنا المدمن السرعة .. إنها تتطلب تمرينات يومية على الهدوء والتأمل وفوق كل شىء افتراض رئيسي يقول إن : " تغيير عقلك هو الخطوة الأولى الأكثر فعالية التي تستطيع أن تخطوها نحو تغيير عالمك " .. : الانسيابية : الماء دائماً ما يبحث عن المستوى المناسب له بشكل طبيعي وبدون أدنى جهد .. : الدرس : عش اللحظة .. لا تتسرع ولا تتوقف .. أنصت لنفسك ,, ولا تندفع أبداً . " الوقوف بثبات تام في وسط حطام عالم يتحطم " . عن نفسي أهم حاجة بيثير اهتمامي في البحر (البحر الحقيقي) وممكن نتعامل بيه في بحر الحياة الانسيابية والمرونة .........لوفي عائق البحر بيتخطاها ويغير مساره ويرجع ينتشر في اتجاه آخر أيضا البحر متقلب وأحيانا بحر الحياة بيحتاج كده .......يعني أحيانا هادئ وده مطلوب في بحر الحياة وأحيانا ثائر وده مطلوب في بعض الأحيان في بحر الحياة أنك تكون ثائر ومتفجر بالطاقة في بعض الأحيان. تقبل مروري وتحياتي لحضرتك اقتباس <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
om marawan بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 اااادى البحر اهو عشان ماحدش يبقا نفسه فى حاجة مش باقي غير تغمضوا عينيكم وتسترجعوا ريحة اليود وصوت الموج اللى هو ويششششش ويشششششش كده حد يحب يغسل ايده فى مية البحر او ياخد لنش ويلف بيه يصطاد يتفرج براحته طب خلاص اللى عاوز يفضل فى البيت ويبص م الشباك براحته لكن ممكن ينزل على وقت الغروب او الشروق صباحكم غطس يغسل الهموم ويفرفش الايام ويرش مية يطفى الاحزان اقتباس يا بخت من يقدر يقول واللي ف ضميره يطلَّعه يا بخت من يقدر يفضفض بالكلام وكل واحد يسمعه يقف في وسط الناس ويصرخ : آه يا ناس ولا ملام ييجى الطبيب يحكي له ع اللي بيوجعه يكشف مكان الجرح ويحط الدوا ولو انكوى يقدر ينوح وأنا اللي مليان بالجروح ما اقدرش أقول ما اقدرش أبوح والسهم يسكن صدري ماقدرش أنزعه صلاح جاهين رابط هذا التعليق شارك المزيد من خيارات المشاركة
م تيمور المراغي بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 http://www.youtube.com/watch?v=8k8yROGy4rU&feature=related اقتباس المجد لولادك المخلصين ... رابط هذا التعليق شارك المزيد من خيارات المشاركة
رضوي بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 السلام عليكم ورحمة الله وبركاته البـــــــــــــــــــــــــــــــــــــــــــــــــــــــــــحر هادي ................. لحظة سكينة وصفاء وتأمل ف الشروق ................... لحظة أمل واماني وفرحة ودعاء ف الغروب ....................... منتهي الرومانسية والهيام ....... والابتسامة الصافية بالليل ............... اسرار .... فضفضة ........ حوار لاينتهي .......... سمر .......... ونس ............ ضحكة صافية طالعة م القلب ف الصيف .......... لمة وضحكة ......... القطة العامية .......... والجري ......... الغطس .......... والراكت ......... التنطيط ......... وفاضيين بقي ماحدش يكلمنا ف الشتا .......... هدوء غير عادي ....... وحشتني اوي يابحر ........ كلام من بعيد لبعيد وفضفضة لا تنتهي ......... وهتاخدي برد لو فضلتي قاعدة قدام البحر كدة البحر غامض .......... فجأة ممكن يقلب لدوامة ......... وممكن يتحول لدمار بحبه .......... وافضفض معاه .............. شاف احلي ايامي ........ طفولتي ( عايزة ادخل جوه اوي يابابا ) ولما كبرت شوية ( خلي بالك من اخواتك ) شاف ضحكتي ........... شاف شقاوتي ........... شاف لعبي والمقالب والبال الرايق حبيته اوي ............. وخوفت منه ( لما كنت هغرق فيه ) بس عمري مانسيته ............. كنت هغرق وتاني يوم صحيت الصبح ( يلا ننزل المياه ........... تاااااااااااااااااااااني ؟؟؟؟؟؟؟ ) مسابقات الغطس ............. ومين نفسه اطول ؟؟؟ شقاوة ولعب الكورة ف المية تنطيط ولعب مالوش اخر دفا ف عز الشتا ............... اسرار ............... وحكاوي مابتخلصش مركب ماشية ......... طالبة الرزق م الرزاق أنا البحر في أحشائيه الدُر كامنٌ فهل سألوا الغواص عن صدفاتي ؟؟؟؟ اقتباس اللهم إرزقني بفرحة ... تجعلني أسجد لك باكية . رابط هذا التعليق شارك المزيد من خيارات المشاركة
رضوي بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 ولما كان البحر بير اسرار مابينتهيش فمننساش النيل ياعيني عليك يانيل كام مرة كنا مخنوقين ويلا بقي نطلع نتمشي ع النيل ؟؟؟؟ واحلي نكتة ماتتقالش الا واحنا ع النيل واحلي نيل بيبقي ساعة الشروق .................. واحلي حمص الشام بيبقي ف الشتا ع النيل ======================= لما بنبقي مخنوقين ....... او واحدة فينا مخنوقة تبقي فسحتنا ع النيل ........... نتمشي ونتكلم ................ وكل واحدة تتكلم ف مواااااااااال بعيد .......... وماحدش يسمع التاني خالص ........... النيل بس اللي بيسمع دكتور ........ وبيعالج بالفضفضة شوفت يانيل ؟؟؟؟ حصل ايه ؟؟ وانا يانيل ...... شوفت عملت ايه ؟؟؟؟ وبعديها ........... اخد النيل كل الحمول ....... واحنا ؟؟؟؟؟ ندخل اي مول ؟؟؟؟؟؟ وعجبي اقتباس اللهم إرزقني بفرحة ... تجعلني أسجد لك باكية . رابط هذا التعليق شارك المزيد من خيارات المشاركة
mekkawy بتاريخ: 31 ديسمبر 2010 كاتب الموضوع تقديم بلاغ مشاركة بتاريخ: 31 ديسمبر 2010 (ليه يا بحر قاسي و كلك شجن ,,) من قصيده قديمة لنفس الشاعر ,, البحر يا مكي مايبقاش اسمه بحر الا بعد منتصف الليل ,, بينما المبتسم تزداد ابتسامته شيئا فشيئا في غموض ,,!! يا سلام عليك يا أبو الخيالات .. أهو ده عندنا في الأدب اسمه فلاش باك .. دايماً الواحد يعمل فلاش باك و هوووووب يصحى ع المايونيز .. أو غالباً ساعات بتكون عاوزين بامبرز :closedeyes: يلا كلنا لها يا عم أرش مكاوى .. فلاشات اقتباس رابط هذا التعليق شارك المزيد من خيارات المشاركة
mekkawy بتاريخ: 31 ديسمبر 2010 كاتب الموضوع تقديم بلاغ مشاركة بتاريخ: 31 ديسمبر 2010 ايه داااااااااااااا وسسسع وسسسسسسسسسسسسسسع ياجدع ايه الهنا اللى احنا فيه ده مكاوى وفتفوتة رجعوا فى يوم واحد ياااااااااااااااااه طب والله حاسة بفرحة زى مايكون اول طلعة لبحر اسكندرية وانا باغمض عينيا وباخد أول نفس طوييل بكل شوق لريحة البحر اللى بتغسل كل ذرة جوة كيانى ايوه كده ياجماعة نورتونا حمد لله ع السلامة يامكاوى نورت دايما موضوعاتك جاكوزية استرخائية بتغوص فى الحتة الصافية اللى جوانا الفاضلة أم مروان بنت بلدي شفتي بأة يا ستي الفقي لما بيسعد .... أكمل المثل السابق :) و الله زي متقولي كدة المحاورات دي بيتنا و الواحد ما يقدرش يغيب عن بيته كتير شكراً ليكي على التشجيع و يا ريت تعلمينا معاكي اتعلمتي ايه من البحر مكاوى اقتباس رابط هذا التعليق شارك المزيد من خيارات المشاركة
mekkawy بتاريخ: 31 ديسمبر 2010 كاتب الموضوع تقديم بلاغ مشاركة بتاريخ: 31 ديسمبر 2010 (معدل) ما معنى " عقل مثل الماء " ؟ يمكننا معرفة الاجابة عن طريق استعراض بعض خصائص الماء وتطبيقها على قلوبنا وعقولنا . الفاضلة دريم معايا كالعادة التميز عنوان لمشاركاتك .. مع اني مش قارئ جيد الا إني أظن ان الكتاب ده لابد انه يتقرأ لأن فعلاً لازم ننظر في الطبيعة من حوالينا و نتخذ من صفاتها صفات لينا .. ليه بأة؟؟!!! الطبيعة مستمرة من يوم ما ربنا خلقها .. مستمرة و هتستمر إلى أن تقوم الساعة الدنيا تولع الطبيعة موجودة .. الدنيا تتجمد الطبيعة موجودة .. نيازك تهبط عادي .. تسونامي يهجم .. مفيش مشاكل .. فلو الانسان يقدر يستمد صفاته الشخصية من صفات الطبيعة هيكون انسان متطور جداً .. و خاصة البحر .. البحر ملياااااااان حكم و فوائد بس اللي يقرأ مكاوى تم تعديل 31 ديسمبر 2010 بواسطة mekkawy اقتباس رابط هذا التعليق شارك المزيد من خيارات المشاركة
engmido بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 اهلا يا مكاوى عود احمد بس فيه مشكلة ...الجو اليومين دول برد وانا ما اقدرش اجى ناحية البحر الواحد كمشان تحت البطاطين والجواكت.. :happy: cld: اقتباس ﴿ قال رسول الله صلى الله عليه وسلم كلمتان خفيفتان على اللسان ثقيلتان فى الميزان حبيبتان الى الرحمن ﴾ رابط هذا التعليق شارك المزيد من خيارات المشاركة
عبير يونس بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 داخلة بس اقول يا 300 مليون ويلكم يا مكاوي باشا و لي عودة للحديث عن البحر بإذن الله تعالى اقتباس أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
Howayda Ismail بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 ياه انا حاسة ان البحر ده اتخلق عشانى ارتباطى به يمكن وانا لسة جنين مخرجتش للنور لنا صور وذكريات على البحر فى جميع مراحلنا المختلفة مع والدى الله يرحمه وباقى اسرتى حتى بعد زواجى اكتشفت ان زوجى لايقل عشقا للبحر والصيد واولادنا احبوه بالوراثة افتكر وانا طالبة كانت مدرستى على البحر كنت بانزل كل يوم الفسحة واصعد اربع ادوار للمبنى المقابل لاشاهد البحر والسفن فى الميناء فى الوقت اللى البنات بتجرى وتلعب فى الحوش وانا واقفة ابص على البحر وكثيرا مايضرب الجرس وانا مازلت واقفة مكانى فى فرحة غريبة لم اعرف سببها وعلى الرغم من تعرضى للغرق اكثر من مرة اخرها الصيف الماضى الا انى لااكف عن عشقه اونزوله الاهم انى استطيع رؤيته من نافذتى وكثيرا مااهرب من بحر احزانى واى هموم تلم بى الى بحر المياه ساعتها بس بانسى الدنيا وهمومى والاقنى فرحانة لانى مش بافتكر الا ذكرياتى الحلوة وياه لما اسمع صفير مركب اسيب اللى فى ايدى واجرى زى العيال ابص عليها وماادخلش قبل ماتغيب عن عينى حاسة ان ملامحه طبعت على شخصيتى فى كثير من صفاته من اول هدوءه وصفائه ... لحد ثورته وغضبه غير انى باخاف منه لغدره فهو قلاب ومالوش حبيب وخاصة انه ابتلع كثيرا من احبائه كل ده كوم والانغماس فى ميته شئ تانى كانها غسيل الروح حاجة كده اشبه باليوجا وكان الامواج مستنية تتلقف همومنا وتحدفها ورا ضهرنا وتبدلها رضا ان قد ايه ربنا كبير لانك مش بتشوف غير السما والمية اقتباس خواطر swan رابط هذا التعليق شارك المزيد من خيارات المشاركة
عنبو بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 احلى سهره على البحر م اغلى الاصحاب احلى سيجاره تشربها على البحر احلى ضحكه تضحكها على البحر احلى فضفضه تبقى على البحر احلى هزار وجرى وهبل يبقى على البحر بس البحر ميبقاش بحر الا لما يبقى مع الاصحاب اقتباس لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
عبد الله غريب بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 احلى سهره على البحر م اغلى الاصحاب احلى سيجاره تشربها على البحر احلى ضحكه تضحكها على البحر احلى فضفضه تبقى على البحر احلى هزار وجرى وهبل يبقى على البحر بس البحر ميبقاش بحر الا لما يبقى مع الاصحاب الصحبة حلوة بس ساعات البحر مابيبقاش بحر إلا لما تروحوه لوحدك و تقعد قدامه ماتتكلمش خالص بس تغوص فيه بنظرك و افكارك و حكاياتك .... و ذكرياتك. اقتباس http://www.youtube.com/watch?v=zenFkWcy4Os http://www.youtube.com/watch?v=PUhHj8it2Pk&feature=player_embedded رابط هذا التعليق شارك المزيد من خيارات المشاركة
mekkawy بتاريخ: 31 ديسمبر 2010 كاتب الموضوع تقديم بلاغ مشاركة بتاريخ: 31 ديسمبر 2010 (معدل) سلام عليكم و تصبحوا على خير و كل سنة و انتوا طيبين .. كل واحد ياخد بأة اللي يناسبه :) انت يا عم انت يا بتاع الـ smk: فضلاً ممنوع التدخين :P مس رضوى .. مسز مصرية متغربة (مبروك الأشكفة و لوانها متأخرة) .. مسز هند اللي نورت الموضوع بطلتها المميزة .. حبيبي المختصر انج ميدو .. عنبو الجميزاوي .. أخويا عبدالله الغريب .. يا مرااااااحب يا جفة مراااحب بالجميع و الله يا إخواننا الموضوع ده جالي النهاردة الصبح كدة .. رميت اتنين من إخواننا الحلوين في المطار الصبح و رجعت قعدت ع البحر و لقيتني رحت هناااااااااااك هناك خالص .. و لقتني مرتاح بس عارفين السر في ايه؟ الشاطر اللي رافع ايده في الاخر .. ها .. قول كدة ؟؟ شويبس :closedeyes: ؟!! لا يا عسل مش شويبس السر في العبودية .. أيون العبودية .. طب ايه اللي جاب العبودية هنا .. هنشوف لاحقاً ان شاء الله أصلاً الموضوع مش في البحر ولا في السماء ولا في الروف اللي فوق السطوح ... لا لا الموضوع مختلف تماماً .. الموضوع انك تفهم اصلاً انت ليه وصلت على البحر ده و ليه اصلاً غصت فيه بالشكل ده بصوا هأقولكم حاجة .. تعالوا نسبق واقعنا و نجري بسرعة نبص ع الماضي اللي هو الواقع اصلاً بس بقى ماضي لأننا سبقناه .... حد فهم حاجة؟ هأسبق و أقولكم مكاوى تم تعديل 31 ديسمبر 2010 بواسطة mekkawy اقتباس رابط هذا التعليق شارك المزيد من خيارات المشاركة
عبد الله غريب بتاريخ: 31 ديسمبر 2010 تقديم بلاغ مشاركة بتاريخ: 31 ديسمبر 2010 (معدل) بصوا هأقولكم حاجة .. تعالوا نسبق واقعنا و نجري بسرعة نبص ع الماضي اللي هو الواقع اصلاً بس بقى ماضي لأننا سبقناه .... حد فهم حاجة؟ هأسبق و أقولكم مكاوى ربنا يسامحك يا مكاوي .. كده تعملها فينا ع آخر الليل .. طب الواحد يجيله نوم ازاي دلوقتي ؟ يعني مالقيتش غير النسبية لأينشتاين علشان تشغلنا بيها دلوقتي ؟ و كمان بالمثل اللي انت قولته و اللي يحتاج دماغ عالية قوي عشان نتخيله يبقى نقدر نقول ان مافيش نوم الليلة دي .. بجد ربنا يسامحك. تم تعديل 31 ديسمبر 2010 بواسطة عبد الله غريب اقتباس http://www.youtube.com/watch?v=zenFkWcy4Os http://www.youtube.com/watch?v=PUhHj8it2Pk&feature=player_embedded رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.