mekkawy بتاريخ: 1 يناير 2011 كاتب الموضوع تقديم بلاغ مشاركة بتاريخ: 1 يناير 2011 السلام عليكم بولولؤ .. بولولؤ .. بولولؤ غطسااااااان .. بس مش غرقاااان عشان بتفرق . أوكشن؟ امتى بأة البحر بيقلب عليك و يديك على دماغه و امتى بيعملك خده مداس و يديط خيراته .. الحقيقة أنا جربت كتير أوي .. و أكتر من التجارب دي كان البحر بيبقى قالب عليا و بيديني على دماغي .. عشان انا ببساطة فاكر اني هأقدر أعو بشطارتي و جدعنتي و الحاجات دي .. و اكتشفت ان سكة البحر سكة تانية خالص .. انت تطلب السباحة من اللي خلقك .. اصل سباحة عن سباحة بتفرق ... اه و الله .. في ناس بتعوم عوم ترع (بسموه ساعات كلابي) و في ناس بتعوم باحتراف .. انا بقالي سنتين بأعوم كلابي .. لسة بادئ اليومين دول أعوم باحتراف لأني أصلاً كنت سباح قديم .. المهم .. انا عاوز أقول كل يوم بس حتة كدة عن البحر و منه مكاوى اقتباس رابط هذا التعليق شارك المزيد من خيارات المشاركة
nagham hady بتاريخ: 1 يناير 2011 تقديم بلاغ مشاركة بتاريخ: 1 يناير 2011 البحر البحر دة اسرار البحر اصله سر كبير وماحدش قدر يفهمه كام غواص حاول يكتشفه ؟ كام سباح حاول يعديه ؟؟ كام عالم حاول كشف اسراره ؟؟ صعب اوي اقدر اأمن للبحر صعب اوي اقدر اتوقع تصرفاته اختي بتحب العوم جداً دايما تقول : يلا نشوف التيار فين ... لو هنقدر نعانده يبقي نعوم ضده .. ولو خايفين علي نفسنا يبقي خلينا معاه خلينا معاه بس بشرط نكون عارفين رايحين فين وامتى هنقف وامتى نرجع ... ولما نحب نرجع اكيد ساعتها هنعموم عكس التيار فيترى هنقدر ؟؟؟ طول عمري بخاف ومابقدرش اعوم لوحدي ... كنت بتشعلق علي كتفها زمان وهى تعوم بيا وتفرح اوي بالمياه دلوقتي هي ليها مواعيد علشان تنزل براحتها ... وانا اخري اتفرج علي المياه وجمالها من بعيد بحس ان جمال البحر لما اكون لوحدي ... برة ع الشازلونج ... ولابسة نضارتي السودا بتفرج عليه وبكلمه في سري تأمل مع ريحه اليود .. مع صوت الامواج هو دة البحر اقتباس سبحان الله وبحمده سبحان الله العظيم رابط هذا التعليق شارك المزيد من خيارات المشاركة
عادل أبو عمر بتاريخ: 2 يناير 2011 تقديم بلاغ مشاركة بتاريخ: 2 يناير 2011 السلام عليكم و رحمة الله و بركاته حمدالله ع السلامة يا مكاوي ... صدقني أنا بحبك في الله ... أي نعم أنا لسة مستجد في المحاورات لكنك واحد من المقربين إلى قلبي ... كلامك داحل ع القلب دوغري من غير مقدمات ... حاسس كأنك بلدياتي .. برغم إني مش عارف إنت منين .. زي ما بيقولوا فيه أكلة فيها نفس .. فيه برده قعدة فيها نفس ... فيه نفس و ونس جميل في الكلام معاك .. دي مجرد انطباعات من مداخلات قريتها ليك .. و لا نزكيك على الله أكلمك عن البحر ... بحري ... هو بحر العمر ... اربعين سنة ... لا أستطيع أن أسجل عنها أربعة صفحات ... كأنها لمحة عين .. هذا ما أذكره عن نفسي ... لكن طبعا للملكين رأي آخر ... فما يلفظ من قول إلا لديه رقيب عتيد .. ربنا يرحمنا برحمته و يحسن ختامنا ... و عن البحر المعروف للجميع ... فهو عشق العين و هوى القلوب وراحة النفوس ... في الليل ... مع الشروق ... مع الغروب ... مع أمواجه ....مع سكونه .. على شاطئه .. و في أعماقه ... لكن كل هذا الجمال لا يقارن مع احساس واحد ... مع شعور واحد ... عندما يتعلق أولادي برقبتي خوفا من الموجة الصغيرة ... فهو بحر عمرهم الصغير قد اتصل ببحر عمري العجوز فصار للبحر معنى مختلف ... الآن أستطيع أن أكتب مجلدات عن بحر العمر و عندما تتواصل البحور ... لتصنع بحر كبيرا ... هو بحر الحياة اقتباس رابط هذا التعليق شارك المزيد من خيارات المشاركة
mekkawy بتاريخ: 2 يناير 2011 كاتب الموضوع تقديم بلاغ مشاركة بتاريخ: 2 يناير 2011 السلام عليكم الفاضلة نغم .. نورتي البحر بغطستك العميقة :) بس متعوميش ضد التيار كتير عشان ... مش حلووووو علشانك :happy: الأخ الكبير سناً و مقاماً عادل أبو عمر أكثر فيمن لا يستحق الكثير .. الله يكرمك و يعزك و يرفع شأنك .. الحمد لله الذي فتح لنا القلوب نتبادل محبته فيما بيننا أنا مبسوط جداً إن حضرتك أول واحد يختار بحره هو .. البحر الخاص بيه و اللي شايف انه غطسام فيه .. هو ده هدف الموضوع أصلاً إننا نشوف إحنا غطسانين فين .. في أنهي بحر .. و بالمرة نتعلم من البحر الكبير .. شكراً أستاذي مكاوى اقتباس رابط هذا التعليق شارك المزيد من خيارات المشاركة
mekkawy بتاريخ: 2 يناير 2011 كاتب الموضوع تقديم بلاغ مشاركة بتاريخ: 2 يناير 2011 البحر ..... العطـــاء أجمل حاجة اتعلمتها من البحر هو العطاء .. العطاء بدون مقابل .. أينعم العطاء بدون مقابل هو شئ مهلك للنفس البشرية .. خاصة إن النفس البشرية لا تحب العطاء أساساً لأنها نفس جاحدة و جهولة .. لكن أنك تقاوم نفسك و تجبرها على العطاء .. شئ رائع مش شرط العطاء يكون مادي .. بالعكس .. أنا أقصد أكتر العطاء المعنوي و ده أصعب و أشد على النفس .. و في نفس الوقت جزائه أكبر و أحسن. شوف البحر كدة .. بيديك سمك .. يود .. نفس نضيف .. متعة حسية و بدنية .. بتعوم فيه .. بتتمتع بألوانه .. صوته بيهديييييك .. اسمه كدة (وششش وشششش) اتسترا اتسترا اتسترا قولي بأة اديت ايه للبحر ... ولا حاجة .. اللهم إلا كيس شبسي أكلته و رميته فيه :blush2: كتخفش مش هألومك .. بس هأسألك .. عمره بأة زهق منك .. مش كل مبتروح تقعد معاه شوية بتروح و انت معاك سمك و هدوء و حب ساعات و سكينة و هموم رمتها فيه؟!! رسالة اليوم ...... خليك بحر .. روق كدة و اهدى و خليك بيـــــــس .. ادي و متستناش حاجة من حد .. صدقني هتستريح أوي و الله يا ..... يا بحر مكاوى اقتباس رابط هذا التعليق شارك المزيد من خيارات المشاركة
قلب ابيض بتاريخ: 3 يناير 2011 تقديم بلاغ مشاركة بتاريخ: 3 يناير 2011 ابو سلمى الغالى ... غرقت المنتدى ميه جاكوزى وبحر وما خفى كان اعظم لكل منا بحوره التى يبحر بها ..شئنا ام ابينا صار لزاما علينا الابحارومن لا يجيد السباحه حتما سيكون مصيره الغرق ماذا لو القيت فى بحر ولم تكن تعلم عن العوم شيئا ؟؟ ترى هل ستنازع للوصول ؟ هل ستحاول ان تطفو فوق الماء فقط معتمدا على الرياح توجههك؟ ام تبتكر الحركات للتحرك او تجتاز اى مسافه قد تقترب بها الى بر الامان؟ ام انك ربما ستستسلم للتيار وفق ما يهوى ان يذهب بك ؟؟؟ وماذا لو كنت ربان سفينه ما كتب عليهاالابحارفى هذا البحر؟؟ السفينه وما عليها مسئوليتك انت؟ هل ستتركهم يفعلون ما بدى لهم انه المنقذ لهم ؟ ام ستمارس سلطتك المخوله لك وتستاثر بالقرار؟؟ احيانا تجد نفسك ربان واحيانا تكون ضمن الركبان ..وفى كل الحالات انت انسان ...لك مشاعرك وانفعالاتك وسقطاتكطتصيب وتخطىء تفشل وتنجح... انسان اجمل ما اراه واشتاق اليه بالبحر هو التأمل مناجاه خالقى البكاء بصوت مرتفع وربما الصياح احيانا اخذ من البحر هياجه وقت غضبه امواجه النتلاطمه هى مشاعرى المتضاربه دوامته هى صراعى اناجى ربى باكيه متوسله ضعيفه جداااا امام البحر ابكى حتى تكاد دموعى تختلط بمياه البحر فيحن البحر على ويهدىء واهدىء معه ...اعود الى ادراجى وكأن شىء لم يكن وموجه رايحه وموجه جايه ........هى دى الدنيا هو ده البحر بتاعى شكرا مكاوى . اقتباس رابط هذا التعليق شارك المزيد من خيارات المشاركة
mekkawy بتاريخ: 3 يناير 2011 كاتب الموضوع تقديم بلاغ مشاركة بتاريخ: 3 يناير 2011 (معدل) الفاضلة قلب أبيض بقالي يومين بأدور أعمل ايه في الموضوع عشان أثريه .. بس خلاص كدة مش هأدور تاني .. مشاركتك حية أوي و من القلب أوي و حابب أرد عليها أوي و على أسألتها القيمة .... يمكن أتعلم و نتعلم كلنا منك ماذا لو القيت فى بحر ولم تكن تعلم عن العوم شيئا ؟؟ هأتعلم بأة ما خلاص الفاس وقعت ف الراس ترى هل ستنازع للوصول ؟ أكيد هل ستحاول ان تطفو فوق الماء فقط معتمدا على الرياح توجههك؟ لا .. هأوجه نفسي و أستعين بالرياح في كدة ام تبتكر الحركات للتحرك او تجتاز اى مسافه قد تقترب بها الى بر الامان؟ هأبتكر و أفتكس و أعمل قرد و اشتقلب في المية بس المهم أوصل .. بالحلال ام انك ربما ستستسلم للتيار وفق ما يهوى ان يذهب بك ؟؟؟ لأ .. مش وارد الاحتمال ده وماذا لو كنت ربان سفينه ما كتب عليهاالابحارفى هذا البحر؟؟ ما قلنا خلاص الفاس وقغت ف الراس و ما بقاش ينفع أنزل و بقينا في عرض البحر السفينه وما عليها مسئوليتك انت؟هل ستتركهم يفعلون ما بدى لهم انه المنقذ لهم ؟ لأ طبعاً .. مستحيـــــل بس مش هأقهرهم .. شوفي كل سفينة فيها نص عاقل و فاهم و نص مجنون و مش فاهم .. لو العاقلين سابوا المجانين الكل هيغرق .. و هأشرح الحتة دي منفصلة ام ستمارس سلطتك المخوله لك وتستاثر بالقرار؟؟ ده أنا أمارس و أمارس .. المهم نوصل كلنا لبر الأمان .. بس مش هأمارس الديكتاتورية .. كله بالديموقراطية لكن القرار لواحد فقط .. ربان السفينة مكاوى تم تعديل 3 يناير 2011 بواسطة mekkawy اقتباس رابط هذا التعليق شارك المزيد من خيارات المشاركة
mekkawy بتاريخ: 3 يناير 2011 كاتب الموضوع تقديم بلاغ مشاركة بتاريخ: 3 يناير 2011 Uploaded with ImageShack.us اقتباس رابط هذا التعليق شارك المزيد من خيارات المشاركة
رضوي بتاريخ: 7 يناير 2011 تقديم بلاغ مشاركة بتاريخ: 7 يناير 2011 ربما كانت الحياه بــــــــــــــــــــــــــــحر ولكنه بحراً عميقاً ......... وليس عقيماً بحراً ........... يتطلب من سباحيه مهارات مختلفة ....... كلٌ وفقاً لقدراته وميوله فلو كنت تهدف الي وصول اليابسة بأمان ........ فعليك اتباع التعاليم ..... والتعاليمات دستور البحر هو ( الشريعة ) والغاية النهائية لابد ان تكون (رضا الله ) اذن انت الآن مستعد للاقلاع ........ وعليك ان تختار هل سبحر بتلك السفينة العملاقة ؟؟؟؟؟ أم ستفضل الاشتراك في سفينة اقل حجماً ولكن لك مركزاً فيها ؟ أم ستصنع لنفسك قارباً صغيراً تشارك شخصاً في قيادته ؟؟ أم انك من هواه السباحة ؟؟؟؟ نعم انـــــــــــــــــــــا !!!!!!!!!!!!! انا من هواه السباحة .......... لاادعي اني محترفة ..... ولكني فقط امتلك القدرة .... القدرة علي السباحة علمني اياها والدي - بارك الله فيه - واشترك مع امي في وضع الاسس والاساسيات ....... رسما لي خارطة الوصول واعطوني الدستور وتركا لي حرية الاختيار ........... اختيار الطريق ....... والاستعانة بالوسيلة المناسبة ........ كلاً طبقاً للدستور علماني السباحة وسبحا معي في بداية طريقي ....... ولما قويت عظامي ......... تركاني اسبح بمفردي - اطال الله عمرهما - ينظران اليً من بعد ...... وكلما شرد ذهني ينظرا الي عيني نظرة ادري معناها علمني البحر .......... أن الخالق رحيم ........... علمني البحر ...... ان الرزق مكتوب علمني البحر ان الحياه رزق علمني البحر ان العند يورث الكفر علمني البحر ..................... أن عليً ان اختار أنسب الاوقات للصيد !!!!!!!!!!!! فالبحر ليس معطاءً بطبعه .......... ولكنه يعطي بأمر الرزاق علمني المرونة ............ علمني التحدي ............ علمني الطموح ......... علمني الامل في احلك الاوقات ظلمة علمني الكثير والكثير ومازلت اتعلم السباحة في بحر الحياه فلم يحن الوقت بعد لاْشارك في بناء قارباً صغيراً وأشارك في ادارته ولكني ادون كل ماتعلمته من والداي حتى اعلمه لأولادي ........ بعدما اصنع قاربي ........ اريدهم ابطال سباحة اقتباس اللهم إرزقني بفرحة ... تجعلني أسجد لك باكية . رابط هذا التعليق شارك المزيد من خيارات المشاركة
mekkawy بتاريخ: 7 يناير 2011 كاتب الموضوع تقديم بلاغ مشاركة بتاريخ: 7 يناير 2011 السلام عليكم كثيراً ما أجلس أمام البحر أخاطبه و أشعر به يرد على خطابي و ذات يوم جلست و كان مني له كلام كثيير كثيير فكان مما قلت له .. متى يا بحر .. متى يا بحر أرى إخواني كما أتمنى .. لدي رسالة يا بحر هلا حملتها لإخواني المخلصين .. متى أراهم شاملين .. لا مفرطين ولا مُفرطين .. متى يا بحر أراهم منتجين .. متحابين ليسوا متناحرين .. متناغمين متضامنين .. رحماء فيما بينهم بغيرهم راحمين .. متى يا بحر أراهم متميزين ..بعقولهم سابقين و بدينهم معتزين .. أترانا يا بحر سنكون معاً أقوياء منتصرين .. هل سيحذو حذونا الأولين و الآخرين .. أحب أن أرى إخواني هادئين مهذبين منظمين.. أن أراهم شامخين فرحين بما آتاهم ربهم .. مصلين صائمين قائمين .. متقدمين ليسوا بمتخلفين ولا متأخرين .. مواكبين عصرهم بل .. سابقين. يااااا بحر .. هلا بلغتهم عني؟ مكاوى اقتباس رابط هذا التعليق شارك المزيد من خيارات المشاركة
م تيمور المراغي بتاريخ: 7 يناير 2011 تقديم بلاغ مشاركة بتاريخ: 7 يناير 2011 الغريب يا مك انك امبارح كنت الوحيد اللي فينا اللي مديله ضهرك !!!!! اقتباس المجد لولادك المخلصين ... رابط هذا التعليق شارك المزيد من خيارات المشاركة
mekkawy بتاريخ: 7 يناير 2011 كاتب الموضوع تقديم بلاغ مشاركة بتاريخ: 7 يناير 2011 الغريب يا مك انك امبارح كنت الوحيد اللي فينا اللي مديله ضهرك !!!!! الغريب يا هندسة انك الوحيد اللي أظنه شاف الكلام ده في عيني و الله يا تيمو صدري تقيــــــل .. تقيل أوي .. حزيــــــن .. حزين أوي .. تخيل و انا مديله ضهري بس نازلين رغي أنا و هو و بعدين يا عم انتوا مجبتوش كراسي زيادة :happy: أنا هأعملكم ايه يعني مكاوى .. تعباااان اقتباس رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.