حملة ضد شركة موبايلى على اعلان الشركة عن المصريين

[abohaya]

السلام عليكم

بعد اذن المشرفين ساقوم بوضع رابط عن اعلان موبايلى الجديد لخدمة حلا دولى لنرى اهانة موبايلى لكل المصريين باعلانها التافه وقارنوا الاعلان الموجه لتركيا او الاوردو والاعلان المصرى حيث تركز الكاميرا علة وجه المحيطين بالمصرى الذى يتكلم ويغنى وانظروا نظرات الاحتقار له عكس الاعلانات الاخرى

الرابط

http://www.youtube.com/watch?v=OpCqiQ63hao

وللعلم يوجد حملة على الفيس بوك لمقاطعة موبايلى من المصريين اذا لم يتم الغاء هذا الاعلان المهين والاعتذار للمصريين

http://www.facebook.com/pages/hmlt-dd-shrkt-mwbayly-ly-alan-alshrkt-n-almsryn/164457983598287

[doha]

وانا معاك في دعوتك ..

شفت الاعلان ده امبارح بالصدفة وكنت قبله شفت نفس الاعلان بس موجه للسودانيين .. فيه سوداني بيغني والي حواليه مش مهتمين وعادي جدا بينما في الاعلان المصري بيتكلم بطريقة غريبة ونظرات ( الاشمئزاز ) منه واضحه على من خلفه وهو الامر الي مكانش موجود خالص في الاعلان السوداني ..

بصراحه قمه قلة الذوق ولابد من وقفة مع الشركه ..

[اكون او لا اكون]

طبعا اعلان زبااااااااااالة جدا واهانة وانا واللهي مهستخدم موبايلي دي خالص هنا انا معايا 3 خطوط كلهم سوا ولابد من وقفة يا جماعة جايبين واحد بيتكلم بلهجة زبالة ويغني والناس مش مستسيغه كلامة خالص ومشمئزين منة اية القرف دة ؟؟

[capitshino]

تفتكرو ليه شكرة كبيرة زى موبيلى تعمل اعلان زى ده ؟

[اكون او لا اكون]

ماهو بردوا الشركة معلمتش الاعلان دة بالسعودة يعني مش كل موظفين الاعلان سعوديين وشوفوا البطل

ماهو بطل الاعلان كلب مصري خد له قرشين وهان نفسة ولهجة العامية المصرية وابوة وامة يعني مش اللوم ع الشركة لوحدها زي ماكتير من المصريين هنا بيضربوا في بعض وبيسيئوا لسمعة بلدهم

[fatfouta]

اعلان مستفز ومن اول ماشوفته حسيت ان فيه استهزاء بس هو فعلا الحق على اللى رضى يعمله ويعوج فى لسانه قوى ويطلع نفسه اهبل وسط الناس ويخلى السعودى اللى وراه يبص له باحتقار

طب شوفته الاعلان الهندى او اليمنى؟؟؟؟ ليه بقى مافيش وراء الموديل اللى عملوا الاعلانين ناس بتبص بالطريقة دى

وارجع واقول فعلا اللى يرضى يعمل حاجة ذى كده هو اللى غلطان لانه مش بيضر نفسه بس ده بيضرنا كلنا

وكمان عاوزة اقول حاجةاحنا المصريين ايوه دمنا خفيف لكن مانقبلش ان حد يستخف دمه علينا

تم تعديل 31 ديسمبر 2010 بواسطة fatfouta

[محمود الطاهر]

لازم كلنا نقاطع الشركة الزبالة دى و لازم حد من الاعلام المصرى يثير الموضوع

[أسد]

دأب الخليجيون على هذا النهج منذ زمن

ونحن نعطيهم الفرصة

ويتعاون معهم البعض من أجل المال

حاجة تقرف

[أسد]

للتذكرة

موبايلي هي نفسها شركة اتصالات في مصر

[adrianocrespo]

السلام عليكم

الاعلان مستفز للغايه

و اكثر استفزازا عندما نقارنه ببقيه اعلانات الدول

اترككم مع رابط لجميع اعلانات حلا موبايلي و قارنوا بين نظره المحيطين و خاصه السعوديين لكل من يغني من الخمس جنسيات

مصري - يمني -تركي-هندي-سوداني

جميع دعايات موبايلي حلا دولي mobily hala

[fatfouta]

[سؤال محيرنى احنا ليه دون الجنسيات الاخرى مهضومة كرامتنا

ده لان الناس مش فهمانا

وال احنا مش فاهمين وال حكومتنا هى ال مش فاهمة

عشان شركة المفروض بتعمل دعاية لمنتجها تستهين بينا كدة

ويمكن ال مشغل الشركة دى مهندسين مصريين

دعوة للجميع فعلا لمقاطعتها

خاصة ان زين وسوا لهم نفس العروض وميزات احسن

وربنا يشفى العبيط ال عمل الاعلان ده

هى مالها الحكومة باللى عمله واحد ماحترمش نفسه عشان الفلوس وذى ما قال استاذ أسد بعضنا بيطاوع الخليجيين للاستهزاء بينا من اجل المال...للأسف

ومش عشان حكومتنا مالهاش لزمة يبقى كل حاجة هنرميها عليها

احنا لو احترمنا نفسنا شوية ومارضيناش نتهان عمر ماحد هيهضم حقنا

[Diab]

طيب كنت تجي بدري شوية أنا لسة محول من stc ل موبايلي النهاردة :happy:

[moory]

انا متهيألي مسؤول التسويق في الشركة نزل قدام باب الشركة و قال استلقطلي اول واحد مصري معدي،

وعلى حظه الهباب، وقع في ايدو البني ادم ده،

و مش بعيد يكون الحوار الي دار بينهم حاجة زي كده...

مسؤول التسويق واقف قدام باب شركة الاعلان و الجو حررر في الرياض، لقى واحد معدي من بعييد..قام نادم علييه

مسؤول التسويق: مسااك الله بالخير

بطل الاعلان: هلا والله..أمر يا توييل العمر

مسؤول التسويق: ترا والله نبي نسوي اعلان لموبايلي و نبي بطل لهذا الاعلان (شغل مسوقيين)

بطل الاعلان وعلى وشه ابتسااامة عريضة و بقه من ودانه لودانه التانية: عيووووووووووووني ليييك يا باشا

مسؤول التسويق: وراح نعطييك...

بطل الاعلان راح مقاطعه: انا ماخدش في الليلة دي اقل من عشششرين جنييه

مسؤول التسويق: يالا يا اخووي

وطبعا اكييد الحلامة اشتغلت طوول الوقت، احلام الشهرة والمجد...دهب، ياقوت، مرجااان.....

و على رأي كابتن محمود بكر لما كان بيحكي على السيد المندوه لعيب بني عبيد لما جااب جون في الزمالك في كاس مصر "هيقعد يشيش و يشرب كباة الشاي على القهوة و يحكى لزملاته انو عمل اعلان لموبايلي"

ماكانش عاارف ان الاعلان ده فااااشل..فاااااشل..فااااشل