نفسي اكــــــــــــــــــــــــــــــــون

[nagham hady]

صباح الخيرات

كل سنة وانتوا كلكم طيبين

موضوع حلو اوي يارضوي

نفسي اكون ......... ناجحة ف حياتي

نفسي اكون ......... محبوبة من كل عيلتي

نفسي اكون ......... البيرفكت في مجالي

نفسي اتخرج بقي واشتغل ...... واثبت نفسي

نفسي اكون عون لبابا وماما

وحضن لاخواتي

نفسي اكون حاجات كتير اوي

والاهم حلمي الخيالي ........ نفسي اكون ذات القدرات الخارقة

اه عايزة اكون سيبايدر ليدي

شكراً يارضوي علي موضوعك الجميل دة

ويارب تحققي كل امنياتك

اختك نغم

[رضوي]

السلام عليكم ورحمة الله وبركاته

الفاضلة أهات الروح ( اسم جميل )

اهلاً وسهلاً بيكي ........ وان شاء الله تقدري تكوني زي مانفسك تكوني

ربنا يحققلك كل امنياتك يارب

ويسعدك

الفاضلة نغم هادي

شرفتينا ........ وان شاء الله تقدري تحققي كل اللي بتحلمي بيه

تحياتي

[رضوي]

نفسي أكـــــــــــــــــــــــــــــــــــون

أمل لبكرة

بني ادمة مفيدة اوي

أمه طائعة لا تعصى الرحمن

قوة لنصرة المظلومين

زوجة لانسان مرموق وعظيم

أم لأبناء متقين للرحيم

بنت يدخل والديها الجنة بسببها

نفسي اخلص من جبل المراجع اللي ادامي ومش عارفة اتحرك ولا اعمل اي حاجة بسببه

هرفع ايدي للسماء واقول يااااااااااااااااااااااااارب .......... انت الرحمن الكريم ساعدني وقويني

[hOuSsAm]

نفسى بجد بجد ........ أحفظ القرآن وابقى ماهر فى قرآته

نفسى أخلص شهادتى عشان اشوف اللى بعده

تفسى اقضى اسبوع فى بلد فلاحيين (يكونوا فلاحين بيور) وعاللمبة الجاز والبيت اللى بالطوب اللبن

ومفيش كمبيوتر ولا نت ولا اجهزة كهربائية تبقى حياة طبعية بيور وافضل نايم واقوم من غير منبه ينططنى من عالسرير ولا رنة فى نص الليل تقلق منامى واقوم مش عارف احنا امتى واقضى احلى وقت فى وسط الاراضى واشرب احلى لبن عالصبح واغنى اغنية طلعت يا محلى شمس الشموسة :)

ونتلم دايرة عالسفرة ناكل ونستمتع باللمة ومش مهم الاكل ايه بس المهم فى الضحك واللمة

لو سالتونى دلوقتى

نفسى اقضى ليلة مع والدى ووالدتى واخواتى وومراتتهم وولادهم (لمة العيلة واحلى عيلة)

قلبتوا عليا المواجع ربنا يسامحكوا

[جسار]

نفسى أخس .....

[لماضة مصرية جدا]

السلام عليكم و رحمة الله و بركاته

حلوة الحتة دي

يا تري عشان نكتب كل احلامنا اللي مخبينها جوه صندوق روحنا...عشان لو في يوم تاهت مننا نلاقيها و نفتكرها و نفضل نفتكر ان لسه فيه معركة مستنيانا نحارب فيها

ممكن

طيب

الحقيقة انا نفسي

ابقي شخصية كارتونية

زي اللي بيطلعوا في اي فيلم كارتون

اصل اي فيلم كارتون نهايته بتطلع سعيدة....هو الفار و لا القط بياخدله كام غطا حلة في وشه علي كام دحرجة من ع السلالم بس لازم في النهاية بتقي سعيدة

نفسي في شخصية كراتونية.....عشان بتعرف تضحك من قلبها....و كمان بتسعد اللي حواليها....و بتخلي الضحكة تخش جوه قلوبهم بحركات سهلة و بسيطة

نفسي ابقي شخصية كارتونية عشان اللي بعرف اتفاهم معاهم هم الاطفال.....بحس ان دماغنا ذبذلبلتها واحدة...معندناش عقد الي مبيتفرجوش ع الكارتون

نفسي ابقي شخصية كارتونية...عشان كادر ابقي اميرة و الكادر التاني ابقي اسفنجة بتتكلم و الكادر التالت ابقي ساحرة شريرة

نفسي ابقي شخصية كارتونية.....عشان مهما الطفل كبر بيبقي لسه فاكر الامير الضفدع و سندريلا الحفيانة و السنافر اللي لابسين طراطير

يعني شخصية كؤثرة كده....كائن صغير يتعلم منها....يفكر...معاها....يحلم واياها و يصدق حلمه

هحلم و هآجي كمان شوية

كان معكم لماضة

ديزني لاند

من امام مراجيح مولد النبي...كفر ابو عجوة

فوتكم بعافية

[mekkawy]

من امام مراجيح مولد النبي...كفر ابو عجوة

فوتكم بعافية

يا حاجة يا بتاعة الأنميشين ... مالك و مال كفر أبو عجوة بأة .. أنا مكاوى اه بص ده نصي و النص التاني عجوة (حجازي الأصلي) و الدوار منصوب و الفطير رايح جاي .. وابجى تعالى صيف عندنا

فتكوا بعجوة ... يووو .. قصدي بعافية و سعادة و هناء و قوموا ناموا بأة

مكاوى

تم تعديل 7 يناير 2011 بواسطة mekkawy